Sheira's POV
Lunes na naman kaya kahit tinatamad akong bumangon ay pinilit ko pa rin. Mabilis akong naligo at nagbihis, saka bumaba ng hagdan. Palabas na sana ako nang tawagin ako ni Yaya.
"Ohh hija, di ka ba muna kakain?" tanong ni Yaya habang nagwawalis.
"Di na po Yaya, late na po kasi ako," sabi ko habang nakangiti sa kanya. Tumingin ako sa aking relo at talagang malalate na ako.
"Oh siya sige, basta kumain ka nalang doon sa school niyo ha! Huwag kang magpapagutom," paalala niya. Tumango nalang ako at umalis.
Naabutan ko naman si manong driver na nasa driver seat na ng sasakyan. Nauna na pala siya sakin.
"Kanina pa kita hinihintay ma'am," sabi niya saka lumabas at pinagbuksan ako ng pinto. Dali-dali naman akong pumasok.
Wala pang sampung minuto ay nakarating na ko sa school. Mabuti naman at nakisabay ang panahon sakin ngayon dahil walang traffic.
Pagpasok ko ay mabilis akong tumakbo patungo sa classroom at napahinga ako ng maluwag dahil wala pa ang teacher namin. Salamat naman.
"Uyy bakit ngayon ka lang?" inis na bungad sakin ni Jill.
"Na-late ako ng gising eh. Manahimik ka nalang diyan," sabi ko sakanya saka umupo. Sakto naman at dumating na si Teacher Aira, advicer namin.
"Okay class! Before we start, I'd like to introduce to you Mr. Rain Villamonte, your new classmate," nakangiting announcement ni Teacher. Kaya mabilis naman na nagsikuwentuha ang mga kaklase ko.
"Uyy grabe ang gwapo niyaa! Kyaaa!"
"2nd Quarter na ahh, pwede pa ba ang mga transferee?"
"Di ko din alam pero lakompake ang gwapo niya ehh,"
"Kung sabagay buti nga at may gwapong nilalang na dito,"
"Silence please! Mr. Villamonte, can you introduce yourself?"
"Ok. Hello! I'm Rain, and I'm glad to meet you all," he said while wearing a serious face.
"Is that it?" teacher ask him with confusion.
"Yes, teacher."
"Ok then, you can take a sit now,"
Walang imik siyang umupo sa pinakalikuran na nasa tabi ko saka nakinig sa diskusyon ni Teacher Aira.
Nagring ang bell tanda ng break time.
"Ok students, that's all for today. Class dismiss,"
Mabilis na nagsilabasan ang mga kaklase ko. At palabas na rin sana ako nang bigla akong hinila ni Jill.
"Ano bang trip mo? Ba't ka nanghihila bigla?!" inis na angil ko sakanya.
"Ayy kasi yieeee!!" nabigla ako sa malakas na pagtili niya.
Naano ba siya?
"Ano bang tinitili mo dyan?!" nagtataka at naiiritang tanong ko sakanya.
"Ang gwapo kasi ng transférée natin ehh. Crush ko siya!" kinikilig pa na saad niya sakin.
"Ha?! Kakakilala mo lang sa tao ehh. Crush mo agad?!" inis na tanong ko sakanya.
"Wala naman sa oras yun beh, nasa itsura hehe," nakangiti pang sabi niya.
"Bahala ka sa buhay mo! Tsaka puntahan na natin sila Meisha at Nicka. Baka kanina pa yun naghihintay satin sa canteen." sabi ko sakanya. Napatakip naman siya sa bunganga niya at umarteng gulat na gulat.
'Parang tanga tsk'
"Ayy oo nga! Tara na!" hinila naman niya ko papuntang canteen.
'Nakakailang hila na siya ah.'
Mabilis kaming bumaba ng hagdan dahil baka naiinip na sila. Pumasok kami sa canteen at nakita agad namin sila. Kumaway naman si Meisha at si Nicka naman ay busy sa pagkain.
"Ohh gurls! Andito na kami." masiglang sabi ni Jill. Di na ata siya nauubusan ng energy ah.
Nagtaka naman ako kung bakit sila nagkakatinginan at sabay-sabay na ngingiti.
'Mukha silang timang sa ginagawa nila'
Tatanungin ko na sana sila kung anong trip nila ng bigla silang sumigaw.
"Happy Birthday, Sheira!!" silang tatlo.
'Birthday ko ba?'
Sa sobrang lutang ko ay nakalimutan kong kaarawan ko ngayon. Hayss.
"Oh ba't mukhang di kanaman masaya?" nagtatakang tanong ni Meisha.
"Nakalimutan ko kasing birthday ko. Tsaka kayo lang ang unang bumati sakin." nakangiti ngunit malungkot na sabi ko sakanila.
Sa birthday ko ay palaging si mommy ang inaasahan kong unang babati sakin, pero wala. Nakakalungkot lang na di ko siya kasama ngayon dahil inaasikaso niya ang clothing business namin sa France. Pero sana manlang ay nagtext siya o tumawag.
Mula ng namatay si daddy sa isang car crash ay kami nalang talaga ni mommy. Gabi nun at pumasyal kami ni daddy galing sa Tagaytay. Umuulan at sa hindi inaasahan ay bumangga ang sasakyan namin sa puno. Nakaligtas ako pero hindi ang daddy ko.
Kusang nagsituluan ang mga luha ko nang maalala ko na naman ang pangyayaring yun. Napatingin ang mga kaibigan ko sakin na may bahid ng pag-aalala.
"Ok ka lang Sheira?" nag-aalalang tanong ni Meisha.
