Hindi ako mapakali sa mga tingin na binibigay nila dahil di ako sanay, gusto kong bumalik sa loob pero nakataas ang kamay ni tita at sinusuri ang buong katawan ko dahil sa suot ko.
Palihim kong tiningnan yung lima at ganun din ang reaksyon nila nakanganga lang ay parang wala silang balak na itikom yun, ganun sina kuya at Ate kaya napayuko ako.
"Perfect" bulong ni tita maya-maya pa ay bigla siyang tumayo ng tumitiling lumapit sa'kin at niyuyugyog ang balikat ko.
"Perfect! Sabi ka nga ba bagay sayo!" Parang teenager kang si tita na niyuyugyog ako sa tuwa.
Sabay-sabay namang napamura ang apat at sabay-sabay ring napaiwas ng tingin sakin, anong ginawa ko?
Mabilis namang tumayo si Levi at lumapit samin tapos umikot-ikot sa'kin at hindi inaalis ang tingin sa suot ko, si kuya naman ay nakangiting aso habang si Ate ay ngumiti sa'kin.
"Hindi ko inaasahan na ganyan ka pala kaganda Ea" sabi ni Levi habang sinusuring mabuti ang suot ko.
"Nagmumukha kang tao at diyosa sa suot mo Ea" gusto ko na sanang magdiwang kaya lang sabi niya nagmumukha raw akong tao eh, kaya napasimangot ako sa sinabi niya.
"Para kang isang model Ea" nakangiting saad ni Ate Nicole kaya bumalik ang ngiti kong naglaho kanina dahil sa pag-approach sa'kin ni kuya Jake.
"Di ba sabi ko ang ganda" todo ngiti pa ring saad ni tita.
Dahan-dahan namang tumingin sa'kin yung apat at hindi na katulad nung kanina na namumula pa sila ngayon ay normal na.
"Pwede na to!" Mabilis na pumunta si Tita sa may drawer nila ay kinuha ang phone niya na ikinalaki ng mata ko, Oh no!
"Don't worry isang picture lang" ang isang picture ay nauwi sa maramihan dahil nakisali na rin silang lahat at kahit ayaw ko ay pinilit talaga nila ako.
Ng matapos kami dun sa taas ay niligpit lahat ni Tita kasama si Ate ang mga damit at nilagay sa isang maleta mas nagulat pa ako ng ibigay nila sa'kin ang maleta.
"Don't worry para talaga sa'yo yan binili namin ni Mom nung nasa France kami, wag kang magtampo may sainyo rin" kinurot niya ang tenga nina kuya at Levi dahil napangiwi sila ng akala nila ay wala sa kanila.
Ng bumaba kami ay nakabihis na ako ng isang color light yellow na casual dahil pinilit ako nina Tita at Ate na suotin yun kahit ayaw ko kaya wala akong nagawa kundi suotin.
Ng makababa kami ay nagsimula na ang party at marami na rin ang tao, nakita ko sa isang gilid sina Hanna at Kylie kaya napangiti ako, kala ko hindi sila pinapunta dito ng mokong.
Mabilis akong lumapit sa kanila dahil nasa kabila raw sina mama at papa kasama rin si Ellie at Claire.
"Huy!" Panggugulat ko sa dalawa na parehong napatalon pa.
"Woww sino ka?" Gustong-gusto ko nang batukan ang dalawa sa tanong nila pero ng mahimigan ko na nagbibiro sila ay nakaisip ako ng idea.
"Ay sorry mali pala ang nilapitan ko" apologized na saad ko sa dalawa at akmang tatalikuran ko na sila ng marinig ko ang pagsinghap sila.
"Talaga ba Ea!" Sabay nila sabi na ikinangisi ko, kala nila huh!
"Kayo nauna" nakangising saad ko na ikina padyak ni Kylie.
"Nagbibiro lang naman kami eh" Nakapout niyang saad at mabilis na nilingkis ang mga kamay niya sa braso ko.
"Pero ang ganda mo sa suot mo" appreciate na saad naman ni Hanna na nakatingin sa damit na suot ko.
"Pinilit lang naman ako nina Tita Mel at Ate Nicole na isuot to eh" maktol ko kaya napalaki ang mga mata nila, ows di pa pala nila alam maliban na lang sa tatlo.
"Magkapatid ang papa ko sa mama ni Ea" inakbayan ako ni Levi napansin siguro niya ang reaction ng dalawa kaya niya nasabi yun.
"Bakit ngayon niyo lang sinabi!" Tinampal ni Kylie ang braso ni Levi kaya nabawi ni Levi ang kamay niya na nakaakbay sa'kin para himasin ang braso niya na tinampal ni Kylie.
"Ngayon lang naman kayo nagtanong eh" pabalang na saad ni Kevin.
