"HOW dare you, Froilan!" Gigil na naibato ni Hannah ang hawak niyang cellphone. Tumama iyon sa pinto ng kuwarto niya.
Hindi pa nga siya nakaka-move on sa ginawa nitong panloloko sa kanya, ito na naman at inilagay siya nito sa isang sitwasyon na puro kasinungalingan.
Sobrang napakasakit na hindi man lang niya naisip na magagawa sa kanya iyon ng lalaking minahal niya. Kung siya nga ay nanatiling tikom ang bibig sa panloloko nito sa kanya upang huwag madungisan ang pagkatao nito lalo na sa showbiz, dahil kahit sinaktan siya nito inalala pa din niya ang career nito. Tapos ngayon, ito ang magiging kapalit sa pananahimik niya?
Hindi siya makakapayag!
AGAD na ine-off ni Amor ang tv ng makita ang anak na pababa ng hagdan. Ayaw niyang makita ng anak ang mga nasa celebrity news.
"Good morning ma," bati ni Hannah sa ina. Humalik muna siya sa pisngi ng ina bago muling nag salita. "Bakit ine-off mo ang pinapanood mo ma?"
"Ha? ah eh," agad na nag-isip si Amor ng idadahilan sa anak. "Ah e kasi, wala naman magan-"
"Ma, dont worry, alam ko na po." Tukoy niya sa celebrity news na napanood nito kanina. May pa 'the who?' pa kunwari obvious naman na siya ang tinutukoy ng celebrity anchor ng kabilang channel. Blurred pa ang mukha niya sa litratong pinakita sa screen ng tv, pero binanggit naman na long time girlfriend ni Froilan Dantes. "Alis muna ako ma,"
"Saan ka naman pupunta?" Takang tanong ni Amor sa anak. "Akala ko ba, ayaw mo munang lumabas?"
"Itatama ko lang ang mali ma,"
Nahulaan naman ni Amor kung ano ang ibig sabihin ng anak. Napasulyap naman si Hannah sa kamay ng kanyang ina ng abutin nito ang isa niyang kamay.
"Anak, huwag mo na lang patulan. Lilipas din naman yan. Makakalimot din ang mga tao." Pinisil-pisil pa ni Amor ang palad ng anak.
"No, ma!" Matigas ang tono ng boses niyang sagot. "Sumusobra na siya ma, hindi pa siya masaya na nasaktan niya ako. Tapos ngayon, nilaglag niya ako para lang sa sarili niya. Para pag takpan niya ang relasyon nila ni Maricar. Para saakin magalit ang mga tao, para lumabas na ako ang masama."
"Samahan na lang kaya kita anak," 
"Hindi na po ma," tanggi niya sa ina. "Sige po, alis na ako."
Tumalikod na siya at malalaki ang hakbang na tinungo ang pinto ng bahay nila.
"Anak!" Napalingon siya sa kanyang ina ng marinig ang pagtawag nito sa kanya. "Mag almusal kana muna."
"Hindi na po ma,"
"Hindi puwede. Hintayin mo ako diyan, mag baon ka ng sandwich at hot coffee. Kailangan may laman ang sikmura mo baka kung ano lumabas sa bibig mo mamaya."
Pasimple siyang natawa sa sinabi ng kanyang ina. Sasagot pa sana siya sa kanyang ina pero nawala na ito sa harapan niya. No choice siya, kaya hinintay niya ang kanyang ina.
Hindi naman nag tagal ay nakita niya ang kanyang ina na may dalang isang maliit na paper bag.
"Ito anak, kainin mo ito habang nasa biyahe ka ha. Iyong coffee mo, hindi masyadong mainit para mainom mo agad."
Inabot niya ang paper bag mula sa ina.
"Salamat po ma, the best ka po talaga." Nakangiting sabi pa niya. Muli siyang humalik sa pisngi ng ina bago nag paalam na aalis na.
SAMANTALANG si Duwayne mahigpit ang hawak sa manibela ng kanyang sasakyan. Galing siya sa condo ng nobya na si Maricar upang makipag ayos sana dito. Gusto niya sanang mag simula silang muli at kalimutan na lamang ang pagtataksil na ginawa nito sa kanya. Ganoon niya ito kamahal, kahit na nga paulit-ulit na siya nitong sinasaktan ay hindi niya pa din ito tuluyang mapakawalan. 
Muling nag flash back sa kanyang alaala ang natagpuan niyang tagpo sa garahe. Mag kasama sina Maricar at Froilan Dantes at mahigpit na magkayakap. Pinag uusapan ng dalawa ang naging interview ng lalaki kagabi. At nalaman niya ang ginawang pag sisinungaling ng lalaki sa harap ng kamera. At ang mas masakit pa, nalaman niyang may relasyon na pala ang kanyang ex-girlfriend at si Froilan.
"Hmp!" Makailang beses na nahampas ni Duwayne ang manibela. Hindi niya matanggap na ipinagpalit ng nobya ang apat na taon nilang relasyon sa lalaking kailan lang nito nakasama. At sa apat na taon na iyon ay naging sekreto ang relasyon nila dahil na din sa pakiusap ng nobya, dahil ayaw nitong masira ang pangalan bilang artista. Pumayag naman siya, dahil mahal niya ang nobya at alam niyang mahalaga dito ang career nito. Naging mabuting nobyo naman siya, naging tapat sa pagmamahal niya dito, pero hindi pa din naging sapat. 
