Isang matahimik na araw para sana makapag-relax lamang ako dahil sa dami ng mga pangyayari nitong mga huling araw. Ilang beses ba naman kami mag-away ng step-brother ko, tapos inabot pa kami ng hospital, ah.
Kaya ngayong na discharge na kami ay medyo lumalabas na rin kami ng bahay para naman makapagpahangin. Ilang araw rin kaming panay alcohol ang naamoy, ah.
Nasa loob ako ng isang café sa isang mall ngayon ng makaramdam ako ng uhaw kakapanood kay Sherwin na sarap na sarap sa inumin niya, tingnan mo nga naman itong ka-date ko, ‘ni hindi man lang tinanong kalagayan ko.
Well, ano naman daw pake niya sa kanyang fake girlfriend?
“Ah, saglit lang, parang gusto ko rin magkape.” Pagtayo ko ay hindi ko napansin ang papadaang tao mula sa likuran kaya nagkabungguan kami.
Sa lakas nito ay muntik na akong mahulog nang saluhin ako nito sa aking bewang at hapitin palapit sa kanya.
“What the.” Pagtingala ko ay natagpuan ko ang nag-aalalang si Axel.
“Ashane?” Dahan-dahan niya akong itinayo at hinawakan ang magkabilang kamay ko. And coincidentally, ay naka-orange din siya katulad ng couple outfit namin ngayon ni Sherwin. “I’m sorry. Nasaktan ba kita?”
Bigla niyang sinapo ang magkabilang pisngi ko. “May masakit ba sa iyo, babe?” At mas nilapit pa niya ang mukha niya!
“Uhm, Axel---” Hindi niya ba alam ang space? PDA much ito. I was about to push him away nang may humatak sa kanang pulso ko.
“Anong ginagawa mo?” asik ni Sherwin.
Sa halip na magpatakoy ay hindi nagpatalo si Axel at hindi niya binitawan ang kaliwang kamay ko.
“At sino ka naman, para makielam sa amin ng girlfriend ko?” singhal pabalik ni Axel.
Napangiwi ako. Ngunit mas hindi matimpla ang mukha ni Rael na hindi makapaniwala at judgemental na judgemental ang tingin sa akin.
Nag-iwas ako ng tingin. I’m not expecting this either! Para tuloy akong cheater. But hey, I have their consents patungkol sa bagay na ito. Sadyang 'di lang talaga nila kilala ang isa't isa.
“Girlfriend ko siya ngayon,” giit ni Sherwin. Firmed and determined, walang bahid na kasinungalingan kasi totoo nga naman.
Ako talaga sinungaling dito, aking mga boyfriends.
“Ano?” Biglang nagtatanong ang mata sa akin ni Axel. He looks so lost and betrayed na akala mo ay nagtataksil ako.
Well, he is not wrong about that.
Mabilis akong umiling habang tikom ang bibig. “Siya iyong friend na sinasabi ko sa ‘yo. Iyong mayroong problema na stalker sa kaniya, kaya nagpapatulong siya sa akin na mag-fake relationship.”
Biglang nagliwanang ang mukha ni Axel. “Fake boyfriend ka lang niya, ako ang tunay na boyfriend ni Ashane!”
You heard it all, folks! Si Axel ang real boyfriend ko, and si Sherwin naman ang fake boyfriend ko. Hindi nakakapagtakang ang judgemental nga ng tingin sa akin ni Rael (na siya namang step-brother ko) dahil sa hindi makapaniwalang sitwasyon ko.
Nang mas malakas na hinatak akong muli ni Axel palapit sa kanya. Sherwin seems to lose his grip pero hindi niya pa rin ako binibitawan.
Gano’n sana. Hindi binibitawan.
“Ang taray naman ni girl.”
“Sana all.” At nagsimula nang magkagulo ang mga tsismosa sa palibot namin.
Wait lang! Ano na ba itong mga nangyayari? Akala ko ba nandito ako para makapag-relax.
Ano bang gulo ang ginagawa ng mga tukmol na ito? Hindi ko na alam ang gagawin ko!
“Wait lang, ah. Pero kapatid ko iyang pinag-aagawan niyo.” Nagulat na lang ako ng may isa pang humablot sa kaliwang braso ko.
Pati rin ikaw?
Bakit magkatabi na ngayon sina Sherwin at Rael? Paanong nagkasundo ang dalawa at nanlilisik na ang tingin nila kay Axel na nasa kabilang panig.
O medyo, sira lang si Rael at nagawa niyang asarin lang talaga ako.
“Pwes, I’m sorry to say this,” biglang may baritonong boses na nagsalita sa likod ko at nakihatak naman sa kanang braso ko. “Pero ako ang first love niya!”
Paglingon ko ay hindi ko makilala ang isang bigating lalaking naka-american suit, at pormal na pormal ang tindig at ayos. Mukha siyang isang boss ng isang malaking kompanya at mukhang mas matanda rin sa amin ng ilang taon.
At sino ka naman para makisawsaw sa gulo?
I want to ask him that dahil mababaliw na talaga ako. Idagdag mo pa ang kung ano-anong pinagbubulungan ng mga tao sa paligid, at sa patuloy pa na pagdagsa nila nang dahil nga nasa mall kami at ang daming tao ang nakakakita sa amin!
“Emgi, reverse harem ba iyon?”
“Sana all pinag-aagawan ng mga Fafa.”
Hoy. Wait lang!
Anong reverse harem ito? Lalaki rin ako!