Thalia's POV
"Lia!" narinig kong sigaw ng isang babae, hindi naman ako lumingon dahil hindi naman ako yung tinatawag, isa pa mamaya kaaway na naman ni Lia yung tumawag sa akin.
"Lia!" sigaw niya ulit.
"Lia!" sigaw niya ulit pero binilisan ko lang ang lakad ko, nagulat na lang ako dahil may humawak sa braso ko. Nanlaki ang mata ko ng ma-realize ko na isa pala sa mga kaibigan ni Lia yung humahabol sa akin, yung babaeng sumalubong sa akin kanina, si Denise. "Goodnesss! Kanina pa kita tinatawag pero hindi mo man lang ako nililingon."
Medyo naawa naman ako sa kanya dahil kita kong hingal na hingal na sila ni Yna, yung babaeng nakasalamin. "Sorry, hindi kasi ako sanay na tinatawag akong Lia." tanging sagot ko sa kanya.
"Ano bang gusto mong itawag nain sa iyo?" tanong naman ni Yna sa akin.
"Thalia, yun kasi ang tawag sa akin ng mga taong kumupkop sa akin." sagot ko sa kanila.
"Cheap ahh." sagot naman sa akin ni Denise dahilan para mapasimangot ako. "Tee na lang ang itatawag ko sa iyo."
"Ha? Mas gusto ko kung Thalia na lang." sagot ko sa kanya.
Bumuntong hininga naman si Denise habang ngumiti naman sa akin si Yna, "Sige, Thalia na ang itatawag namin sa iyo simula ngayon." sagot ko sa kanila.
"Ngayong nagbalik ka na, ano na ang balak mo?" tanong naman sa akin ni Denise.
"Balak?" tanong ko dahil hindi ko alam kung anong pinagsasabi niya.
"Anong balak mo para mabalik na sa iyo ang korona mo?" tanong niya sa akin, doon ko lang naalala ang pinagsasabi sa akin ni Shaira kanina. "Don't tell me, wala ka ng balak kuhanin ang korona mo kay Shaira."
Hindi naman ako nakasagot dahil sa sinabi niya, napailing na lang si Denise sa akin. "Ibang iba ka na talaga, bakit naging anghel ka na?" tanong nito sa akin.
"Gusto ko lang na maging tahimik ang buhay ko dito." sagot ko sa kanya.
"Huwag mong sabihing tatalikuran mo na din ang Alpha?" tanong ni Denise sa akin.
"Anong Alpha?"
Napahilot na lang sa kanyang noo si Denise, tinapik naman siya ni Yna at sinabing siya na lang ang magsasabi sa akin. "Yung sorority natin." sagot nito sa akin.
"SORORITY?" hindi ko mapigilang tumaas ang boses ko dahil hindi ako makapaniwala sa sinabi ni Yna, may sorority si Lia.
"Huwag mong sabihin tuluyan mo na kaming iiwan Lia." sabi naman sa akin ni Denise na mukhang nahulaan ang susunod kong sasabihin. "Kung natatakot ka na baka hindi mo magampanan ang mga tungkulin, nandito naman kami para umalalay sa iyo."
Hindi pa ako nakakasagot ng hinaliin na nila akong dalawa, "Saan tayo pupunta?" tanong ko sa kanilang dalawa.
"Sa quarters." sabi ni Yna. "Kailangan mo ng maghanda para next week."
"Maghanda?"
"Recruitment week."
...
Yung quarters na sinabi nila Yna kanina, akala ko yung kagaya sa mga napapanuod ko sa movie, abandonadong building na malayo sa kabihasnan. Laking gulat ng isang kembot lang mula sa school ang quarters na sinasabi nila, isa siyang simpleng bahay kung titignan mo sa labas pero kapag pumasok ka mapapanganga ka sa sobrang garbo nito.
Feeling mo nasa isang hotel ka, yung interior pa lang mapapanganga ka na, hindi siya nakakatakot na lugar. Mas gugustuhin ko pa ngang pumunta dito kapag na-stress ako, pakiramdam mo nasa sarili mong bahay ka. Therefore, I conclude na hindi basta bastang sorority ang napasukan ko.

"Thalia." tawag sa akin ni Nina na dahilan para bumalik ako sa katinuan. "Kanina ka pa tulala dyan, natunaw na yung ice cream mo, may problema ba?"
"Sorority yung counterpart ng fraternity, di ba?" tanong ko kay Nina.
Kumunot naman ang noo niya dahil sa tanong ko kahit na alamkong naguguluhan siya sa akin, pinili niya akong sagutin. "Oo." simpleng sagot niya sa akin.
"Yun yung may paddle at hazing kuno?" tanong ko ulit sa kanya.
"Oo." sagot niya sa akin. "May balak ka bang sumali sa sorority?"
"Wala ahh." sagot ko naman sa kanya.
