***Makalipas ang Dalawang Araw***
Maaga akong pumasok ngayon. Gaya ng dati ay nakinig lang ako ng music habang inaantay ang bell. Maya-maya pa ay pumasok na ang ilang kaklase ko at ramdam kong nakatingin sila sakin. Alam ko na kaya sila nakatingin ay may ilang nakakita sa akin na umiiyak noong gabing yun. Hindi ko sila pinansin. Mga chismosang nilalang. Dahil sa medyo naiinis na ako sa pagtingin nila ay lumabas ako ng room namin at naglakad-lakad.
Mali ata ang desisyon ko na lumabas pa ng room dahil nakasalubong ko si Nexus at Isaiah na masayang-masaya. Napatingin ako sa kamay nilang magkahawak pa. Agad akong nakaramdam ng sakit at selos kaya iniwas ko nalang ang tingin sa kanila at nagtuloy-tuloy sa paglalakad.
"Eazzi" tawag sa akin ni Nexus pero hindi ko siya nilingon. Nagpanggap akong hindi ko siya narinig. Hanggat maaari ay gusto kong umiwas kay Nexus. Masyado siyang mapanakit.
Saktong nakita ko naman si Nelly kaya't kinawayan ko ito. My life saver!
"Gaga ka! Hinanap kita nung Friday pero umuwi ka na pala. Tapos pagkagising ko wala ka na rin pati mga gamit mo. Buti sinabi sa akin ng maid na umuwi ka na sa inyo" bungad sa akin ni Nelly sabay lakad patungo sa bench na nasa tabi ng pathway at umupo dito
Buti nalang nakinig sa akin ang maid na ang sasabihin lang niya ay doon ako natulog ng gabi at umuwi na nung umaga. Ayaw ko kasing malaman ni Nelly na kina Alexander ako natulog.
"Oo. Inaantok na kasi ako nung gabi tapos hindi na naman kita nakita kaya ayun. " sagot ko habang papalapit sa bench para umupo rin
"Nakausap mo si Nexus?"
"Ahh..oo hehe" naiilang na sagot ko
Bigla ko na namang naalala ang nangyari matapos kong umiyak kay Alexander.
***Flashback***
"Bakit ganun Alexander? B-akit kung kelan mahal ko na siya-- Bakit-- bakit ngayong birthday ko pa?" garalgal na sambit ko.
"Shit" mahinang mura niya.
Napatili ako ng bigla niya akong binuhat na pang bridal style. Nagpupumiglas pa ako pero mas hinigpitan niya ang hawak niya sa akin
"Wag kang malikot Eazzi. Baka mahulog ka"
"Tanga ka kapag nabitawan mo ako damuho! Tsaka bakit mo ba ako binuhat?"
"Namamaga paa mo. Kapag inilakad mo pa yan baka mas lumala"
Dahil sa sinabi niya ay muli kong naramdaman ang sakit ng paa ko. Iniupo niya ako sa isang upuan. Nang tingnan ko ang paligid ko ay napansin kong hindi ito ang gate na pinasukan namin kanina. Biglang may tumigil na kotse sa harap namin na naging dahilan ng pagkataranta ko.
"Relax. Dadalhin kita sa bahay. Dun natin lapatan ng lunas yang paa mo" biglang sabi niya
"Teka. Ano--"
"Sa inyo nalang kaya? Mukhang ayaw mo e"
"Hindi pwede!!" Kapag sa bahay malalaman ni mama na nagsinungaling kami ni Nelly. Hindi pwede yun. Malilintikan ako.
"Sa inyo nalang" mahinang bulong ko
"Okay tara na samin" wika niya bago ako inalalayan na pumasok sa kotse nila
***At Alexander's House"
"Manang Loida, pa-assist naman itong kasama ko. Pagamot na rin ng paa niya. Magpapalit lang ako" malakas na wika ni Alexander pagkapasok namin sa bahay nila habang nakaakbay na alalay sa akin. I told him na wag na akong buhatin dahil nakakahiya pag pabridal style nanaman niya akong dadalhin papasok ng bahay nila.
"Sige iho"
Maya-maya pa ay may lumapit na isa pang maid. Hindi ko sila pinansin at inilibot ko lang ang mga mata ko sa bahay nila Alexander.
"Tapos na iha" wika ni Manang Loida na nagpagulat sa akin. Hindi ko kasi namalayan ang pagbebenda nila sa paa ko.
"Salamat po"
Sakto namang baba na uli ni Alexander na may dala-dalang damit
"Aanhin ko to?" tanong ko
"Dito ka na matulog. Ihahatid nalang kita sa inyo bukas"
"O-kay"
"Sasamahan ka ni Manang Loida sa tutulugan mo" sabay talikod sa akin para umakyat uli sa hagdan nila. Papunta na ata siya sa kwarto niya.
Inalalayan ako nung maid na kasama ni Manang Loida at dinala ako sa isang room.
