Isang oras na parehas naming hinintay ni James si Hershey. Hindi ko maitatangging natutuwa ako, alam ko naman kasi na hindi rin darating 'yon.
Malapad ang ngiting tumayo ako papalapit sa mesa kung nasaan si James. He's already irritated nang tumingin sya sa akin.
Malapit na ako sa pwesto nya, ilang hakbang na lang nang mapatigil ako dahil 'yung taong hinihintay nya... Nandito na. Unti unting nawala ang ngiting nakasilay sa labi ko. Lalo na't nakita ko agad ang rumehistrong tuwa sa muka ni James nang masilayan din si Hershey.
Imbes na magdabog papunta sa kanila at mag-eskandalo ay pinili kong ngumiti ng pilit at humingang malalim. I stepped back. Hindi na muling napansin ni James ang presensya ko dahil nakay Hershey na ang buo nyang atensyon.
Okay lang 'yan. Siguro pinagbigyan lang din talaga sya ni Hershey dahil nga sa performance nila. She's simple but elegant. Alam nya ang mga bagay sa kanya at ang hindi.
Para syang isang mamahalin at babasaging bagay. She's so fragile. Unlike me, papansin at pagiging epal lang ang ambag sa buhay.
Hindi ko marinig ang sinasabi nya sa sobrang soft at hina ng boses nya. Napag desisyunan ko na ring umalis dahil ano pa bang gagawin ko dito? Iiyak at titignan sila magdamag? No way.
Naglakad ako na parang walang nangyari at pinilit ang sarili na huwag nang lumingon. Napagtagumpayan ko iyon nang tuluyan na akong lumabas ng resto.
"Oh? Parang biyernes santo 'yang muka mo ah?" biro ni Manong Ed pagpasok ko sa kotse.
Binuga ko ang hangin na naipon at tinignan ang pwesto kung saan sila nakaupo.
"Uwi na lang po tayo," mapait na sabi ko.
"Bakit?" Parang gusto pa akong mas lalong masaktan ni Mang Ed, ah? Anong gagawin ko dito magdamag? Isasampal lang sa akin ang katotohanang si Hershey pa rin ang mahal ni James.
"Sa Carousel Creamery na lang po pala."
Doon na lang ako tatamabay. Panigurado makakalimutan ko ang nangyari dahil nandoon sila Savi at Adi. Makikipag daldalan lang ako sa kanila hanggang sa makalimutan ko ang nangyari ngayong araw.
"Ganon na lang 'yon? 'Di ka na makiki jamming sa kanila?"
"Hindi na po." Maa-out of place lang ako at paniguradong iisipin ni James na kontrabida ako. Mas lalong hindi nya ako mapapansin.
Hindi na ako muling dinaldal ni Mang Ed. Alam nya kasing wala na akong ganang makipag usap dahil ibinaling ko na lang ang atensyon sa paglalaro ng Cooking Madness na games sa phone.
Kunot ang noo ko habang ipinagluluto ang customer ng burger na order nito. I just want to ease the pain that I'm feeling right now. Kailangan ko ng mapaglilibangan.
"Irish, nandito na tayo. Mukang busy-ing busy tayo, ah?" biro ni Mang Ed.
Nabaling ang tingin ko sa kanya at pagkatapos sa labas. Nandito na nga kami.
"Tatawag na lang po ako kapag uuwi na."
"Oh siya, sige."
Matamlay akong bumaba ng sasakyan at pumasok sa pintuan ng ice cream parlor. Agad akong napansin ni Adi at biniro.
"Tangenang muka 'yan. Alam ko na kaagad kung bakit ka sabog, it's either nakahithit ka ng shabu or dahil na naman kay James." Tumawa sya na sinabayan ko ng pag-irap.
"Kung bakit naman kasi sya pa 'yung napili mo. Ano? Masaya ba magmahal ng taong hindi ka mahal?" Ngumisi sya ng mapang asar.
Muntik muntik ko pa syang sapakin dahil sa sinabi nya.
"Maling lugar yata ang napuntahan ko. Akala ko makakalimot ako dito, lalo lang pa lang ipapa-alala." Nag emote ako at akmang lalakad na palabas para biruin lang sana si Adi at konsensyahin sya.
"Charot lang! Baka mamaya nyan bigla ka na lang maglabas ng manika at karayom dyan."
"Hindi ko gawain 'yon. Pero 'pag sa 'yo, gagawin ko," buwelta ko.
"Kaya nga joke lang, 'di ba? Umupo ka na nga doon."
Tumingin ako sa mga upuang bakante. Una ko talagang tinignan ay 'yung usual spot namin nila Trish. Napanguso ako nang makitang may nakaupo doon, niliitan ko ang mata ko para mas klaro kong makita kung sino ang dalawang pamilyar na tao.
It was Ark and Kyle. 'Yung crush ni Alexa. Tambayan din pala nila 'to, sabagay tiga SU nga pala sila. Hindi ko na kailangang magtaka. Pero weekend ngayon, bakit kaya napili nilang dito tumambay?
Ang bakanteng upuan na lang is 'yung sa katabi nilang lamesa. Dumiretso ako doon, napansin agad ako ng dalawa. Ngumiti ako kay Ark nang tumingin sya sa akin, tumaas ang dalawang kilay nya at ngumiti din sa akin.
