Tumatakbo ako papunta sa room dahil na late ako ng gising. Kakaunti na lang ang tao sa hallway. Yung iba wala talagang balak pumasok, yung iba naman inutusan siguro ng subject teacher nila.
Pagliko ko sa kanan nakita ko si Ashiya na parang naglalakad sa buwan.
"Hoy, para kang pagong maglakad. Late ka na nga ang bagal mo pang maglakad." sita ko sa kanya.
Ngumisi lang sya sa akin at inilagay ang dalawang kamay sa bulsa ng palda nya.
"Late na nga, bakit ka pa magmamadali?"
"Tanga mo naman, si Ms. Agapitan ang teacher natin ngayon." tukoy ko sa matandang dalagang terror na guro namin.
Napatigil naman sya at nanlalaki ang matang napatingin sa akin.
"Tengene, oo nga pala ano. Paktay kang bata ka, may atraso pa ako sa matandang hukluban na yun. Pag-iinitan na naman ako nun." kung kanina para syang pagong kung maglakad ngayon naman para syang kotseng nakikipaghabulan.
Tumawa ako ng malakas ng marinig ko ang sigaw ni Ms. Agapitan kay Ashiya.
"Ms. Guerrero, di ka na talaga nadala. Nung isang araw habang nagkaklase ako nakikipag daldalan ka kay Ms. Montenegro." napatigil ako sa pagtawa ng madamay ang apelyido ko. Tengene, parang ayaw ko ng pumasok ah. "Ngayon naman late ka nang pumasok at talagang kailangan mo pang ibagsak ang pintuan." paktay na.
Nakayuko lang si Ash nang lumapit ako sa may pintuan ng hindi ako nakikita ni Ms. Agapitan. Napatingin sa akin si Ash nang nakasimangot ang mukha. Pero unti-unti rin syang ngumisi na parang may naisip na naman syang kalokohan.
Subukan mo lang na idamay ako, sisingilan kita ng limang piso na may kasamang tubo.
"Ms. Agapitan, hindi lang naman po ako yung late eh." tumawa pa sya ng nakakaloko.
Tatakbo na sana ako ng hilahin nya ako at iharap kay Ms. Agapitan. Pinanlakihan kaming dalawa ni Ma'am ng mata. Itinulak ako ni Ash at di sinasadyang napalakas ang pagkakatulak nya, kaya naman napasubsob ako at nadaganan si Ma'am. Napa 'oooppss' si Ash bago tumawa ng malakas kasunod ang mga kaklase ko.
Tengene ka, Ashiya Guerrero. Hindi ka na makakahingi ng lima sa akin. Tatayo pa lang sana ako ng sumigaw si ma'am na nakapag patigil sa akin.
"Ms. Montenegro at Ms. Guerrero, go to my office, NOW."
Inay ko po!
*****
"Aaarrrggghhh, ang baho naman." reklamo ko habang nakatakip ang kamay sa ilong ko. "Kasalanan mo 'to Ash." tiningnan ko si Ash na kalalabas lang galing sa kabilang cubicle.
Dito kami in-assign ni Ms. Agapitan sa CR ng mga lalaki. Ayaw ko pa naman dito kasi ang tatamad ng lalaking buhusan ang CR pagkatapos nilang gamitin.
"Ayaw mo nun, di tayo nakikinig sa boring na klase ni Tanda." natatawang sabi nya.
"Baliw, huwag kang maingay baka may makarinig sayo. Baka di lang itong CR ang ipalinis sayo ni Ms. Agapitan."
Tumingin sya sa akin habang nakayapos sa mop.
"Ang pangit talaga ng araw ko kapag si Ms. Agapitan ang teacher natin." nakasimangot na sabi nya.
Umiling na lang ako at ipinagpatuloy ang paglilinis ko.
Pagkatapos naming malinisan ang CR ng lalaki ay pumunta na muna kami sa locker namin para makapagpalit ng damit. After naming magbihis pumunta naman kami sa canteen para kumain kahit di pa recess.
"Cristel, hehehe. Pwedeng pahinging siomai?" tanong sa akin ni Ashiya kaya nabitin ang pagsubo ko.
"Alam mo, isa kang malaking taling sa pwet ko. Bukod sa ang pangit mong tingnan sa pwet ko, di kita trip sa buhay ko." ngumuso sya na parang aping-api.
