Hinihintay ni Parker si Denise. Nasa labas na ito ng classroom ng dalaga at nakatayong nakasandal sa pader habang naghihintay sa labas.
Narinig na ang bell sa buong eskwelahan. Labasan na. Habang si Parker ay nakasandal pa din sa pader. At hinahanap ng mata si Denise.
"Denise, sabay na tayo umuwi" sabi ni Aries. At nilapitan si Denise habang papalabas ng classroom.
Narinig iyon ni Parker mula sa kinatatayuang niya. Nilapitan na kaagad ni Parker sina Denise at Aries.
"No! Sa akin siya sasabay" sabi ng baritong boses. Napalingon naman ang dalawa sa nagsalita. Saka binalingan ni Denise si Aries. Nang hihingi ng paumanhin ang mga tingin ni Denise dito.
"I'm sorry, Aries. Next time na lang" hingi ng tawad ni Denise sa kaklase. Nang makita si Parker.
Tumango ng ulo si Aries. Naiintindihan niya naman. Dahil lagi niyang nakikita si Parker na naghahatid at nagsusundo kay Denise.
"Okay. Siguro may next time naman" sagot ni Aries na may panghihinayang sa boses. Saka umalis na ito.
Tiningnan pa ng masama ni Parker ang papalayong si Aries. At pagkatapos ay nilapitan si Denise.
"Let's go" aya ni Parker sa dalaga. Sumunod naman si Denise kay Parker na nauuna nang naglalakad sa kanya palabas ng eskwelahan.
Mukhang masama ang timpla ng mukha ni Parker. Nagseselos ito dahil kay Denise. Hindi naman niya maiiwasan ang mga ibang estudyanteng umaaligid kay Denise.
Habang sina Leigh at Sandra ay tapos na sa paglilinis ng kanilang classroom.
"Yehey! Natapos na din natin sa wakas" masayang sabi ni Leigh. At masaya din si Sandra para sa kaibigan.
"Halika na, umuwi na tayo" aya ni Leigh kay Sandra.
"Sandali ang susi?" hinahanap ni Sandra ang susi ng kanilang classroom.
"Sandali" sagot ni Leigh na may kinukuha sa bag niya. At nang makuha ang susi ng pinto ay siya na ang nagsarado ng pinto saka mailock iyon.
Sabay na naglalakad ang magkaibigang sina Leigh at Sandra. Hindi maalis alis ang ngiti ni Leigh. Inspired siya ngayong araw at kahit na hindi maganda ang nangyari kanina sa klase ay masaya pa din siya dahil kay Parker.
"Ang saya natin ngayon" punang sabi ni Sandra sa kaibigan.
"Wala lang"
"Wala lang ba talaga? Pagdating natin sa bahay niyo magkuwento ka kaagad" ani Sandra.
Nakangiting tumango ng ulo si Leigh. At nagpatuloy na sila sa paglalakad. Nang mapadaan si Leigh sa gate ay binati ni Leigh si Manong guard. Gumanti naman ito ng bati sa kanya at ngumiti.
Masaya talaga ang kaibigan ni Sandra. Kitang kita iyon sa mga mata ni Leigh.
Napatigil si Leigh sa paglalakad ng makita ang isang pamilyar na pigura ng tao. Bigla bigla iba ang kanyang naramdaman.
"Oh, Leigh. Anong nangyari?" nag aalalang tanong ni Sandra sa natitigilang kaibigan.
Umiling ng ulo si Leigh sa kaibigan at nagpatuloy na sa paglalakad.
Nasa tapat na sila Leigh at Sandra sa kotse ni Parker. Inaalalayan ni Parker si Denise na sumakay sa loob ng kotse niya. At kitang kita ni Leigh ang paghawak ng kamay ni Parker sa kamay ni Denise.
Nanikip ang dibdib niya. Tila mayroong bumara doon at hindi siya makahinga. Pinipigilan niya ang kanyang luha na kumawala sa mga mata niya. At halos manigas ang mga paa niya. At hindi niya maihakbang.
Nakita iyon ni Sandra. Alam niya kung bakit ganoon ang reaksiyon ng kaibigan. Ultimate crush nito si Parker. Kaya alam niyang nasasaktan ngayon si Leigh dahil sa nakita.
"Leigh, okay ka lang ba?" tanong ni Sandra at hinawakan sa braso ang kaibigan.
Pinilit ni Leigh na tumango ng ulo sa kaibigan kahit alam niyang hindi siya okay.
Ang sakit! Alam niyang wala siyang karapatan na maramdaman ito. Pero hindi niya kayang pigilan. Hindi siya bato para walang maramdaman. Kung sana nga lang naging bato na lang ang puso niya para hindi na siya nasasaktan.
Pinilit ni Leigh na ipagpatuloy ang paglalakad niya. At ang kaibigan naman niya ay tahimik sa tabi niya. Walang silang imikan habang naglalakad.
Hanggang sa makarating na sila sa bahay nina Leigh. Pumasok kaagad silang dalawa. At naabutan nila ang kapatid ni Leigh na si Louie kasama si Cash na nasa sala.
"Oh Leigh, nakauwi na pala kayo. Samahan niyo kami ni Cash magmeryenda" aya ni Louie sa kapatid at sa kaibigan ni Leigh.
"Hindi na po Ate. Sa kuwarto na lang po kami ni Sandra" walang kangiti ngiting sagot ni Leigh sa kapatid.
Nagtataka naman si Louie sa kapatid. Kahit si Cash ay napatigil.
"Anong nangyari? May problema ka ba, Leigh?" tanong ni Louie.
"Wala po. Halika na Sandra. Sa kuwarto na lang tayo" walang ganang sagot ni Leigh at inaya na ang kaibigan na pumunta sa kuwarto nilang magkapatid.
Sinusundan ng tingin ni Cash si Leigh. Malakas ang pakiramdam niya na may dinadamdam si Leigh. Kahit hindi nito sabihin. Isa lang naman ang nakakapagpaganyan kay Leigh. Si Parker lamang. At wala ng iba.