"Wala naman pala, bakit tanong ka ng tanong sa sorority?"
"Ako ang leader."
Bigla namang nabilaukan si Nina dahil sa sinabi ko, inabutan ko naman siya ng tubig. "Seryoso?" tanong niya sa akin at tumango naman ako. "Ibig sabihin nakapatay ka na ng tao?"
"OA! Nakapatay agad? Hindi ba pwedeng nakasakit muna, kung ikaw kaya ang ipapatay ko?" tanong ko sa kanya.
Tumawa naman si Nina sabay nag-peace sign sa akin, "Joke lang naman." sagot niya sa akin bago bumalik sa pagkain niya ng ice cream niya.
"Gusto mong sumali?" tanong ko sa kanya.
"Ayoko nga! Kuntento na ako sa atensyon na nakukuha ko sa mga kaibigan at pamilya, hindi ko nakailangang sumali dyan saka para sa may pera lang naman yung mga ganyan." sagot pa sa akin ni Nina.
Tama si Nina, hindi na niya kailangan ng dagdag pang atensyon at pagmamahal dahil sapat na ang natatanggap niya sa magulang niya.
Hindi ba nakukuha ni Lia ang pagmamahal na gusto niya? Sa tingin ko naman ay punong puno siya ng pagmamahal mula sa Lolo, Tatay at Prince, anong pagmamahal pa ba ang hinahanap niya?
"Nina."
"Bakit?"
"Alam mo ba kung saan yung bahay ni Lia?" tanong ko sa kanya, kumunot naman ang noo niya dahil sa sinabi ko.
"Yung bahay ng magulang mo?" tanong niya sa akin. "Oo, alam ko."
"Pwede mo ba akong samahan doon?"
"Sige pero sa isang kondisyon."
"Ano naman yun?" tanong ko sa kanya at tumingin naman siya sa mata ko.
"Umamin ka sa akin, ikaw ba ang totoong Lia?"
End of Thalia's POV
Prince's POV
"May problema ka ba?" tanong sa akin ni Calvin, ang team captain namin sa basketball at isa sa mga taong pinagkakatiwalaan ko. Masyadong pisikal yung laro mo kanina, may nangyari ba?"
Hindi naman ako sumagot, pinagpatuloy ko lang ang pag-inom ko ng tubig dahil ayoko munang pag-usapan ang nangyari kaninang umaga. Gulong gulo na ako, ang daming tanong sa utak ko.
Paano kung hindi nga siya si Lia?
Paano kung ibang tao talaga siya at nagkataong magkamukha lang silang dalawa?
May kapatid pa ba si Lia?
Nasaan na ba si Lia?
Napatigil ako sa pag-iisip ng lumapit sa akin si Wesley, "Nandyan na naman yung manliligaw mo." sabi nito sa akin, napakunot naman ang noo ko ng marinig ko ang sinabi niya, may nanliiligaw ba sa akin?
Pupuntahan ko na sana kung sino yung naghahanap sa akin pero agad na itong pumasok ng court kaya naman napaatras ako. "Anong ginagawa niya dito?" tanong ko pero nagkibit lang ang mga kasama ko.
"Prince!" nakangiting tawag sa akin ni Maggie habang naglalakad papalapit sa amin.
"Anong kailangan mo?" malamig na tanong ko sa kanya, hinawak niya ang kamay niya sa braso ko pero agad ko rin yung tinanggal. "Bakit ka nandito?"
Sumimangot naman siya at binalik ang kamay niya sa braso ko, "Bakit parang ayaw mong nandito ako?" tanong niya sa akin pero hindi ko siya sinagot, sa halip tumingin ako sa ibang direction.
"Iniiwasan mo ba ako?" tanong niya sa akin at hinawakan pa ang mukha ko para mapatingin ako sa kanya. "Dahil bumalik na si Lia."
"Kung sabihin kung oo, titigilan mo na ba ako?"
"Hindi." sagot niya sa akin at naramdaman kong mas humigpit ang kapit niya sa akin. "Dati naman kahit na nandyan si Lia, ako pa rin ang pinipili mo kesa sa kanya."
"Dati yun Maggie, lahat ng bagay nagbabago." sagot ko sa kanya, inayos ko na ang mga gamit ko at sinubukan kong lumayo sa kanya.
Pagka-ayos ko ng gamit, kinuha ko na ito para umalis kailangan ko ng sunduin si Thalia, "Hindi mo na ba ako mahal?" tanong niya sa akin dahilan para mapatigil ako sa paglalakad.
"Wala naman akong naaalalang sinabi kong mahal kita." sagot ko sa kanya. "Tigilan mo na ako, may iba na akong mahal."
"Sino si Lia?" tanong niya sa akin. "Hindi ba pinagtabuyan mo siya noon kaya nga siya umalis, ngayon mahal mo na agad?"
