Devi's P.O.V.
"Ano na?! Umamin ka na? Wow!" natatawang saad ni Trisha.
"Ni-reject niya ako." paiyak na saad ko. Imbes naman na i-comfort ako ng babaeng ito, tinatawanan pa ako.
"Ayos lang 'yan. Marami pa dyang iba." saad niya at umupo sa tabi ko. Napasimangot naman ako at pinipigilan ang umiyak.
Nagpakilala pa ako dahil baka sakaling gusto niya ng mga ganon. Matalino naman ako ah, maraming achievements. Hindi ba niya talaga maalala yung nangyari noon? Or baka isa lang ako sa nakaraan niya na kinalimutan niya?
"Alam ko na!" sigaw ni Trisha kaya napahawak ako sa dibdib ko dahil sa gulat.
"Ano ba! Bakit ba nanggugulat ka dyan?" tanong ko sa kaniya. Natawa naman siya at nag-peace sign pa.
"Bakit kaya hindi mo siya ligawan? Baka kasi hindi siya marunong manligaw 'di ba?" saad niya kaya napaisip naman ako.
Minsan na rin akong naging prince sa role play namin noon. Kaya ko rin siguro yung role na yun ngayon sa totoong buhay.
"What if...Maging kami hanggang August 31. Paano kung a-ano 'di ba? Ayaw niya talaga sa akin. Hahayaan ko na siya kapag natapos na ang buwan na 'to." saad ko.
"Oo! Magandang idea 'yan. Tapos ibigay mo lahat ng kaya mo. Susuportahan kita dyan." saad niya. "Para naman may hangganan na ang pagtanaw mo sa kaniya. Mag-move on ka na rin after non."
Pero gusto ko talaga siya.
"M-may outfit ka ba dyan na itatago ang buong katawan ko?" tanong ko sa kaniya hindi na pinansin ang huling sinabi niya.
"Ha?"
Napangiti lang ako kahit na alam kong mapapahiya lang ako.
-
"Hey! nakakakita ka pa ba?" tanong ni Heros. Buti na lang ay nakakakita ka kapag nandito ka sa loob ng costume na ito.
Binigay ko na ang papel na isinulat ko kanina. Ramdam kong nakatitig ang lahat sa akin. Medyo nahihiya na ako. Nakakailang pero kakayanin ko para kay Heros.
"Ako si Devina, yung kahapon. Ayaw mo makita ang pagmumukha ko at ayaw mo rin akong maamoy. Hindi ako sure doon sa ayaw mo akong maamoy, yung natural scent ba o yung pabango na gamit ko? Sinulat ko to kanina. Sulat kasi ayaw mo akong marinig." basa niya doon sa nakasulat sa papel na isinulat ko kanina lang. "What?!"
Muli akong nag-type sa cellphone ko para sabihin ang gusto kong sabihin. Nang matapos ay ipinakita ko na sa kaniya ang tinype ko sa cellphone.
'Matagal na kitang ginusto at tinanaw mula malayo, hindi ako susuko this time.'
"Excuse me!" sigaw niya at nilagpasan ako.
"Hoy!" sigaw ko naman. Binilisan ko ang pagtakbo ko para lang maharangan siya.
Tinanggal ko na ang suot ko sa ulo dahil sobrang init talaga.
"Pinapahiya mo ako, alam mo ba 'yun?" inis na tanong niya.
Ako rin naman medyo nahihiya. Pero napatingin pa rin ako sa kanila. Nahihiya naman akong ngumiti sa kanila. Please ngayon lang naman 'to. Huwag na kayong mag-isip dyan na weird ako dahil sa pinaggagawa ko ngayon.
"Bakit ba, reject ka dyan nang reject? Bakit ba hindi mo muna subukan?"
"Wala nga akong time, okay? Hindi ka ba makaintindi?" halata ang inis sa mukha niya.
"Hindi ako makaintindi, date me for 1 month."
"What? Hibang ka ba?"
"Hibang sa'yo." ngiting saad ko.
"Look! Wala akong time para makipagbiruan sa'yo. Maghanap ka na lang ng ibang idi-date mo." saad niya at paalis na sana siya pero hinawakan ko siya sa magkabilaang braso niya.
Oohh Muscle. Ang taray naman.
Agad naman niyang tinanggal ang kamay ko. Napasimangot tuloy ako. Hindi ko pa nga nararamdaman ng maigi yung biceps niya. Pero hindi yun ang ipinunta mo rito Devi.
"I-date mo ako sa buong buwan na 'to. August 10 ngayon, so date me until August 31. Kapag wala ka pa ring feelings sa akin hanggang sa araw na yun ay ititigil ko ang pangungulit ko." saad ko.
"Akala ko ba hindi mo ako pipilitin sa ayaw ko? Bakit ngayon namimilit ka? Kasasabi mo lang na hahayaan lang kita na ipakita ang feelings mo, tapos ngayon--"
"Nagbago na ang isip ko. Lahat pala ng gusto ko, pinaghihirapan kong makuha. Wala akong pake kung mapahiya ako o magmukha akong timang sa sinasabi at pinapakita ko."
"May gagawin ako ngayon, next time na tayo mag-usap." saad niya at mabilis na tumakbo paalis.
