Nagsama ang lakas at lamig ng hangin sa malawak na hacienda kung saan nakatayo ang dalawang magkaibigang Zeren at Kelly. Nakaupo lamang sila sa mismong lapag at hindi iniisip kung marurumihan ba ang kanilang mga suot. Kapwa kumukuha ng maliliit na bato saka iyon ipapatama sa isang bagay.
"Ang gulo no?" panimula ni Kelly na hindi man lang sinulyapan ang kaibigan.
"Ang alin? Ang plano? Wala pa naman tayo non," mahinang sambit ni Zeren habang hinahayaan ang buhok na mapunta sa kaniyang pisngi habang humahangin.
Malakas na napabuntong hininga si Kelly habang titig na titig sa kalangitan, makakapal ang ulap ngunit maliwanag. Ganito na ang nakagawian nila sa tuwing may gumugulo sa kanila mga utak. Ang magpahangin sa labas at nagbabakasaling baka dalhin ng hangin na iyon ang kanilang mga pangangamba.
"Ang sitwasyon. Ang gulo," pagtatama nito saka muling kinuha ang bato. "Wala naman tayong kinalaman sa gulo nila, pero bakit kailangan nating madamay? Hindi ba pwedeng mamuhay na lang ng normal? Yong walang gulo. Yong hindi nagtatago," mahabang sabi nito saka ibinato ang hawak.
Titig na titig lang sa kaniya si Zeren na walang maisagot, dahil pati siya ay naguguluhan. Iniisip kung ano nga ba ang nagawa ng mga Black Ficarro noon at gano'n na lang ang galit ng kanilang grupo, at ang masidhing kagustuhan na patayin ni Armando.
"Kailangan e, kailangan nating gawin ito. Kakayanin mo bang makita ang mga magulang mong unti-unting pinapatay habang tayo ay nasa sulok? Para lang maligtas tayo? Mas gugustuhin ko pang ganito, kahit papaano ma-swerte tayo dahil hindi natin naabutan ang sinasabi nilang digmaan noon," salaysay ni Zeren dahilan para mapatayo si Kelly.
Napatingin ang kaniyang kaibigan sa kaniya nang kunin nito ang palaso sa isang gilid. Marahang lumakad at titig na titig sa madilim na paligid.
"Tama ka. Kahit papaano, ma-swerte pa tayo. Ramdam natin ang hangin ng kalayaan," sabi nitong napatingin sa gawing kanan.
Pinakiramdaman niya iyon saka inihanda ang pana at palaso. Wala itong ibang makita kundi hamog ngunit may naririnig siya at alam niyang may paparating.
"Maihahalintulad tayo sa isang ibon, malayang nakakalipad sa isang madilim at malawak na kulungan," banayad na bulong nito kasabay ang pagpapakawala sa palaso at pagtama nito sa isang makapal na hamog.
"Mawawalan ng hininga, habang mulat ang mga mata," makahulugang sabi nito saka tuluyang bumagsak sa paanan ni Zeren ang isang itim na ibon.
Ibong mulat ang matang nakatitig mismo kay Zeren at ang palaso ay nasa tiyan nito. Isang mabigat na paghinga ang iniwan ni Kelly saka binitawan ang palaso.
"Mali. Mayroon na siyang kalayaan. Iyon ang kamatayan," makahulugan nitong sabi saka sila nagtitigang dalawa.
Ang mainit na diskusyon ng dalawa ay dinig mismo sa loob ng mansyon kung saan nakikinig ang iba. Mapanlinlang ang bahay na iyon dahil kahit saan ka pumwesto ay mayroong mata at tenga. Tanging tingin lang ang nangyari sa pagitan ng mga magulang na nasa sala.
Pati ang mga batang nasa iba't-ibang bahagi ng mansyon ay narinig iyon. Ang dalawang kambal na si Nikasha ay natigil din sa ginagawang pagtingin sa papel. Samantalang si Veron ay nakasilip sa bintana kung saan tanaw na tanaw nito ang kapatid sa hacienda.
