CARLOTTA POV-
.....
TUMINGALA ako sa malaking orasan sa sala. 6PM na. Gosh! Ilang oras na lang, uuwi na ang tatlong amo ko.
At lagot ako. Gusto ko nang sapukin ang ulo ko sa inis. Napakapakialamera kasi!
Biglang tumunog ang doorbell. Oh. shit! Nanginginig na lumapit agad ako sa entrada para mapagbuksan ang dumating. Hindi ko man lang napansin na may dumating na sasakyan.
Parang gusto ko na tuloy mag-sign of the cross.
Humingang malalim ako bago tumikhim at buong tapang na—shit! Hindi ko talaga kayang buksan. Kinagat ko ang hintuturo ko. Nagulat na lang ako nang biglang sunod-sunod na tumunog ang doorbell.
Halos sirain na ng kung sino sa labas. Kainis! Kaya pikit-mata na binuksan ko ito.
“Why took so long?” boses ni Redwell.
“S-Sorry, p-pasensya na.” Ngumisi ako. Sunod na pumasok si Radier na agad namang bumaling sa `kin.
Patay! Kaya agad akong tumalikod bago pa siya makapagsalita.
“Saan na ang padala kanina?” malamig ang boses na tanong ni Rad.
Err! Shit! Ito na nga bang sinasabi ko. Napahinto ako at mariing napapikit saka napakagat-labi.
Sinulyapan ko muna sina Ried at Redwell na dumeretso sa kusina. Bago ko naramdaman ang presensya ni Radier sa likod ko.
“Ahh...” Napakamot ako.
Pa’no ba `to?
Alangan namang sabihin kong ‘Rad, naligaw siguro ang delivery boy hindi alam papunta rito kaya wala pa ang pina-deliver mo.’ Wow! Intense, huh.
O, kaya umarte ako na sumasakit ang tiyan `tapos tatakbo sa CR. Langya, ang bahong palusot n’on.
Nagtaas ng kilay ang gago at mukhang hinihintay ang sagot ko.
“K-Kasi... Ahmm...” Nanlikot ang mata ko, kung saan-saan na tumitingin.
Kabado ako, shit!
“Answer.” Iritado na ang boses niya.
“K-Kasi...”
“Fuck! Ano ba?!” Tumaas na ang boses niya.
“Kasi, walang dumating kanina! Sorry, wala talaga!” mabilis kong sagot.
Takot ko lang mabugahan ng apoy rito.
Kumunot ang noo niya. Oh, please! Maniwala ka sana. Kagat-labi ako na nakipagtitigan sa kanya. Mukhang hindi siya kumbinsido kaya mas kinabahan ako. Hanggang sa may kinuha siyang phone sa bulsa niya.
Hindi niya pinutol ang titig sa `kin habang pumipindot siya sa CP niya hanggang sa itapat niya ang aparato sa tenga.
Di kaya... Tatawagan niya `yong delivery boy?!
Shit! Parang gusto ko na lang na hablutin ang phone niya ngayon.
“Yeah, from Falcon residence. Have you delivered my item?”.
Napalunok ako at kabado na nakatitig sa kanya.
“Okay, thanks.” Umigting ang panga niya at tumitig muli sa mga mata ko. Ibinaba niya na ang phone.
Shit! Mangungumpisal na ba ako? Ano’ng uunahin ko? Ama Namin? Ave Maria?
Napalunok ulit ako.
“Hindi nag-deliver, huh? Really?” Ngumisi siya na may pagtatagis ng ngipin.
CONDOM?
`Yon laman ng deliver kanina? Paano ko nalaman?
“Akala ko kasi ano... kay—”
“Would you swallow my—”
“Radier!” saway ni Ried at binigyan ng matalim na titig si Rad. “Cut that words of yours.”
Nanggagalaiti na umirap si Radier.
“Tapos na, and you...” Tumingin sa `kin si Ried. Bago niya pa ako maratratan ng words of wisdom niya ay inuhan ko na siya.
“Pasensya po talaga, alam ko namang hindi dapat ako nangialam d’on pero...” Madamdamin kong hinawakan ang dibdib ko. Kumunot naman ang noo ng dalawa maliban kay Redwell na mukhang natutuwa pa. “Alam ko po ang damdamin ng babaeng umaasa. Marami po ang nagpakahirap para lang makamit ang bagay na pinagkakait mo, Sir Ried, at binabale-wala mo lang. Kaya ko lang naman nagawa `yon ay para magising na sila sa katotohanang may mga bagay na hindi nila maabot kahit gaano pa sila magsisikap na abutin.”
Katahimikan....
Kulang ang scene. Dapat may crooo-crooo... Okay, he-he, awkward.
Nakatitig ang tatlo sa `kin, ang dalawa, mukhang mapapanganga pa. Samantalang si Redwell pinipigilan lang matawa.
Kung ako sa kanya, tumawa na lang siya. Hindi `yong pinipigilan pa niya baka kasi saan pa lumabas `yan.
“Okay?” kunot-noo na nagsalita si Ried.
