Naglalakad na si Leigh para pumasok sa NIS. Alas siyete pa lamang ng umaga ay pumasok na siya. Araw ng Martes ngayon at may practice ng basketball ang mga varsity player na estudyante din ng eskwelahan nila.
Tiningnan niya ang bag niyang dala kung kumpleto ba ang lahat ng kailangan niya.
Water para kapag nauhaw si Parker. Bimpo kapag pinawisan ang mukha nito. Extra towel para sa likod ni Parker. May dala din siyang medicine kit. Kapag nasugatan si Parker. At biscuit saka juice para naman kapag nagutom si Parker.
Girl scout talaga itong si Leigh. Si Leigh na laging handa! Para kay Parker.
"Magandang umaga po, Manong" masayang bati ni Leigh sa guard na nasa gate na nagbabantay sa NIS.
"Magandang umaga din sayo. Ang aga mo ngayong araw, Leigh. Di ba alas nuebe pa ang simula ng klase mo?" tanong ni Manong guard kay Leigh.
Napatingin naman si Leigh sa kanyang likuran. Baka kasi may makarinig kay Manong sa sinabi nito.
Nakahinga ito ng maluwag nang makitang walang tao sa paligid maliban sa kanya at kay Manong guard.
"Pupunta po ako ng library. Kaya po maaga ako ngayon" pagsisinungaling na rason ni Leigh. Sana lumusot ang paliwanag niya. Iyon ang nasa isip ni Leigh.
"Ah ganoon ba" nasabi na lang ni Manong Guard pero alam nitong kahit ang library ay hindi pa din bukas. Puwera na lamang sa gym na andoon na ang mga manlalaro.
"Sige po alis na po ako" paalam ni Leigh at sumaludo pa kay Manong. Sumaludo din si Manong Guard kay Leigh. At pagkatapos ay ngumiti si Leigh dito.
Mabait na bata si Leigh kahit pa may pagkamakulit ito. Inosente at maganda din naman. Iyon lamang ay kinapos sa height. Pero cute naman siya.
Naglalakad na siya papunta sa gym. Hindi pa siya nakakarating sa gym ay nakita na niya kaagad ang mga varsity player na tumatakbo.
"Two lapsed! Three lapsed! Go!" malalakas na sigaw ng coach nila na si Sir David. Tumakbo naman nang dalawang balik ang sampung manlalaro. At hanggang sa pabalik balik na sila.
Napansin ni Leigh na nakatingin sa kaniya ang mga player nang matapat siya sa mga ito. At nakita niya si Parker na nakakunot ang noo na nakatingin din sa kanya.
"Ang aga agang nakasimangot" sabi ni Leigh sa sarili. Dahil napadako ang tingin niya kay Parker.
Naupo si Leigh sa bench. At pinanood sina Parker na nag eexcersice. Halos lumundag ang puso niya nang magtama ang mga tingin nila ni Parker. Tumatambol ang puso niya na hindi niya malaman kung bakit.
"Hi, Leigh" bati ng isang varsity player sa kanya na si Michael. Isang fourth year student din ito at kaklase din ni Parker. Kilala siya nito dahil sa palagi niyang pagpunta sa building nila para makita si Parker. Alam din ni Michael kung bakit nandito si Leigh ngayon sa oras ng practice nila.
Kumaway siya dito at ngumiti si Michael bilang ganti kay Leigh.
"Ang gugwapo naman ng mga player dito" kinikilig na sabi ni Leigh sa sarili habang pinapanood ang mga animoy Adonis na mga lalaki na nasa harapan niya.
Hanggang sa mapadako ang mata niya kay Parker. Sinipat niya ito ng tingin habang nagpupush up. At natulala siya dahil kitang kita niya ang mga muscels nito sa braso.
Lagi naman niya iyong nakikita kapag pinapanood niya itong nagpapractice ng laro nila. Pero ang araw na ito ay kakaiba. Dahil hindi siya pinapaalis ni Parker gaya nuong mga naunang insidente ng pagpunta niya sa gym para panoorin ang practice nito ng basketball
Dati kasi kapag alam nitong andiyan siya sa malapit sa binata ay umaalis agad ito o di kaya ay hindi siya pinapansin. Pero ngayon hinahayaan lang siya na maanood sa kanya. Although sambakol na agad ang mukha ni Parker nang makita siya.