"Hoy!" huli na dahil mukhang hindi niya narinig. Agad akong napalingon sa iba at agad kong binalik ang sinuot ko sa ulo ko at mabilis na umalis.
"Pfft.. HAHAHAHAHAHA alam mo ba kung paano sa akin ikuwento ng mga kaklase natin yung kalokohan mo? Nakakahiya ka. Akala ko kung anong gagawin mo sa costume." natatawang saad niya. Kanina pa siya tawa nang tawa. "Ayos lang 'yan." natatawang saad niya sabay tapik sa balikat ko.
"Ano bang gagawin ko para mapapayag siya ha?" frustrated na saad ko.
"Edi kulitin mo. Baka ayaw niyang pumayag kasi gusto niyang kulitin mo siya or ayaw niyang tigilan mo siya." saad niya.
"Hindi ganun yun." saad ko.
"Oh buti alam mo." saad niya. Lalo pa akong napasimangot.
Pero isang advice lang ang tinanggap ko. Ang kulitin siya.
Kaya naman ay hinahanap ko siya at kinukulit ko siya kahit na nagagalit siya sa akin. Kahit nga pinagtitinginan na kami ng ibang mga tao kapag sumisigaw siya ay ayos lang sa akin. Ang gwapo niya kapag nagagalit.
Pero parang may mali, hindi ko alam kung bakit.

"Fine!" inis na sigaw niya dahil sa pangungulit ko.
"Fine?"
"Fine, magdi-date tayo until the end of this month. After this, titigilan mo na ako. You should act like I'm a totally stranger after this. Okay?!" sigaw nanaman niya. Napangiti naman ako.
"Okay! Until the end of this month!" sigaw ko nang mabilis siyang naglakad paalis.
Napatingin ako sa wallet na nakalapag lang sa baba. Agad kong pinulot iyon at binuksan.
Napangiti ako nang may I.D. doon.
Heros Zon Natividad
Kinuha ko ang I.D niya at sinave ang number niya.
Napaisip pa ako kung anong itetext ko hanggang sa maisip ko na.
Tss. Ano kayang iisipin non kapag nabasa niya ang text ko? Kung paano ko nakuha ang number niya ganon?
Ang malas niya naman, bakit kasi hindi siya maingat sa gamit niya. Bukas ko na lang ito iaabot.
Kinagabihan ay excited na ako sa date namin. Kahit ako lang ang may gusto ng date namin ay ayos lang, masaya naman ako sa set-up namin ngayon.
"Devs, pinapabigay ni Mommy." rinig kong saad sa labas ng kwarto ko. Agad ko itong binuksan at nakita ko ang seryosong itsura ni Kuya Denver.
"Thanks Kuya." ngiting saad ko habang tinatanggap ang pera. Umalis lang si Kuya after kong mag thank you.
"Devs!" rinig ko nanamang sigaw. Nakita ko si Kuya Deiz na kakaakyat lang ng hagdan papunta dito sa kwarto ko.
"Kuya?"
"Pautang." ngiting saad niya.
"Parati ka na lang ganiyan, tuwing bigayan na ng allowance ako agad ang pinupuntahan mo. Hindi ka pa bayad sa last time mong hiram." saad ko.
"Pahiramin mo na, baka umiyak." saad naman ni Ate Dianne nang makadaan sa likod ni Kuya Deiz.
"Kuya naman! pang-date ko 'to bukas eh." reklamo ko nang hawakan niya ang braso ko at mahinang hinahatak iyon na parang bata. Napahinto naman silang dalawa sa ginagawa nila. Napalingon sa akin si Ate na papunta sa kwarto niya sana. Si Kuya Deiz naman ay napahinto sa paghila sa braso ko at gulat na binitawan iyon. Napahawak pa siya sa bibig niya.
Paktay! Hindi pa nila pwedeng malaman, baka imbestigahan nila si Heros. At kapag nalaman nila na deal lang yun at hindi naman niya ako gusto ay baka magalit sila kay Heros kahit ako naman ang may kasalanan.
Hindi ko pinapahalata na kinakabahan ako, umirap lang ako at nag-crossed arm.
"Ano bang iniisip niyo? Date namin ni Trisha at Jaja." saad ko. Si Jaja yung isa kong friend from another school.
"Yari ka kila Daddy kapag nalaman nila na nakikipag-boyfriend ka." saad ni Ate at pinagpatuloy ang paglalakad papunta sa tabing kwarto ko.
"Mas yari ka sa akin kapag mali ang pinili mong lalaki." saad ni Kuya Deiz. Napairap lang ako sa ere dahil sa mga sinasabi nila.
Si Kuya ay 4th Year College na. Buti na lang magkaiba na kami ng school. Kung hindi, malalaman niya ang pinaggagawa ko.
"Oh, bayaran mo agad ah kasama nung last time." saad ko at sinarado na ang pinto.
"Thank you!" sigaw niya at rinig ko ang yapak niya na papaalis.
Hindi naman nila malalaman, Until August 31 lang naman ang date na ito. Nalungkot tuloy ako, napalitan ang saya na nararamdaman ko kanina lang.
Kaya ko kaya siyang paibigin sa maikling panahon?