Mukhang nawala rin siya sa sarili sandali.
“Saan mo inilagay ang kinakain mo, sa utak o sa tiyan?” Natatawa na umiling iling si Redwell.
“Tsk.” Umirap si Radier.
# Nagkamali
# Napagalitan
# Naghugot
“THERE are still cobwebs here.” Maarte na pinahid ng kumag na si Radier ang divider niya.
Porke nagkasala ako, heto siya ngayon at napili pa talagang tumambay sa linggong ito para bwisitin ako.
Kakapunas ko lang sa divider na `yan, hayan na naman siya. Bat `di na lang kasi siya gumaya kay Redwell na nakikipag-flirt r’on sa mga kaklase niya sa baba?
Pinunasan ko pero bago `yon nilingon ko siya.
“`Ayan, ha, nakita mo pinunasan ko na. Baka may nakita ka pa paki-update ako para hindi ako balik nang balik.” Ngumuso ako.
Kunot-noo na nagtaas siya ng tingin sa `kin.
“Are you murmuring something?”
Sarcastic akong ngumisi.
“Wala, kumankanta lang ako,” saka padabog na tumalikod.
Kairita. Kung `di lang ako baguhan, baka kanina ko pa siya na-wrestling.
Napaangat `yong kilay ko nang pasadahan ko ng tingin ang lintek niyang paa na nakapatong sa kakalinis ko lang na center table. May marka na naman ng paa niya.
Ang walangya! Kumuyom na lang ako ng kamao.
Dinampot ko `yong vaccuum na kanina ko pa gusto gawin kundi lang dahil sa kakapuna ng kumag rito. Sarap ipasipsip sa vaccuum ang walangya!
“Try to clean my bedsheets, mukhang kina Ried lang inaasikaso mo, e.”
Excuse me? Anong kina Ried lang? Hindi niya ba alam na simula no’ng ipa-LBC ako ng walangya kong tiyahin, itong kwarto niyang a.k. A basurahan na ang pinagtutuunan ko ng pansin!
Wala siya doon noong halos mahulog ako sa hagdan para hakutin ang mga dumi niya. Wala siya doon noong araw na halos magkakasakit ako sa ulo dahil sa makalat niyang kwarto. Wala siya doon noong halos lagyan ko na ng star ang gabundok niyang labahin para magmukhang Christmas tree. Wala siya doon noong mga time na halos sapian na ako ng demonyo at kunin ang manika sa telebisyon para makulam ang kupal na `to.
Wala siya doon! Kaya wala siyang karapatan na husgahan ako! Shit! Basilyo! Crispin! Nasaan na kayo?!
Ngumisi ulit ako sa kanya pero sarcastic nga lang.
“Hmm, oo nga, `no? Dapat siguro, five times a day ko linisin ang silid mo. Baka kasi `di ko mamalayan naghahakot ka na naman ng basura rito galing Payatas.”
Kumunot ang noo niya. Bago siya nakapag-react, lumabas na ako ng kwarto. Napabuntong-hininga ako nang tuluyan na akong nasa labas.
Dear Lord, patawarin N’yo po ako. Pero sasapukin ko na po ang lalakeng nasa loob `pag `di ako nakapagtimpi.
Sana mapatawad N’yo po ako.
Amen.
MATUNAW ka...
Matunaw ka..
Matunaw ka...
Shit! Matunaw ka!
Biglang nag-angat ng tingin si Radier kaya agad akong nag-iwas ng titig.
Bat ayaw matunaw?
Akala ko ba nakakatunaw `yong titig? Sumubo ako ng ulam sa kutsara at kunyare busy sa pagkain.
“Order ka na lang ulit.” Tumatawa si Redwell.
“Tsk, nah.” Ngumuso si Radier.
“You’re talking nonsense,” si Ried at bored ang mukha kaharap ang kinakain.
“What nonsense? I screw without condom, guys, and Rad is just a coward slu—”
“Cut it, Red,” si Ried.
Tumawa si Redwell at tinaas ang kamay sa ere na parang sumusuko.
“Oops,” aniya at tumingin sa `kin.
“Tsk,” si Radier na sumulyap sa `kin.
“She doesn’t mind, right, Carlota?” tanong ni Redwell na tumingin pa sa `kin.
“Ha?” lito na tanong ko rin.
Wala naman talaga akong maintindihan sa mga pinag-uusapan nila kaya ayos lang kahit hindi na suwayin ni Ried itong bunganga ni Redwell.
“She’s naive, that’s why,” ani Radier.
Nagpanting ang tenga ko. Kahit probinsyana ako, hindi ako bobo. Alam ko meaning ng naive.
“Ah! Too mean.” Tumawa si Red at pabalik-balik ang tingin sa `min ni Radier.
Kalma lang, Lot-lot, kalma lang. Skinol ko `to.
Sarcastic akong ngumiti. Kunyare `di ko naintindihan saka sumubo ulit ng pagkain.
“See?” si Radier.
Malagyan nga ng sili ang brief ng unggoy na `to mamaya.