"Salamat sa paghatid ah." saad ko. Tumango lang siya at sumakay na ulit sa taxi. Ngiti naman akong kumaway habang papaalis ang taxi. Hindi man lang nagbabye, psh. Pero ayos lang.
Hindi na nawala ang ngiti ko hanggang sa makapasok ako sa bahay.
"Bakit ginabi ka?" tanong ni Daddy na nasa sala pagkapasok ko.
"Ano ka ba naman, tinatakot mo nanaman ang anak mo." saad ni Mommy kay Daddy. Nagmano naman ako sa kanila. Umirap lang si Daddy dahil sa sinabi ni Mommy.
"Saan ka ba galing?" tanong ulit ni Daddy sa akin.
"Ah, gumala lang po ako kasama po mga kaibigan ko po." sagot ko sa tanong ni Dad.
Hindi na nagsalita pa sila Daddy kaya naman nagpaalam na ako na pupunta na ako ng kwarto ko.
"Trish!" masayang saad ko nang sagutin niya ang tawag.
[Oh bakit?] tanong niya.
"Nag-date kami." pakanta na saad ko. Labis pa ang saya na nararamdaman ko ngayon. Hindi ko maipaliwanag.
[So? Dapat na ba akong mainggit?] natatawang tanong niya.
"Medyo?" natatawang ani ko rin.
[Alalahin mo, hindi ka niya gusto. Pumayag lang siya sa gusto mo para tigilan mo na siya.]
Nawala tuloy yung ngiti sa labi ko dahil sa sinabi ni Trish. Bakit pinaalala pa niya? Grabe siya!
"Ikaw naman, wala kang kwentang kaibigan. Imbes na masaya ako ngayon eh bigla mong sinira." nakasimangot na saad ko. Dumapa ako sa kama ko pagkatapos kong matanggal ang sandals ko.
[Nagsasabi lang ako dahil ayokong makalimutan mo yun. Huwag kang sobrang mag-enjoy dahil kapag natapos 'yan. Baka masaktan ka din ng sobra.]
"Pero Trish, gustong-gusto ko talaga siya. Sobrang nag-enjoy talaga ako kanina kasama siya." naka-pout na saad ko.
[Oo na, masaya ako na masaya ka. Pero ayaw ko rin na masaktan ka. Pero sige bilang kaibigan mo. Susuportahan kita sa gusto mo. Basta nandito lang ako kung sakaling gusto mong umiyak. Bye na maglilinis pa ako ng kwarto ko.]
"Okay Trish, Thank you muah! Bye!" ngiting saad ko at pinatay na ang tawag.
Tinext ko naman agad si Heros kung nakauwi na ba ito ng safe. May progress dahil nagreply siya. Ang bad news ay maikli. Tanging oo lang ang isinagot nito.
Ang mahalaga ay nagreply. Pagkabihis ko ng pambahay na damit ay bumaba na ako para makinood kila Mommy. Napansin ko ang hugasin kaya tumayo ako para hugasan iyon.
"Dianne! Maghugas ka na nga!" sigaw ni Mommy.
"Mommy, ako na po ang naghuhugas." saad ko kaya napatingin sa akin si Mommy.
"Ang tatamad talaga ng mga kapatid mo." saad ni Mommy. Hindi ko na iyon pinansin pa at tinapos na ang hugasin.
Napatingin ako kay Daddy na busy sa laptop niya. Trabaho ang ginagawa niya. Si Mommy naman ay nagsusulat sa notebook nito ng mga kulang sa bahay para bilhin na lang at hindi na mahirapan.
Kaya pagkatapos kong maghugas ay kumuha ako ng walis para magwalis na rin.
"Mommy! nagla-live pa po kasi eh." rinig kong saad ni Ate pagkababa.
"Don't worry Ate, ako na po ang naghugas." saad ko.
Ngumiti naman si Ate, paakyat na sana siya nang batuhin siya ni Daddy ng tsinelas.
"Aray." reklamo ni Ate dahil natamaan siya sa likuran niya.
"Bumaba ka rito. Kapatid mo na ang naghugas kahit hindi naman siya kumain rito. Magligpit ka dyan." masungit na saad ni Daddy.
Dali-dali naman si Ate na bumaba para magligpit. Napasimangot siya na niligpit ang mga libro sa gilid na siya rin naman ang gumulo.
"Gusto mo bang putulin ko yung nguso mo?" banta ni Daddy kaya naman tinakpan ni Ate ang bibig niya at umiling.
"Dianne, yung allowance mo ba naubos mo na? Magtipid ka ah, huwag kang gumastos. Pati na rin ikaw, Devi ah." saad ni Mommy.
"Bakit po My? Nawalan ka na po ba ng trabaho?" tanong ni Ate. Tinapos ko na ang pagwawalis at tumabi sa kanila.
"Hindi! Sinasabi ko lang 'tong mga 'to para may madudukot kayo sa oras ng pangangailangan. Paano kung mawalan nga kami ng trabaho, tapos nagka-emergency edi nganga tayo." saad ni Mommy.
"Opo." sagot lang ni Ate Dianne. Ako naman ay nakatutok lang sa T.V.
Nagpaalam na si Mommy at si Daddy sa kwarto nila para doon na gawin ang aasikasuhin about sa trabaho at matutulog na lang kaya naman mabilis na tumabi sa akin si Ate Dianne.
"Ate." saad ko.
