First Boyfriend
"Julie, excuse me lang ha, mag-si-cr lang ako!" malakas na sigaw ni Elyssa kay Julie. Kinalabit pa niya ang kaibigan upang mapansin siya nito habang humahataw ang katawan ito sa kakasayaw sa gitna ng sayawan at ang kamay ay may hawak na bote ng beer. Hindi sila magkakarinigan dahil sa lakas ng tugtog na pumapainlang sa malawak na solar ng bahay ni Jevy kung hindi siya sisigaw. Dalawampung minuto pa lang silang naririto pero marami na ang nainom ng kaibigan, samantalang siya ay nagkasya lamang sa pagsimsim ng orange juice na nakuha niya sa umiikot na mga waiter. Hindi mataas ang tolerance niya sa alcohol at ang malasing sa party ang isa sa iniiwasan niyang mangyari. Iba ang ginagawa ng katawan niya kahit tipsy pa lang siya.
Nilingon siya ng kaibigan na may malawak na ngiti sa labi habang sige pa rin sa pag-indak. Nang tumango ito ay nag-umpisang maglakad si Elyssa palayo sa gitna ng sayawan at hinanap ang daan patungong banyo. Nakasimangot siya habang naglalakad dahil hindi pa rin nahanap ng mata ang lalaking kanina pa hinahanap. Tanda pa niya ang pag-aya nito sa kanya kanina kaya't naiinis siya dahil hindi naman ito nagpakita simula no’ng dumating sila ni Julie sa party.
"Haist, lokong ‘yon ah. Ba’t ‘di na ‘yon nagpakita? Pinagtaguan na yata ako? Hindi ba siya totoo sa sinabi niya?" Himutok niya habang mabilis na naglalakad at inaayos ang suot na wig. Ginaya niya ang favorite anime character niyang si sailormoon. Hindi niya alam kung anong tumatakbo sa utak ni Jevy at anime ang theme na pinili nito sa graduation party nila. Laking pasasalamat iya at mayroon pa siyang nakatagong anime costumes na ginamit niya noong nag-aaral pa siya sa isa sa mga plays na sinalihan niya.

Napailing na lang ang dalaga nang muli na namang maalala si Jevy na mukha yatang pinagtaguan siya. "Naku naman. Kaya nga ako pumunta dahil sabi mo ako ang ka-date mo?" naiinis at nanlulumong bulong niya habang binabagtas ang daan papuntang banyo ng bahay bagama't palingap-lingap baka sakaling masulyapan kung nasaan ang binata.
Aktong liliko na siya papuntang kusina nang biglaang may makasalubong. Muntik pa niya itong mabunggo kung ‘di lang agad ito nakaiwas. Nanlaki ang mata niya sa gulat at bumilis na naman ang pintig ng puso nang mapagsino ang nakabungguan. Kaagad ding tumikwas ang labi niya nang tumambad sa kanya ang nakangiting mukha ni Jevy. Ginaya nito ang suot ng favorite anime niyang si Kaito Kuruba, minus the mask, dahil pinaikot-ikot nito iyon sa daliri.

"Oh my God, Here he is! The only man that can make my heart race..." Gustong magsumigaw sa sigla ang puso niya dahil sa nakakaakit na ngiti ni Jevy at sa nakakabighani ang angkin nitong kakisigan at halos hindi niya kayang alisin ang mata sa pagtitig dito.
"Ako ba ang hinahanap mo, my Sailormoon?" nanunuksong wika nito at iginalaw ang paa upang humakbang palapit sa kanya habang ang mata ay matiim na nakatitig.

Halos magkadikit na ang katawan nilang dalawa at langhap ni Elyssa ang amoy alak nitong hininga.

Napasinghap siya at mabilis na ikinurap ang mata upang itago ang paghanga bago ito sinagot.

"Huh? Ah... Eh kasi..." Inikot niya ang mga mata upang iwasan ang matiim nitong titig at nag-aapuhap siya kung ano ang sasabihin. Ngunit parang may magnet ang tingin nito dahil kahit anong pag-iiwas niya ay bumabalik at bumabalik pa rin ang mata niya kay Jevy. Ang makapal nitong kilay na pinaresan ng malalim na pares ng mata na kulay asul na tila nanghihigop kung makatingin. Fil-am ito kaya nakuha sa ama ang kulay ng mata. His pointed nose and his square jaw line that emphasizes how good-looking he is. His flushy cheeks na namumula na dahil sa nainom na alak na dumagdag sa pagiging mestiso nito. Lahat ng 'yon ay pinagpiyestahan ng kanyang mata.
When her eyes settled in his perfectly curved lips, her mouth dried like a crack in an abandoned land. Napalunok siya upang basain ang nanunuyong lalamunan. There's an urge inside her, para pagnasaan ang mga labi nito.
Issay! What are you thinking? Kissing him? Mahiya ka nga, wala kang karanasan! saway niya sa sarili. Hindi na niya mabilang kung ilang beses nang nagtalo ang isip at puso niya ngayong araw, pero alam niyang lamang ang sinasabi ng puso niya sa mga sandaling iyon. Ano ba kasi ‘tong pinag-iisip niya? Wala pa siyang naging boyfriend at wala pa siyang ka-ide-ideya kung paano humalik pero siya mismo ang nag-iisip na halikan si Jevy!.
"Done inspecting me?"
Napapitlag ang katawan niya at pakiramdam niya ay dumaloy ang init sa katawan niya at nag-settle sa pisngi niya upang mamula iyon. Napadiretso siya ng tayo at matapang na sinalubong ang matiim na mga titig nito. She can see his eyes dance in amusement.
"So you like staring at me huh?" tinudyo siya nito at yumuko upang lalong ilapit ang mukha sa mukha niya.

