Aʙᴀʟᴀ ako sa paglalaro ng doll house mag-isa dahil ayaw naman ni Rem na makipag-laro sa akin kaya mas minabuti ko munang maglaro ng doll house. Isang linggo na rin ang nakakalipas noong bumisita sina Mama rito sa bahay nina Tita Grace kaya iniuwi muna ako nila Dada para makapag-bonding muna kami at sobrang saya ko dahil kahit papaano ay na kasama ko na ulit sina Mama at Papa na sobrang na miss ko.
Sinusuklayan ko si barbie habang naka-indian seat ako sa sahig. Wala kaming pasok ngayon dahil weekends. Simula rin noong nakaraang linggo ay hindi na ako kinausap ni Sperm, tamang tango at iling lang siya kapag may tinatanong ako o 'di kaya ay iiwasan niya ako sa paraang pagkulong niya sa sarili sa k'warto. Nakakalungkot lang dahil umasa akong friends na kami dahil sinasamahan niya ako noong nakaraang linggo. Hindi ko naman alam ang dahilan kung bakit siya nag walk-out noong sinabi ko kina Dada na friends na kami. Kaya, kapag naiisip ko ang nangyari noong nakaraan ay gusto ko na lang umiyak.
Gusto ko sanang makipaglaro sa kaniya ngayon kaso baka sigawan niya ulit ako tulad kahapon. Napaiyak tuloy ako dahil sa pagsigaw niya sa akin kaya pinagalitan tuloy siya ni Ate Neigh. Wala kasi sina Tita Grace at kaming tatlo lang ang nasa bahay maliban sa mga maids dito sa bahay nila at sigurado rin akong pagagalitan siya ni Tita at Tito dahil pinaiyak niya ako pero dahil mabait ako ay hindi ko siya sinumbong kay Tita pero si Ate Neigh ay sinumbong siya. Kaya ayon, pinagalitan pa rin siya na mas lalo niyang ikinagalit kaya hanggang ngayon ay hindi niya na ako pinapansin at nasa k'warto na lang siya magdamag. Dinadalhan na lang siya ng katulong nila ng food kapag kakain na.
Sina Ronnie naman, hindi sila p'wede dahil busy na sila, daig pa mga magulang ko sa sobrang busy. Ang bata pa nila pero puro aral inaatupag nila. Hindi nila ako gayahin na ine-enjoy ang buhay bata dahil hindi na maibabalik ang bawat oras at panahon kapag gusto ulit nilang maging bata. Naniniwala kasi ako sa mga matatanda na 'Mas masarap maging bata . . . ulit.' Dahil daw kapag bata ka wala ka pang masyadong problema na sobrang makaka-stress sa'yo. Maliban na lang sa kalaro mo na laging nandadaya kapag naglalaro kayo. Bukod do'n ay wala ka nang problema. Na e-enjoy mo kasi ang bawat araw na nakakapaglaro ka kasama ang mga kaibigan mo o 'di kaya, wala ka pang pakialam sa mga problema sa mundo dahil ang problema mo lang ay kung paano ka makakatakas sa Nanay mo na bantay sarado dahil pinipilit kang makatulog habang may hawak-hawak na hanger na ipang-papalo sa'yo kapag nakita ka pa niyang gising. Naranasan ko 'yan kay Mama.
Wala akong kalaro. In short, loner ako ngayon dahil sobrang busy nila Ronnie sa pag-aaral sa bahay nila. Ayaw nilang magpa-istorbo, bukas na lang daw. E, ako naman ang busy bukas dahil naka-schedule na ako magdamag. Kakain at manonood ako hehe.
Hanggang sa tinamad na akong maglaro ng doll house kaya iniligpit ko na ang mga laruan ko saka ako umakyat sa second floor para bisitahin si Rem kung ano'ng ganap sa k'warto niya na baka nakipag gyera na naman sa sanggano. Kumatok ako ng dalawang beses at inilapat ang tainga sa pintuan pero wala akong naririnig mula sa loob at hindi niya pa rin binubuksan 'yong pinto. Naka-lock pa rin at mukhang ayaw niya pa ring makipag-usap sa akin.