End of Prince's POV
Thalia's POV
"Umamin ka sa akin, ikaw ba ang totoong Lia?"
"Ha?" tanging tanong ko sa kanya.
Hinawakan naman niya ang mukha ko, "Bakit ka namutla?" tanong nito sa akin.
Tinanggal ko lang ang pagkakahawak niya a pisngi ko, "Mainit lang siguro." sagot ko sa kanya.
"Kaya nga naman dito tayo sa ice cream parlor para magpalamig, nakatulala ka lang naman dyan." sabi niya sa akin. "Ano ba kasi yung iniisip mo?"
"Maniniwala ka ba kung sasabihin kong hindi ako si Lia?" tanong ko sa kanya.
"Hindi." mabilis niyang sagot sa akin. "Kahit naman hindi kita naabutan noon, kung titignan anamn ang mga pictures kamukhang kamukha mo. Maliban na lang kung may kakambal ka kagaya sa mga teleserye."
Tama si Nina, kung titignan nga naman ang mga pictures ni Lia at ako, kamukhang kamukha talaga.
Hindi kaya kapatid ko si Lia?
...
"Sobrang taas naman ng gate nito, takot manakawan." sabi ko habang nasa may labas kami ng bahay ni Lia.
"Sa yaman ba naman ng mga Villabella, madami talagang umaaligid na magnanakaw kaya nag-iingat lang sila." paliwanag naman sa akin ni Nina bago nag-doorbell.
Tama nga naman si Nina, sino ba namang hindi mapa-praning kung ganun ka kayaman?
Agad namang bumukas ang malaking gate nila at lumabas ang isang kasambahay na mukhang tamad na tamad, nanlaki naman ang mata niya nung makita ako at binuksan ng malaki ang gate para makapasok kami.
"Miss Lia, pasok po kayo."
Tahimik naman kaming pumasok ni Lia, wala naman akong masabi dahil hindi ko alam kung ano ba ang dapat kong sabihin. "Miss Lia, gusto mo bang pagkain?" tanong nito sa akin.
Umiling naman ako, "Pakidala na lang ako sa kwarto ko." sagot ko sa kanya at sinunod naman niya ako. Pagpasok naman namin ng kwarto ni Lia sabay kaming napanganga dahil sa ganda nito dahil para kang nasa galaxy.

"Sige, iwan mo na lang kami." sagot ko sa kasambahay at naiwan kami ni Nina sa loob ng kwarto.
"Grabe, ang ganda ng kwarto mo, bakit hindi ka na lang bumalik dito?" tanong sa akin ni Nina habang nakahiga sa kama ni Lia at nakatingin sa ceiling kung nasaan yung galaxy.
Hindi ko din naman alam yung isasagot ko sa kanya, hindi ko nga alam yung papunta dito, first time ko pa lang makakita ng ganito kagandang kwarto.
Nakatulog na si Nina sa sobrang ganda ng ambiance ng kwarto, nakita ko yung isang cabinet ni Lia, agad kong kinuha yung isang photo album at hindi ako makapaniwalang magkamukha talaga kaming dalawa kahit nung bata pa lang kami.
Ang pinagkaiba lang naming dalawa, siya sosyal samantalang ako simple lang ng ayos, kung parehas lang kami ng ayos aakalain mo talagang iisa lang kaming tao. Pinagpatuloy ko ang pagtingin sa mga picture niya simula nung bata siya hanggang sa lumaki siya, yung mga birthday party niya at mga bansang napuntahan na niya.
Halos nalibot na nga niya yung buong Pilipinas at buong mundo, nakakainggit dahil sagana siya sa material na bagay pati na sa pagmamahal ng tatay niya. Kung titignan mo kasi yung mga pictures nila makikita mong sobrang lapit nila sa isa't isa.
Nung binabalik ko na ang photo album, may isang notebook na nakatawag ng pansin ko kaya agad ko yung kinuha. Hindi ko naman mabuksan dahil may lock na nakalagay, hindi ko naman alam kung anong combination ng mahiwagang diary ni Lia pero kahit na ganun susubukan ko pa rin.
Sinimulan ko sa pambansang passcode ng mga tamad na tao.
0000
Wala pa rin.
1234
Hindi pa rin.
"Ano kayang favorite na occasion ni Lia?" tanong ko sa sarili ko. Bigla ko namang naalala yung mga pictures niya kasama ang tatay niya nung Christmas sa ibang bansa.
1225
Napailing naman ako, subukan ko kaya ang birthday ko?
0214
Napanganga ako nung makita kong bumukas ang diary, hindi kaya yun din ang birthday niya?
Napatingin naman ako sa huling pahina ng diary ni Lia, nanlaki ang mata ko ng makita ko kung ano ang huling nakasulat sa diary niya.
Iiwan ko ang buhay ko para sayo.
End of Thalia's POV