"Tama na yan" saway ko sa kanila at nag-focus na lang sa mga designs na ginamit pangdecorate sa buong bahay nina Levi.
Well masasabi kong may kaya talaga ang pamilya nila dahil hanggang third floor ang bahay nila, may swimming pool sila at medyo malaki ang garden nila na kinalalagyan ng party ngayon.
Matapos ang limang oras ay natapos rin ang party sinabi ni Kevin na iihatid muna niya si Hanna habang si Tyron naman ay nauna ng umuwi dahil may gagawin pa raw siya si Levi naman ay hinatid rin si Kylie habang sina John at Luis naman ay umuwi na rin, eto kami ngayon nakasakay sa Van Nina Tita Mel dahil pinahatid pa nila kami, hindi dumating si Tito Jacob dahil busy raw siya at si Tita Kyla lang ang andun kanina pero hindi ko pinansin, masigasig kasi yung fake smile na ibibigay ko sana sa kanya dahil sa ginawa ni Sandra.
"Anong dala mo?" Tanong ni Claire ng makita ang maleta na nasa likod namin.
"Mga damit" sagot ko hindi naman siya nagtanong ulit at sumandal na lang sa sandalan ng sasakyan.
Ilang minuto rin bago kami nakarating tinulungan ako ni kuya na ipasok sa loob ng bahay namin ang maleta na dala ko.
"Ano yan?" Takang tanong rin ni papa ng mapansin ang maleta na ibinaba ni kuya.
"Mga damit pa" sagot ko at binuksan yun kinuha ko yung white casual na binigay ni tita at inilapag ang maleta sa harap nina Ellie at Claire.
"Pili na kayo at iwan niyo na lang sa'kin ang mga ayaw niyo" nagliwanag naman ang mukha ng dalawa at dali-daling inilabas lahat ng laman ng maleta para makapili sila.
Tss! Kala ko ba pagod sila kanina eh bakit ang bilis nilang kumilos ngayon.
"Para sayo yan eh" sundot ni kuya sa'kin mula sa likod ko kaya hinarap ko siya at nginitian ng matamis para effective.
"Ayus lang, share your blessing diba?" Ngiting ngiti kong sabi sa kanya kaya napakamot siya ng batok at nahihiyang nagbawi ng tingin.
"Ate akin na lang to" Nakapout na sambit ni Claire habang hawak hawak ang damit na color blue at may mga designs na beads na yari sa silver. Tinanguan ko siya kaya ngiting tagumpay siya at pumili na ulit.
"Sa kusina lang" paalam sa'min ni kuya at sumunod kina papa sa kusina, patuloy lang sa pagpili ang dalawa ng mauhaw ako kaya pumunta muna ako sa kusina.
"Talaga bang gusto mong kunin yun?" Napatigil ako sa paglalakad at nakinig sa susunod na magsasalita.
"Opo kailangan ko po ng trabaho para makatulong papa" sumilip ako dahil sa usapan nina kuya at papa nakita ko namang nandun rin si mama sa tabi ni papa habang kaharap nila si kuya.
"Pero mahirap ang trabahong yun anak" nag-aalalang saad ni mama habang hawak ang kaliwang kamay ni kuya. Di ko ma gets ang pinag-uusapan nila, lalabas na sana ako pero napatigil rin dahil sa susunod na sinabi ni kuya.
"Ma wag kang mag-aalala sa'kin kaya ko naman ang trabahong yun isa pa sabi ni Mr. Haze na pwede rin daw akong mag-aral kahit na magiging Personal Bodyguard ako ni Drake kaya ayus na yun kayang kaya ko namang pagsabayin yun, dahil nasa iisang taon rin naman kami, Grade 12 siya at ganun rin ako" mahabang paliwanag ni kuya.
So kaya pala kanina natanong niya ang tungkol sa pagiging bodyguard ay dahil dun, dahil gusto pala niyang maging personal bodyguard ng Drake na yun.
"Pero anak pa'no ang mga kapatid mo siguradong magtataka ang mga yun kung aalis ka" malungkot na saad ni mama.
"Ipapaliwanag ko naman sa kanila na kailangan kong humanap ng trabaho at para makapagpatuloy ng pag-aaral, nakakahiya naman kina Tito Danny na palagi na lang nila tayong tinutulungan" lumapit si kuya at niyakap si mama kaya sa halip na pupunta ako sa kusina ay bumalik na lang ako sa loob ng lutang.
"Ate kukunin ko rin to" pinakita ni Ellie sa'kin ang kulay pink na damit.
"Sige ilagay niyo na lang ang mga maiiwan sa loob ng maleta ah bibihis muna ako" tumango naman sila at pinagpatuloy ang pagpipili nila.