Parang ewan talaga 'tong si Rem. Bakit kaya ayaw niyang i-enjoy ang pagkabata niya? Gusto na atang mamroblema sa mundo. Napailing-iling na lang ako dahil kay Rem. Kawawang Sperm, ayaw niyang maging bata dahil gusto na niya agad maging matanda, para ano? Para mamroblema rin kagaya ng mga matatanda? Paano kung tumanda siyang dalag-- este binata? Wala siyang maging asawa dahil sa sobrang pagmamadali niyang maging matanda. Kawawa naman 'yong kaibigan niya kung gano'n. Kawawa 'yong espada ni Sperm, hanggang sperm na lang sila dahil walang gustong makipag meet and greet na egg cell sa kanila.
Bumaba na lang ulit ako para pumuntang kusina at kumain na lang ulit ng cookies. Nagtimpla rin ako ng gatas sa baso dahil trip kong gayahin 'yong sa commercial na didilaan muna 'yong palaman bago isawsaw sa gatas at dahil cookies ang sa akin. Kumuha ako ng magiging palaman sa ref saka ko pinalamanan ng nutella ang cookie na hawak ko at ngayong ready na ako, ginaya ko na ang nasa commercial. Dinilaan ko muna ang nutella at napapikit sa sarap para mas dama ko ang sarap saka ko isinawsaw sa gatas 'yon, matapos kong isawsaw sa gatas ay kumagat ako sa cookie at nginuya. Hmm. . . yummy!
"What are you doing?"
Napabaling ako sa nagsalita at si Sperm 'yon na nakataas ang isang kilay dahil sa pagtataka. Habang ngumunguya ako ay inalok ko sa kaniya ang kalahating cookies na hawak ko.
"Gusto mo?" alok ko sa kaniya.
"I don't like chocolates rather cookies," wika niya.
"Masarap naman ang cookies ah?" inosenteng tanong ko sa kaniya.
"Para sa inyo masarap pero para sa akin, hindi. Mas gugustuhin ko na lang kumain ng ampalaya kaysa kumain ng cookies o chocolate," nanunuyang wika niya.
Sa mukha pa lang niya ay mahahalata mo talagang ayaw niya sa mga chocolates na sobrang paborito ko naman. Mas gusto raw niyang kumain ng ampalaya kaysa sa chocolates? Kung hindi lang seryoso ang mukha niya, siguro ay humalakhak na ako sa tawa dahil sa sinabi niya. Sino ba namang gugustuhing kumain ng ampalaya kaysa sa chocolates? Bukod tanging si Sperm lang ang gagawa no'n dahil ako? Never kong ipagpapalit si sweet chocolate kaysa kay bitter ampalaya.
"Bakit naman? Ang weird mo talaga, ikaw lang ang batang mas gugustuhin kumain ng ampalaya kaysa sa chocolates. 'Yong mga bata nga diyan sukang-suka sa ampalaya kahit pinipilit lang silang kumain ng mga magulang nila. Minsan nga nakakita akong umiiyak na bata dahil ayaw niyang kumain ng ampalaya tapos ikaw, mas gusto mo pang kumain ng ampalaya kaysa sa chocolates?" takang-taka kong tanong.
"Because it's healthy," maikling paliwanag niya.
"Tayong mga bata, hindi na natin iniisip kung healthy pa ba ang kinakain natin dahil mas iniisip natin kung ano ang lasa ng food if delicious ba or not," wika ko.
"No. I'm not belong to those children who wants a chocolate or junkfoods," nakakunot nitong sabi.
Nagkibit na lang ako balikat sa kaniya at pinagpatuloy ang pagkain ko sa cookies. Hindi na sa akin mahalaga ang pagtatalo namin dahil sa pagkain kung ano'ng mas healthy o sa hindi. Ang importante lang sa'kin ay kumakain ako o makakain ako ng matiwasay at mabusog dahil sa sarap ng pagkain na kinakain ko.
"Bahala ka sa kung ano'ng gusto mong kainin basta ako, i-e-enjoy ko lang ang pagiging bata ko dahil once na tumanda ako at least may na experience akong bagay na ma-ikwe-kwento ko sa future apo ko at para na rin sa memories. Ayoko naman i-kwento sa mga magiging apo ko na naging strict ako sa sarili ko na hindi kumakain ng cookies or chocolate at mas gu-gustuhin pang kumain ng ampalaya o 'di kaya naman ay mas gustong magbasa ng libro kaysa maglaro. Kumbaga, ayaw i-enjoy ang pagiging bata niya at mas gu-gustuhing mamroblema kapag tumanda," paliwanag ko.