Mabilis na dumating ang ice cream. Ni-serve iyon ni Savi sabay upo sa harap na upuan ko. Walang customer kaya malaya silang dalawa ni Adi na makipag chikahan ngayon sa akin. Hindi naman kasi mahigpit ang manager dito. Pwede nilang gawin ang lahat ng gusto nila sa loob ng ice cream parlor, pero kailangan pa rin nilang gampanan ng maayos ang kanilang trabaho.
"Anong atin?" tanong kaagad ni Savi.
"Lower down your voice. They might hear you." Sabay tingin ko sa katabi naming customer, which are Kyle and Ark. Nakakahiya dahil palagay ko'y kilala nila si James na member ng TB.
Baka ano pa ang isipin nila tungkol kay James na hindi maganda. Baka kasi 'pag narinig nila ang kwento ko, pag-isipan sya ng masama. Mababawasan na ang fan ng TB, sayang.
"I followed him kanina, and then-"
"Him? As in, si James?" Medyo lumakas ang boses ni Adi nang itanong iyon. Napapikit ako ng mariin at itinago ang muka kila Ark.
"Gusto mo bang pasabugin ko 'yang nguso mo?" mariin kong sabi at tinitigan sya ng matalim.
"Hehe, okay. Chill!"
Inirapan ko sya. Pinagpatuloy ko ang sinasabi ko sa mahinahong boses dahil pakiramdam ko ay nasa amin na ang atensyon ng dalawang katabi namin, kahit na mukang may pinag-uusapan sila. Para bang kahit nag-uusap sila ay nasa amin ang pandinig nila.
"Sa kilalang restaurant sya naghintay kanina, I didn't know na si Hershey pala ang inaya nya," mapait na sabi ko.
"Tapos?" Hindi ko alam kung nang iinsulto ba si Adi o talagang hinihintay nya lang ang kasunod ng sasabihin ko.
"Naging epal ako, I told him na kapag hindi dumating si Hershey... Kami na lang ang magcelebrate."
"Ang nangyari dumating, kaya ka mukang luging lugi?" Savi said.
Imbes na sumagot ay huminga na lang ako ng malalim, ikinain ko na lang ng ice cream ang mapait na nararamdaman ko. Feeling ko nga nakakain ako ng maraming pirasong ampalaya.
"Ano bang napapala mo sa kakahabol dyan kay James?" tanong ni Adi sabay taas ng kilay.
Nahinto ako sa pagkain at tumingin sa kanya.
"W-wala."
"Nganga? Alam mo nagmumuka ka lang tanga," walang prenong sabi nya.
"Adi, wala tayong magagawa. Mahal nya eh," kibit balikat na wika ni Savi.
"Sige, habulin mo nang habulin hanggang sa hingalin ka't mapagod," I laughed a little as I rolled my eyes.
"Oh, eh anong plano mo kapag nagkabalikan 'yung dalawa?" Nagtaas ng kilay si Adi.
"Magiging fan girl nya pa rin ako, pero limitado na ang galaw ko. Parang dati lang." Sabay subo ko ng ice cream.
"Desisyon mo naman 'yan. Sino ba naman kami para pigilan ka, 'di ba?" Nagdrama pa nga ang bakla.
"Malabo naman siguro syang balikan ni Hershey."
"Siguro? 'Di mo sure, haha."
"Bakit ba sila nagbreak ni James?" Savi asked.
"Maybe nagcheat si James? Kaya ayaw na syang balikan pa ni Hershey, ganon?" spelukasyon ni Adi.
"No, hindi kayang gawin 'yon ni James. I know him." I disagree.
"Or si Hershey ang nagcheat, pero kahit ganon. Kaya pa syang balikan ni James dahil mahal na mahal pa rin sya? At dahil nagkamali na nga itong isa ay nahihiya na syang makipag balikan pa kaya ayaw na rin nya. And the worst thing is... Kaya ayaw na ni Hershey kasi sila na noong lalaki," parang detective conan na sabi ni Savi.
"Tumpak! Pwede," Adi agree, at napa-palakpak pa dahil sa sinabi ni Savi.
"Grabe namang speculations 'yan." Natawa ako, kahit pakiramdam ko ay ganon nga din 'yon.
Napansin kong tumayo ang dalawang lalaki sa katabi naming table. Hindi ako lumingon. Aalis na siguro sila. Nang dumaan sila at narinig ko na ang tunog ng pintuan ay nakahinga na ako ng maluwag, dahil hindi na rin namin kailangan pang mag bulungan.
Sakto namang pagpasok din ng mga customer kaya iniwan ako ng dalawa. Nag-open na lang ako ng facebook at ni-stalk si Hershey at James, para hindi ako mainip kakahintay makipag usap sa dalawa.
Walang ganap sa account nila. Wala silang post na picture together. Wala rin silang story.
I chatted James. Kahit na alam kong hindi nya ako rereplyan.
Ako:
“How was it?”
Pumangalumbaba ako at pinatay ang phone. Nilaro ko lang ito habang naghihintay kila Savi. Biglang tumunog ang notif ng phone ko at nagsindi.
Tamad ko itong tinignan knowing na sila Kuya lang iyon or sila Trish. Pero nang makita ko na ang screen ay literal na tumalon talaga ako at sumigaw sa sobrang saya. Wala na akong paki kahit na gulat ang mga customer na tumingin sa akin maging sila Savi.
It was James! Oh my gosh! Swear, I didn't expect na rereplyan nya ang tanong ko.
James:
“It was good. Kami na ulit.”
Pati sa pagrereply nya ay ang tipid at ang lamig. Halata mo talaga na hindi sya interisado at napilitan lang magreply.