Pagkapasok ko sa kwarto namin ay kusang nalalag ang mga luha ko, dahil sa bakit pa kailangan ni kuya ang umalis at magiging Personal Bodyguard pa siya ng Drake na yun? Bakit sa dinami-dami pa ng trabaho ay yun pa ang napili ni kuya? At bakit sa malayo pa niya gustong magtrabaho.
Napatigil lang ako sa pag-iyak ng biglang may magbukas ng pinto at pumasok sina kuya at Ellie dala na nila ang maleta at ang mga damit na napili ni Ellie.
"Ate akala ko ba magbibihis ka bakit nakahiga ka na diyan ng hindi pa bihis?" Tanong ni Ellie kaya bumangon ako at umupo.
"Sumakit lang yung likod ko kaya nahiga muna ako saglit" pagdadahilan ko at hinila ang tuwalya na nasa gilid ng sampayan namin para makabihis na ako.
"Bawal tumingin!" Banta ko sakanila at tumalikod na para magbihis narinig ko pa ang mga palatak nilang dalawa dahil sa sinabi ko.
Gustong-gusto ko sanang kausapin si kuya tungkol sa pinag-usapan nila kanina sa kusina kaya lang andito si Ellie.
Matapos kong magbihis ay humiga ulit ako ng biglang tumayo si Ellie dahil katatapos niya lang din sa pagbibihis.
"Sa kwarto muna ako nina mama dahil titingnan ko muna yung mga naging resulta ng mga papers ni Claire nung third grading exam nila" paalam niya at dali-daling lumabas ng kwarto.
Napatingin agad ako kay kuya dahil gusto kong kausapin siya tungkol dun sa narinig ko.
"Alam kong may gusto kang sabihin kaya sabihin mona" naramdaman niya siguro ang paninitig ko sa kanya kahit nakahiga na siya sa kama.
Mabilis naman akong bumangon kaya napabangon na rin siya sumandal ako sa may dingding ng bahay namin habang siya naman ay sumandal sa uluhan ng kama nila.
"Yung tungkol sa pinag-usapan niyo kanina" simula ko nakita kong natigilan siya pero sandali lang yun, dahil napalitan yun ng pagtatakang tingin at pilyong ngiti.
"Ang alin ba?" Nakangising saad niya.
"Yung tungkol sa pagiging bodyguard mo" deretsahang saad ko kaya natigilan siya at hindi makapagsalita.
"Narinig ko ang usapan niyo nina mama kanina" dagdag ko pa pero hindi siya nagsalita at nanatili lang siyang nakatingin sa dingding ng bahay namin.
"Kuya naman!" Napalakas ang boses ko pero sakto lang na kami ang nakakarinig sa loob ng kwarto, parang natauhan naman siya at tumingin sa'kin pero saglit lang at ibinalik ulit ang tingin niya sa dingding namin.
"Kailangan natin ng pera para sa pag-aaral natin" ngumiti siya na mapait kaya lumabas ulit yung mga luha ko na kanina ko pa pinipigilan.
"Pero kuya di naman tayo kulang sa lahat eh" maktol ko kaya bumaba siya sa kama at lumapit sa'kin. He reached my face and cares it gently.
"Kapag naging college na tayo mahihirapan sina mama at papa na paaralin tayo ng sabay-sabay kaya kailangan kong humanap ng trabaho para makatulong sa kanila" paliwanag niya sakin at niyakap ako, gumanti ako ng yakap at sinubsob ang mukha ko sa dibdib niya.
"Pero kuya ang layo nun" natawa siya ng mahina dahil sa sinabi ko.
"Tatawagan ko naman kayo dito palagi atsaka kapag miss niyo ko pwede niyo naman akong tawagan" hinimas himas niya ang ulo ko.
Kaya napalayo ako sa kanya at hinampas siya ng unan na ikinatawa niya.
"Sinong may sabing mamimiss ka aber?!" Lumaki na siguro ang butas ng ilong ko dahil sa sinabi niya.
"Ptffffff wala" natatawang sagot niya at humiga sa banig ko kaya tinulak ko siya.
"Aba! Sinuswerte ka no! H'wag ka ngang mahiga diyan!" Taboy ko sa kanya pero hinila niya lang ako kaya napahiga ako sa tabi niya sakto namang pumasok si Ellie.
"Bilis Ellie higa na!" Pinagpag niya ang katabi kong higaan na walang nahiga dahil sa hinila niya ako, ang uto-uto ko namang kapatid ay nahiga rin.
"Hoy! Aba't!" Hindi na ako nakapiglas ng yakapin ako ni Ellie at ni kuya ng mahigpit kaya para akong statue na nakahiga.
"Hoy! Luwagan niyo naman di ako makahinga!" Reklamo ko kaya linuwagan naman nila ng konti lang.