Nilabanan ni Elyssa ang titig nito at ang nagririgodon sa tibok ng kanyang puso bago ito sinagot.
"Hindi ‘no!" nakausli ang labing ingos niya pero hindi nakaligtas rito ang pamumula ng pisngi niya.

He chuckles and lifts his hand to caress her flushing face before speaking softly.

"Damn! You're so beautiful even when you're blushing!" Jevy’s soft touch gives Elyssa a tingling feeling that she couldn't help but hold her breath.

Hindi siya makasagot sa sinabi nito at lalo lang namula ang pisngi dahil sa init na dulot ng paghaplos ng daliri nito.

Kapagkuwan ay biglang sumeryoso ang mukha ni Jevy. Gone the smiling and teasing tone.

"I can't stop my heart from beating so fast just by your mere presence, Issay. I can't breathe. You're robbing the oxygen flowing inside me every time you are near. You made my day complete every time I see you're bright smile. It captivates me and I can’t help myself from falling deeply."

Lalong natutuliro ang dalaga dahil sa pinagsasabi nito. Her brain is spinning of too much emotions coming from Jevy’s words. Para siyang naestatwa at hindi makaimik habang nanatili lang na nakatitig dito. She leans on the wall on her side and firmly closes her fist to calm her rigid heart.

"Dios mio... Ano ba naman ‘to? Seryoso ba ‘tong mokong na ‘to? Ano ba’ng pinagsasabi nito?" Dumadagundong na sigaw ng utak niya.
Nang hindi pa rin siya makapagsalita ay nakangiti na nitong inilahad ang kamay sa kanya.
"Come with me Issay, I want to show you something!" Yakag nito at masuyo siyang hinawakan sa braso saka iginiya siya papuntang garden na matatagpuan sa likod ng mansiyon ng mga ito.
Wala siyang nagawa kundi tahimik na sumunod. Nakalimutan na niya ang pagpunta sa banyo at pinigil ang naramdamang tawag ng kalikasan.
Tahimik nilang binaybay ang hindi kalayuang hardin at nang makarating doon ay napaawang ang labi niya sa pagkamangha. May inihanda itong isang blanket na nakalatag sa damuhan at napapalibutan ng portable heartshape lampshade. Sa gitna ng blanket ay may maliit na mesita kung saan nakalagay ang isang bote ng wine at dalawang wine glass. May nakatakip na pagkain na hindi niya alam kung anong laman at ngayon pa lang ay kinakain na siya ng curiosity niya kung ano 'yon. Sa isang tabi na hindì sakop ng blanket ay may nakalatag na gitara, na sa hindi malamang dahilan ay nakaramdam siya ng ka-excitiran.

"Wow... You prepared this?" she asked. She was still fascinated. Oo, may ideya siya kung anong ibig ipahiwatig ni Jevy pero ayaw niyang umasa, baka ma-dissapoint lang siya. Expectation always comes with dissapointment, kumbaga.

Inalalayan muna siya nitong makaupo sa blanket, indian style. Nang maayos ang pagkakaupo niya, akala niya ay aalis na ito sa tabi niya pero ganun na lang ang gulat niya ng bigla itong lumuhod gamit ang isang tuhod paharap sa kanya.

Bumilog na parang itlog ang mata niya nang tumitig dito habang nire-review sa isip kung anong ginagawa nito. Bumuka ang labi niya upang magsalita pero nilipad ng hangin kung ano man ang sasabihin niya.

Inabot ng binata ang palad niya at masuyong pinisil saka matiim na tumitig sa kanya.
"Issay, can you be my girl?" diretsang tanong nito. Bakas sa mukha ang kaseryosohan sa sinabi nito. "Can you be my date and be my happiness?" dugtong pa nito.

Napatulala si Elyssa sa sinabi nito at walang salitang namutawi sa bibig habang nakatitig dito. Ang kaninang nagkakarerahang tibok ng puso ay lalo pa yatang bumilis at tinalo pa si Hamilton sa bilis ng pagpintig.

