"HAPPY birthday to you 🎶 happy birthday to you 🎶 happy birthday happy birthday 🎶 happy birthday to you! " sabay-sabay na pagkanta ng mga bisita na may kasamang palakpak.
"Mga anak make a wish and sabay kayo magblow ng candle ha" sabi ni Tita Mel.
Pumikit si John at Jean para magwish. 
"Mommy im done" ani John.
"Ako din po Tita tapos na po magwish" si Jean.
"Okay at the count of three blow your candle".
"One, Two, Three!" nagpalakpakan ang mga bisita pagkatapos nilang sabay na hipan ang kandila.
"Happy birthday Jean!" bati ni John sa kin. Sabay halik sa pisngi ko. 
"Happy birthday John!" bati ko kay John.
Si John Denver Tan ay ang nag-iisang anak ni Melissa at Dennis Tan. Sila ang nagmamay-ari ng Hacienda Teresita sa Laguna. May iba din silang mga negosyo na pinapatakbo bukod dito.
Gustong-gusto ni Melissa na magkaroon ng anak na babae. Ngunit nung nagbuntis sya 3 years ago ay dinugo sya at sa kasamaang palad ay hindi nabuhay ang anak nya dahil kulang pa ito sa buwan. Babae pa naman ito. Kaya ang pagkasabik nya sa batang babae ay ibinubuhos nya kay Jean. Parang tunay na anak ang turing nya dito. Pati ang pag-aaral nito sa private school ay sya ang sumasagot. 
Si Jean Denise Santos ay anak ni Jane at Benjie Santos na kasambahay at driver ng pamilya Tan. Matagal nang naninilbihan ang mag-asawa sa pamilya Tan. Mga binata't dalaga pa sila noong nagsimula silang magtrabaho dito.
Ang pamilya Tan ay mga mabuting amo sa mga magulang ni Jean kaya naging malapit sila sa isa't isa. Pamilya ang turing nila sa mag-asawa. Kaya noong nalaman ni Melissa at Jane na pareho silang buntis ay sobrang saya nila. Kaya pati ang pangalan ng dalawang bata ay napagkasunduan nila. 
Doble ang sayang naramdaman ni Melissa at Jane nang sabay silang nanganak dahil yun din ang isa sa pinagdarasal nila. Mula noon, laging sabay magdiwang ng kaarawan si John at Jean.
"Hay nakakapagod!" sabi ng batang si Jean.
"But it's fun, isn't it?" ang batang si John.
"Syempre naman! Ang daming bisita, ang saya ng mga palaro, at syempre ang daming pagkain!" sabay ngiti ni Jean.
Sinundot ni John sa tagiliran si Jean na naging dahilan ng pagtawa nito ng malakas.
"Pagkain na naman? Lagi na lang pagkain ang nasa utak mo" sabay pisil sa pisngi ni Jean. 
"Okey lang hindi naman ako tumataba. Eh ikaw?"
"Anong ako? Ha?" pinisil uli ni John ang pisngi ni Jean.
"Aray naman" daing ni Jean "Etong sa yo!"
Kiniliti ng kiniliti ni Jean si John kaya napuno ng tawanan ang living room ng mga Tan.
"Hep hep! Tama na yan mga anak. Mabuti pa buksan nyo na lang ang mga regalong natanggap nyo." si Melissa
"Yehey, excited na po ako tita Mel!"
"Ako din mom!"
Ganito ang eksena tuwing birthday ni John at Jean. Nakasanayan na nilang sabay icelebrate ang kanilang birthday dahil na din sa kagustuhan ni Melissa.
Isa-isa nilang binuksan ang mga regalo. May mga damit, laruan, gamit pang-eskwela, at meron ding pera na nakasobre. Sa dami ng natanggap nilang regalo pinakapaborito ni Jean ang regalong kwintas ng Tita Mel nya. Mayroon itong pendant na puso na may larawan nilang dalawa ni John.
"Wow Tita Mel ang ganda naman po nito! Salamat po. Promise ko po sa inyo iingatan ko po to." sabay taas pa ng kanang kamay.
"Your welcome baby, pakiss nga!" lumapit si Jean kay Melissa upang halikan ito.
Si John naman ay tuwang tuwa sa regalong bracelet na si Jean mismo ang gumawa. Gawa ito sa yarn na iba't iba ang kulay. Kahit anak mayaman si John ay hindi ito materialistic na tao. Pinalaki sya ng kanyang mga magulang na makuntento sa mga simpleng bagay. At higit sa lahat ay ang pagiging mapagpasalamat sa kahit anong kanyang natatanggap.
SA kwarto nila Jean.
"Nak, happy birthday! Masaya ka ba ngayong birthday mo?" tanong ni nanay.
"Opo naman nay! Salamat po ha kasi lagi akong may handa pag birthday ko." sagot ko kay nanay.
"Eh hindi naman ako ang gumagastos ng party mo eh. Di ba si Tita Mel mo ang sumasagot ng lahat?" 
"Kahit na po nay, salamat pa din po sa inyo." lumapit ako kay nanay at humalik sa pisngi nya.
"Aba, paano naman ang tatay? Wala bang kiss galing sa prinsesa ko?"
"Syempre po tay meron." lumapit naman ako kay tatay at humalik sa pisngi nya.
"Halika na Jean anak, hihilamusan na kita nang makatulog ka na." niyaya ako ni nanay sa banyo para mapreskuhan ako dahil nanlalagkit na din ako. 
Pagkatapos akong hilamusan ni nanay ay humiga na ko sa kama ko. Nasa iisang kwarto lang kaming tatlo pero may sarili akong maliit na kama. Si nanay at tatay ay muling lumabas ng kwarto dahil tutulong pa daw sila sa pagliligpit sa labas.