"So, sa Maria din pala kayo papasok?" tanong sakin ni Kellen na tinanguan ko naman. "OMG! I'm excited! Sana classmates tayo. Naka-enroll na ba kayo?" tanong nya pa ulit habang pabalik-balik ang tingin samin ni Kekang.
"Oo, Hope kami eh," sagot ko sa kanya. Agad namang namilog ang mga mata ng pinsan ko at pumalakpak pa.
"Lucky us! We're classmates!" excited na sabi nya.
Agad naman kaming napangiti ni Kekang. Since prep kasi ay sa Maria na nag-aaral ang kambal kaya kilala na sila dun. At syempre pa, advantage para samin ni Kekang na magkaron ng mga kaklase na pamilyar na sa school.
"My gee, di ko na tuloy mahintay mag-Monday! Bet ko na rumampa sa campus!" eksaheradang banat ni Kekang na nakipag-high five pa sa pinsan ko.
I can see fondness in my cousin's eyes while talking to my pink friend. Pero si Kippler, medyo ilang sa kaibigan ko at naiintindihan ko naman sya.
After having brunch, we bid goodbye to our welcoming committee. Agad naman kaming dumiretso ni Kekang sa suite namin habang sina Mommy ay nagpaiwan pa para mag-coffee muna.
Akala naman namin ay uuwi na rin sila kaya nagulat din ako ng sumunod pa samin ang kambal. "Give me your number cuz." saka iniabot sakin ni Kippler ang phone nya at umakbay pa. "I don't like your friend," bulong nya na ikinatawa ko naman.
Hindi kami laging nagkikita nitong mga to pero close kami kahit pa sabihing nahihiya pa rin ako sa kanila. Pero sa kambal, mas madalas ko nakakausap si Kippler kaya mas close ako sa kanya. Agad kong inilagay ang number ko sa phone nya saka dumiretso na papasok sa suite.
"Shoot!" dinig kong sabi nya kaya napalingon ako.
"What's wrong Kip?" takang tanong ko.
"Nakalimutan ko kasing may practice ang banda ngayon," sagot naman nya habang sapo ang noo.
"Oh? Nagbabanda ka pa pala?"
"Yeah, of course. Ngayon pa ba ko titigil? Sikat na kami sa campus!" mayabang nyang pahayag.
"Yeah right, sa high school!" pang-aasar ko naman at dali-dali nyang ginulo ang buhok ko.
"Kellen, I'll go ahead, papaiwan ka dito?" baling nya sa kakambal.
"Where are you going Papa Kippler?" malanding tanong sa kanya ni Kekang, sanhi para mangasim ang mukha nya
"Band practice," tipid nyang sagot.
"Talaga? You're in a band? Puro ba kayo gwapo?" tanong pa ulit ni Kekang kaya naman napailing na lang ako.
‘To talagang isang to, hindi maiwasang magtanong tungkol sa mga gwapo.’
"Ay oo sis!" sagot naman ni Kellen. "Lahat pa sila varsity!" patiling dagdag nya pa.
Namilog naman agad ang mga mata ni Kekang sa narinig. "Oh my gee, sana Monday na diba? Agad agad!"
Napatingin ako kay Kippler na ngayon ay iiling-iling na lang. "I'll go ahead!" paalam nya samin. Lumapit sya kay Kellen at humalik sa pisngi nito, sunod naman ay sakin. "See you on Monday cuz," saka sya tuluyang lumabas ng suite.
Matagal pang nakipagkwentuhan sa amin si Kellen. Umalis lang sya ng tawagan sya ng Daddy nya dahil uuwi na raw sila.
Hindi pa ganun katagal ng umalis si Kellen ay dumating naman si Mommy at Tita Dahlia. Pasado ala-una pa lang ng tanghali pero pare-pareho na kaming mukhang mga zombie dahil na rin sa pagod sa byahe.
Ni hindi ko na nga namalayang nakatulog na pala ako. Nagising na lang ako sa marahas na pagtapik sa balikat ko.
"Beks gising na! Ene be?" at namulatan ko ang haliparot na Kekang. Naka-two piece na ang isang 'to at talaga namang pula pa! "Let's go swimming! Praktisin natin ang pagiging sirena," saka sya tumawa na parang nababaliw.
"Asan sina Mommy?" tanong ko naman.
"Umalis lang sandali. Sisilipin lang daw yung shop," sagot naman nya agad. "Dali na bihis na, swimming muna tayis at ang jinet!" tumango na lang ako saka kinuha ang bag ko at dumiretso sa banyo. Ni hindi ko alam kung meron bang swimwear dito sa hand-carry ko.
Fortunately ay may naligaw na swimsuit, unfortunately two piece din yun. As much as possible ayoko sanang nagsu-suot ng ganito.
Sabi kasi ng Tita Dahlia ay medyo hindi na papasang pang-15 years old ang katawan ko. Parang katawan na raw ng 20+ years old.
Medyo makurba kasi ako at mahahaba ang biyas. Kahit ilang beses nilang sabihin na dapat ay proud ako, ikinaiilang ko pa rin iyon.
Agad naman akong nagbihis para makababa na kami. Striped black and white ang two piece ko na pinatungan ko na lang ng kaftan.
