Eazzi's POV
Lumipas ang dalawang linggo at tuloy pa rin ang pagre-review namin. Weird lang si Nexus dahil ang feeling close niya sakin. Tulad na lamang ngayon, pabalik na ako sa room namin at sumabay siya saking maglakad.
"Eazzi" sabay punta sa harapan ko
"May boyfriend ka na ba?" tanong niya
"Wala" mabilis kong tugon
"Wee? Meron e. Nasa regular section"
"Wala nga. Wala akong time sa ganun e" natatawang sagot ko
"Eh bakit ka tumatawa?"
"Ang kulit mo kasi" sagot ko bago pumasok sa room namin na katabi lang din ng room nila.
Pagkapasok ko tumakbo patungo sa akin si Nelly
"May gusto ba yun sayo Eazzi?" bungad na tanong ni Nelly
"Wala. Feeling close lang talaga"
"Feel ko meron eh kasi iba yung tingin sayo"
"Paanong tingin?" papilosopo kong sagot
"Tinging in love ganun. Ah basta! May gusto yun sayo sure ako. Yieeeeeeee" sabi niyang kinikilig
"Feelingera ka dzai" pailing-iling kong sabi
"Tara na nga. Sabay na tayong umuwi"
***
Pagkarating ko sa bahay namin ay kumain ako at naglinis ng katawan. Matapos kong gawin ang skincare ko sa gabi ay kinuha ko ang aklat ko sa Math at itinuloy ang pagsasagot sa reviewer sheet na ibinigay sa amin. Sa sobrang aliw kong magsagot ay hindi ko na namalayan na nakatulog na ako.
***Kinabukasan***
Habang naglalakad ako sa pathway patungo sa Math Department ay nakita ko agad si Alexander at Nexus na nagkukwentuhan sa may gymansium na katabi lamang ng Math Department. Dahil sa nakita ko sila ay bigla akong nakaramdam ng pagkataranta at pagkailang.
Gusto kong umiwas kay Nexus. Agad namang pumasok sa isip ko na sa room muna namin ako pumunta para lang hindi nila ako makita at maging matagumpay ang pag-iwas ko. Tumalikod na ako bilang paghahanda para makabalik sa pathway na dinaanan ko kanina na patungo sa room namin ngunit minamalas ata talaga ako ngayong araw dahil nakita ako ni Alexander at tinawag niya ako ng pagkalakas-lakas
"Hoy Eazzi na flat! Dito ka!" pasigaw niyang tawag sa akin kaya nagtinginan sakin ang ibang mga students.
Kita ko sa mukha ng ibang babae ang pagkainggit dahil tinawag ako ng damuho na ito. Nakakahiya siyaa.
Dahil sa pagtawag sakin ni Alexander ay wala na akong nagawa kundi tumungo ng tuluyan sa Math Department. Naglakad naman ng pasalubong sa sakin ang dalawa. Mas nailang ako dahil parehas silang nakatingin sa akin
"Kumusta ang tulog mo Eazzi?" tanong ni Nexus na parang natutuwa na makita ako
"Ayos naman" maikling tugon ko
"Ahmm, alam mo ba na ikaw ang laman ng panaginip ko kagabi at nung mga nakaraan na araw?" ani ni Nexus na medyo nahihiya
Nagulat ako sa sinabi niya kaya napatitig ako sa kaniya. Nawala lamang ang gulat ko ng marinig ang malakas na halakhak ni Alexander
"Ang corny mo Nexus HAHAHA. I can’t believe na may kacornyhan ka pala sa katawan" iyak-tawa niyang wika kay Nexus
Si Nexus naman ay napakamot nalang sa ulo nya.
Ang cute niya.