Sa sobrang daldal ko, hindi ko na napansin na wala na pala sa harapan ko si Sperm. Nilibot ko ang paningin ko pero wala nang bakas na Sperm akong nakita dahil ako na lang ulit ang mag-isa rito sa kusina. Mukhang iniwan na ako ni Sperm habang kumukuda at abala ako sa pagkain ng cookies. Nailing na lang ako sa ugaling mayroon si Sperm. Daldal ako nang daldal dito, wala na pala akong kausap. Hindi man lang niya ako sinabihan na aalis na siya, basta na lang siyang umalis na hindi ko namamalayan. Ano ba kasing ginawa niya rito sa kusina at napadpad siya rito? Kainis 'yong baklang 'yon.
Matapos kong kumain ng cookies pumunta ulit akong sala para manood na lang ng power puff girls. Favorite ko si bubbles dahil ang cute niya, katulad ko.
Naabutan ko si Sperm na nanonood sa sala ng detective conan. Umupo ako sa sofa at nilipat ang channel. Sinamaan ako ng tingin ni Sperm sa ginawa ko kaya nagpanguso ako sa talim ng tingin niya. Ayoko kasi ng pinapanood niya, gusto ko ng power pop at lagi kong sinusubaybayan 'yon.
"Can't you see? I'm watching!" sarcastic na sigaw niya.
Napayuko naman ako at nangilid ang luha ko. Ayoko kasi sa lahat sinisigawan ako, H
hindi ko alam pero mabilis akong mapaiyak kapag sinisigawan, parang may pumipiga sa puso ko tapos nahihirapan akong lumunok na parang may nakabara sa lalamunan ko. Medyo nagulat pa nga ako sa pagsigaw niya dahil hindi ako sanay na sinisigawan, wala pang naninigaw sa akin bukod tanging siya pa lang ang naninigaw sa akin ng ganiyan. Wala naman akong mabigat na kasalanan sa kaniya para maging ganito siya kagalit sa akin. Kahit naiiyak na ako ay tumingin ako sa mga mata niya.
"S-sorry," mahinang wika ko.
Nilipat ko ulit sa pinapanood niyang detective conan saka na ako tumayo para pumunta na lang sa k'warto ko. Hindi ko alam kung ano'ng gagawin ko sa k'warto ko at mukhang magmumukmok na lang ako sa loob. Miss ko na nga rin ang mga kaibigan ko sa amin. Hindi ko na ulit sila nadalaw noong nag-umpisa na ang schooling. Akala ko magiging masaya ako rito kina Tita Grace dahil akala ko ay magiging close kami ni Sperm at magkakaroon ulit ako ng bagong kaibigan pero nahanap ko lang dito ay kaaway. Turing sa akin ni Rem ay isang kaaway hindi ko alam pero may kung ano'ng bagay ang pumipiga sa puso ko. Normal lang ba 'to o may sakit na ako?
Handa na akong umalis nang magsalita si Sperm na nakapagpatigil sa akin sa paglalakad papuntang k'warto ko.
"Sorry. . . sige, manood ka na ng gusto mo," mahinahon niyang wika.
Napangiti naman ako ng malapad at bumalik sa pagkakaupo sa sofa saka ko ulit nilipat ang channel at saktong power pop na kaya mas lalo akong natuwa. Kahit ramdam ko ang titig ni Sperm sa akin ay hindi ko na lang siya pinansin pa dahil busy na ako sa panonood ng power puff lalo na at si bubbles ang nagsasalita.
Kalaban nila 'yong unggoy na maliit na si Mojo Jojo nakakainis 'tong unggoy na 'to kahit kailan masyadong kontrabida buti na lang nandiyan ang power puff girls para tumulong sa lahat kaya hindi siya nananalo. Idol na idol ko talaga ang power puff dahil lagi silang tumutulong sa mundo kaya gusto ko rin maging ka m'yembro nila balang araw.
"Gusto ko rin maging isang power puff balang-araw," ani ko sa kawalan.
Narinig ko namang natawa ang katabi ko kaya napabaling ako sa kaniya na nakangisi lang habang nakatingin sa akin at parang may sinabi akong nakakatawa kahit wala naman. Masama bang mangarap na maging isang m'yembro ng power puff?
"Bakit ka tumatawa? May nakakatawa ba?" inosenteng tanong ko.
Tumango naman siya sa akin at hindi pa rin naaalis ang ngisi sa mga labi niya na halatang nagpipigil ng tawa.
