Sa loob ng ilang taon ay yun lang ulit kaming tatlo natulog ng magkasama at magkatabi, hindi ako nakatulog ng maayos dahil sa ingay ng mga kasama ko kung matulog at ang lilikot pa naman nila, sobrang sakit sa tenga kung makahilik si Ellie at si kuya naman ay ganun din.
Halos mga past eleven na akong nakatulog dahil sa ingay nilang dalawa.
Nauna rin ako gumising kahit walang klase dahil panigurado dito na naman sina Tita Mel mamaya at Ate Nicole, knowing them na gustong gusto nilang mamasyal sa bukid dahil higit isang taon rin bago sila bumalik dito, malamang sa talon na naman ang punta ng mga yun.
Nagwalis lang ako sa paligid ng maalala ko na naman na aalis si kuya kahit wala siyang sinabi na exact date ay alam kong sa madaling panahon siya aalis dahil last grading na namin this month at sa susunod na buwan na ang magiging party ni Drake.
Haist!
Ba't ba ako nag-iisip ng ganito sabi ni kuya ay kailangan niya raw humanap ng trabaho para makatulong kila mama, tama kailangan kong maniwala dun.
"Dahan-dahan naman sa pagwawalis baka pati yang mga ugat ng puno mawalis mo na" saway sa'kin ni kuya na kagigising lang.
Sumimangot agad ako dahil sa sinabi niya, kagigising niya lang eh pero ang bunganga niya puro kalokohan na ang lumalabas.
"Gusto mo pati ikaw wawalisin ko na rin?" Asar kong tanong sa kanya na tinawanan niya lang ng mahina at dumeretso sa kusina para magkape.
Ipinagpatuloy ko lang ang paglilinis hanggang sa natapos ko ng libutin ang buong bahay namin sa pagwawalis, kagigising lang din nina Ellie at Claire habang si mama naman at papa ay nagkakape na rin kasama si kuya.
"Ma! Magluto ka na lang!" Sigaw ko mula sa labas dahil nakaupo ako ngayon sa isang upuan na yari sa kawayan habang minamasahe ko ang braso ko.
"H'wag na may dala kaming pagkain" kung sina Tita ang pag-uusapan...andito na talaga sila.
"Magandang umaga Tita" bati ko at nagmano sa kanila ni Tito.
"Magandang umaga rin sayo Ellie, inagahan talaga namin ang pagpunta dito para dito na kumain ng agahan" nakangiting sabi niya at pumasok na sa bahay feel at home lang talaga si tita at kahit na mahirap kami ay wala siyang pakealam.
Sumunod sa kanya sina Tito at Are Nicole sa pagpasok habang si Levi naman ay naiwan dito sa labas at umupo sa tabi ko.
"Antok pa ako eh" reklamo niya habang pilit binubuksan ang mga mata niya kaya natawa ako ng mahina.
"Alas-syete na kaya" hinampas ko siya sa braso niya pero parang wala lang sa kanya dahil nag-fofocus talaga siya sa mga mata niya na gusto pang pumikit.
"Tara sa kwarto dun ka na lang matulog" natatawang aya ko sa kanya na mabilis naman niyang tinanguan.
Habang sina mama at Tita ay nag-uusap ganun din naman sina Papa at Tito, pati na rin sina kuya at Ate Nicole habang sina Ellie at Claire ay Inaayos ang mga pagkain na dala nina Tita.
Ng makarating kami sa kwarto ay mabilis na humiga si Levi sa higaan ko na parang nasa bahay lang siya at kinabig ang unan ni kuya para may mayakap siya.
"Huy! Wag diyan sa kama ka" saway ko pero umiling lang siya at pinikit ang mga mata niya.
Kaya tinipon ko muna ang mga kalat nila kuya at Ellie, madalas ganito si Levi kapag pumupunta siya dito natutulog pa dito bago lumalabas para mamasyal, palagi niyang dahilan ay inaantok siya.
Minsan sa kama siya at minsan naman ay nasa sahig siya sa banig ko, ilang sandali lang at narinig ko ang paghilik nito, napailing na lang ako.
"Ate-" sinenyasan ko si Ellie na h'wag maingay at tinuro si Levi na natutulog at humihilik pa.
"Kain na" bulong niya.
"Anong problema niyo ba't nagbubulong-bulungan pa kayo?!" Biglang napaupo si Levi ng pumasok si Ate Nicole sa loob at malakas na nagsalita.
"Ate!" Chorus naming sabi, tumingin lang siya samin ng nagtatakang tingin.
"Ate naman!" Maktol ni Levi pagkatapos ay tumayo at nagkusot-kusot ng mata na parang bata.