"Hmm?" tanong niya habang ang tingin ay nasa T.V. rin.
"Yun lang ba ang ibig sabihin ni Mommy sa sinabi niya sa atin? Wala bang ibang ibig sabihin yun?" tanong ko at tumingin sa kaniya.
Napatitig naman si Ate sa kawalan.
"Hindi ko alam." saad niya. Hindi na ako nagsalita pa at ibinalik na lang ang tingin ko sa T.V.
"Huwag kang pumasok bukas, susundan natin si Mommy pagpasok niya. Isang subject lang naman kayo bukas 'di ba?" tanong niya kaya napatango ako.
"Sigurado ka po ba dyan? What if malaman ni Mommy at ni Dad na hindi tayo pumasok?" tanong ko.
Si Ate Dianne ay 3rd Year College na.
"Shh! Basta bukas susundan natin si Mommy." saad niya at tumayo na para umakyat sa kwarto niya.
Wala na akong nagawa pa. Wala namang mali sa sinabi ni Mommy pero para kasing meron pang rason sa likod nito.
"Oh bakit hindi ka pa umaakyat?" tanong ni Kuya Denver. Galing ito sa trabaho niya. Mukhang nag-over time dahil madalas ay maaga ito umuwi.
"Hinintay ko lang po kayo. Aakyat na po ako ah." saad ko at mabilis na umakyat sa kwarto ko.
Takot kasi ako sa dilim kaya naman ayokong maiwan sa baba para magpatay ng ilaw at T.V.
Humiga agad ako sa kama ko at napatitig sa kisame.
Binuksan ko muna ang lamp sa gilid ko bago ko patayin ang ilaw sa kwarto ko.
Pagkahiga ko ay doon ko na naramdaman ang antok.
-
"Devs!" rinig kong saad at ramdam ko ang pagyugyog sa akin.
"Hmm?" tanong ko habang nakapikit pa rin.
"Gumising ka na! Ilang minuto na lang ay aalis na si Mommy." saad ni Ate kaya naman napadilat ako. Nakita ko siyang naka hoody at naka jogging pants. May dala rin siyang shades. Naka-rubber shoes din siya.
"Saan ka pupunta at nakaganiyan ka? Akala ko ba susundan lang natin si Mommy?" tanong ko.
"Oo nga! Kailangan hindi tayo makilala ni Mommy noh. Baka maramdaman niyang sumusunod tayo sa kaniya at biglang lumingon na lang. Edi bistado tayo." saad niya. Lumabas na ako ng kwarto ko para pumunta sa C.R. namin. Si Ate naman ay nag volunteer na siya na raw ang maghahanap ng susuotin ko.
Nabigla ako nang lumabas si Mommy galing C.R.
"Oh, buti naman at gising ka na. Papasok ka pa 'di ba?" tanong ni Mommy.
"O-opo." saad ko. "Kayo rin po ba papasok na?"
"Oo naman. Sige na maligo ka na." saad ni Mommy kaya mabilis akong tumango. Pumasok na ako sa banyo at binilisan ang pagligo.
Ni hindi ko na inayos ang pag-shampoo at pagsabon dahil kailangan nakabihis na ako bago pa makaalis si Mommy.
Napalingon ako sa pinto dahil may kumatok. Binuksan ko naman iyon at nakita ko si Ate na nakatalikod habang palingon-lingon sa paligid. Agad kong kinuha ang susuotin ko.
Pagkabihis ay sabay kaming tumakbo ni Ate papasok ng kwarto ko.
"Ate, kinakabahan ako." hindi mapakaling saad ko.
"Huwag ka ngang kabahan!" inis na saad niya habang tinutulungan akong patuyuin ang buhok ko.
Parehas pa kaming nagulat ni Ate nang may kumatok. Napahawak pa ako sa dibdib ko dahil sa gulat.
"Devi?" rinig kong tawag ni Mommy sa labas ng kwarto ko.
"Po?" malakas na tanong ko.
"Aalis na ako, gisingin mo na lang ang Ate mo ah. Kumain rin kayo ng breakfast sa baba. Nagluto ako kanina. Initin niyo na lang kung gusto niyo." saad ni Mommy. Sabay naman kaming napalingon ni Ate sa isa't-isa.
"O-opo!" malakas na sigaw ko.
"Dali!" saad ni Ate habang ako naman ay natataranta na nagsuot ng sapatos.
Sinuot na ni Ate sa akin ang sun glasses.
Hinawakan ni Ate ang kamay ko at bumaba na kami ng sabay. Palingon-lingon pa kami sa paligid dahil baka nandito pa pala si Mommy.
Napasilip pa kami sa pintuan at nakita namin si Mommy na sumakay ng taxi. Kaya mabilis din kaming nag-abang ng taxi at sinabing sundan ang nasa harapan namin na taxi.
"Baka naman pupunta si Mommy sa trabaho niya, paano 'yan. Nasayang lang ang effort natin, Ate." saad ko. Hindi na nagsalita si Ate dahil tutok ang mata niya sa labas.
Maya-maya lang ay sumigaw si Ate kaya napahawak nanaman ako sa dibdib ko.
"Wait!" sigaw niya at napatingin naman kami sa unahan nang makita namin si Mommy na bumaba sa harapan ng Hospital?
"Hospital." sabay na saad namin ni Ate. Napatingin kami sa isa't-isa at halata ang gulat sa mga mata namin.