"Parang hihingi lang naman eh."
Tiningnan ko muna sya ng masama bago ko sya binigyan ng siomai.
Tengeneng to. Pagkatapos akong idamay sa kalokohan nya ang lakas pa rin ng loob nyang manghingi sa akin. Kung hindi ko lang to nakasama ng ilang taon, matagal ko na 'tong di pinansin.
Masagana kaming kumain nang umupo sa table namin si Zoren na hinihingal.
"Bastusan lang?" masungit na sabi ko at pinagtaasan ko pa sya ng kilay.
"Hehehe, sorry naman." umupo na sya sa katapat kong bangko at nakiinom sa tubig ko.
"Iyo yan?"
"Hehehe, hindi."
"Eh bakit ka umiinom dyan?"
"Kaonti lang naman eh."
Inismiran ko na lang sya at nagpatuloy sa pagkain.
"Bakit ka ba nandito?" tanong sa kanya ni Ash.
"Tinakasan ko si Sir Dino."
"Bakit naman?" tanong ni Ash at sinamaan sya ng tingin nang kumuha ito sa pagkain nya. "Sayo yan?" tumawa lang si Zoren bago sumagot.
"Paano ba naman, pinapasayaw ako sa harap ng mga kaklase ko. Eh math ang subject nya tapos pasasayawin nya ako. Ano raw yun?" tumaas pa ang kilay nya na sinabayan ng pag nguso. "Part ba ng math subject ang pagsasayaw? Kung P.E. pa."
"Kaya ka umalis sa klase nyo?"
"Oo. Di naman ako maalam sumayaw."
"Buti naman at di ka sumayaw, isang kahihiyan ang makita kang sumayaw." mukhang tangang tumawa si Ash.
"Nakakatawa yun?"
Umiling na lang ako sa kanila at nagpatuloy sa masarap na pagkain.
"Nakuuuu, kayo talagang dalawa. Kapag nakita lang talaga tayo rito." sabi ko sa dalawang nasa harapan ko.
Pagkatapos kasi naming kumain, nag-usap yung dalawa na huwag na kaming pumasok at mag cutting na muna kami ngayon kasi boring daw ang mga subject ngayon. Sabi nila na gumala na lang kami at bumili na lang ng mga pagkain.
Ayaw ko pa sanang sumama kaso nasuhulan ako nung dalawa na ililibre na lang daw nila ako.
"Walang makakakita sa atin dito. Tsaka bibili na rin ako ng pang regalo ko kay Henry. Sa isang araw na yun ha."
Nagtitingin-tingin si Ashiya ng damit na panlalaki at tinutulungan naman sya ni Zoren.
"Pinayagan ka na ba?" tanong sa akin ni Ash at humarap sa akin.
Napatigil din si Zoren at tumingin din sa akin.
"Yup. Kahapon lang. Sinabi ko kasing kasama kayo, alam nyo naman si Mama at Papa, basta kasama kayo Gora na." natatawang sabi ko. "Eh ikaw? Alam ba ni Tita?" tanong ko kay Ash.
"Naman." sagot nya at itinulak si Zoren na kinukutingting ang buhok nya. "Bakla talaga." bulong pa nya.
Hinila naman ni Zoren ang buhok nya dahil narinig nya ang sinabi ni Ash.
"So, ano ng gagawin natin dito?" tanong ko dahil wala pa rin silang napipiling damit at hindi pa rin nila ako inililibre.
"Doon tayo sa nagtitinda ng fast food. Ang sarap ng luto nila doon ng kwekkwek." tinuro ni Zoren ang kabilang daan.
"Paano yung regalo mo?" tiningnan ko naman si Ash na nag-iisip.
"Bukas na lang ako bibili." nagkibit balikat na lang sya at nanguna na sa paglabas.
Sumunod naman kami ni Zoren sa kanya. Kakaonti pa lang ang tao sa may tindahan ng fast food dahil hindi pa naman uwian.
"Kayo ang magbabayad ng kakainin ko ha." sabi ko at kumuha ng paper plate at naglagay ng pagkain doon.
"Oo, si Zoren ang magbabayad nyan."
"Anong ako? Tayo kayang dalawa. Konti na lang pera ko." reklamo ni Zoren at sumubo ng kwekkwek.
"Sige, hati tayo sa pangbayad nya." tumango na lang si Zoren sa kanya dahil puno na ang bibig nya ng pagkain.
