Papasok pa lang kami ng Beer Garden ay naririnig ko na ang malakas at nakakabinging sigawan ng mga tao sa loob ng bar. Ang bilis talaga ng araw, parang kahapon lang napaka konti ng supporters nila. At ngayon, hindi ko na mabilang sa dami.
Naalala ko pa noong nagsisimula pa lang sila, siguro mga 2 years na ang nakalipas. It's my debut, sila ang napiling banda ng parents ko para tumugtog sa debut ko. And I must say, it was all worth it dahil doon ko nakilala si James. Dati, tamang stalk lang ako at nagiging fan sa malayo dahil may girlfriend s'ya noon. Nahihiyang umamin na may feelings ako for him dahil iniisip ko rin ang mararamdaman ni Hershey.
Palagi akong nags-skip ng class para lang mapanood ang performance ng Timeless Band. Nang malaman ko ang break up na naganap nang isang taon between James and Hershey ay doon na ako nagsimulang maging mabunganga sa performance nila. 'Yung napakatagal kong kinimkim na sigaw ay doon ko inilabas lahat.
Kung dati ay hindi nya ako napapansin, ngayon ay pansin na pansin na nya ako dahil sa ingay ko. I even created a fanpage on social media, nabuo rin ang fans club nang dahil sa akin.
Nagsimula akong maging ultimate fan at nakilala noong pangalawang taon ng kanilang pagpeperform. Isang taon ang nakalipas matapos ang hiwalayan nila. Marami rin akong nahikayat na maging fan ng banda, kapag ayaw nilang sumali ay tinatakot ko sila, like magkakaroon sila ng something strange sa katawan nila dahil may kamag anak akong mangkukulam.
Dati akala ko, crush lang 'yung pagtingin ko kay James but it turns out na habang tumatagal ang pagiging fan ko ay lumalalim 'yung nararamdaman ko. Alam kong alam nya ang kung ano ang nararamdaman ko para sa kanya.
Lagi akong updated kung saan sila nagpeperform at specially kung nasaan sya, anong ginagawa at pinagkaka-abalahan ni James sa tuwing hindi sila nagpeperform.
"Trisha, Alexa, bilisan nyo! Late na tayo." Ang mga nakaharang sa daan namin ay walang pasubali kong hinahawi. Nakikipagsiksikan talaga ako maka-usad lang sa pwesto.
Gabi ngayon at kahit may major subject ako para pasukan ay hindi na ako tumuloy, ganon ako ka-supportive na... future girlfriend, kung papalarin haha.
"Teka!" Alexa shouted.
Nang makarating sa unahan ay agad akong sumigaw. Hindi ko na tinignan kung katabi ko na ba ang dalawang bestfriend ko o nakikipagsiksikan pa rin sila para makapunta sa harapan.
Inilagay ko ang dalawang kamay sa magkabila kong bibig para mas malakas ang lumabas na sigaw.
"Whooo, angas mo James!" Itinaas ko sa ere ang banner na ginawa ko para sa kanya. Syempre 'yung dalawa kong bestfriend ay buong band ang kanilang iniidolo. Si James lang ang bias ko sa kanila eh.
Pati ang paghampas nya sa drums ay ang angas tignan. Lahat maganda sa kanya, kaya nga nagustuhan ko sya 'di ba?
'Yung tipong palatawa s'ya pagdating sa kanyang mga kabanda at sa mga taong nasa paligid nya, pero sa akin ay napaka seryoso nya. Hate na hate nya ako dahil napaka kulit ko.
Nakita ko ang mata nyang lumibot sa kabuuan ng crowd.
"James, I'm here!" sigaw ko kahit halos pumiyok na ang boses ko sa grabeng pagsigaw.
Iwinagayway ko ang banner para lang mapansin nya. Lumipat pa ako ng ibang pwesto para makita nya. Hanggang sa mapatingin sya sa pwesto kung nasaan ako, ngumiti ako ng malapad. Kumunot ang noo nya at iniwas agad ang tingin, nag focus sya sa paghampas ng drums.
I pouted. 'Di man lang nya tinignan ang banner. May glitters pa 'to, shining shimmering.
"Kahit kailan nang iiwan ka talaga eh 'no?" Binatukan ako ni Alexa. Tumawa lang ako at pabiro syang tinarayan.
"Future husband ko 'yung nagpeperform, ano ka? Sa tingin mo papahuli ako?"
"Gaga! Nahuli nga tayo ngayon eh." Pabiro akong kinurot ni Trisha.
"Oh my gosh! Ang pogi mo Kuya Yuan." Sumabay sa tugtog si Alexa at tumalon talon.
"Ate Mim! Ate Jackie!" Kulang na lang ay mangisay si Trisha sa kinatatayuan nya.
"Aray ko naman," reklamo nong babaeng nasa likod namin.
Go lang kami sa kasiyahan at hindi pinansin 'yung babae na natapakan.
Wala na kaming pakialam kung may matapakan man kaming mga paa sa likod, ang mahalaga nachi-cheer ko si James.
Huminto ng ilang saglit si Ate Mim sa pagkanta at binigyang daan ang mga instrumento. Lumakas lalo ang sigaw ko dahil nangingibabaw ang kagwapuhang taglay ni James, kahit pawisan na sya ay muka pa rin syang mabango.
"Beb, may dala ba kayong panyo?" tanong ko sa dalawa.
"Nasa bag mo 'yun ah? 'Nuh 'yan, nakalimutan mo agad? Nilagay ko kanina dyan," si Trisha.