"Totoo ba talaga pinagsasabi nito? Gusto niya akong i-date at maging girlfriend?" Hiyaw ulit ng isip niya at hindi nakaligtas ang sinusupil na ngiti sa labi niya dahil sa pinipigilang kilig.

"Is that mean ok? Are you saying yes to me?" tanong nito. His voice was dancing in amusement. Marahil ay napansin ang lihim na pagngiti niya.

"Huh? Ahh... kasi..." Hindi niya alam kung ano ang isasagot. "Narinig ba niya ang sinabi ko? Baka isipin niya easy to get ako?" Sa isip-isip niya at bahagyang sumulyap dito. Yes, I’m falling for him, but I’m scared to commit in a relationship with him. Naiiba ang estado niya sa'kin. Hindi ako deserving maging girlfriend niya.

"No! I mean... Bakit ako? Bakit ang isang tulad ko? Marami namang iba diyan! Mas maganda at mas mayaman. Bakit ang isang simpleng tulad ko lang? Anong mapapala mo sa'kin?" naguguluhan pa ring tanong niya.
Humugot muna si Jevy ng buntong-hininga at marahang ibinuga saka tumabi ng upo sa kanya. Hindi mapigilan ni Issay ang mapapitlag nang maramdaman ang init ng katawan nito.

"Bakit ang isang tulad mo? Kasi ang isang tulad mo ang nagbibigay buhay sa patay kong puso. My heart is nothing, until it beat for you. Ikaw ang nagpapatibok nito, Elyssa. Wala itong kuwenta sa iba dahil ikaw na ang nakaukupa rito." Itinuro pa nito ang dibdib kung saan ang parte ng puso nito. "You'd been here, since four years ago." Matiim itong tumitig sa kanya bago inabot ang palad niya at marahang pinisil.

Hindi siya makasagot. Hindi niya alam kung ano’ng isasagot, kaya hinayaan niyang tumibok nang malakas ang puso na para bang ipinaparinig sa binata na iyon ang kanyang sagot.

"It's okay. I will wait for your answer. Hindi kita pipilitin." He said and took the glass of wine and poured it into the two empty wine glasses and handed her over the other.

"Drink?" He proposes.

Tipid siyang tumango bago tinanggap ang wine glass.

"Cheers?" She asked shyly.

Nakangiti nitong itinaas ang wineglass na hawak saka idinikit sa hawak niyang wineglass.

"Cheers! And congratulations to both of us!"
May bahid ng saya ang boses nito nang magsalita.
Pagkatapos lagukin ang alak ay kinuha ni Jevy ang gitara at nagsimulang tumugtog.
"Do you want to request a song?" malambing nitong tanong.
Tipid siyang ngumiti upang itago ang kilig. Sino ba naman ang hindi kikiligin sa isang guwapong katulad ni Jevy? At sino ba naman siya para tumanggi sa request nito?
Kunwaring nag-isip ng kanta si Issay pero sa sulok ng kanyang isip ay may kantan na siyang gustong ipatugtog kay Jevy.
"Ahm, okay... can you sing, Fall for you?" Medyo nakangiwi pang wika niya. This song has been one of her favorite songs since high school. "Do you know this song?"
Ngumiti ito at lumabas ang puti at pantay-pantay nitong ngipin saka kumindat.
"Anything for you, baby."
Sinupil niya ang ngiti sa labi dahil sa sinabi nito. Parang na short of breath pa siya sa kilig dahil nahirapan siyang makahinga.
"Okay, sing then."
Matamis itong ngumiti bago inumpisahan ang pagkaskas ng gitara.

Hindi mapigilang titigan ni Issay si Jevy habang kumakanta. Hindi niya mapigilang ngumiti habang nakatingin dito. Kahit nakapikit at concentrate ito sa paggigitara at pagkanta ay nakakaakit pa ring pagmasdan ang mukha nito. Bahagya lang niyang iniiwas ang tingin kapag nagmulat ito at tumitingin sa kanya.

Nakatitig lang siya kay Jevy hanggang sa matapos itong kumanta.
"Nagustuhan mo ba?"
Napakurap-kurap siya nang narinig itong magsalita.
"Yes. I'd love it!" aniya saka may sumingaw na matamis na ngiti sa kanyang labi. "Ang galing mo palang maggitara, saka ang boses mo, ang suwabeng pakinggan."
"So did you fell for me?" pilyong tanong nito bigla at inilapag ang gitara sa isang tabi.
"Oo...! Matagal na! Matagal na akong nahulog, kaso ‘di ako sigurado kung ako'y sasaluhin!"
Kinalma niya ang nakikilig na puso saka seryoso ang mukhang humarap dito.
"I have something to tell you."