Kanya-kanya kami ng upo sa may gilid at may kanya-kanya ring kinakain. Ang sarap talagang kumain kapag libre.
Tumayo ako para kumuha pa ng pagkain. Narinig ko naman si Ash at Zoren na nagtalo dahil dapat di na lang daw ako isinama tuloy ay inilibre pa nila ako.
Natatawa na lang ako sa kanila dahil kasalanan din naman nila yun.
*****
"Asan na kayo?" tanong ko kay Ash na kausap ko sa cellphone.
"Wait lang, masyado kasing pabebe gumalaw itong baklang to kaya naiwan kami nung jeep." narinig ko ang reklamo sa kanya ni Zoren sa kabilang linya.
"Sige, intayin ko na lang kayo rito sa labas ng bahay." sabi ko at pinatay na ang tawag.
Papunta na kasi kami sa bahay ni Henry dahil sabado na ngayon.
Naka baby pink v-neck shirt lang ako na tinernuhan ko ng black leggings at flat shoes. Wala naman kasing sinabi kung ano ang dapat na suotin. Wala rin naman akong damit na available kaya ito na lang ang isinuot ko.
Nagbasa-basa muna ako habang hinihintay sila Ash.
Napaangat ang tingin ko nang may tumigil na jeep sa harap ng bahay namin. Nakita ko si Ash na kumakaway sa akin at nakangiti.
Nagpaalam na muna ako kina Mama bago ako sumakay sa jeep.
Naka floral dress na yellow si Ash at flat shoes din. Naka lugay ang mahaba at itim nyang buhok. Naka blue na polo naman si Zoren na bukas ang tatlong butones. Messy hair. Feeling gwapo tss. Maong short at white rubber shoes ang pares ng polo nya.
20 minutes ang nakalipas ay nakarating na rin kami sa bahay nila Henry.
Pinagbuksan kami ng kasambahay nila at pinapasok. Kakaonti pa lang ang nandoon dahil maaga pa naman para sa celebration. 4:00 pm kasi ang Simula ng celebration. Mahigit isang oras pa ang hihintayin namin.
Nauna si Ash sa amin ni Zoren maglakad kaya magkasabay lang kami ni Zoren.
"Happy birthday, Henry." agad na sabi ni Ashiya kay Henry na kabababa lang sa hagdanan nila.
Ngumiti sya kay Ash bago kami binati. Pinasadahan nya rin ng tingin si Zoren na nasa tabi ko at ngumiti.
Bumati kami ni Zoren sa kanya bago nya kami dalhin sa garden nila kung saan nandun nakahanda ang mga pagkain. May mga decoration din na nakalagay kung saan-saang sulok ng garden nila.
"Dito muna kayo, mamaya pa magsisimula ang party." sabi ni Henry at pinaupo kami sa isang table.
"Okay." ngumiti si Ash sa kanya, at tumango lang kami ni Zoren.
Umalis si Henry para asikasuhin ang bagong dating nyang mga bisita.
"Achiya." tawag ni Zoren.
Napatingin ako sa kanya bago kay Ash na inaayos ang buhok nyang hinangin kanina.
"Bakit, Zoro?" pinagtaasan nya pa ng kilay si Zoren.
"May gusto sayo yung Henry na yun no?" mahinang tanong ni Zoren.
Ngumisi ako at nagsalita.
"Kailangan pa bang itanong yan. Eh obvious naman." singit ko kaya tumingin silang dalawa sa akin. "Bakit? Totoo naman ah." umiling si Ash sa akin at kinaltukan ako.
"Tongek! Gusto ka dyan, eh bakla yun si Henry. Si Zoro ang gusto nun." tatawa-tawang sabi niya.
Kahit walang kinakain si Zoren ay umubo ubo sya na parang nabilaukan. Nagulat lang ako saglit bago tumawa na sinabayan ni Ash.
"Tengene, seryoso?" tumatawang tanong ko.
"Oo." at tumawa na naman sya.
Si Zoren naman nakatulala lang at hindi pa rin makapaniwala. Kinaltukan ko sya kaya naman napabuga sya ng hangin.
"Gago, bakla pala yun." humawak pa sya sa batok nya at minasahe yun. "Uwi na tayo. Ayoko na rito." pag-aaya nya sa amin.
Umiling lang si Ash sa kanya at lalo pang tumawa.
*****