Medyo mainit nga naman dito sa Pinas pag-ganitong oras. Kaya hindi na ako magtataka kung medyo atat lang ang isang ito na magnawnaw na sa tubig.
Pagbaba namin mula sa suite ay agad kaming dumiretso sa pool area ng hotel. Hindi naman nakaalpas sakin ang mapanuring tingin ng mga taong nadadaanan namin.
Paano ba naman kasing hindi? Itong walanghiyang Kekang na to ay hindi man lang nag-abalang magtakip ng halos hubad na nyang katawan.
Paglabas namin ng elevator ay isinampay lang nya ang towel na dala sa balikat nya. Saka isinuot ang floppy hat at rainbow glasses.
Nakatsinelas lang sya, oo, pero daig pa nya ang naka-heels sa pagkakatingkayad habang naglalakad. Feel na feel nya talagang nasa rampa sya.
Agad na akong naupo sa pinakamalapit na lounge chair mula sa entrance ng pool area. Hindi ko na yata kakayanin pang lumakad dahil ako ang nahihiya sa kasama ko.
Dinig ko pang nagtatawanan ang grupo ng mga dalagang naabutan naming. Syempre pa, hindi pinalagpas ni Kekang yun at talagang tinaasan pa nya ng kilay.
"Beks tatalon na ko!" walang pagdadalawang-isip sabi nya.
Ni hindi ko alam kung nakapag-sunblock na ba sya. Sabagay, medyo pahapon na rin naman at mababa na ang araw. Tinanguan ko na lang sya saka itinuon ang pansin sa selepono ko.
+63929*******: Save my # cuz! - Kip
+63916*******: Got ur # frm Kip. Save mine! - xoxo Kellen
Agad ko namang isinave ang mga numbers nila saka ko ipinailalim sa twalya ni Kekang ang selepono. Naghubad na ko ng kaftan at iniayos yun sa sandalan ng lounge chair kasama ng twalya ko bago naglakad papunta sa gilid ng pool.
Naupo ako dun saka ninawnaw ang paa ko sa tubig. "Hindi ka ba lulusong?" kunot noong tanong nya.
"Maya-maya. Tamad pa ko eh," sagot ko naman.
Pero dahilan ko lang yun. Ang totoo kasi ay medyo naiilang pa rin ako sa grupo ng mga babaeng kasabay namin sa pool. Mukang matanda sila samin ng ilang taon at kung makatingin sila ay talo pa nila ang may x-ray sa mga mata.
"Hi!" napalingon ako sa boses nang lalake na narinig ko mula sa likuran ko. Mabilis itong naupo sa tabi ko at ibinaba rin ang mga paa nya sa tubig. "I'm Yel, by the way," sabi pa nya habang nakalahad ang kamay.
At dahil malakas nga ang pang-amoy ni Kekang pagdating sa gwapo ay nandito na nga agad ito sa harap namin. "I'm Mikaela," pakilala ng bruha.
Kanina lang ay nasa kabilang dulo sya ng pool. Pero mukhang dinaig nya pa ang nasa Olympics sa bilis nyang nilangoy ang papunta sa pwesto namin.
Gwapo naman talaga ang lalakeng katabi ko ngayon. Makapal ang kilay nya pero hindi nun natabunan ang ganda ng mga mata nya.
"Lemon," abot ko na rin sa nakalahad nyang kamay.
"Nice name," nakangiting sabi ni Yel sakin. "Are you a foreigner?"
"Pure Filipina," sagot ko naman.
"But we came from France," singit ni Kekang na tinanguan lang din naman ng binata.
"Aren't you gonna swim?" tanong nya naman.
"Maybe later, I'm too lazy," tipid na sagot ko at muli pa ay tumango lang sya.
Konti na lang talaga at papasa na syang aso na décor sa dashboard ng kotse. Buti na lang at gwapo kaya magandang breed ng aso to.
"How young are you?" tanong nya pa ulit.
"15," nakangiting sagot ko.
"Oh, I'm 2 years older. Kuya?" natatawang tanong nya at ako naman ang tumango.
Tahimik lang sya habang nakatingin sa malayo. Nakaupo pa rin sya sa tabi ko at mukhang nakikiramdam.
I'm feeling kinda weird being around this guy. Hindi ko alam kung dahil medyo mysterious ang dating nya o dahil sadyang gwapo sya.
"Tara na Lem, paahon na ko sige ka," aya sakin ni Kekang.
"Swim lang ako," paalam ko sa katabi ko saka ako lumusong sa pool.
I swam the distance towards the other end of the pool. Pag-ahon ko ay wala na si Yel sa pwesto nya.
Nagkibit-balikat lang ako saka lumangoy ulit pabalik kay Kekang. May trenta minutos pa yata kaming nagtagal dun bago kami tuluyang umahon.
"Ang gwapo nung Yel no?" kinikilig na sabi ni Kekang habang nakaupo kami sa lounge chair.
"Yeah, kaso mukhang masyadong seryoso sa buhay," sagot ko naman.
"Ano ba to? Yun nga yung mga bet ko eh! Parang secured agad ang future," at nag-beautiful eyes pa ang loka.
Napailing na lang ako saka niyaya sya na bumalik na sa suite namin. Baka kasi nandun na rin sina Mommy at malapit na rin ang dinner time.