Muling hinampas ni Duwayne ang manibela gamit ang nakakuyom na kamao. Saglit pa ay pinaharurot na niya ang kanyang kotse papalayo sa lugar na iyon.
PAGBABA ni Hannah ng kanyang kotse ay agad siyang sinalubong ng kanyang make-up artist na si Danica. Mukha itong kabado o tuliro.
"Danica!" Nakangiti pa niyang tawag dito.
Tumigil sa harapan niya si Danica, saglit na huminga ng sunod-sunod. 
"Miss Hannah, pumasok po kayo ulit sa kotse mo." Hinihingal na sabi pa ni Danica.
"Why?" Kunot-noong tanong niya dito.
"May mga press po dito, mga reporter at mga fans ng loveteam ninyo ni Sir Froilan."
"So what?" Nagtataka pa din siya.
Napakagat-labi si Danica, hindi agad masabi kong anuman ang gusto nitong sabihin sa kanya.
"Bakit Danica?" Ulit niya.
"Miss Hannah, galit na galit ang mga fans niyo saiyo, dahil daw sa panloloko mo kay Sir Froilan."
"That's why i'm here!" Paliwanag ni Hannah. "Gusto kong linisin ang pangalan ko. Walang katotohanan ang lahat ng mga pinahayag ng taksil kong nobyo, kagabi."
"Pero Miss Hann---" hindi natapos ang sasabihin ni Danica ng biglang dumagsa ang mga press.
"Ayon siya!" Sigawan ng mga press.
Nakita pa ni Hannah ang pagturo sa kanya ng isang lalaki na may dalang kamera. Hindi niya maipaliwanag, pero bigla na lang siyang kinabahan ng makita ang mga press. Kasama na ang mga tao na hindi magkamayaw na sa tingin niya ay mga fans nila ni Froilan.
"Madali ka Miss Hannah, pumasok ka sa kotse mo." Agad na hinawakan siya sa braso ng kanyang make-up artist na si Danica.
"Bakit ako magtatago?" Maang niyang sabi. "Wala naman akong kasalanan, nandito ako para itama ang mga paninirang sinabi ni Froilan sa interview niya kagabi."
"Hannah Lindsey, gaano nga ba katotoo ang mga sinabi ng long time boyfriend mo na si Froilan dantes?" Agad na tanong sa kanya ng isang matabang babae. Muntik pa niyang mahalikan ang hawak nitong press microphone dahil sa pagtutulakan ng ibang press na naroon sa tapat ng studio.
"Is it true that you cheated on your boyfriend?"
"According to your boyfriend, nahuli ka daw niyang may ibang ka date. Is that true?"
"That's not true. What he said was a lie." Taas-noong sagot niya. 
"Are you saying that, to defend yourself?"
"No!" Sagot niya. "Gusto ko lang malaman ng lahat na walang katotohanan ang mga sinabi ni Froilan Dantes patungkol saakin. I am the real victim here! I caught him with another woman in his room." 
"Sinong babae ang kasama niya?"
Lalong nag ingay ang paligid dahil sa sinabi niya, pero wala naman siyang balak ipaalam sa madlang people kung sino ang babaeng involved sa relasyon nila ng nobyo.
"Hindi totoo 'yan! Sinungaling ka Hannah Lindsey! Nahuli ka ni Froilan na nakikipag lampungan sa iba, binabaliktad mo lang siya." Sigaw ng isang babae na mukhang teenager pa. Nakasuot pa ito ng t-shirt na may print na mukha nila ni Froilan.
"Oo nga!" Hiyawan naman ng ibang naroon.
"Manloloko ka! Malandi! Laos!" Sigawan ng mga naroon.
"I'm telling the truth!" Ganti niyang sigaw. "Ouch!"
Naramdaman niyang may matigas na bagay ang tumama sa noo niya. Pag sapo niya sa kanyang noo ay may nahawakan siyang malagkit na likido. 
"Miss Hannah?" Nakangiwing nakatingin sa mukha niya si Danica.
"Egg!" Yes, may bumato ng itlog sa noo niya at nabasag iyon. Hindi pa man siya nakaka recover ay may tumama na naman sa noo niya, na sa pagkakataon na iyon ay hinog na kamatis naman. "Stop it!"
Nag hihiyaw siya sa sakit ng sunod-sunod na siyang batuhin ng kamatis at itlog ng mga taong naroon. 
"Bagay sa'yo iyan! Manloloko! Manggagamit! Laos!"
To the rescue naman si Danica sa kanya, agad na kinuha nito ang sariling panyo at ipinunas sa kanyang noo.
Bigla siyang nanliit, hindi niya alam kong maiiyak ba siya dahil sa kahihiyan na inabot niya. Ang gusto lang naman niya ay malinis ang pangalan niya, ang pagkatao niya. Hindi naman niya inaasahan na ganoon na pala katindi ang galit sa kanya ng mga taong minsan nag mahal sa kanya, ang mga fans nila ni Froilan.
Si Danica na mismo ang nag bukas ng pinto ng kotse niya at ipinasok siya. Pumasok din ito sa kotse at tinulungan siyang punasan ang mga likido ng nag halong itlog at kamatis.
Panay pa din ang katok ng mga press sa bintana ng kanyang kotse pero hindi niya iyon binuksan.
"Miss Hannah ayos ka lang ba?" Worried na tanong ni Danica.