"I am Marco Crox the CEO of this company. Are you willing to be my wife?"
"P..po?" nanlalaki ang mga matang tanong ko.
"You heared me right, Ms. Verlice," supladong sagot nito.
"Pero seryosong usapan po ang pagpapakasal, Sir," kinakabahan kong sabi. "Hindi naman po ako magpapakasal ng gano'n, gano'n na lang."
"If I were you, Ms. Verlice, tatanggapin ko na ang offer. It's sixty thousand a month until the contract ends plus, magiging sekretarya ka pa ni Marco kapag natapos na ang kontrata," sabat ng lalaking kasama niya.
Napalunok ako nang wala sa oras. Grabe naman 'yong sixty thousand per month. Kung sabagay, sobrang importante nga naman ng pagpapakasal tapos maliit na halaga lang ang ibabayad. Inangat ko ang aking paningin at bumuntong hininga.
"Pwede ko po bang makita at mabasa muna ang kontrata?"
Tumango lamang ang lalaking nagngangalang Marcos at tinulak ang papel papunta sa akin. Nang basahin ko ang laman ng papel, nakasaad doon na sixty thousand per month nga ang sahod. Naroon din sa kontrata na titira kami ni Marco sa iisang bahay, magpapakasal, at ipapakita sa mga tao lalo na sa harap ng pamilya niya na parang tunay kaming nagmamahalan. Hindi nakalagay sa kontrata kung kailan matatapos ang pagpapanggap namin ngunit hanggat tuloy ang pagpapanggap ay may sahod ako.
Hindi naman kabastosan ang mayroon itong kontratang 'to, kaya wala naman sigurong masama kung pumayag ako sa offer nila. Lumunok muna ako bago iniangat ang paningin ko.
"Payag na ako."
Narito ako ngayon sa hospital at naabutan ko ang kapatid ni Auntie Rosie na si Auntie Rose kasama si Sky na may luha pa sa mga mata habang natutulog sa upuan.
"Auntie, nakikiramay po ako," malungkot kong saad.
"Hindi ko lubos akalaing ganito siya kaagang mawawala, Via. Kaninang umaga pagkarating ko ay ang lakas-lakas pa niya tapos nakita niya lang si Sky binawian kaagad siya ng buhay," malungkot nitong sabi. May tumulong luha mula sa mga mata niya na kaagad din naman niyang pinunasan. "Ang aga kaming iniwan ni ate, Via. Hindi man lang niya hinintay na lumaki si Sky bago siya nagpaalam sa mundong ibabaw."
"Kinalulungkot ko po ang nangyari, Auntie, pero maging masaya ka na lang po para sa kaniya kasi sumuko siya dahil hindi na niya kaya. Nais na po niyang magpahinga kaya niya kayo iniwan at alam kong babantayan niya kayo," sabi ko habang hinihimas ang likuran niya. "Ano na po ang plano niyo ni Sky, Auntie?"
Bumuntong hininga siya. "Balak kong umuwi kami sa probinsya, Via. Naisip ko na mas magiging maginhawa ang buhay namin doon dahil naroon ang mga kamag-anak namin. Hija, maiiwan ka rito, nais mo bang sumama?"
Napaisip ako sa tanong niya. Maaari akong sumama dahil alam kong hindi ako pababayaan nila Auntie Rose roon ngunit sayang ang oportunidad na ibinigay sa akin ni Marco Crox at nakapagbigay na ako ng salita sa kaniya. Hindi ako ang tipo ng tao na binabali ang nasabi na kaya mananatili ako rito.
"Hindi na po, Auntie," sagot ko.
"Sigurado ka ba, Hija?"
"Opo."
Prinoseso ni auntie ang burol ni Auntie Rosie na mailipat sa probinsya nila. Nais ko pa sanang hintayin si Sky na magising upang makausap ngunit nag-text sa akin si Marco na susunduin niya raw ako sapagkat nag-usap kami kanina nang magpirma ako ng kontrata ay sinabi niya na simulan na naming magpanggap bilang magjowa.
"Auntie, pasensya na po pero mauuna na po ako, ah? May kailangan pa kasi akong asikasuhin," pagpapaalam ko.
"Sige, Via. Maraming salamat sa mga tulong mo sa amin."
"Walang ano man po 'yon. Salamat din po sa pag-aalaga niyo sa akin."
Nag-usap pa kami saglit bago ako umalis. Isang lalaking nakasuot ng damit ng masasabi mo talagang isang business man ang nakasandal sa kotse niya habang may suot na shades. Napalunok ako at bumaba ang tingin sa aking damit sapagkat bigla akong nakaramdam ng insecurities. Parang kung titingnan ay hindi ako girlfriend ng taong 'to, eh. Para niya lang akong personal maid.
"What are you staring at, Ms. Verlice?" mahina pero masungit na tanong niya at ibinaba pa ang shades.
"W..wala p..po," utal kong sagot at iniwas ang tingin. "Saan po tayo pupunta, Sir?"
Hindi niya ako sinagot pero naglakad siya papunta sa pintuan ng kotse sa kabilang side at binuksan ito. Ilang segundo ang lumipas ngunit nakatanggap lang ako ng masamang tingin mula sa kaniya.
"Are you stupid? Pumasok ka na!" singhal niya sa akin.
Parang kumulo ang dugo ko dahil sa sinabi niya kaya kahit alam kong mali ay pumasok ako sa pinto ng kotseng hawak pa niya ng padabog. Pwede naman niyang sabihin na lang na pumasok ako bakit kailangan pa niya akong singhalan.
Walang hiyang lalaki!
