TAHIMIK lamang si Severina habang nasa biyahe. Nakaupo siya sa passenger’s seat ng kotse. Nasa malayo ang tingin niya habang umaandar ang sasakyan. Minsan ay napapasulyap siya kay Gunner. Gusto niyang magpasalamat dito, kaso nahihiya siya.
“Uhm, G-Gunner?” Hindi ito sumagot at nagpatuloy lamang sa pagmamaneho. Napangiwi tuloy siya dahil doon. “M-May sasabihin lang sana ako s-sa ’yo.”
Nagulat si Severina nang may kuhanin ito sa backseat. Ilang sandali ay ibinigay nito sa kaniya ang isang supot. “Ano ‘to?” Dali-dali niyang tiningnan kung ano ang nasa loob ng supot. Doon niya nakita ang Fifty Shades trilogy na ipinahanap niya rito kanina.
“Binayaran ko na ‘yan, don’t worry.”
Ibinalik niya sa loob ang tatlong libro. “Gusto lang sanang sabihin na . . . salamat,” ani Severina rito. Napasulyap si Gunner sa kaniya dahilan para mag-init ang mukha ni Severina. “Ginawa ko lang ang trabaho ko.”
Simula noong araw na iyon, parang naging mas close sila ni Gunner. Siya na mismo ang lumalapit sa lalaki para naman makabawi sa mga pang-iinsulto niya rito noong mga nakaraang araw.
“YOU mean, close na kayo, Sevs?”
Tumango si Severina. “Parang ganoon na nga. Saka, mabait naman siya. Kaso parang a man of few words,” kuwento niya habang kumakain sila ng ice cream. Nandito silang tatlo ngayon sa isang ice cream parlor. Habang si Gunner naman ay nasa labas, naghihintay sa kanila.
“Ah, hindi siya palasalita?” tanong ni Mayumi. “Oo,” sagot niya naman. “Even though he’s little bit eccentric, I can still sense how nice he is.” Dagdag ng dalaga.
“Naku, Sevs, baka magaya ka sa mga nababasa kong kuwento na ang amo, nagkagusto sa bodyguard nila.” Napatingin si Severina nang masama kay Alexis. “Duh? Hindi ako magkakagusto ro’n. Ayaw ko sa weirdo.”
“Masyado ka naman yatang defensive, Sevs?” natatawang sabi ni Alexis. Napairap siya roon. Kapag siya ang bumara sa babaeng ito, naku, tingnan natin kung hindi ito masaktan.
“Awieee, lumalandi na Sevs natin,” sabi pa ulit nito sabay sundot-sundot sa tagiliran niya. “Tama na nga, Alex!” away niya rito.
LUMIPAS ang ilang araw at nakauwi na rin ang daddy niya. Masaya si Severina nang makauwi ito dahil na-close raw nila ang deal sa isa sa mga investment nila. Dahil din doon, nagpa-celebrate ito para sa success ng company nila. Sa nangyari noong nakaraang araw, nagpasalamat ang daddy niya kay Gunner dahil iniligtas raw nito ang kaisa-isa niyang anak.
“I’m just doing my job, sir.” Iyon lang ang sagot ni Gunner sa daddy niya, kahit sa kaniya rin tuwing nagpapasalamat siya rito.
“’CUZ!”
Napangiwi si Severina nang makita niyang papalapit si Diana sa kaniya. Bongga ang dress na suot nito, para itong magde-debut, eh tungkol lang naman ito sa celebration ng company.
‘Over ka, teh!”
Napakalaki at masyadong sosyal ang dress na suot ni Diana. While Severina? She was just wearing an Empire Line dress, it was a high waist dress that had fitting bodice till just under the bust and then a flowy silhouette. Nakipagbeso-beso si Diana sakaniya kahit labag sa kalooban niyang gawin ‘yon. Diana was nothing but trouble. Mukha pa lang nito. Well, Severina admit that Diana was pretty, ‘yong mukha na bentang-benta sa club. Basta ganoon, iyong pangkabit na mukha.
“Kanina pa kayo?” tanong niya sa pinsan. “Actually, kalalabas ko lang sa kotse ko.” Tumawa ito nang mahinhin. She mentally cursed Diana. ‘The fuck? I was just asking if kanina pa sila nakarating, hindi ko naman tinanong kung ano ang sinakyan niya. Gaga ‘to.’
“By the way, ’cuz, who’s that guy?”
Napatingin si Severina sa likuran kung saan nakatayo si Gunner. Marami naman ang bisita na naririto ngayon, sa yard sila ng mansion nag-celebrate ng party para kumasya ang mga tao. Karamihan sa mga bisita ay hindi niya kilala, siguro mga partner lang ‘yun ng daddy niya sa business at kung ano-ano pa.
“Ah, s-siya ba?” tanong niya sabay turo kay Gunner.
“Yes, he’s kinda hot, ha.”
Napairap si Severina nang mabilis sa kaniyang nga narinig.