"Nikasha! B-Bakit gano'n?" nagmamadaling sabi nito saka tumabi sa kapatid niyang nasa study table.
"Ang?" walang ganang sagot nito.
"Silang dalawa, doon sa labas. Bakit gano'n sila magsalita? Sobrang lalim, napakatalinghaga, di ko sila ma-gets!" sigaw nito habang nagpapapadyak.
"Talagang hindi iyon maiintindihan ng mga tanga," normal na pagkakasabi nito saka muling nagsulat.
"Ang sama mo! Hindi ka na magkakaroon ng boyfriend niyan, bangag lang ang papatol sa'yo," bulong ni Veron saka pumunta ng terrace.
"Tawagin mo si Zeren may sasabihin ako sa kaniya," utos nito sa kapatid na panay ang pag-irap.
Maraming papel ang nakakalat sa study table niya, hindi malaman kung ano ang tungkol sa eskwelahan sa hindi. Ngunit base sa mga nakasulat doon ay karamihan sa mga ito ay mga impormasyon ng anim na bata. Bahagya pa itong natigil nang muli na namang umalingawngaw ang sinabi sa kaniya ni Zack.
"If I were you. Paniniwalaan ko kung ano ang kutob ko kaysa sa ebidensya."
Inis na ibinaba ni Nikasha ang hawak nitong ballpen saka ipinatong ang paa sa mesa. Parang lalaki kung umupo at kung manamit ay gano'n din. Hindi na niya alam kung sino ang kaniyang paniniwalaan, mangalap muna ng impormasyon ngunit iba ang tinuturan ng iba. Magtiwala sa kutob.
Sa gitna ng pagmumuni niya ay umilaw ang screen ng selpon nito. Rumihistro doon ang mensahe ni Mara at ang file nito. Mabilis agad iyon binuksan ni Nikasha at tiningnan ang ibang pagkakakilanlan.
Tatlo na ang kaniyang hawak, ang papeles na galing mismo sa skwelahan, galing sa mga pinasa ng anim na bata at ang binigay ni Mara ngayon na record galing sa huling skwelahan na pinasukan ng mga ito. Mas pinili niyang hindi na muna iyon buksan at ipagpahinga ang utak dahil sa dami ng iniisip.
Napatakip na lang ito ng tenga dahil sa sigaw ng kaniyang kapatid na tinatawag ang isang kambal.
"Gabi na Veron, itikom mo yang bibig mo!" sigaw ni Nikasha ngunit hindi siya pinansin ng kaniyang kapatid.
Ilang minuto pa ay nagbukas na ang pinto at iniluwa nun si Zeren na hinahanap agad ang mga kapatid.
"Tawag mo raw ako? Nagugutom ka ba?" mahinang tanong nito sa kaniyang kapatid.
"No. Tulungan mo sana ako rit—"
"Ay! Ako rin! Tutulong ak—"
"Hindi na Veron. Kaya na naman to," mabilis na saad ni Nikasha na mabilis na tumayo at kinuha ang mga papel sa mesa.
Bahagyang sumimangot si Veron, hindi niya alam kung bakit gano'n lagi ang inaasta ni Nikasha sa kaniya. Namamasa na ang mga mata ni Veron kaya ito tumalikod, napansin iyon ni Zeren kaya mabilis niyang kinalabit ang kambal.
Hindi rin masisisi si Nikasha dahil ayaw niya ng ingay, ayaw niya ang bunganga ng kaniyang kambal. Ngunit hindi niya rin ito matiis. Hinagis niya ang isang makapal na folder sa pwetan ng kaniyang kapatid na nakadapa na sa higaan.
"Ayusin mo yan, puntahan mo si Kuya Sevein. Magpaturo ka kung anong code ang gagamitin mo," utos nito saka iniwan ang dalawa sa kwarto.
