"Hey, Rem. How's your day?" tanong ko sa kaniya.
Nandito kami sa kusina habang nagbabasa siya ng libro at ako naman ay abalang kumakain ng cookies at mukhang ako na ang makakaubos nitong lahat.
Nakalagay lang ang baba ko sa lamesa habang nginangata ang cookies. Hindi pa rin ako pinapansin ni Rem kahit ano'ng gawin kong pagkausap sa kaniya. Minsan nga na iisip kong bakla nga talaga si Rem kaya ang tahimik niya lalo na nang maghinala ako at tama lang rin ang hinala kong bakla siya at nagseselos talaga siya sa amin ni Zeus. Ang bata pa namin pero ang lantong na niya. Paano na lang kung malaki na kami? Edi pati 'yong espada niya lalaki na rin.
Tsk! Kahit kailan walang k'wentang kausap si Sperm na palaging kaharap lang ay ang mga libro. Feeling niya siguro heniyo or brainy na siya kapag nagbabasa ng libro. Hindi ba sumasakit ang mga mata niya kakabasa ng libro o hindi man lang nangangalay ang mga kamay niya sa kakahawak ng libro?
"Alam mo kasi Sperm--"
"Rem!" putol niya sa sinasabi ko at mariin niyang wika.
"Okay. Rem, Sperm, whatever you are. Ikaw pa rin naman 'yan walang nagbago. Anyways, P'wede bang samahan mo ako sa cr?" tanong ko sa kaniya.
"At bakit naman kita sasamahan sa cr?" masungit niyang tanong at nagpatuloy sa pagbasa ng libro.
Inilagay ko ang mga braso ko sa lamesa at iyon ang ginawa kong unan sa ulo ko dahil medyo masakit pala ang ilagay ang baba sa lamesa habang kumakain ng cookies.
Nakadukmo lang ako sa mga braso ko dahil ramdam ko ang hiya sa sarili ko.
"Because it's already midnight, Rem and... and... and..." hindi ko maituloy ang sinasabi ko.
"And, what?" tanong niya at itiniklop na rin sa wakas ang libro.
"Natatae na kasi ako at feeling ko may multo sa cr, so . . . p'wede bang samahan mo naman ako sa cr, pretty please?" umalis na ako sa pagkakadukmo sa lamesa at tumingin sa kaniya habang nagpa-puppy eyes.
Tumitig lang siya ng ilang segundo sa mga mata ko bago umingos sa akin.
"Ano naman ang gagawin ko sa cr? sisinghutin ko 'yong baho ng tae mo?" sarcastic niyang tanong.
"Parang gano'n na nga pero kasi naman, kailangan ko ng kasama! Paano na lang kung nasa kisame si sadako? Paano kung may magpakita sa salamin? Kaya, samahan mo na ako Rem," nakikiusap kong sabi at na utot na sa harapan niya.
Mabilis naman niyang tinakpan ang ilong niya dahil sa baho ng utot ko kahit ako ay napatakip na ng ilong sa baho.
"You're so embarrassing Cell! Sige na! Sasamahan na kitang tumae, ang baho!" ani Sperm habang nakatakip na ang dalawang palad niya sa ilong kasama na ang bibig.
"Yey!" napatalon pa ako sa tuwa. Dumiretso na agad kami sa cr. Saka ko hinubad ang pambaba ko. Nakatalikod sa akin si Sperm na parang takot na takot.
"Sperm! Ang hirap tumae! Masakit sa p'wet!" sigaw ko sa kaniya habang umiire.
"What should I do then?!" sigaw niya sa akin pabalik habang kumumpas pa ang kamay at nagtakip ulit ng ilong dahil na amoy niya siguro ang pupu ko.
"Wala lang," mahinahon kong sabi nang mailabas ko na ang pupu ko.
"Can you please faster! I can't breath anymore!" namumula na ang mga tainga niya at panigurado pati ang mukha niya ay namumula na rin.
Mabilis naman akong naghugas at sinuot muli ang pang-ibaba ko at naghugas nang mabuti ng kamay. Lumapit na ako kay Sperm na wala pa ring imik at tama nga akong namumula ang mukha niya.
"Finished na po. Success!" nakangiting ani ko habang hinihimas ang tyan.
Mabilis naman siyang lumabas ng banyo at habol ang kaniyang hininga habang nakahawak sa magkabilang tuhod na parang hindi nga huminga sa loob ng banyo.
"Okay ka lang?" tanong ko at hinawakan siya sa balikat.
"Don't touch me! Katatae mo lang!" sigaw niya.