"Alam nating pareho na hindi mangyayari ang gusto mo. Walang power puff girls sa totoong buhay. They're all cartoons," wika niya.
Nangilid na naman ang luha sa mga mata ko at hindi ko na napigilang hindi maiyak sa sinabi niya. Napahawak ako nang mahigpit sa kinauupuan ko dahil ayokong pumalahaw nang iyak kapag ganito ang nararamdaman ko. Masama ang tingin ko kay Sperm habang tumutulo ang mga luha ko. Naging maamo naman ang mukha niya dahil sa nakikita niya sa akin.
"But even if they're not exist p'wede naman natin silang gayahin. Do you want to try?" pagbabawi niya.
Bigla namang lumiwanag ang mukha ko at tumahan na sa pag-iyak dahil napalitan na 'yon ng ngiti. Napabuntong hininga naman si Sperm pero dahil sa sinabi niya nabuhayan ako ng loob para ayain siyang gayahin ang power puff.
"Pero bago 'yon let me fix your hair first," dagdag niya. Tumango naman agad ako 'tsaka ako tumalikod para ayusin niya ang buhok ko.
"I want bubble's hair, she's too cute like me."
"Bubbles then."
Hinati niya ang buhok ko sa dalawang parte at pinusod ang magkabilaang parte ng buhok ko at nang matapos niyang ipusod 'yon iniwan niya ako saglit para kumuha ng damit na katulad kay Bubbles. Bumalik na naman agad siya kaya mabilis akong nagpalit ng damit.
"Cell! May cr tayo. Ba't bigla-bigla ka na lang naghuhubad sa harapan ko," inis niyang sabi habang nakatakip ang mga palad sa mata.
Hindi na lang ako sumagot at tinapos ang pagbibihis ko. Tumingin ako sa salamin malapit sa sala. Kitang-kita ko ang sarili ko na medyo hawig na kay Bubbles kaya napapalakpak ako sa tuwa. Humarap ulit ako kay Sperm na nakatingin na ngayon sa akin. Nginitian ko agad siya at sinugod ng yakap.
"Thank you Rem," magiliw kong sabi.
"Welcome," may bahid na ngiting sabi niya.
Kumalas na ako sa pagkakayakap at nakipaglaro na sa akin si Sperm. Kunwari siya ang unggoy na kalaban ng power puff at ako naman si Bubbles na magliligtas sa mundo natin. Sinugod ko agad siya at dinagganan. Nang napahiga na siya sa sahig ay sumakay ako sa tiyan niya at kunwaring sinusuntok siya sa mukha at ang Sperm naman ay todo rin sa pag-acting na kunwari ay namatay sa pagsuntok ko sa kaniya.
Hanggang sa mapagod kaming parehas at naupo na ulit kami sa sofa. Magulo na ang buhok ko kaya inayos ulit ni Sperm 'yon pero sa pagkakataong 'yon ay itinirintas na niya ang buhok ko naikinagulat ko. Marunong pala siyang magtirintas ng buhok samantalang ako ay gustong-gusto ko talagang matuto magtirintas pero hindi ko magawa dahil hindi naman ako marunong.
"Paano ka natutong magtirintas ng buhok? Gusto ko rin matuto! Turuan mo ko. Please Rem," pagmamakaawa ko.
Tumawa naman siya.
"Tinuruan ako ni Ate Neigh. Gusto niya raw na matuto ako magtirintas para kapag nagka-girlfriend ako ay maayusan ko siya," paliwanag ni Sperm.
"Hindi mo naman ako girlfriend ah? Pero bakit mo 'ko tinitirintas?" takang tanong ko.
"Hindi naman porket pinusod ko 'tong buhok mo girlfriend na kita pero..."
"Pero?"
"Pero kapag lumaki na tayo baka gawin kitang girlfriend," aniya.
Bumaling ako ng tingin sa kaniya na gulat na gulat sa sinabi niya. Tapos na naman niya akong itirintas kaya p'wede na ulit akong tumingin sa kaniya. Bakit niya ako gustong maging girlfriend? Akala ko ba, bakla siya? Akala ko ba, crush niya si Zeus. Kumunot ang noo ko habang nakatingin sa seryoso niyang mata.
"A-akala ko kasi . . . akala ko.." Hindi ko maituloy ang gusto kong sabihin sa kaniya.
"Akala mo ano?" nakakunot na rin sa pagtataka si Sperm.
