'Someone's.P. O. V.'
"You're so beautiful my princes. You really look like your mother." nakangiting wika ng isang matipunong lalaki habang buhat buhat nito ang kanyanag babaeng anak na pitong taong gulang pa lamang.
"Huwag mo nga akong binobola Gavin. Pero kahit sabihin mo man 'yan o hindi, maganda parin ako at nagmana sa akin ang anak natin." natatawang tugon nang kaniyang asawa.
''Nasaan ang tatlo mong kapatid, anak?" malambing na tanong ng lalaki sa kanyang anak na babae.
"Nandoon po Daddy." nangingiting sagot nang batang babae sabay turo sa 'di kalayuan. At nandoon nga ang tatlong lalaki na masayang naglalaro.
Naglakad naman ang ina nang batang babae papunta sa kinarorounan ng tatlong lalaki.
"Mga anak bakit hindi pa kayo nagbibihis? Nakalimutan niyo na bang pupunta tayo ngayon sa bahay nang lola niyo? Tiyak na hinihintay na tayo nito'' nakangiting pananalita ng babae sa kanyang mga anak na lalaki.
"Mommy, Aalis na po ba tayo agad?'' tanong ng kanyang panganay na anak na si Axle.
"Pagkatapos niyong mag-ayos mga anak ay aalis na tayo. Kaya magsibihis na kayong tatlo dahil aalis na tayo'' utos ng ina sa kaniyang mga anak kapagkuwan ay ngumiti.
Hindi maitatangging napakaganda ng kanilang ina at may katamtamang puti ang kutis nito bumabagay sa kanyang ganda.
Lumapit ang Ama sa kanyang mag-iina habang buhat nito ang kanyang anak na babae.
"Mga kuya ang baho baho niyo na hindi pa kayo naliligo at nagbibihis, nakalimutan niyo na po ba mga kuya na aalis po Tayo at pupunta kila Lola?" ito nanaman ang ugali ng batang babae na kung magsalita ay akala mong mas matanda pa ito sa kanyang kinakausap.
"Makinig kayo sa mahal na prinsesa." natatawang biro ng kanyang ama kaya napasimangot nalang ang batang babae, dahilan para ikatawa ng kanyang tatlong kuya at ng kanyang ama at ina.
Pagkatapos no'n ay umalis na ang tatlong batang lalaki para pumunta sa kanya kanyang silid para mag-ayos, sumama rin ang kanilang ina para tulungan sila.
Kaya naiwan sa labas ang batang babae at ang kanyang ama, "Anak pwedi mo bang ipangako na huwag na huwag kang susuko sa kahit na anong pag-subok na darating sa 'yong buhay?, na magiging matatag at magiging matapang ka na harapin ito. Naipapangako mo ba ito Anak?" nakangiting tanong ng lalaki sa kanyang anak na batang babae.
"Opo naman po Daddy. Pangako ako ay magiging matatag at matapang, at hinding hindi susuko sa kahit na anong pagsubok na darating." malawak ang ngiti ng batang babae habang sinasabi ito sa kaniyang ama.
Nasa biyahe na ngayon ang kanilang pamilya at nakasakay ang mga ito sa isang magarang limousine, masaya ang pamilya habang nagbibiruan ngunit sa hindi inaasahang pangyayari ay biglang hinarang ang kanilang sinasakyan ng mga armadong mga kalalakihan at pinababaril ang kanilang sinasakyan.
Ngunit hindi basta basta matatablahan ang kanilang sinasakyan dahil may bulletproof ito ngunit napilitang  huminto ang kanilang sinasakyan dahil sila ay pinapaulanan ng bala.
Napilitan ring bumaba ang driver at isang bodyguard ng pamilya na kasama nila kaya ang naiwan ngayon sa loob ng sasakyan ay ang isang private bodyguard.
Mayroon ring isang van na nakasunod sa kanila at ito ay tauhan ng kanilang pamilya kaya wala dapat ikabahala ang pamilya na nanatiling nasa loob ng sasakyan pinalilibutan rin ito sa labas ng kanilang tauhan dahil ang unang prayoridad ay ang kaligtasan ng buong pamilya nang Ferrante.
Si Gavin Ferrante ay bihasa sa pakikipaglaban gano'n rin ang asawa nitong si Arianne Ferrante ngunit hindi sila maaaring lumabas at iwan ang  kanilang apat na anak sa loob ng sasakyan dahil delikado ngunit wala ng pagpipilian dahil marami ang mga humarang sa kanila at kakaunti nalang ang kanilang tauhan kaya sa huli ay napilitang lumabas nang sasakyan ang mag-asawa.
''Mom Dad, No please don't leave us." mariin na wika ng kanilang anak na panganay, pinipigilan nitong wag maiyak hindi kagaya ng tatlo niyang kapatid na humihikbi na sa kakaiyak, silang apat ay sinasanay sa murang edad para sa pakikipaglaban ngunit dahil sa murang edad palang nila ay hindi pa sila gaano kagaling at kalakas sa pakikipaglaban.
"Anak, bantayan mo ang mga kapatid mo. Ikaw ang panganay, kaya magpakatatag ka anak." walang kasing lamig na wika ng kanyang ama, ngunit kita mo sa kaniyang mga mata ang lungkot at sakit dahil sa nangyayari.
''Mommy, Daddy bakit po? Bakit po nila tayo hinarang?" tanong ni Alarick sa kanyang mga magulang, dahil doon ay nagkatinginan ang mag-asawa ngunit walang naisagot sa tanong ng kanilang anak, dahil kahit silang dalawa ay hindi alam ang dahilan.
Si Adriel naman ay pilit pinapatahan ang bunsong kapatid na si Alessia na kanina pa humihikbi.
"Anak." malambing na wika ng ina sa batang babae, "Tahan na hmm, everything will be okay." pilit na ngumiti ang babae sa anak, "Babalik kami ng daddy niyo, No matter what will happen dito lang kayo, okay?" tanong nito sa apat na anak.
Sinenyasan naman ni Gavin ang isang kasama nilang bodyguard na bantayan ang kanyang mga anak at huwag hayaang lumabas ng sasakyan.
Kinuha ng magasawa ang baril na nakatago sa ilalim ng upuan nang sasakyan at lumabas. Sa huling pagkakataon tumingin ang ina sa kaniyang mga anak at pilit itong ngumiti pagkasabay no'n ay ang pagtulo ng butil ng luha sa galing sa mga mata nito.
''Mommy, Daddy!" sigaw ng batang babae at pilit kumakawala sa pagkakahawak sa kaniya ng kaniyang kuya, tuluyan naring lumabas ng sasakyan ang mag-asawa.
"Babalik sila mommy, diba kuya?" tanong nito sa kapatid, pilit namang tumango ang batang lalaki at ngumiti.
"Babalik sila.''
......
Agad akong napabalikwas ng bangon dahil sa panaginip na namang iyon. Paulit ulit ko nalang na napapanaginipan. Laging bumabalik sa akin ang pangyayaring kahit kailan ay hindi ko makalilimutan simula pa no'ng pitong taong gulang pa lamang ako. 
Tsk. Panaginip
            
  ~~~~~~~**~~~~~~~~