Nang dumating ang alas kwatro ng hapon ay nagsimula na ang birthday party ni Henry.
Marami syang bisita at karamihan doon ay taga South Academy.
Maingay ang paligid dahil may kanya-kanyang usapan ang mga tao. Kami namang tatlo rito sa table namin ay tahimik dahil kumakain. Mag-iingay lang kapag may isang mang-aagaw ng pagkain.
Katulad ngayon, nag-aaway na naman yung dalawa dahil kumuha si Zoren sa pinggan ni Ash ng pagkain. Tss, palagi naman.
"Subukan mo pang kumuha sa pagkain ko ipapakasal kita kay Henry sa Foundation Week." pananakot ni Ash kay Zoren.
Agad namang nanahimik si Zoren at nagpatuloy sa pagkain nya. Tapos na akong kumain pero yung dalawa nagpapadamihan pa ng makakain.
Nakita ko si Henry na palapit sa amin at may kasamang tatlong lalaki. Ngumiti sa akin si Henry nang makalapit sila.
"Okay lang ba kayo dito?" tanong nya sa amin.
Tumango ako at si Ash. Samantalang si Zoren naman ay halos isiksik ang sarili kay Ash dahil nasa gilid nya si Henry. Natawa na lang ako ng palihim.
"Oo nga pala." wika nya at isa isang pinakilala sa amin ang tatlong lalaking kasama nya. "Mga kaibigan ko, si Drein." tinuro nya yung lalaking wagas kung makangiti. "Si Raijen." turo nya sa lalaking tipid lang ang ngiti. At isinunod naman nya yung lalaking parang nagbabalak ng masama dahil sa pagngisi nya. "At ito naman si Jhaveen."
Isa-isa naman kaming nagpakilala at nakipag kamay sa kanila.
"Cristel." tipid kong sabi.
"Ashiya. Ash for short."
"Zoren, mga pre." tinapik nya pa yung tatlo sa balikat at umiwas ng tingin kay Henry na tinitingnan ang ginagawa nya.
"Dito sila makikiupo sa inyo. Naubusan na kasi sila ng table dahil na late ng dating." sabi ni Henry.
Napatingin naman ako sa paligid at wala na ngang available na table at sa amin na lang ang pwede. Tumango kami dahil tatatlo lang naman kami sa table namin.
"May kulang pang isa dyan." ani Henry bago umalis dahil tinawag sya ng Mama nya.
Umupo na rin yung tatlo. Tahimik lang kami roon dahil hindi naman kami close.
Si Drein, pinuno ang pinggan na para sa kanya. PG din pala to katulad nila Ash at Zoren. Si Raijen naman ay umiinom lang ng juice habang nagmamasid sa paligid. At yung si Jhaveen naman ay nakangisi lang habang nakatingin sa akin.
Problema nito?
Tahimik lang kami sa table namin nang may tumapik sa balikat ni Raijen at umupo sa tabi ko.
"Sorry, late ako." sabi nito.
"Kay Henry mo yan sabihin." sagot ni Raijen.
Tumingin ako kay Jhaveen na mas lalong ngumisi at pinagmasdan kami ng katabi ko bago magsalita.
"Bagay kayo, Jores." nakangiting aso sya nang sumandal sa upuan nya at pinagmasdan kami.
"Oooppppssss, comeback na ba?" narinig kong bulong ni Ash na nasa kabilang gilid ko.
Hinila naman ni Zoren ang buhok nya at pinatahimik.
"Oh. Hi, Cristel." maaliwalas na bati nya.
Nakangiti sya ngayon ng maluwag hindi katulad noong nakita at nakatitigan ko sya sa canteen.
Ngumiti rin naman ako sa kanya ng maayos at bumati.
"Hello."
"Kayo pala yung sinasabi ni Raijen na kasama namin sa table." sinulyapan pa nya si Raijen na nakangiti sa kanya.
Nakipagtitigan pa sya rito.
"Pre." singit ni Zoren.
Tumingin naman sa kanya si Jores at nag-apir at tanguan sila.
"Musta?" tanong ni Zoren sa kanya.
"Okay lang naman." sagot ni Jores.
"Okay ka na?"
Natahimik naman ang table namin dahil sa sinabi ni Zoren. Tangina mo, Zoren. Masama ang tingin na ipinukol ko sa kanya kaya agad naman syang tumawa ng peke.
"Kain na, pre. Masarap yung pagkain, busog na nga kami eh." hinimas pa nya yung tyan nya at tumawa ulit.
Buti na lang at nawala yung awkward na atmosphere sa table namin nang mag kwentuhan na silang apat. Close na close nga sila.
Pero noong kami pa ni Jores, hindi man nya pinakilala sa akin sila Raijen bilang kaibigan nya. Baka new friends nya. Pero kung mag-usap sila parang matagal na silang magkakilala.
Nagkibit balikat na lang ako kasi ano namang pake ko diba?
Siniko ako ni Ash kaya napatingin ako sa kanya.
"Bakit?" tanong ko.
"Naiihi ako."