Nagsimula itong mag-drive at tanging huni lang ng paghinga namin ang maririnig dahil sa sobrang tahimik. Walang nangahas sa amin na magsalita dahil kung sa akin lang din naman ay wala akong topic na maisip.
"Since you already read, agreed and even sign the contract we've gave you, this day is our first day as girlfriend and boyfriend thingy," seryosong sabi niya habang ang mga mata ay naka-tingin lang sa daan. "As a starter pack, we need to do you a make over para naman magmukha kang tao."
Nanlaki ang mga matang tumingin ako sa kaniya. "Hoy, grabe ka naman sa akin! Wala lang akong perang ibili ng mga magagarang damit at maayos na mukha pero maganda pa rin ako, oy! Hindi ka lugi sa'kin!"
Matalim na tingin ang ibinigay niya sa akin at inirapan ako bago muling tumingin sa daan. "Whatever."
Ay! Taray ng lolo niyo marunong umirap.
Binaling ko ang aking paningin sa daan. Grabe ang malas ng araw na ito pero sa tingin ko kahit papano ay may kakambal ding swerta ang kamalasan. Hindi ko pa rin lubos matanggap na wala na si Auntie Rosie. Ang bata pa ni Sky para maulila sa kaniyang ina. Sana ay mapunan ni Auntie Rose ang aruga ng parang tunay na ina kay Sky. Balang araw kung magiging mayaman ako ay hahanapin ko si Sky at Auntie Rose.
"Miss, please make this woman look human."
Tinulak niya ako papasok sa isang salon at ibinigay ang card sa babae. Nanlalaki ang mga matang pabalik-balik ang tingin ko sa kaniya at sa babawng staff ng salon. Dinala niya ako rito sa mamahaling salon at parang VIP pa yata ang costumer nito.
"Ma'am, dito po tayo," sabi ng babae at iginaya ako papasok sa isang kwarto.
Ngayon lang ako nakapasok sa ganito. Kahit sa mumurahing salon o pagupitan ng buhok ay hindi pa ako nakakapasok dahil sariling sikap ako pagdating sa paggupit ng buhok ko.
Isang baklang may dalang kung ano-ano ang sumalubong sa akin. Pinaupo niya ako sa upuan katapat ng salamin na maraming ilaw. Tiningnan niya ang aking mukha at parang hindi makapaniwala na umiling-iling.
"Alam mo, Sissy, maganda ka. Talagang magandang maganda ka pero, hindi ka man lang ba nagsusuklay, ha?" parang nandidiri niyang tanong na parang hindi makapaniwala. "Kailangan mo talaga ng major, major make over!"
Masamang tingin lang ang ibinigay ko sa kaniya ngunit ang chakang bakla ay hindi nagpatalo at inirapan pa talaga ako. May tinawag siyang kasamahan bago sinimulang galawin ang buhok ko. Kung ano-anong torture ang ginawa nila sa akin. Pakiramdam ko ay aping api ako. Ang sakit ng mga ginagawa nila. Parang pwede ko na silang idimanda sa mga pananakit nila sa akin.
Pagkalipas ng dalawang oras yata nilang pambubugbog sa mukha ko ay sawakas natapos na rin.
"Hay, sawakas!" halinghing ng bakla at parang pagod na pagod. Pumunta siya sa harapan ko at malapad na ngumiti habang hinahawakan ang baba ko at tinutuon sa kung saan-saang direksyon. "Ang ganda mo na, Sis! Grabe, pag-aayos lang sa sarili ang kailangan mo para maka-kuha ng mga macho at mayayamang papa sa business world."
Echoserang bakla binola pa ako para hindi ko siya idemanda.
Sarkastikong tiningnan ko siya saka tinawanan dahil sa mga pampupuri niya. "Ang oa mo magbigay ng puri, ah? Siguro sinasabi mo lang 'yan para hindi kita idemanda."
"Ay, nako! Tingnan mo na lang ang sarili mo sa salamin," stress na sabi niya sa akin at unti-unting hinila ang takip ng salamin. "Saka mo sabihin sa akin na idedemanda mo ako. Oh, ayan!"
Pamilyar na mukha ang bumungad sa akin mula sa salamin. Hinawakan ko ang iba't-ibang parte ng aking mukha upang maniwala na ako talaga itong nasa salamin ngayon. Alam kong maganda ako ngunit hindi ko inaasahang may mas igaganda pa pala ako.
"Grabe, ako pa ba ito?" hindi makapaniwalang tanong ko sa sarili.
"Oo, Sissy. Ano, ipapademanda mo pa ako?" natatawang tanong niya.
"Ang ganda."
"Oo, kaya mag-ayos ka na parate," saad niya saka kinuha ang atensyon ko. "Halikana para makita ka na ni Sir Crox."
Hinila niya ako palabas ng kwarto. Iginaya ko ang aking paningin upang hanapin si Marco ngunit nakasigaw na ang baklang nag-transform sa akin at tinawag ang pangalan niya. Napatingin ako sa lalaking tumayo at saka pa lang nagbigay ng tingin sa gawi ko.
"Sir Marco, ito na ang finish product namin," sabi ng bakla at itinuro pa ako. Nabaling ang tingin ni Marco sa akin at bakas sa mukha nito ang gulat nang makita ako. "How was it, Sir? Maganda hindi ba?"
Napa-iling ito saka nag-iwas ng tingin. "She's not that beautiful but thanks, you made her look like a human."
Sumalubong ang kilay ko dahil sa sinabi niya at aambang magsasalita na sana ngunit pinigilan ako ng bakla.
"Sus. Hayaan mo na si Sir. Ganiyan lanh 'yan pero deep inside gandang ganda 'yan sa'yo. Kabisado ko na 'yan, eh."