"Gusto niyo po bang tulungan ko pa kayo sa paglilinis ng katawan at pagpapalit ng damit?" tanong ng maid na nakaalalay sa akin
"Nako. Kaya ko na po ang sarili ko. Salamat po uli" nahihiyang wika ko
"Sige po. Sleep well" wika niya bago isinara ang pinto
Umupo ako sa bed at doon na rin nagpalit ng damit. Triny ko na ilakad ang paa ko patungong cr para maghilamos. Pagkatapos kong maghilamos ay nahiga na ako. Dahil na rin siguro sa pagod ko sa pag-iyak ay agad akong nakatulog.
***Kinaumagahan***
Nagising ako sa katok ng pinto.
"Ma'am gising na po ba kayo?" boses ng maid
Agad naman akong napabalikwas. Naalala ko na wala nga pala ako sa bahay nila Nelly o sa bahay namin
"Oo" sagot ko. Pagkasagot ko ay agad itong pumasok at pumunta sa tabi ng kama ko
"Pinapasundo na po kayo ni Sir Alexander dahil kakain na at maaga niya pa raw kayong ihahatid sa inyo" wika ng maid na tumulong sa akin kagabi
"Susunod na ako" wika ko habang tumatayo sa kama. Akmang aalalayan niya ako ngunit umiling lang ako sa kaniya
"Kaya ko naman na po. Mauna na po kayo at maghihilamos pa ako" wika kong nakangiti
Agad naman itong tumango at tumalikod na
Paglabas niya ay nagtungo ako sa CR para magilamos at magtooth brush. Mahirap na at kaharap ko si Alexander. Baka makahanap nanaman siya ng bagong pang-asar sa akin.
Matapos kong gawin ang dapat kong gawin ay lumabas na ako. Nakita ko si Alexander na patayo na sa lamesa. Umupo na naman ako sa upuan na malayo sa inupuan niya at kumain.
Matapos kong kumain ay sa bahay nila Nelly ako nagpahatid. Nagpalit lang ako ng damit kina Nelly at kinuha ang bag ko bago umalis pauwi sa amin.
"HOY EAZZI!!" malakas na tawag sa akin ni Nelly na nagpabalik sa akin sa ulirat
"Sorry sorry"
"Ano bang iniisip mo? May hindi ba ako alam ha?" nagdududa niyang tanong
"Wala gaga. Tara na nga sa room at magbebell na" yaya ko sa kaniya
***Recess time***
"Tara na sa cafeteria" yaya ni Nelly
"Ayaw ko. Dito na lang ako" pagtanggi ko.
Matapos kong tumanggi ay lumapit sa amin si Alexander at may inilagay na foods sa table ko.
"Wag ka ng lumabas. Binilhan na kita para mas marelax yang paa mo" wika ni Alexander.
Dahil sa sinabi nito ay agad na nanlaki ang mata ni Nelly.
"Anong meron?" tanong ni Nelly kay Alexander
"Si Eazzi kasi--"
Bago pa matuloy ang sinasabi ni Alexander ay hinila ko na si Nelly patungo sa cafeteria. Malayo palang kami ay rinig na ang hiyawan ng mga babae na kinikilig. Habang palapit kami ay kita ko si Isaiah at Nexus na nagsusubuan ng pagkain. Alam kong kita rin ni Nelly ang dalawa.
"What the hell" bulalas ni Nelly.
Agad siyang tumingin sa akin at bigla akong napaluha. Dahil sa nakita niya ang pagtulo ng luha ko ay agad niya akong hinila. Nang tumigil kami ay tsaka ko napansin na nasa girl's cr kami. Favorite takbuhan na ata to ng lahat. Agad na tiningnan ni Nelly ang lahat ng cubicle para malaman kung may tao. Nang matapos siya ay agad niyang nilock ang main door ng cr.
"Ano yun Eazzi? Akala ko ba may gusto sayo yun? Ano ba talagang nangyari nung Friday?" gigil na sabi niya na halatang naguguluhan.
Ikwinento ko sa kaniya ang lahat hanggang sa kung saan ako natulog.
"E gago pala yang si Nexus e! Paasa ang p*ta. Dyahe. Hindi ko alam na may ganun na palang naganap! Pagnakasalubong ko yun nakoo" galit na sambit niya.
"Please wag ka ng gumawa ng eksena Nelly. Tama na ang kahihiyan na yun" wika ko matapos umiyak
"Oo sige na. Ayusin mo na yang itchura mo bes. Tsaka wag mong iyakan yung lalaki na yun. Wag mo ring ipahalata sa kanila yang pagseselos mo. Hindi niya deserve. Pero infairness kay Alexander ha" mahabang lintya na
"Nakakagulat nga siya e"
"Galit ako kay Nexus pero bakit hindi mo siya kausapin para makapag-explain man lang siya sayo kung paano nangyari yun" tanong niya
"Tsaka na, wala pa akong lakas ng loob" nakayukong wika ko
"Tara na nga sa room. Kainin nalang natin yung binigay ni Alexander" nakangiting wika niya
"Kapalmuks e ano?" medyo natatawang wika ko.
Matapos ang usapan namin ay bumalik na kami sa room.