"At hindi ka na nahiya natulog ka pa!" paggalit sa kanya ni Ate ng ma-gets ang ibig niyang sabihin.
Mabilis ko namang niligpit ang higaan ko at nilagay sa kama ang mga kumot na ginamit namin kagabi, habang sina Ate at Levi ay nagtatalo.
"Tama na kain na raw!" Biglang sigaw ni Claire sa labas ng kwarto namin hawak-hawak ang saradula ng pinto.
Nagpapadyak na lumabas si Levi habang si Ate Nicole naman ang ngumingiti, ngiting tagumpay dahil sa ginawa niya.
Nakahain na mesa namin ang mga pagkain na dala nina Tita at umuusok pa dahil sa bagong luto daw, umupo ako sa gilid at kumuha na ng plato nag-uusap lang sina mama at sina Tito pero di ko gets ang mga pinag-uusapan nila.
Tumabi sa'kin si kuya at kumuha na rin siya ng pagkain niya, nasa kalagitnaan kami ng pagkain ng biglang magtanong si Tita.
"Kumusta ang pag-aaral niyo?" tanong niya samin unang sumagot si kuya.
"Ayos lang naman po" sagot niya mukhang hindi naman nagustuhan ni Tita ang naging sagot ni kuya.
"Anong klaseng ayos?" Tanong niya ulit nakita kong nahiya si kuya sa sagot niya at napakamot ng batok.
"This year na po ako ga-graduate, grade 12 ho" nakita ko namang nagliwanag ang mukha ni Tita at ngumiti.
"Ikaw?" Tanong niya sakin, nilunok ko muna ang kinakain ko bago ako nagsalita.
"Ayus naman po, nangunguna pa rin nung Second Semester namin" nakatungo kong sagot bago sumubo ng kainin.
"Eh yang anak ko kumusta naman ang ginagawa sa school?" Nasamid si Levi dahil sa naging tanong ni Tita sinamaan niya ng tingin ang ina pero di naman nakita ni Tita.
"Ayus lang din ho kahit laging may palakol na Grade bawat Exam namin" natatawang sagot ko dahilan para ubuhin si Levi, mabilis na inabutan siya ni Ellie ng tubig.
"Ea naman walang laglagan!" Tumawa kaming lahat dahil mukhang napikon si Levi sa naging sagot ko at namumula, pahiya siya eh.
Natapos ang agahan namin ng puro asaran lang ang ginawa namin, madalas mapikon si Levi dahil sa inaasar siya ni kuya tungkol kay Kylie dagdag mo pa si Ate na sinusuportahan si kuya.
Katulad ng sabi ko ay andito na naman kami sa gubat at namamasyal na naman kami dahil nagyaya sina Tita at Ate Nicole, kasama namin sina Ellie at Claire, andito din si kuya sina tito naman ay nagpaiwan na lang kina mama at sumama sa sakahan, gusto niya raw makita ang mga tanim namin dun.
"Punta tayo sa manggahan!" Masayang saad ni Tita at nauna ng maglakad papunta sa manggahan na para bang alam na alam niya ang daan.
"Mom! Hindi diyan ang daan!" Sigaw ni kuya sa napatigil si Tita sa paglalakad at umiba ng daanan.
Tss!
"Yung tungkol sa usapan natin kagabi, nasabi mo ba kina Ellie?" Biglang tanong ni kuya habang sumasabay sa'kin maglakad, sina Ellie at Claire kasi ay nakisabay kina Ate at Levi.
"Hindi pa, bakit?" Tanong ko naman sa kanya.
"Ako ang magsasabi ha?" Tumango ako at binilisan ng konti ang lakad namin para hindi ako maiwan.
Ng makarating kami sa manggahan ay sakto namang paparating na rin sina mama at papa kasama si Tito dahil dito ang madalas na pahingahan nila. Marami kasi ang puno ng mangga at kapag mainit ay pwede mong masilungan, medyo may kalayuan kasi ang kubo dito sa sakahan namin at malapit lang ang manggahan sa sakahan.
"Levi akyat dali" hinila ni Tita si Levi at pilit na pinapa-akyat kahit hindi kaya ni Levi dahilan para maging tampulan na naman siya ng tawanan.
Napailing naman kami ni kuya dahil sa pulang-pula na si Levi tanda ng naasar na talaga siya, dahil sa pinipilit siya ni Tita sa pag-akyat ng mangga.
"Kuya" bulong ko at tinuro ang mangga sa likod namin, may mga luto na rin at ang iba ay green pa.