"Akala ko kasi crush mo si Zeus at bakla ka kaya ka laging galit sa akin," napayuko ako sa hiya.
Wala akong naririnig mula sa kaniya kaya inangat ko na ulit ang tingin ko sa kaniya. Nakatingin pa rin siya sa akin pero hindi kumikibo kaya kinabahan ako na baka magalit na naman siya sa akin kaya napakagat na lang ako sa labi. Ayoko na ulit masigawan ni Sperm dahil hindi ako nakakahinga ng maayos kapag ginagawa niya 'yon sa akin.
"I'm not . . . pero hindi naman ibig sabihin na kapag naging girlfriend na kita hindi na ako p'wedeng magkagusto sa kapwa ko," seryosong aniya.
Mas lalong lumaki ang gatla sa mukha ko. So, totoo nga? Hindi straight si Sperm? Pero bakit niya sinasabi sa akin 'to? Bakit hindi niya sabihin kina Tita Grace na hindi pala siya straight. Nawala ang pagtatanong ko sa isip nang marinig ko ang malakas na tawa ni Sperm habang hawak-hawak ang kaniyang tiyan at ang isang kamay naman niya ay nakaturo sa akin.
"LT 'yong mukha mo," tawa siya nang tawa na parang kakapusin na nang hininga. "As if . . . naman na magkagusto ako sa kapwa ko habang may girlfriend ako," natatawa pa rin niyang paliwanag.
Seryoso lang akong nakatingin sa kaniya habang siya naman ay naliligayahan sa naging reaksyon ko kanina dahil sa sinabi niya. Nang huminahon na siya sa kakatawa ay sumeryoso na ulit ang mukha niya.
"Sabi sa akin ni Mommy hindi ako p'wedeng mag-girlfriend kung hindi ko naman gusto o mahal ang isang tao dahil masasaktan ko lang daw 'yong babae. Kaya dapat siguraduhin ko muna kung gusto o mahal ko ba 'yon bago ko siya gawing girlfriend para sa gano'n, hindi ko siya masaktan. Tama naman si Mommy at sang-ayon ako ro'n. Hindi ako mag gi-girlfriend kung hindi ko naman gusto 'yong babae," mahabang paliwanag niya.
Ito na ata ang pinakamahaba niyang sinabi sa akin kaya parang gusto kong magpa-party sa haba nang sinabi niya pero ang bata pa namin para maging topic ang ganitong bagay kaya hinayaan ko na lang siyang magpaliwanag kahit hindi ko naman masyadong naintindihan ang paliwanag niya.
"Pero seryoso ako Cell. Kapag nasa tamang edad na tayo gusto ko, ikaw ang huli kong maging girlfriend," aniya.
Napasimangot naman ako sa sinabi niya. Ayaw niya ba akong maging unang girlfriend?
"Bakit ayaw mo akong maging first girlfriend?" tanong ko.
"Mas magandang mahuli ka para sigurado akong ikaw na talaga ang para sa akin. Mas mahalaga ang last kaysa sa first pero p'wede ring ikaw na ang first and last ko," aniya sabay kindat.
"Hala! Ang landi mo pala Sperm, ang bata-bata pa natin pero ang harot-harot mo na. Sumbong kaya kita kay Tita Grace?"
Tumawa lang siya ng bahagya 'tsaka nagkibit ng balikat. Mukhang wala siyang pakialam kahit isumbong ko pa siya kay Tita.
"Kahit isumbong mo pa ako kay Mommy baka mas mapabilis pa na maging girlfriend kita kapag sinabi mo sa kaniya," nakangising aniya.
"Eh, paano ka naman nakakasiguro na papayag akong maging girlfriend mo?" panghahamon ko.
Bigla naman siyang sumeryoso at bigla na lang nag-iba ang mood niya sa sinabi ko. Mukhang magagalit na naman siya sa akin at sisigawan na naman ako pero akala ko lang 'yon. Nagulat na lang ako nang hilahin ako ni Sperm at niyakap ng mahigpit.
"Hindi ako papayag. Gagawin ko ang lahat para maging girlfriend lang kita sa tamang edad natin kaya hanggang bata pa lang tayo, walang p'wedeng lumapit sa'yong kahit na sinong lalaki maliban na lang sa akin, kay Daddy at kay Tito. Ako lang ang p'wede Cell. Wala ng iba," bulong niya sa tainga ko.