"Malamang hindi, nandito lang kami para sayo Sheira," sabi naman ni Nicka saka yumakap sakin.
"Ok lang ako guys, naalala ko lang si daddy," naiiyak na namang sagot ko.
"Oyy! Ano ba kayo?! Puro kayo drama! Yung pagkain oh naghihintay!" singhal naman ni Jill dahilan para bahagya kaming mapatawa.
Kahit kailan ay napakaswerte ko sa mga kaibigan kong to. Hindi nila ako iniwan tuwing may problema ako.
Pagkatapos naming kumain ay tumayo muna ako para bumili ng bottled water. Pagpila ko ay nakita kong nasa unahan ko ang crush kuno ni Jill.
'Napakaseryoso niya naman ata. Mabait din kaya to? Tsk tsk mukhang hindi eh. Sa palagay ko ay supla—'
Napatigil ang pagsasalita ko sa utak ko ng sinigawan ako ng nasa likod ko.
"Hoyy ano ba!? Kanina pa umusod ang pila ohh!" singhal niya sakin. Makasigaw naman si ate.
"S-Sorry po hehe" sabi ko sakanya saka umirap pagtalikod ko.
Nang makabili ay bumalik ako agad sa mesa namin. At narinig kong pinag-uusapan nila Jill ang bagong crush niya.
"Uyy sana makilala niyo din siya kasi ang gwapo niya talaga yieeee!" tumitili na namang sabi ni Jill.
"Oh ayan na pala si Sheira ehh, totoo ba tong pinuputak ni Jill? Gwapo ba talaga?" natatawang sabi ni Meisha.
"Aba'y ewan ko!" sabat ko naman.
"Uyy ang gwapo niya kaya! Pero medj tahimik siya ehh. Hayyy." sabi ni Jill at nagdaydream pa.
"Jaemiiss-eoyo" mahinang usal ni Nicka habang kumakain pa.
(Jaemiiss-eoyo – Interesting)
"Huh?!" sabay naming tanong nila Jill at Meisha. Umirap lang si Nicka saka kumain ulit.
'Matakaw na koryanang to'
"Ayts basta totoo nga!! Baka pa nga macrushan niyo rin yun pag nakita niyo!" biglang sigaw ni Jill.
'Paano ko naman makacrushan yun eh pangalan palang niya ay kinamumuhian ko na. Ever since namatay si daddy sa ulanan, I've been always hated the word "rain" '
"Uyy tama na yan. Bumalik na tayo sa room Jill at sa inyo naman Meisha at Nicka, bumalik na din kayo," seryosong sabi ko sakanila.
'Kj na kung kj pero ayaw ko lang talagang malate'
"Ang seryoso mo naman masyado, oh sige tayo na Nicka!" reklamo ni Meisha.
Pare-pareho lang kaming Grade-10 pero magkaiba ng building ang room ng section nila Meisha at Nicka kesa samin ni Jill.
"Tayo na Jill!" sigaw ko naman dahil nakatulala pa siya. And take note, NAKATULALA HABANG NAKANGISI.
"Huyy! Ano bang iniimagine mo pa dyan?! Tayo na!" muling sigaw ko sakanya dahilan para masama siyang tumingin sakin.
"Panira ka talaga Sheira!" singhal niya naman sakin saka nauna pang umalis.
Pagdating namin sa classroom ay kokonti palang ang mga estudyante at isa na don ang crush ni Jill na nakasandal sa tabi ng pinto.
Kaya ang inis na mukha niya kanina ay napalitan ng walang kasing laking ngiti. Nagmukha tuloy siyang timang. Agad siyang lumapit sa Rain kuno.
"Ahmm, Hi! Ako nga pala si Rhyndell Jill Javier but you can call me Jill pero kung di mo bet, mahal nalang ang itawag mo sakin hehe," pabebeng sabi niya dahilan para mapanganga ako.
'Grabe, nagmukha siyang malandi sa ginagawa niya. Nakakahiya'
"Nice meeting you Jill," saad ni Rain na mahinang napatawa pa kay Jill. Dahilan para muntik ng maihi sa kilig ang bestfriend ko.
Kaya bago pa siya ulit gumawa ng kahihiyan ay lumapit na ko sakanya.
"Huy ano ka ba? Nakakahiya ang pagbanat-banat mo diyan," bulong ko sa kaibigan ko.
"Ayy nga pala! Eto naman si Sheira Bellatrix Callista. Medyo suplada pero mabait naman," nakangiting sambit ni Jill.
"Nice meeting you, Sheira," medyo nakangiting sabi niya. Tipid na ngiti lang ang iginanti ko sakanya.
"A-Ahh hehe mauuna na muna kami," sabi ko bago hinila si Jill.
Masama na naman siyang tumingin sakin. Kaya inirapan ko nalang siya at umupo sa upuan ko. Dumating ang teacher at nagdiscuss.
Mabilis natapos ang araw na to at ngayon ay nakasakay na ko sa kotse pauwi. Sa sobrang buryo ay pumunta ako sa gc naming magkakaibigan. Nakita kong may sinend na link si Jill, at account daw ng crush niya sa facebook. Malamang si Rain na naman yan.
Inopen ko ang link at timeline nga ni Rain ang bumungad sakin. Inaadd ko na din siya. Nagscroll lang ako sa timeline niya ng may isang litrato ang nagpukaw sa atensyon ko. Litrato niya ata to ng bata siya, pero bakit parang napakapamilyar. Nakilala ko na ba siya dati?
'Ngayon ay di ko maipagkakailang nagiging interesado na rin ako sa kanya'