Champ's Point of View
Thursday later, pina-park ko ang kotse ko rito sa parking lot nang makita ko ang mga nag-aabang sa akin sa labas. Inis ko silang nirolyahan mula rito sa loob, tsaka ako lumabas.
'Tsk!'
"Buti naman at dumating ka na?" untag niyong si Patrick na nakaupo roon sa harapan ng kanyang sasakyan. Lumakad siya na sisiga-siga papalapit sa akin. Nakapamulsa ko siyang tiningnan.
Ngisi niya akong tinitigan sa mga mata habang ngumunguya ng bubble gum.
"Ano na naman ba 'to?" inis na singhal ko.
"Mukhang mainit ulo mo ngayon?" ngisi pa niya tsaka naglakad-lakad sa harapan ko. nakabantay naman ang mga kasama niya, mga lima silang lahat kasama na roon si Patrick.
Humakbang ako kaso hinarang niya ako dahilan upang magngalit ako sa inis.
"Hindi ka ba nagsasawa?" kunot-noong tanong ko sa kanya.
"Hahaha! Bakit naman ako magsasawa? Actually, sobra akong nag-eenjoy sa'yo!"
'Tss! Baliw!'
"Wag niyo nga 'kong ginugulo kung ayaw niyong pag-uuntugin ko kayo!" galit na usal ko. Tumabi sila sa daraanan ko.
"Init talaga ng ulo mo, 'di ka naman mabiro e!" tawang usal ni Patrick sa 'kin.
"Gunggong ka talaga!"
"Haha! Oo nga pala, may meeting daw tayo mamaya sabi ni coach!" sabi niya ng may kalayuan sa akin. Nilingon ko sila.
"Sige kita na lang maya..." usal ko.
"Ge! Bro!"
May topak na naman sa bungo 'yong isang 'yon. Tropa ko silang lima at nakilala ko sila dahil sa baseball.
Nang nasa quadrangle na 'ko ay nakita ko si Ken na mag-isang naglalakad, habang hawak ang strap ng kanyang bag.
Palihim ko siyang sinundan, nakangiti akong pinagmamasdan ang mabagal niyang paglalakad. Napakahinhin naman masyado 'tong maglakad.
Bigla siyang napahinto kaya bigla rin akong napatalikod. Sumipolsipol ako at tiningnan ang mga kalapit na puno.
"Sinusundan mo ba 'ko ha?"
Nilingon ko siya at nakitang nakapamewang.
"Ikaw? Sinusundan ko? Bwahaha!" tsaka ako naglakad at nilagpasan siya.
"Toothpick!"
"Ano? Ako toothpick?" nilingon ko siya na may nakakalokong tingin.
"Assuming? 'Di naman kita kausap a!" singhal niya, nilapitan ko siya dahilan upang hindi mapakali ang kanyang mga mata.
"E?"
"Bahala ka nga diyan!" sigaw niya sa 'kin dahilan para mapatingin sa 'min 'yong mga naglalakad. Nakasunod lang ako sa kanya hanggang sa marating namin ang room. Pagpasok namin ay kataka-takang pinagtitinginan nila kami.
Tahimik na naupo si Ken sa kanyang upuan at ganoon na rin ako. Naiimbyerna ako sa mga bulungan nilang lahat while facing their mobile phones. May kung ano silang pinag-uusapan doon.
Narinig ko ang pop-up message ng phone ko.
Patrick: Sikat ka ngayon a :D
Nagkunot-noo ako dahil sa message niya sa akin.
Me: Ano na naman bang trip mo?
May reply na siya agad.
Patrick: Gagiks! 'Di mo pa ba nakikita 'yong stolen pics mo sa IG post ng fans club mo?
Bigla akong nabahala dahil sa sinabi niya kaya dali-dali akong nagtungo sa IG app at pinindot iyon. Napakaraming notifs na natatanggap ko. And then, nag-notif din sa 'kin 'yong naka-tag na pic.
'Takte!'
'Champinatics tagged you in a photo.'
Pinindot ko 'yon at laking gulat nang makitang kasama ko sa pic si Ken, this scene happened at the cafeteria yesterday.
"Aish!" inis na usal ko. Sa inis ko ay tumipa ako ng mensahe sa admin ng club na 'yon.
Me: Remove that photo or I'll report your account! Delete it right now!
Galit kong message sa kanya, I even, blocked her. Wala akong pakialam sa sasabihin niya.
"Okay ka lang ba?" tanong nitong nasa tabi ko. Agad akong nag-shift ng mood.
"Hehe! Oo, okay lang ako, bakit? Nag-aalala ka?" ngiting tanong ko sa kanya, isinandal ko ang likuran ko sa aking upuan at inilagay sa batok ko ang mga kamay ko.
"Alala my face!" he exclaimed.
May nagmessage sa kanya, narinig ko kasi 'yong phone niya na nagring. Nilabas niya 'yon mula sa kanyang bulsa, sumilip ako, kaso nilayo lang niya at pilyong binelatan ako.
'Tong pandak na 'to, namimihasa na!'
"Isa pang labas ng dila mo, kakagatin ko 'yan."
Kaso binaletan ulit niya ako.
'Aba't!'
--
"Ali slang muna ako saglit..." paalam ko kay Ken.
Nasamid siya sa pagkakarinig niyon at sumama bigla 'yong mukha niya.
"E 'di umalis ka! Ba't ka pa nagpapaalam? Tatay mo 'ko?"
"Opo, tatay..." natatawang inis ko sa kanya at effective nga.
"Tsupe! Lumayas ka na nga!"
"Oo, heto na!" inis na sagot ko sa kanya.