Gosh! Sa totoo lang nung marinig ko ang sinabi ni Nexus ay kumabog ang dibdib ko at nawala ang pagkailang ko
"Ang aga Nexus ha. Tara na nga sa loob" yaya ko sa dalawa para maalis ang awkwardness
Habang nagrereview kami, nahuhuli ko si Nexus na laging nakatingin sa akin. Kapag nahuhuli ko siyang nakatingin ay nginingitian niya ako. Yung ngiting pang close up toothpaste advertisment. Hindi ko naman maitatanggi na dahil sa maganda niyang ngiti ay kinikilig ako. HAHAHA
3 pm na at vacant time na ng mga kaklase ko. Sakto at pahinga time rin namin. Napagdesisyunan ko na pumunta sa room namin. Pagdating ko sa room ay sumalubong sa akin si Nelly na ang lapad ng ngiti at kilig na kilig
"Anyare sayo?" tanong ko sa kanya
"Sabi ko na may gusto sayo si Nexus e!"
"Mga echos mo e ano?"
"Totoo to girl! May nakarinig daw sa boy's CR, sinabi raw ni Nexus na ikaw ang crush nya!" tili niya habang hinahampas-hampas ako
Nakaramdam ako ng tuwa pero agad ding nawala. Paano naman kung hindi totoo diba? Tsaka imposible yun. Isang hearthrob magkakacrush o gusto sakin? Malabo. Bago pa ako makapag-isip at tanong ng kung ano-ano ay bigla naman akong nakaramdam ng tawag ng kalikasan
"Bes, punta lang akong CR. Naiihi ako" sabi ko kay Nelly habang medyo nakangibit dahil lalabas na talaga ang ihi ko
"Samahan kita?"
"Wag na! Saglit lang ako"
Habang medyo madali akong naglalakad patungo sa girl's CR ay may biglang humila sa mga kamay ko at ipinasok ako sa isang cubicle. Pagtingin ko sa humila sakin ay laking gulat ko ng makita ko ang mukha ni Nexus na sobrang lapit sa mukha ko.
Sa sobrang lapit namin sa isa’t -isa ay pakiramdam kong umurong ang ihi na kanina ay lalabas na. Nagkatitigan kami at napatingin ako sa labi nya. Shocks! Mas mapula pa sa labi ko. Tumitig din siya sa labi ko hanggang sa unti-unting lumalapit ang mukha nya sa mukha ko.
Pumikit ako saglit at bigla ring nagmulat ng mga mata, pagkamulat ko ay agad ko syang tinulak
"Ano kasi.. B-bakit mo ko hinila dito?" nauutal na tanong ko.
"Sorry" sabi niya at iniwan nya ako sa loob ng CR
Hindi agad ako nakakibo. Muntik niya ng makuha ang first kiss ko! Bigla akong nakarinig ng mga yabag na papalapit sa girl’s CR na naging dahilan ng pagbalik ko sa ulirat. Muli ko nanamang naramdaman na lalabas na ang ihi ko kaya umihi na ako. Pagtapos kong umihi ay nagtungo na ako sa room namin at saktong uwian na.
Nakita kong magkausap si Nelly at Nexus sa may corridor pero hindi ko siya pinansin at tuloy-tuloy akong pumasok sa room namin para kunin ang bag ko. Pagkakuha ko ay lumabas na ako at sakto namang wala na rin si Nexus.
“Gaga ka! Hindi mo man lang nagawang magpacute kay Nexus kanina” biglang wika ni Nelly matapos niya akong kurutin ng medyo mahina
“Hindi ako pabebe na tulad ng iba dyan no. Tsaka bakit ba kausap mo yun?”
“E kasi girl hinihingi niya sakin cellphone number mo”
“Binigay mo?”
“Hindi. Kasi dapat sayo niya hinihingi no”
Good job Nelly. Good job. Muntik niya na nga akong halikan kanina tapos kukunin lang ang number ko hindi niya pa magawa. Sira ba siya? Kasi kung oo. Okay lang basta sakin siya. Ayy ano ba yan! Ang landi ko na.
“Hayaan mo siya. Tara na ngang umuwi madami pa akong notes na kokopyahin” pag-iiba ko ng usapan