"Tapos?"
"Hayst, samahan mo ako." nakangiwi na sya at halatang nagpipigil na.
Ngumisi muna ako sa kanya bago tumango at tumayo.
Tumingin naman silang lima sa amin dahil sa bigla naming pagtayo.
"Saan kayo?" tanong ni Zoren sa amin habang nakakunot ang noo. "Tatakas kayo no? Sama ako dali." tatayo na sana sya nang batukan sya ni Ashiya.
"Sasama ka?" naka taas ang kilay na tanong ni Ash. Tumango naman sa kanya si Zoren. "Sige, sumama ka sa CR at naiihi ako." napangiwi naman si Zoren sa sinabi ni Ash.
"Huwag na, mahal ko pa buhay ko."
Inirapan lang sya ni Ash at hinila na ako paalis doon.
Nagtanong pa kami sa mga kasambahay nila Henry kung saan ang CR bago kami nakapunta roon.
Dali-daling pumasok si Ash sa loob ng CR. Ako naman ay tumingin lang sa salamin at tinititigan ang repleksyon ko roon. Narinig ko naman ang pag-flush ng bowl at lumabas na si Ash. Naghugas sya ng kamay at tiningnan ako sa salamin.
"May napansin ka ba kay Jores?" bigla nyang tanong.
Kumunot ang noo ko at tiningnan din sya sa salamin.
"Wala naman. Bakit? Ikaw ba?"
Binasa nya muna ang labi nya bago ako sinagot.
"Lalo syang naging gwapo. Tapos kung pagmamasdan mo yung katawan nya, bumabakat sa white v-neck shirt nya yung abs nya. Ang yummy." inismiran ko lang sya sa mga sinasabi nya. "Sayang din yun no. Papable. Tapos mabait, matalino, gentleman. Almost perfect na, kaso hiniwalayan mo. Sayang talaga. Ako na lang sana jinowa nya." humagikhik pa sya sa mga pinagsasasabi nya.
"Nakuuuu, ikain mo na lang yan." umiiling na sabi ko.
Humarap sya sa akin at kinunotan ako ng noo. Tiningnan ko rin sya ng pagilid.
"Ano yun?"
"Anong feeling na maging boyfriend sya?" tanong nya.
Yung mukha nya curious na curious at hinihintay akong sumagot.
"Hmm..." napapaisip din ako kung ano ba ang pakiramdam na maging Boyfriend si Jores. Tumingin ako kay Ash bago nagsalita. "Masaya." ang tangi kong nasabi.
Napanganga naman sya sa akin.
"Masaya?" taas ang kilay na sabi nya. "Eh kung masaya ka naman pala, bakit ka nakipag break?"
Walang pagdadalawang isip na sinagot ko sya. "Di ko na mahal eh." nagkibit balikat pa ako sa kanya at ngumisi.
"Ang taray! Ganda ka girl?" natatawang sabi nya kaya natawa rin ako.
Nag-ayos lang kami ng sarili bago bumalik sa table namin. Nagtatawanan sila nang dumating kami ni Ash. Tumingin sila sa amin bago nagtawanan ulit.
"Anong pinaguusapan nyo?" tanong ni Ash kay Zoren.
Tiningnan naman sya ni Zoren at ngumisi.
"Bawal sa babae yun." tatawa tawa nyang sagot.
Na-curious naman ako kung ano yun. Magtatanong na sana ako ng nagsalita si Jores sa tabi ko.
"Huwag ka na magtanong. Masyado yung private at di yun pwede sa inyo." mababa ang boses na ginamit nya kaya di na rin ako nagtanong pa.
Si Ash naman, pinipilit pa rin si Zoren na sabihin kung ano yun.
"Zoro, dali na. Sabihin mo na sa akin kung ano yun."
"Bawal nga sabi yun sa babae." naiinis na sabi ni Zoren.
"Dali na kasi." hinila-hila nya pa ang manggas ng damit ni Zoren.
Napikon na yata si Zoren kaya sinabi nya na ang kanina pang tinatanong ni Ash. Pero bago pa man makapagsalita si Zoren ay natakpan na ni Jores ang magkabilang tenga ko kaya di ko na narinig ang sinabi ni Zoren.
Natulala si Ash nang marinig ang sinabi ni Zoren sa kanya. Inalis na rin ni Jores ang kamay nya sa tenga ko.
"Anong sinabi mo? Bakit yan natulala?" tanong ko kay Zoren at inalog si Ash na tulala pa rin. "Ano ba kasi yun?" sinamaan ko na ng tingin si Zoren dahil tulala pa rin si Ash. Ngumuso naman sya at bumulong bulong pa.
Tumatawa naman ng mahina sila Drein dahil sa naging reaksyon ni Ash.
"Kasalanan nya yun eh. Masyado syang mapilit." nakangusong sabi ni Zoren at sumubo ng pagkain.
Tatapikin ko na sana sa pisngi si Ash ng bigla na lang itong umiyak. Tae, ano ba kasi yun?