Nang tumayo si Parker ay pawis na pawis ito. Napaawang ang labi ni Leigh nang makitang naghubad ng sando si Parker. Sinundan ni Leigh ng tingin ang pawis na tumulo mula buhok ni Parker. Pagkatapos ay tumulay sa pisngi nito papunta sa leeg ni Parker. Hanggang sa umabot iyon sa dibdib ng binata pababa sa abs nitong anim.
"Teka, parang walo ata ang pandesal niya. Abs palang ulam na! Paano pa kaya ang ano?" napatakip si Leigh ng mukha sa na iniisip niya.
"Leigh, trese ka palang. Kung ano ano ang iniisip mo" saway ng sariling utak niya sa kanya.
"Ang ibig kong sabihin ay ang tiyan niyang flat! Kung ano ano iniisip mo" pang aaway nito sa sariling isip. At pagkatapos ay tumalikod na lamang siya kay Parker.
Napansin ni Parker na biglang tumalikod si Leigh. At napangisi ito.
"Pare, ang manliligaw mo napaka matiyaga. Napakaswerte mo talaga. Kung ako iyan pinatos ko na agad. Ang ganda kaya ni Leigh. Crush nga iyan ni Michael" sabi ni Omar kay Parker. Napainom naman ng tubig si Parker habang tinitingnan si Leigh na nakatalikod sa kanya.
Pinagmasdan ni Parker ang nakatalikod na si Leigh. Mahaba ang nakalugay nitong buhok na hanggang beywang. Itim na itim ito at straight. Payat ang katawan nito pero hindi parang butot balat na. Tama lang sa kanya ang pagkapayat dahil maliit siyang babae. Maputi din si Leigh. Mula sa kanyang palda ay makikita mo sa binti niya na makinis ang balat nito.
"Hmm. May asset din pala siya" may pang uuyam na sabi ni Parker sa sarili. Napatingin siya sa coach nila nang magsalita ito.
"Let's go inside the gym" aya na ng coach sa kanila. At naglakad na papuntang gym.
Narinig naman iyon ni Leigh at agad na sumunod siya sa kanila. Kahit na siya ang nag iisang babae doon ay hindi siya natatakot. Sanay na kasi sila sa kanya. Dahil laging pumupunta si Leigh sa gym para panoorin si Parker sa paglalaro nito ng basketball.
Lahat ng laro ni Parker ay pinanood niya. Kahit pa ang sa malalayong lugar na mga laro nito ay pinuntahan niya. Nag aapply kasi siyang staff na mag aassist sa team nina Parker. Extra curriculum. Nakagala na siya nakapanood pa siya ng laro ni Parker. Kaya nakakasama siya sa mga naganap na palaro sa labas ng eskwelahan nila.
Nakakabilib naman itong si Leigh. Tinodo ang pagkacrush kay Parker! Si Leigh lang SAKALAM!
Pagkapasok ng mga player sa gym ay pinag grupo sila sa dalawa ng kanilang coach para maglaro ng basketball.
"Team A Parker, Omar, Kierson, Danny at Renz" sabi ng coach nila.
"Ang Team B naman ay sina Michael, Leandro, Ely, Patrick at Gerson. Maglalaro kayo nang parang nasa summit tayo. And I want to see your teamwork. Understand boys?!" tanong ng coach nia.
"Yes Sir!" sabay sabay na sagot nilang lahat na player.
"Sige na pumunta na kayo doon. At pupunta lang ako sa locker room" sabi ni Sir David at tumalikod na para pumunta sa locker room nila na nasa may gilid ng gym.
Pagkatapos ay nagpunta na ang dalawang team sa gitnang bahagi ng gym para paglabanan ang bola. Habang si Leigh naman ay pumuwesto na para panoorin si Parker.
"Go, Parker Sean!" malakas na sigaw ni Leigh sa binata. At naglabas pa ng placard ito at itinaas ito at iwinagayway.
Napapailing na lamang si Parker ng ulo niya at panay naman ang tukso ng mga kasama niya sa kanya.
