Apocalyptic 04:
AUBREY POV
Wala akong malay na mangyayari ang bagay na ito. Hindi ko hinangad sa totong buhay na magkakaroon ng ganitong pagkakataon na makita ang babaeng hinahangaan ko nang harap-harapan.
Thainah Ryl Hariz-Ruiz. 
"Langya naman, Max!" sigaw ng babaeng kinababalingan ng tingin ko, walang iba kundi si Thainah Ryl. "Nakikiliti ako!" Pilit n'yang inilalayo ang kamay ng kapatid n'ya sa steel bar na nakatusok sa kanang bahagi ng tiyan n'ya. "HAHAHAHAHAHA!" Mahabang halakhak nito kulang na lang yata ang magpagulong-gulong ito sa kama.
"Paano ko ito matatanggal kung gan'yan ka kalikot!!" bulyaw ng kapatid n'yang nagngangalang Maxime.
"Hah required pa lang tanggalin ito? Choz HAHAHAHA! Ako na ang tatanggal." ani Thainah.
"AHHH!" Tili ng dalawang maitsurang lalaki, sa tingin ko nasa mid twenties na silang lahat.
"Ano ba baka maimpeksyon iyan." Nag-aalalang sabi ng lalaking may kulot na buhok at lumapit ito kay Thainah. "Ako na ang gagamot sa kan'ya." usal pa nito at pinaltan niya iyung Max sa puwesto nito. "Bakit ba kasi gumagana ang armas na iyun ng walang controller?" inis na sinulyapan ako nito.
Halata naman sa itsura ng lalaking ito na sinisisi n'ya ako sa nangyari kay Thainah. Sobrang protective s'ya dito, may relasyon ba silang dalawa?
"Iyung naapakan n'yong tali 'yun iyong controller n'on, hindi ko naman alam na may mga tao pa palang pagala-gala sa lugar na ito." Taas noong sagot ko.
"Huwag n'yo s'yang sisihin." sabat uli nitong Maxime kaya napabaling ang paningin ko rito. "Si Kuya, s'ya ang sisihin n'yo s'ya iyung makulit na nanguna kaya nangyari iyan kay Sahōdari." dagdag pa nito kaya palihim akong napangiti.
"Anong ako?! Ano pang paninisi ang gagawin nyo e okay na naman s'ya!" 
"Ouch! Hindi pa ako okay sisihin n'yo si Gelo!" Pagbibiro nitong si Thainah kaya pare-pareho kaming natawa maliban kay Gelo. "Teka parang kilala kita!" Biglang turo n'ya sa akin kaya naningkit ang mga mata ko. "Anne Hathaway is that you?" tanong nito sa akin kaya mabilis akong umiling. "Joke lang naniwala ka naman." bawi n'ya kaya parang napahiya pa ako.
Pinanood lang naming gamutin siya ng lalaking ito. Nahuhuli pa namin iyung ka sweetness-an nila, pero parang patay malisya sila sa mga taong nakapaligid sa kanila. Ipinaikot ng lalaking nasa harap ni Thainah ang isang compression bandage sa parte ng tiyan niya para mapigilan ang pagdudugo nito at mabilis na gumaling.
"Iwan n'yo muna kami." utos ni Thainah kaya wala kaming nagawa kundi ang sumunod at tumambay muna sa Salas. 
Ilang minuto ang lumipas pero hanggang ngayon hindi pa rin lumabas iyung dalawa. Nakatayo ako sa tabi ng bintana at ginagawang abala ang sarili sa pagtuturnilyo ng armas na kakaimbento ko pa lang, si Xylan naman ay nakaupo sa tabi ni Gelo na isa sa mga kapatid ni Thainah, kung hindi ako nagkakamali panganay ito sa kanila. Iyung bunsong si Maxime bumalik sa taas at nakinig sa tapat ng pinto kung nasaan si Thainah at iyung lalaki.
"Grabe, akala ko ba magpapakasal muna sila bago nila gawin iyon?" Hindi makapaniwalang kuwento nitong Maxime sa Kuya n'ya nang makabalik na ito sa kinaroroonan namin.
"Ikakasal rin naman sila, kami nga ni Cyrien nauna-"
"What?!" Nanlalaki ang mga matang bulalas nitong Maxime at hindi n'ya na pinatapos sa pagsasalita itong si Gelo. "Premarital Sex iyun hindi ba? Grabe naturingang Hari pero hindi sumusunod sa sinasabi ng batas." Hindi makapaniwalang umiling pa ito.