Tinanggal ko naman agad sa balikat niya ang kamay ko. Ang arte naman niya. Kakahugas ko nga lang e, nag-alcohol pa nga ako. Matapos niyang huminga ng malalim ay bumaling siya sa akin at ang sama nang tingin.
"Hindi ko na gagawin ulit 'to, bahala kang tumae mag-isa! Muntik na akong mamatay sa baho!" galit niyang sabi.
"Arte mo naman parang hindi ka umutot kanina ah? Mas mabaho pa nga 'yon kaysa sa tae ko," sabay irap sa kaniya.
Nakita ko namang namula ulit ang buong mukha niya saka ako iniwan mag-isa. Hinabol ko naman agad siya at naabutan kong umaakyat na siya sa taas at mukhang papasok na siya sa k'warto niya.
"Sperm!--"
"I said, It's Rem!" Inis niyang sabi habang patuloy sa pag-akyat na hindi bumabaling sa akin.
"Edi Rem! P'wede bang makitulog sa k'warto mo?" mahinahon kong tanong.
Nami-miss ko na kasi sila Mama. Isang buwan na rin ang lumipas. Hindi pa nila ako nabibisita at mukhang busy nga sila sa work. Nakakalungkot lang dahil wala na silang oras para sa akin although naiintindihan ko naman sila kung bakit sila nag wo-work. Nakayuko lang ako habang nasa likod ni Rem na umaakyat papuntang k'warto niya. Nahinto ako sa paghakbang nang mauntog ang ulo ko sa isang bulto. Bigla akong natakot dahil baka si sadako ang nabunggo ko. Ayokong mag-angat ng tingin baka bumulaga siya sa akin.
Napapikit ako nang mariin habang nagdarasal na sana mapansin ako ni Rem, kaso naalala kong bakla nga pala siya at baka siya pa ang tumili sa aming dalawa.
"Ano'ng ginagawa mo?" tanong ng ka boses ni Rem.
Nagtakip ako ng mata dahil sa takot.
"B-bakit ka boses mo si Rem?" nanginginig kong tanong.
"Dahil ako si Rem?" sarcastic niyang sabi.
Nag-angat ako ng tingin at si Rem nga 'yon. Nakahinga naman ako nang malalim at niyakap siya dahil sa sobrang kaba na akala ko ay si sadako na. Hindi siya pumiglas at natulos lang sa kinatatayuan namin.
"P'wede bang makitulog muna sa k'warto mo? Wala kasi akong kasama sa k'warto ko dahil natatakot ako . . . miss ko na rin sina Dada at Mama," pinalungkot ko ang boses ko para effective sa kaniya.
Mabilis naman siyang kumalas sa akin at tiningnan ako sa mga mata. Nag-pout na rin ako, ginawa ko ang lahat para mangilid ang luha ko. Bumuntong hininga naman siya saka tumango na parang suko na.
"Okay," aniya saka nauna nang umakyat.
Napatalon naman ako sa tuwa at sinundan ko naman agad siya at pumasok na kami sa k'warto niya.
Nauna na akong sumampa sa kama niya at lumuhod doon para magdasal muna.
"Dear Papa God. Thank you po sa araw na 'to. Sana po bumisita na sina Dada at Mama rito dahil miss na miss ko na po sila. Ingatan niyo po sila Papa God, thank you rin po dahil pinayagan ako ni Rem na matulog sa k'warto niya. Sana po bukas hindi na siya masungit sa akin. Good night po!" dasal ko saka nahiga na sa kama.
Nakatayo lang si Rem at tiningnan ako habang naka-cross-arm. Umusog naman ako ng bahagya at tinapik ang bakanteng higaan.
"Higa ka na," nakangiting sabi ko. "'Wag kang mag-alala wala naman akong gagawin sa'yo."
Pinaningkitan niya ako ng mata na parang hindi siya niniwala sa sinabi ko. Lumapit na siya at naupo muna sa gilid ng kama. Hinila ko naman siya pahiga at niyakap siya para makatulog agad ako.
Ramdam kong natulos siya sa pagkakahiga at malalalim ang bawat paghinga niya. Minsan nagtataka ako kay Rem kung bakit siya ganito sa akin. Hindi naman ako mabaho o may sakit para layuan niya ako. Alam kong may gusto siya kay Zeus pero hindi naman siguro magseselos si Zeus dahil wala namang gusto sa kaniya si Zeus.
Pumikit na ako at bumulong sa kaniya. "Good night Rem," ani ko.
"Good night," wika rin niya at niyakap ako pabalik.