“Tito!” Nang makita ni Diana ang daddy ni Severina ay agad itong naglakad palapit sa daddy niya at niyakap ito. Lumapit din naman siya roon. Ang gara din ng ayos ng daddy niya, black suit paired with black ties. “Nasaan ang daddy mo?” kaagad na tanong ng daddy ni Severina kay Diana.
“Papunta na po,” magalang naman na sagot ni Diana. “Tito, sino po siya?” Turo ulit ni Diana kay Gunner dahilan para mabwesit si Severina. “Gusto mo siyang makilala?” tanong ng daddy ni Severina kaya agad namang tumango si Diana.
Tinawag naman nito si Gunner saka pinalapit sa kanila. “This is Gunner—”
Hindi niya na pinatapos sa pagsalita ang daddy niya. Kaagad niyang hinawakan ang chest ni Gunner at naglandas ang kamay niya papunta sa balikat nito. Tiningnan niya muna si Diana bago nagsalita. “He’s my personal bodyguard.” Diniin niya talaga ang pagkasabi ng personal para malaman ng babaeng ito na siya ang nagmamay-ari kay Gunner.
“Wow?” manghang sabi nito. “Gosh, Tito, saan po kayo nakahanap ng ganyang kasarap—este ka-hot na guard?”
Natawa si Severina nang makita niya kung paano dinilaan ni Diana ang labi nito. What a bitch.
“Gusto ko ring magkaganyan.” Muli pa nitong sabi kaya tinaasan niya lang ng kilay si Diana. “’Cuz, nakakainggit ka!” gigil nitong sabi sabay lapit kay Gunner. Dahan-dahang hinila ni Severina si Gunner para hindi ito malapitan ni Diana.
“Sige, Tito, roon muna ako.”
Tumango ang daddy ni Severina at ganoon din si siya. Pinabayaan nilang umalis si Diana sa harapan. Nagpaalam na rin ang daddy niya sa kanila hanggang sa maiwan sila ni Gunner na ganoon pa rin ang posisyon. Dali-dali niyang inilayo ang kamay sa balikat nito. Bahagya ring namula ang kaniyang pisngi dahil sa hiya.
“What’s that for?” tanong nito sa kasagot Agad siyang umiling. “N-Nothing,” maikli niyang sagot.
Biglang nawala ang musika kaya napahinto ang lahat ng tao. Kahit si Severina mismo ay natigilan din. Nakuha ang atensyon nila sa gitna kung saan nakatayo ngayon ang daddy niya. May hawak itong microphone sa kanang kamay habang sa kaliwa naman ay isang wine glass. Marami itong sinabi. Nagpasalamat ito sa mga dumalo at kung ano-ano pa.
“For the success of the company.” Itinaas ng daddy niya ang hawak na wine glass. Ganoon din ang ginawa ng mga tao maliban kay Severina. Matapos ‘yon ay sabay nilang ininom nila ‘yung wine. “Just continue,” sabi ng daddy niya sa DJ. Tumango ang DJ saka nag-scratch. Ilang sandali ay nagpatugtog na ito. Napangisi naman si Severina nang marinig iyon. Tinungo niya ang mesa nila ng kaniyang daddy, wala pa ito roon, busy pa kasi ito sa pakikipag-usap sa mga kaibigan nito. There, Severina saw her Uncle Franco, papalapit ito sa direksiyon ng daddy niya. Kita niya ang tuwa sa mukha ng kaniyang daddy nang makita ang nakababata nitong kapatid.
“Ayaw mo bang kumain?” tanong niya kay Gunner nang makita itong naglakad palapit sa kaniya.
“I’m full. Ikaw? Ba’t hindi ka kumain?”
Napangiti si Severina saka pasimple niya itong tiningnan sa mga mata. Those heterochromatic eyes were so beautiful. Ayos lang sa kaniya na boung araw niya ‘yung tignan.
Kita niya rin naman ang pagkunot ng noo nito. “What’s with that look?” malamig nitong tanong sa kamiya. “W-Wala.” Kaagad siyang umiwas ng tingin kay Gunner. “Nagagandahan lang ako sa mga mata mo,” dagdag niya pa. “First time ko lang kasing makakita ng ganyang mga mata.”
Naramdaman ni Severina na lumapit ito sa kaniya saka umupo sa upuan sa tabi niya lamang. “Is that so?” pilyo nitong tanong. “Then look at my eyes again,” he added. Napalunok siya ng laway. Ano’ng trip ng taong ‘to?
So ayon, siya namang si gaga na sadyang marupok kaya napatingin ulit siya sa mga mata nito. Para siyang hinihigop ng mga iyon.
“Ma’am Severina!” Mabilis siyang natigilan nang marinig ang boses ng isa sa mga maid nila. “Si sir po!”
Nataranta siya roon. “Teka, ano’ng nangyari?”
Napatingin siya sa daddy niya sa unahan, pinagkakaguluhan na ito ng mga tao. Dali-dali silang lumapit ni Gunner doon at nakita niya ang ama na nakahandusay na.
“Dad!”