"Magshota pala sila." Natatawang biglang usal nitong si Xylan kaya napabaling ang atensyon namin sa kan'ya. "Bakit? Akala ko kasi magkakaibigan lang kayong lahat." Nagkibit balikat pa ito.
Hindi ko alam na pakilamero rin ang lalaking ito pagdating sa buhay ng ibang tao. 
Isang malakas na kalabog ang narinig namin mula taas. Namadali kaming umakyat sa hagdan para siguraduhin kung ano nga iyung malakas na ingay at saan ito ng galing.
"T*ng*na mo! Gago ka!" Parang megaphone na sigaw ni Thainah. "Nāvu innū maduveyāgilla, allavē? Bakit ba namamadali ka? Hah?!" Bakas ang gigil sa boses n'ya.
Translation= Hindi pa tayo kasal, hindi ba?
Grabe mas nakakatakot s'ya sa inaakala ko.
"Ano?! Sumagot ka?!" bulyaw pa nito. "Ayaw mo?" malambing na ang tonong tanong nito. 
"Ang lambing, ’di ba?" Natatawang tanong sa amin ni Maxime. "Pustahan tayo knockout na si Kai." sabi n'ya pa.
Gan'yan ba sila magmahalan? May halong bugbugan? 
"Pusta ako kay Kai, nung last na away nila todo ang iyak n'yang si Thainah kay Ajji. Grabe kono sinaktan daw s'ya ni Kai HAHAHAHA!" Iyung Gelo.
Matagal na walang nagsalita sa kanila kaya natahimik na rin kaming mga nasa labas. 
May yabag ng paa kaming narinig at siguradong lalabas na sila ng k'warto. Paspas at akma na kaming baba nang biglang bumukas ang pinto at bumungad sa amin si Thainah na umuusok pa ang ilong sa galit.
"Asan ang ibang kuwarto?" tanong nito sa akin kaya itinuro ko ang nasa kabilang dulong k'warto, ang k'warto ni Alexa. "Max, pati na rin ikaw," Pagtutukoy niya sa akin. "Doon ang kuwarto natin." Huling sinabi ni Thainah at nanguna na s'ya sa kuwarto na iyon dala-dala ang mga gamit n'ya.
"Baby! Sorry na!" Tumatangis na habol si Kai Den pero itinaas lang ni Thainah ang isang kamay n'yang nakakuyom at tumigil na rin s'ya sa paghabol dito.
"Grabe natalo ako sa pustahan ah, putok ang labi mo ah HAHAHA!" Pang-iinis nitong si Gelo kay Kai Den.
Hindi ko na sila pinansin at pumasok muna ako sa kuwarto ko kung saan sila nagbangayan at kinuha ko lahat ng gamit ko. Lahat ng armas at mga damit. Dumiretso ako ng pasok sa k'warto ni Alexa at naabutan ko naman silang dalawa na nagtatawanan habang nakaupo sa kama.
"Oh nand'yan ka na pala," si Thainah na nakangiti habang nakatingin sa akin. Ang saya ko talaga na makakasama ko siya. "Ako nga pala si-"
"Thainah Ryl." Pagdudugsong ko sa sasabihin n'ya at bumaling ako kay Maxime. "Maxime, ikaw iyun, 'di ba?" Nagtanong pa ako kahit alam ko na naman.
"Hindi ako masaya sa Maxime, Max na lang ang itawag mo sa akin." Pagtatama n'ya na ikinangiti ko.
Tinapik ni Thainah ang space sa kamang inuupuan nila, senyas na gusto niyang umupo ako roon. Sino ako para tumanggi? Umupo ako sa pagitan nilang dalawa ni Max.
Bumukas ng topic si Thainah, buong akala ko gangster s'ya kasi nasa grupo at leader s'ya ng isang fraternity dati pero nagkamali ako napaka humble n'ya at madaldal. Pinilit kong maging gaya niya pero iba iyung naging resulta. Ang pagiging malamig ko sa mga taong nasa paligid ko akala ko talaga ugali niya rin 'yon bukod sa pagiging badass at hambog. 
"Maghihiwalay na ba talaga kayo?" tanong ko sa kan'ya nagtaasan naman ang mga balahibo ko nang tignan n'ya ako ng masama. "Sorry." Nakayukong pagpapasensya ko sa kaniya.
"Hindi." senserang sabi n'ya. 
"Limang taon silang naghintay na makamit ang tamang oras para sa ganitong love story tapos hiwalay? HAHAHAHA malabo iyan!" si Max. "Halos mabaliw si Kai Den at hindi niya matanggap na p*tay ka na, sino ba namang maniniwala na mabubuhay pa ang isang taong nalaglag sa napaka taas na rooftop? Himala na lang siguro na nabuhay ka pa." Kuwento ni Max walang pakeng humiga naman si Thainah sa kama. "Sana makita ko si Thainah." Panggagaya ni Max sa boses nung Kai Den dahilan para matawa kaming tatlo.