Kung makasigaw sa 'kin 'kala niya wala kaming kasamang ibang tao rito. Pasalamat siya tapos na ang klase namin.
"Tss! Akala mo naman bagay sa kanya maging suplado, para naman siyang pandak na may mens!" inis na usal ko nang nasa hallway na ako.
"Hi, Champ!"
"Hi, Champ!"
"Hi, Champ!"
Sa kung saan may bumabati sa akin, nakapamulsa akong naglalakad rito patungo sa club room, naghihintay na raw sila sa akin. Kaya, wala akong ibang choice kundi ang ngitian silang mga bumabati dahilan upang kulang na lang ay lumabas na ang mga ngala-ngala nila kakatili.
'Tss!'
Nang makarating ako sa club room ay dinagsa ako ng mga kasama ko. Hindi ko alam kung papaano ko ipipinta 'tong mukha ko sa kanila. I stood up firmly at walang pinakitang kung ano.
"Wtf, bro! ano 'tong kumakalat na picture niyo sa IG?"
"Wala lang 'yan..." sagot ko at naupo sa couch na naroon, hinihintay pa pala namin si coach kaya naman pala ganito kaingay 'tong mga 'to.
"Pinagpipyestahan kayo sa internet e, wala pa ba 'to?" tanong ni Patrick.
"Kaya ko nga pinatanggal na e!" inis na sagot ko.
"E mukhang walang balak tanggalin ng admin, dahil nakakalikom sila ng popularity rito..."
"Aish!" inis na padyak ko sa kinauupuan ko.
"Anong nangyayari rito?" biglang pumasok si coach, naimbyerna akong napatingin sa gawi niya.
"Gutierrez, anong nangyayari sa'yo?" he asked.
"Wala po, sir..." halukipkip kong sagot.
"Ano itong rumor na naririnig ko?" tanong niya sa 'kin.
Lumapit siya sa 'kin.
"Wag na kayong dumagdag..." walang galang na saad ko.
Hindi ko alam kung bakit ang init na bigla ng ulo o, dapat nga ay wala lang ito sa akin dahil ginusto ko naman ang mga nangyayari. Napagulo ako sa aking buhok.
Sa pagdaan ng oras, habang tinatalakay ni sir ang mga events ngayong month ay wala akong naiintindihan dahil wala ako sa sarili ko.
"And one more thing, opening ng clubs mamayang hapon, you are free na sumali sa ibang clubs na gusto ninyo, that's all, you may go..."
Nang makalabas na kami ay lunch time na. Sakto nang nasa hallway ako ay nakita ko sina Troy at si pandak kaya nilapitan ko sila. Ngiti kong sinalubong silang dalawa.
"San na kayo magla-lunch?" tanong ko.
"Sa restaurant, sama ka?" alok sa akin ni Troy, agad naman akong napatango.
"Sure..."
'...as long as kasama natin 'tong si pandak...'
"Tss!" inirapan niya ako at inis na napahawak sa strap ng kanyang bag. Style na niya talaga iyon. Mukha siyang timang pero in fairness, ang astig niya.
"Tinitingin mo!" he hissed.
"Mag-babangayan na naman ba kayo?" sita ni Troy ng nasa parking lot na kami.
"O, ano tinitingin-tingin mo, Ken? Mukha kang nanakawan sa hitsura mo..." natatawang usal ni Troy.
"Diyan ako sasakay sa'y-"
"Nope! Ayaw ko sa maingay, diyan ka kay Champ..."
"Pe-"
"Bye! Kita na lang tayo sa resto..." anya at hindi pinakinggan si Ken, natawa ako. Siniringan niya ako at tsaka inirapan.
"Tawa-tawa ka diyan, insik!" galit na naman siya.
"May problema ka sa mata ko?" pang-iinis ko pa.
"Hindi lang sa mata! Problema ko ang lahat sa'yo! Tara na nga!" sigaw niya sa akin.
Napapangiwi akong pumasok sa loob ng sasakyan ko. at buti, umupo siya rito sa tabi ng driver's seat.
Buong biyahe ay wala siyang imik sa akin, nakatutok lamang siya sa kanyang phone tapos nakita ko bigla 'yong pagkagulat niya.
"Wtf! Ano 'to?" gulat na tanong niya.
"Ano 'yon?" takang tanong ko.
"Anong ano? Alam kong alam mo 'to dahil naka-tag ka at wala ka pang balak na sabihin sa 'kin?" galit na sigaw niya rito sa loob ng sasakyan ko.
"Ano baa ng ingay mo!"
"Talagang mag-iingay ako dahil sa post na 'to! Kaya naman pala ang tatalim ng tinginan nila sa akin kanina! Kasalanan mo 'to e!" pansisisi niya sa 'kin.
"O? Ba't ako na naman?"
"E ikaw lang naman 'tong may mga mahaderang fans e! Aanhin ba kita? Aagawin kita sa kanila? Pucha! Saksak ka nila sa baga nila!" halukipkip niyang sigaw, lumalabas na 'yong ugat sa noo niya sa inis.
"Haha!"
"Nakuha mo pang tawanan ako imbes na pahintuin mo sila o ipa-remove mo 'yong post e!"
"I did it already, eventually, wala rin akong nagawa..."
"Dahil mas importante sa'yo 'yong kasikatan mo!" inis na sigaw niya sa akin.
Napangiwi na lang ako sa mga kung anu-anong lumalabas sa bibig niya. 'I don't care.'
Nang makapag-park ako ay dali-dali siyang lumabas ng sasakyan ko at nauna nang pumasok. Galit nga siya sa akin dahil sa kumakalat na picture namin doon sa cafeteria kahapon.
Napakamot na lamang ako ng aking batok tsaka umiling-uling na sinundan siya papasok ng resto.