Marahang naglakad si Zeren papunta sa kama ng kaniyang kapatid at mahinang tinapik ito.
"Sunod ka sa amin a, doon lang kami sa itaas." Yumuko ito sa tenga ni Zeren. "Kuya Zaffiro is there," nakangiting sambit nito saka umalis.
Nasa library lamang ang ibang mga bata, ginagawa ang ibang may kinalaman sa skwelahan habang ang ilan naman ay naroon lang. Kakaupo pa lang ni Zaffiro ay ang pagpasok naman ng iba lalo na ang kapatid niya.
"Paturo kuya, Calcu!" nakangiting bungad ni Lucas na nakaabot na ang maraming papel.
"Mag-e-engineer ka niyan? Tsk, do on your own, Egr. Arcus," ngising sambit ni Zaffiro dito.
Ang ilan ay nagsipuntahan na rin, pati ang magkakapatid na Ficarro. Umupo sa mga kaniya-kaniyang pwesto dala ang iba't-ibang papel o gamit sa eskwelahan.
"Nika!" tawag ni Lana dahilan para mapalingon ang tatlong magkakapatid.
"Ay, tatlo pala kayong Nika. Si ano, si Veron hehe," natatawang sabi nitong lumapit sa Isa na nakasimangot pa rin.
Abala ang lahat sa ginagawa nila maliban kay Zaffiro at Von na nagbabasa lang ng data. Bahagyang kinalabit ni Von si Zaffiro at inginuso ang hawak na papel ni Nikasha.
"Bakit nasa kanila yan?" pagtutukoy ni Von sa mga itim na papel.
Nangunot ang isang binatang bahagyang natigil sa pagbabasa saka tumayo. Iniwan si Von ng walang paalam saka lumapit sa tatlo. Kusang nagliwanag ang mga mata ni Veron habang pigil na pigil ang sariling gumawa ng ingay dahil sa pagbabanta ng kapatid niya kanina.
"Can I take this?" tanong ni Zaffiro sa tatlong nakatingin na sa kaniya.
Napatango naman si Nikasha at ibinigay ang isang papel. Binigay din ni Zeren ang isang hawak niya samantalang nang ilaahad ni Zaffiro ang kamay sa harap ni Veron ay kamay nito ang kaniyang ibinigay imbes na papel.
"The document, can I?" pagtatama ni Zaffiro kaya inalis iyon ng dalaga at pahampas na binigay ang mga papel.
"Damot, kala mo naman ang ganda ng kamay. Ma-ugat naman," bulong ni Veron na mabilis na tinawanan ni Keus.
Pinagsalit-salitan iyon ng tingin ni Zaffiro at ni Von na lumapit na rin, nagkatinginan pa sila sa isang papel na halos kakaiba.
"Same target name. But different information. Manipulation. You should check this one, Isa rito ang tama, pwedeng lahat ito ay mali," usal ni Zaffiro saka ibinigay ang papel kay Nikasha.
"Ganito ang technique. Kausapin niyo si Sevein tungkol sa code ng WIIQ2, kailangan niyo ng tiyaga para imbestigahan yang mga yan once na mabuksan niyo ang code. Mahirap i-access iyon. Mahalagang details lang ang ilalagay niyo para mabilis na lumabas sa monitor ang totoong profiles," suhestiyon ni Von na sinang-ayunan ni Nikasha.
"And one more thing. I will connect it in satellite para mapabilis ang trabaho niyo. Less pressure kung gagamitin natin iyon but you have to shut down all connection and network na pwedeng maka-apekto sa lahat ng lugar dito sa Pilipinas. We will help you so don't worry. I will guide you," mahinang sambit ni Zaffiro saka napatingin sa Veron na titig na titig lang sa kaniya.
"We will start tomorrow. I'll be working in my office then some of you are in different place. At exact one o'clock. I'll bet that we finish this in just six hours."