"Tsk! Oo na" mabilis namang bumalik si kuya sa may likod namin at umakyat sa mangga, nakita ko pa ang asar na mukha niya dahil sa mahirap umakyat dahil masyadong malaki ang puno at hindi talaga makayang mayakap.
"Oh ayun si kuya oh umakyat" tawag ng pansin ni Claire kaya napahinto si Tita sa pagpilit kay Levi at mabilis na inabot ang kutsilyo at galon.
"Diyan ka na nga!" Parang batang saad ni Tita at mabilis na lumapit samin.
Nakita ko naman ang paghinga ni Levi ng maluwag dahil sa binitawan na siya ng nanay niya at hindi na pinilit na paakyatin ng mangga.
Marami ang nakuha ni kuya kaya natuwa talaga si Tita dahil sa marami siyang madadala sa bahay nila at marami rin ang nakain niya, pagkababa ni kuya ay namula agad ang mga balat niya dahil sa pag-akyat niya.
Natatawang lumapit ako sa kanya ay pinunasan ng panyo na dala ko ang mga namumula niyang balat.
"Sorry?" Pigil na pigil ko ang pag-ngiti ng makita ko ang pagsalubong ng mga kilay niya, binawi rin niya ang kamay niya na pinupunasan ko ang siko dahil sa namumula iyon tanda na ginamit niya para hindi siya mahulog kanilang inaabot niya yung apat na mangga.
"Ako na nga!" Sabay agaw niya sa'kin ng panyo at siya na ang namunas ng siko niya, maputi kasi si kuya dahil di siya gaanong nakakapagtrabaho dito sa bukid dahil masyado siyang naging busy sa pag-aaral niya, di katulad namin.
Although tumutulong siya minsan sa pagtatanim ng mais at palay ay hindi siya gaanong nagtatagal sa init dahil siya ang madalas na mapag-utasan para magsaing.
"Sorry naman oh, nakakaawa na kasi yung mukha kanina ni Levi" diko na napigilan at ngumiti na ako.
"At sakin di ka naawa?" Sarcastic niyang tanong habang pinupunasan ang kaliwa niyang siko.
"Naawa rin naman, pero konti lang" nakita kong nagliwanag ang mukha ni kuya sa unang sinabi ko pero ganun din ang mabilis na pagbalatay ng inis sa mukha niya ng marinig ang idinugtong ko.
Tumatawang lumayo ako sa kanya kahit papaano naman ay nakalimutan ko ang lungkot dahil sa malapit na siyang umalis.
Umuwi kami ng nakakunot parin ang noo ni kuya habang si Levi naman ay todo na ang ngiti dahil sa ibinalik niya ang pang-aasar na ginawa sa kanya ni kuya kanina.
"Narinig ko may nanliligaw raw kay Krisha, yun yung usapan nina Kylie kahapon eh" nakita ko ang pagkunot lalo ng noo ni kuya dahil sa narinig niya.
"Ah oo narinig ko rin nga yun, sabi ni Kylie taga ibang school daw yun at namasyal lang sila sa school natin, pero may nakakita daw sa kanila na nagdadate sila sa labas" sakay ko sa topic ni Levi, namula naman si kuya at halatang napipikon na siya base sa galaw niya.
"Ja-" di natuloy ni Levi ang sasabihin niya.
"Pag kayo di tumigil makikita niyo!" May halong pagbabanta sa boses ni kuya kaya napangiti kami ni Levi at sabay na lumayo sa isa't isa para ipakita na inosente kami.
"Anong nagyayari sayo kuya?" Takang tanong ni Claire kaya napatingin sa kanya sins mama.
"Wala" mabilis niyang sagot at nauna ng maglakad.
"Kuya wag na wag kang pupunta sa bahay nina Krisha ha! Baka ipahabol ka ni Aling Tina sa aso nilang si Browny!" Sigaw ko kaya tumawa sila Levi at Ellie ng malakas ng maintindihan ni Claire ang ibig kong sabihin ay tumawa na rin siya habang si kuya naman ay tumakbo at namumula pa dahil sa pagkapahiya.
"Sinong Krisha?" Narinig kong tanong ni Ate Nicole kay Ellie.
"Crush ni kuya, yung anak ni Aling Tina dun sa labas ng baryo yung may malaking tindahan" mahabang sagot ni Ellie at humagikhik pa.
Well si Krisha nais ang Vice-president ng SSG at secretary naman ako.
Si Red ang President namin kaya minsan kahit wala ako sa meeting ay may attendance ako dahil kuya yun ni Tyron.
"Sa Lunes may quiz ba tayo?" Tanong ni Levi kaya umiling ako.
Wala naman kasing sinabi yung mga teachers namin na may quiz kami eh.