"Bwisit ka, Zoren." mahinang sabi nya at nagpatuloy sa pag-iyak.
Ngumuso naman na parang bata si Zoren.
"Totoo naman kasi."
"Bakit? Nakita mo ba?"
"Sinabi lang nila sa akin." turo ni Zoren kina Jhaveen.
Naguguluhan akong nagpalipat-lipat ng tingin sa kanila. Para akong bagong silang na sanggol at walang kaalam alam sa nangyayari sa paligid.
"Ano ba kasi--" di ko pa tapos ang dapat sasabihin ko ng sabihin na sa akin ni Ash ang dapat na malaman ko.
"Di pa daw tuli si Gio." tukoy nya sa crush nya. "Tapos maliit din daw yung ano nya." sabi nya na sinundan ng pag-iyak.
Kumunot naman ang noo ko at bumaling kay Jores.
"Anong ano?" kuryoso kong tanong.
Namula naman ang leeg at tenga nya sa tanong ko. Umiwas sya ng tingin at lumunok.
"W-wala yun." halos bulong na sabi nya.
Malutong na tumawa si Jhaveen at Drein sa inasta ni Jores. Nag-apir pa sila at tumawa ulit. Masamang tiningnan ni Jores yung dalawa at binatukan naman sila ni Raijen na nakangiti lang.
"Umayos kayong dalawa." saway sa kanila ni Raijen.
Bumaling ulit ako kay Jores.
"Ano nga kasi yun?"
Napatingin ako kay Ash na kinalabit ako.
"Yung----" di nya natapos ang sasabihin nya ng takpan ni Zoren ang bibig nya at may binulong sa kanya.
Masama ang tingin na iginawad ni Ash kay Zoren ng bitawan sya nito.
"Hayst, bahala na nga kayo sa buhay nyo." sabi ko at sumandal sa upuan.
Mahinang nag-aaway si Ash at Zoren sa gilid at may pina-uusapan naman si Raijen at Drein. Nakatingin lang sa kawalan si Jhaveen. At tahimik lang din kami ni Jores na kumakain.
"Ang pangit mo talaga, Zoro."
"Mas pangit ka, Achiya."
"Bakla ka!"
"Tomboy ka naman."
"Unggoy ka."
"Baboy ka naman."
"Mabaho ang utot mo."
"Mas mabaho ang utot mo."
Sira ulo nitong dalawa na'to, pati ba naman utot dinamay na nila.
Hinila ni Ashiya ang buhok ni Zoren. Kinagat naman ni Zoren si Ash sa braso nya.
"Aray ko. Napaka mo talaga." nag-samaan sila ng tingin.
Kahit kailan talaga wala ng matinong nagawa itong dalawa na'to.
Habang pinagmamasdan ko sila may humarang na hati ng pakwan sa mukha ko. Tiningnan ko si Jores na may hawak nito.
"Gusto mo?" tumango ako kaya ibinigay nya sa akin yung hawak nyang pakwan.
Ang sarap nung pakwan kasi matamis. Kahit na busog na ako kumain pa ako ng tatlong hiwa ng pakwan.
Napadighal ako ng malakas kaya napatingin sila sa akin. Ngumiti naman ako ng peke sa kanila.
"Sorry." nag-peace sign pa ako bago yumuko.
Narinig ko naman ang mahinang tawa ni Jores. Tumingin ako sa kanya kaya natahimik sya.
Nang mag six na ay napag desisyunan namin nila Ash na umuwi na dahil bawal kaming gabihin. Malayo kasi ang bahay ni Ash kesa sa amin.
Nagpaalam lang kami kina Rayjen at kay Henry na uuwi na kami.
Nag-aabang na kami sa labas ng bahay nila Henry ng Jeep ng mag-ingay na naman yung dalawa.
"Ang gwapo talaga ni Jores at ni Rayjen." kinikilig na sabi ni Ash.
Nginiwian naman sya ni Zoren at pinitik sa noo.
"Yun na ba ang gwapo sayo?"
"Oo, bakit?"
"Kili-kili ko lang yung dalawa na yun eh." mayabang na sabi ni Zoren.
Napaismid si Ash at pati na rin ako sa sobrang yabang ni Zoren.
"Ang kapal talaga ng mukha, ang pangit-pangit naman." bulong ni Ash sa akin.
Tumango naman ako bilang pagsang-ayon.
"Anong pinag-uusapan nyo dyan ha?" lumapit sya sa amin at tiningnan kami pareho. "Pinag-uusapan nyo ba kung gaano ako kagwapo? Tsaka kung gaano ako ka-crush ni Achiya?"
Nanlaki ang mata ni Ash kay Zoren.
"Hoy kahit di pa tuli si Gio mas pipiliin ko pa yun kesa sa tukmol na unggoy na katulad mo." nandidiri pang tiningnan ni Ash si Zoren mula ulo hanggang paa.
"Grabe ka naman sa pagtanggi ha." ngumuso si Zoren. "Ang kyut kyut ko kaya."
Ang kapal talaga ng mukha. Saang part syang kyut?
*****