"Oyy, Pare. Ang admirer nakasupport na sayo. May cherring squad ka pa. Iba talaga itong si Parker Sean Nicholson" tukso ni Ely sa kaibigan.
Tinawanan lang naman iyon ni Parker. Saka nagtawanan na din silang limang magkateam.
Napatingin si Michael kay Leigh. At napakuyom ang kamao. At hindi nakatiis na lapitan si Parker. Saka hinawakan ito sa balikat.
"Kung ayaw mo sa kanya. Ibigay mo na lang sa akin si Leigh. Tutal naman may Denise ka na" seryosong sabi ni Michael kay Parker.
Tiningnan ng matalim ni Parker si Michael. At inalis ang kamay nito sa balikat niya.
"Eh di kunin mo. Tingnan natin kung sasama sayo" nakangising sagot ni Parker dito.
Matalim na tiningnan ni Michael si Parker at itinulak sa dibdib si Parker.
"Hoy! Tandaan mo ito hindi porket crush ka ni Leigh ay gaganitohin mo lang siya!" galit na sabi ni Michael.
"Ano bang ginagawa ko?!" galit na tanong ni Parker. Napatiim ng bagang si Michael dito. Kita ang galit sa mukha nito. Habang si Parker ay hindi din nagpatalo matalim na tiningnan niya si Michael.
Lumapit pa si Michael kay Parker at nagsukatan sila ng mga tingin. Kulang na lamang ay magsuntukan sila doon.
Naalarma ang mga kasama nila sa nakita kina Michael at Parker. At nilapitan ang dalawang kasamahan. Pagkatapos ay pinaglayo ang dalawa.
Nagtatakbo naman si Leigh papalapit kay Parker at hinataw nito sa dibdib si Michael.
"Ano bang problema mo, ha?!" matapang na tanong ni Leigh kay Michael. Hinawakan lang ni Michael si Leigh sa kanan nitong braso at hinila ito papalapit sa kanya.
Pero hinabol ng kamay ni Parker ang kaliwang braso si Leigh. Kaya para sila ngayong naghihilahan sa isang candy.
"Parker! Parker!' malakas na cheer ng kagrupo ng binata.
"Michael! Michael!" sigaw din ng kabilang grupo.
Habang si Leigh ay papalit palit ng tingin sa dalawang lalaki na nakahawak sa braso niya.
"Aray! Ano ba! Nasasaktan na ako!" daing ni Leigh sa sakit. At pinilit na iwaksi ang mga braso sa dalawang binata na hinihila siya.
Binitawan naman ni Michael ang braso ni Leigh nang marinig na napadaing ito sa sakit. Pero tumilapon ito sa dibdib ni Parker.
Nanlaki ang mga mata ni Leigh ng makitang hawak niya ang dibdib ni Parker. Dahan dahan niyang iniangat ang ulo niya. At laking gulat niya na nakatingin din ito sa kanya at nakahawak pa din sa braso niya.
Si Leigh na ang nag iwas ng tingin kay Parker at biglang umayos ng tayo. Habang si Parker ay natitigilan ng makita ang buong mukha ni Leigh nang malapitan.
"Leigh! Halika dito. Huwag ka ng magpapansin pa sa Parker na iyan!" malakas na sigaw ni Michael na ikinalingon nilang dalawa ni Parker dito.
Tila naguguluhan naman si Leigh sa sinasabi ni Michael.
"Ano bang pinagsasabi mo, Michael?" nagtatakang tanong ni Leigh.
"Ang sinasabi ko lang ay tumingin ka sa paligid mo. At hindi tamang si Parker lang ang nakikita mo" sagot na may ibig ipahiwatig sa kanya.
"Anong kaguluhang ito? Team A and B bakit hindi pa kayo nagsisimulang maglaro?!" sunod sunod na mga tanong ni Coach David. Saka binalingan si Leigh.
Napalingon silang lahat sa lalaking nagsalita.
"At ikaw naman Hija. Puwede bang doon ka muna. Manood ka na lang" utos nito kay Leigh.
Nahihiyang napatango ng ulo si Leigh at nakayukong umalis ito doon saka naupo na lang sa bench na nasa harapan ng mga player.
"Anong ibig sabihin ni Michael?" saka nagtatakang tiningnan nito si Michael na tumatakbo na para habulin ang bola.