"Ang sama mo, ituloy mo lang iyan." Tawang-tawang ani Thainah.
"Kung mahal mo s'ya posible, kasi kapag mahal mo ang isang tao lahat ng bagay posible, sabi ko kay Kai Den pero iyung totoo... nawawalan na rin ako ng pag-asa at natatakot ako na baka hindi na natin magawa iyung 1,577 na plano natin." Seryosong lintanya na nito. "Siguro nasaktan namin si Kai Den nang hindi namin siya pinaniwalaan na nakita at nahanap ka niya noon, si Thainah Ryl na walang maalala at pinaglaruan lang ang kawawang si Kai Den."
"Wala akong maalala dahil sa lakas ng impact nung pagkabagsak ko sa rooftop, bakit sinisisi mo ko?!" 
"Mamaya ka na magsalita, Thainah. Bakit ba s'ya gan'on, I hate the way she forgive for someone happiness. Naiinis ako kasi mas inuuna n'ya iyung iba kaysa sa sarili. Bakit ba lagi s'yang gan'on!?" Pagdadrama ni Max at mismo ako naluluha na rin. "Kinuwento ko lahat ng pinagdaanan mo sa kan'ya at pinaramdam ko talaga sa kan'ya na dapat makonsensya at magsisi siya dahil s'ya ang dahilan kung bakit nagkakaganiyan ka." Pagtatapos ni Max sa kuwento.
"Ginusto ko 'to at wala kayong kinalaman dun." sabat ni Thainah.
"Pero s'ya ang dahilan kung bakit mas pinili mong magrebelde at maging badass." Depensa ni Max. "Hindi ka mapakali sa kung anong meron ka gusto mo nakukuha mo ang lahat, tama bang agawin si Kai Den kay Angel." 
"Shut up! Let's change the topic." Umayos ng upo si Thainah at hinarap n'ya ako. "Hindi namin na tanong kung anong pangalan mo at kung bakit mo kami nakilala." Pag-iiba niya nga sa topic.
Nakakahiya namang ikuwento sa kanya na fan n'ya ako. Pero dahil gusto ko maging totoo sa kaniya magkukuwento na ako tungkol sa sarili ko, pero hindi naman lahat.
"Ako si Aubrey Lana, kilala ko kayo lalo ka na dahil nagbabasa ako ng aklat mo at nagre-research about sa background n'yo.' Pakilala ko namamanghang tinitigan n'ya lang naman ako. 
"Anong aklat marami kasi akong pina-published?" tanong ni Thainah sa akin.
"Lahat ng aklat mo pinaghirapan kong bilhin pero iyung pinaka paborito ko ay yung TALE OF RYL na kuwento mo simula bata ka hanggang nung highschool life mo sa Veniz Academy pati iyung aklat mo na BADASS LIFE at APOCALYPTIC ZOMBIES." Ganadong sagot ko at gumagawa na ng galaw ang mga kamay ko.
"Pinaghirapan mo bilhin? Grabe dapat nag-email ka sa akin para libre na lang."
Ganoon s'ya kabait sa mga tagasuporta n'ya wala s'yang nilalagtangan lahat nire-replyan n'ya.
"Gusto ko kasi ng sa sarili kong pera." sabi ko.
Patuloy lang kami sa pag-uusap hanggang sa pinaka ayaw kong parte na kami napunta.
"26 na ako at s'ya naman 27 sunod-sunod lang kami." si Max. 
"Ikaw ilang taon ka na?" si Thainah sa akin.
"26 din, akala ko nga magkasing-edad lang tayo." saad ko.
"Anong kinuha mo nung college ka? Si Max hanggang ngayon nasa med school pa rin ako naman nasa korte alam mo naman iyung bunganga ko, 'di ba?"
"Hindi ako nakatapos, hanggang grade six lang kasi ako nakapag-aral kaya wala akong alam bukod sa pagta-trabaho sa talyer at paglilinis ng bahay, namatay kasi si Papa at naiwan ako sa stepmother at stepsister ko." Kuwento ko at malalim na bumuntong hininga. "Kaya siguro nung sakupin ng mga halimaw ang mundo wala rin akong nagawa kasi nga mangmang ako." Pagbibiro ko pero seryoso at nag-aalala lang ang mukha nilang nakatingin sa akin. 