Napangiti naman ako sa ginawa niya bago tuluyang makatulog.
**
NAGISING ako dahil sa pag-flash ng ilaw. Bumango ako at kinusot-kusot ang mga mata ko at nakita ko si Tita Grace na may hawak na camera.
"T-tita, bakit niyo po kami kinukunan ng picture?" tanong ko.
"Ang cute niyo kasi ni Rem. Tingnan mo oh," ngiting-ngiting hayag ni Tita Grace. "Magiging maganda ang lahi natin niyan," habol niyang sabi saka pinakita sa akin ang picture namin ni Rem.
Nakayakap siya sa akin habang ako naman ay nakatalikod sa kaniya. Ang pangit ko sa picture pero si Rem. Ang g'wapo pa rin niya kahit saang anggulo tingnan at kahit natutulog ay g'wapo pa rin siya hindi tulad ko na parang aswang sa umaga. Nakakainis naman. Ang unfair!
"Ang cute 'di ba?" natutuwang tanong ni Tita Grace. Tumango na lang ako para kunwaring na cute-an ako. Pumalakpak pa si Tita at natutuwang lumabas ng k'warto ni Rem. "Ipapakita ko 'to sa Daddy ni Rem. Matutuwa 'yon," bulong niya sa sarili.
Nang makaalis naman si Tita Grace ay gumalaw naman si Rem at parang may kinakapa sa kama at nang mahawakan niya ako dumilat siya ng bahagya. Bumangon siya sa pagkakahiga at kinusot-kusot ang mga mata.
"Good morning Rem," nakangiting bumangad ko kahit alam kong mukhang pugad ang buhok ko.
Ngumiti naman siya sa akin na ikinagulat ko. Totoo ba 'tong nakikita ko? Dapat makikita ko ang matalas niyang tingin sa umaga pero ngiti rin ang natanggap ko at binati niya pa ako.
"Good morning."
Ang g'wapo niya sa umaga ah. Bakit ako mukhang aswang? Marahan siyang tumawa habang nakatingin sa akin. Grabe na talaga 'to, kitang-kita ko ang dalawang dimples ni Rem na sobrang lalim. Inilapit niya ang kamay niya sa ulo ko para ayusin ang magulo kong buhok.
"Para kang aswang sa umaga," natatawang sabi niya.
"Edi ikaw na ang g'wapo sa umaga," sarcastic kong sabi.
Ngumisi lang siya at nang matapos suklayin ang buhok ko gamit ang kamay niya ay umalis na siya sa kama kaya ginaya ko rin siya. Tumungo siya sa banyo at pumasok rin ako. Pinanood ko siyang maghilamos at mag-toothbrush na hindi uso sa akin. Charot! Nagto-toothbrush din ako dahil ayoko ng bad breath sa umaga. Nang matapos si Rem iniabot niya sa akin ang toothbrush na bago. Kinuha ko naman 'yon at binuksan bago ako nag toothbrush at naghilamos.
Iniabot niya sa akin ang towel at handa ko nang punasan ang sariling mukha nang siya na ang nagpunas no'n.
Matapos 'yon, sabay na kaming lumabas ng banyo at lumabas ng k'warto. Dumiretso kami sa kusina at naabutan namin sina Tita Grace na kasama na sila Dada.
Tumakbo ako papunta sa kanila dahil sa sobrang tuwa.
"Mama! Dada!" sigaw ko at niyakap sila.
"Aww! Na-miss kami ng baby girl namin," nakangiting ani Mama habang yakap nila akong pareho.
"Opo Mama," masayang sabi ko.
"Kaya ba natulog ka sa k'warto ni Rem?" nakangising tanong ni Mama.
Bumitaw na kami sa pagkakayakap at masayang tumango bago ako lumapit kay Rem na nakatayo pa rin. Hinawakan ko siya sa kamay at masayang humarap sa kaniya saka ulit ako bumaling nang tingin kina Dada na nakangiti rin sa amin.
"Friends na po kami ni Rem. Hindi na po siya masungit sa akin pero slight na lang. Sinamahan niya po ako kumain, tumae, matulog at maghilamos," masayang sabi ko.
"Good to hear baby," sabi ni Dada.
Nang tumingin ako kay Rem masama na ang tingin niya sa akin at bumitaw sa pagkakahawak ko sa kamay niya 'tsaka nag walk-out.
Ayaw niya ba akong maging friends?
Biglang nangilid ang mga luha sa mga mata ko bago ko ibaling kina Mama ang tingin ko na parang na disappoint at na lungkot.