Hinalungkat ko ang shoulder bag ko at nakita nga roon ang panyo na may nakaburdang pangalan ko, para hindi nya ako makalimutan. Ni-spray ko ang pabango ko rito at handa nang ibigay sa kanya. Malapit na silang matapos.
"Thank you, Araneta!" biro ni Kuya Yuan. Kapag 'yan na ang line nya, ibig sabihin tapos na sila.
Papunta na sana ako sa kanila para ibigay ang panyo kay James nang may paa na humarang sa daraanan ko, dahilan para matalisod ako. Muntikan nang sumubsob ang muka ko at mapahiya sa maraming tao, mabuti na lang ay may mahigpit na kamay ang pumulupot sa baywang ko para matimbang ako at hindi tuluyang matumba.
Kung nagkataon, hindi ako papayag na ako lang ang susubsob.
Mabilis akong lumingon sa kung sino ang humawak sa akin. Ngiting ngiti na ako dahil feeling ko si James talaga ito.
"You okay?" Bumagsak ang malaking ngiti ko at nailang dahil ibang lalaki ang bumungad.
Masyadong malapit ang muka nya sa akin dahilan para maitulak ko sya ng bahagya. Umayos ako ng tayo para mahalata nyang ayos na ako, mabuti na lang at mukang matino naman ang isang 'to. Nakuha nya kaagad ang gusto ko, agad nyang tinanggal ang kamay nyang nakapulupot sa baywang ko.
"Yes, sorry," I smiled awkwardly at medyo lumayo sa kanya.
He gently smiled at lumayo na rin. Tinapik sya ng kaibigan ata nya saka sya tumalikod na sa akin. Siniko ako nila Alexa kaya sa kanila na nabaling ang atensyon ko.
"Who's that? Ang pogi!" patiling sabi ni Alexa. Hindi ko pinansin ang sinabi nya.
"Kaninong paa 'yung nangharang?" masungit kong tanong.
"Hindi namin napansin, siguro 'yung natapakan nating paa sa likod," sumbong ni Trisha.
Lilingunin ko na sana 'yung likod namin kaso hinila na ako bigla ng dalawa para 'di kami maunahan ng iba sa pagpunta sa banda. Kahit masama ang loob ko na hindi ko nakita 'yung pumatid ay hinayaan ko na lang. Lumibot agad ang tingin ko para hanapin si James. And then there, I saw him talking and laughing to his bandmates.
Marami ang pumuri at nagpapicture sa kanila. May iba pa nga na nagsabing mas magaling pa sila kaysa sa kakilala nilang nasa music industry. Mayroon namang nag o-offer ng malaki para maging official band sila ng kumpanyang Pop Records, magandang opportunity 'yon lalo na't rising band sila.
May isa pa na kumuha sa kanila para live ding tumugtog sa Wish 107.5, I heard iyon ang tinanggap nila. At 'yung Pop Records ay tinanggihan nila dahil si James ang may ayaw.
Kumunot ang noo ko don at nanghinayang dahil chance na nila iyong mas makilala pa ng buong mundo para magkaroon sila ng sariling concert pero walang pagdadalawang isip lang nyang tinanggihan. 'Yan tuloy tumanggi rin ang mga kabanda nya kahit na parang gusto ng mga ito.
Gusto kong tumutol sa desisyon nya pero sino nga ba naman ako? Isang hamak na fans lang na patay na patay sa kanya.
"Kuya James, sayang!" I heard someone shouted. Halata rin ang disappointment sa boses.
James just chuckled at umiling lang.
"Sayang," panghihinayang din ni Trisha.
"Wait guys, look. Nakita ko kasi sa internet 'yung may ari ng Recording Company na Pop Records ay parents ni Hershey Arellano. Kaya siguro ayaw nya," inform sa amin ni Alexa.
"What? Pakita nga!" Inagaw ko ang phone na nakalagay sa kamay nya.
Tinignan ko ang isang blog doon na nagpapatunay na sila nga ang may ari noon. Pakshet! Bakit hindi ko 'to alam? Saan ako nagkulang sa lahat ng impormasyon?
Binigay ko kay Alexa ang phone nya at sumigaw.
"Buti na lang 'di mo tinanggap, James!" Nakangiti kong sigaw, nagsasaya ang buong kalooban ko dahil sa pagtanggi nya.
"Huy, gago!" Napapahiyang lumayo sa akin sila Trisha dahil pinagtinginan ako. Ang buong crowd kasi ay gusto nilang tanggapin 'yung kontrata para sa banda at ako lang ang nag iisang tumanggi.
Lumingon sa akin si James na kunot ang noo. Masungit ang mukang ipinakita nya pero ako ay todo ngiti lang sa kanya.
"Pinanghihinayangan din ni Ate Elsa 'yung offer," si Alexa.
"Ako hindi nanghinayang," proud kong sabi.
"Sabagay, takot ka na magkabalikan 'yung dalawa 'pag nagkataon," walang prenong sabi ni Trisha.
Nagtawanan silang dalawa na inirapan ko.
Doon kami pumwesto sa tabi ng banda para mapakinggan ang mga pinag-uusapan nila.
"Tutal hinahabol mo naman si Hershey, pre. Bakit hindi na lang natin tanggapin 'yung offer para hindi ka na mahirapang habulin 'yung tao. Magpakitang gilas ka sa parents nya," rinig kong biro ni Kuya Yuan saka tumawa. Kahit biro 'yon ay nasaktan pa rin ako.
"Gusto kong sumikat nang walang tulong sa parents nya, besides marami pang recording company dyan," tama 'yan James.
"James, that's the biggest recording company," imporma ni Ate Mylles, girlfriend ni Kuya Yuan.