Napayuko ako dahil sa hiya. Naaawa ba sila sa naging takbo ng buhay ko. Kahit ako naaawa sa sarili ko dahil hindi ko man lang nagawang lumaban sa pagmamalupit na ginawa nila sa akin.
"Sinasaktan ka nila?! Papatayin ko sila kapag nakita ko silang zombies na rin gaya ng iba!" Mataas ang boses na banta ni Thainah.
"Hindi na kailangan, nagawa ko na." Pinilit kong ngumiti sa kanila.
"Ano?" Hindi makapaniwalang tanong nila sa akin. 
"Sinamantala ko na ang sitwasyon na ito para gumanti sa mga kahayupan nila, siguro ginawa ng Diyos na mangyari ito para makapagsimula ako." sabad ko pa.
"Nagbibiro lang naman ako BWAHAHAHAHA ang seryoso mo naman, Bri." Pakiramdam ko napaka espesyal ko para bigyan ako ng isang Thainah Ryl ng napaka gandang palayaw. Bri?
"Change topic na tayo, ayaw ko sa kuwentong patayan hehe." si Max na tumayo at sumilip sa bintana. "Boyfriend mo ba iyung lalaking kasama mo?" 
"Hindi ano!" Natatawang tanggi ko.
"Ano bang klaseng topic iyan, Max? Pero curious rin ako, Bri. Wala ba kayong relasyon?" Biglang tanong naman sa akin ni Thainah. Akala ko ba hindi s'ya sasang-ayon sa kapatid niya.
"Kung hindi kayo o wala kang nararamdaman para sa lalaking iyun gawin mo ang sasabihin ko." Nakangising hamon n'ya sa akin tumayo naman ako. "Kunan mo ng video ang mga lalaking nasa kabilang kuwarto gamit ang camera ni Thainah, pero rito ka sa bintana dadaan mukhang matibay naman iyang bakal na iyan para maging tapakan mo." sabi nito habang nakatingin sa napaka-dapok na bakal sa labas ng bintana.
Anong klaseng hamon ba ito? 
"Ang panget naman ng pinapagawa mo, magkuwentuhan na lang tayo pinapahirapan mo pa ang tao e." si Thainah kaya malawak akong napangiti. 
Iniligtas mo ako, Thainah! Ngayon ko lang napagtanto na sobra pala talaga ang paghanga ko sa babaeng ito.
"Ilang araw na kayong magkasama ng lalaking iyon? Hindi ka ba n'ya pinagnanasaan?" seryosong tanong ni Thainah kaya bahagya pa akong natawa.
"Takot lang no'n sa 'kin, ano!" Mayabang na sagot ko. "Pati kumukulo ang dugo ng lalaking iyun kapag nakikita n'ya ako, pinatay ko kasi iyung Nanay-nanayan n'ya."
"Pinatay mo?" Gulat na tanong ni Max kaya parang nakonsensya ako sa ginawa ko.
"Self defense iyun kaya ayos lang. Isuot mo 'to para aware ka sa dapat nating gawin." Inabot sa akin ni Thainah ang malait sa radyo at earphone na kasama nito, agad ko naman itong isinuot. "May pagkain ba kayo rito? Nagugutom na kasi itong alaga ko kahit can food lang basta sampong piraso." 
"Meron, tara sa baba." Nakangiting anyaya ko sa kanila kaya bumaba na kami patungong kusina. "Nandito lang iyun e, saan ba nilagay ng Xylan na 'yun ang mga pagkain n'ya?"
"Nakita ko na!" ani Thainah at binitawan ang baseball bat na kapit n'ya at tumiklay para abutin ang mga can food sa itaas na kabinet. 
"MEOOOW!"
"Anak ng tinapa! Pakshet kang pusa ka!" tili ni Thainah at mabilis n'yang dinampot ang bat n'ya. "Lumabas ka!" Malakas na sigaw ni Thainah at lumabas naman ang pusa at umakyat ito sa dining table. "Lumapit ka rito!" Mapiyok-piyok na utos n'ya rito.
Hindi ito literal na pusa lang, dahil doble ang laki nito! 
"Zombie na yata 'yan, Sahōdari." sabi ni Max kaya nanindig ang balahibo ko. Mukhang mahirap kalabanin 'to.
"Pake ko kung zombie iyan, si Thainah Ryl 'to ano!" Maangas na wika n'ya at pinaikot-ikot niya sa hangin ang bat n'ya.
Mabilis na tumalon ang pusa papunta sa amin napataklob pa ako ng mata ko pero... pero kung mabilis iyung pusa mas mabilis si Thainah.
BLAGH! BLAGH! PLUCK! PLUCK!
Halos matawa na lang kami ni Max sa mga sumunod pang pangyayari.