---
Ako lang dapat!
---
NASA entrance na ako ng kompanya ng may humintong sasakyan doon. Bumaba ni Karrick sa backseat at ang secretary nitong si Aldous na s'yang nagmaneho ng sasakyan nito.
Napatigil ako pero nang marealize na baka makita niya ako ay yumuko ako agad. Mabagal akong naglakad. Pinauna ko muna sila para hindi nila ako mapansin.
"Sir. I already rescheduled your meeting with the Miranda Co. at 3PM. And today you have a board meeting with the BOD at exactly 9AM..." narinig kong sabi ng secretary nito habang hawak ang tablet kung saan binabasa ang schedule ni Karrick.
Tahimik lang akong nakasunod sa mga 'to.
Nasa harap na kami ng elevator at naghihintay ng pagbukas n'yon.
"What else?" Karrick asks.
"And ahm.. your Mother set a blind date at lunch with her friend's daughter" saad nito
"Cancel it"
"Sir?"
"I said cancel it" ulit nito sa masungit na paraan.
Cancel it kasi 'wag makulit! Ganyan nga Karrick Baby ako lang dapat! hihi
Napakaloyal !
"Okay, Sir" tugon nito.
Nasa loob na kami ng elevator. Katabi ko si Karrick pero lumayo ako sa kanya. Ang secretary naman nito ay  nasa likod.
Nakayuko ako para itago ang mukha. Pakiramdam ko ang bagal ng oras gusto ko nalang lumabas. Sana sa fire exit nalang ako dumaan.
"Ms. Aldrich. Good Morning"
Buwisit na lalaking 'to kung hindi lang s'ya secretary ni Karrick baka kanina ko pa s'ya tinarayan.
"Good Morning" balik na sabi ko habang nakayuko parin.
"Okay ka lang? Bakit nakayuko ka" pilit pa niya akong sinisilip.
"Ah Oo. Okay lang ako" tugon ko dito. Wag ka ng magtanong please!
"Hindi ka 'ata nakaheels ngayon, Miss Aldrich" puna nito. Bakit ba kung ano ano nalang ang pinapansin niya!
"Ah Oo nga eh. Nakalimutan ko" Hindi ko nakalimutan talagang nag flatshoes ako kasi ang sakit ng paltos ko sa paa. Nilagyan ko lang 'yon ng ban aid.
Bakit ang dami n'yang tanong. Buti nalang hindi pa lumilingon sa'kin si Karrick. Sabagay never naman niya akong nilingon.
"Bakit nakayuko ka pa rin anong meron sa sahig ng elevator?" usiserong sabi nito. Agad akong tumabi dito kaya nasa likod na kami ni Karrick.
Nakita nito ang pasa ko sa noo.
Tinakpan ko ang bibig nito bago pa man siya magsalita. Hindi naman bumukol iyon pero nangitim lang. Wala naman akong bangs para itakip do'n.
Nagkaro'n ng tunog ang tawa nito kahit nakatakip parin ang kamay ko sa bibig n'ya. Tinanggal ko na bago pa niya lagyan ng laway 'yon. kadiri!
"Anong nangyari sa'yo" bulong nito.
Baka kasi ma turn - off sa'kin si Karrick kapag nakita
"Nauntog lang ako sa pinto" palusot ko naman kahit ang totoo ay dahil sa dashboard ni Karrick baby.
Kung hindi ko lang s'ya kailangan baka kanina ko pa s'ya binaon sa lupa.  Siya kasi ang tinatanong ko sa mga lakad ni Karrick at kung nasaang lupalop ito.
Sinadya ko talaga s'yang kaibiganin at alam n'ya naman. 'Lagi ko s'yang sinusuhulan ng kung ano noon pero ayaw bumigay. Nang malaman kong gusto nito si Irish ay sinabi kong tutulungan ko siya kay Irish ay pumayag ito. Napaka uto - uto.
Kaya dapat malaki ang utang na loob nito sakin kasi sila na ngayon ng kaibigan ko'ng si Irish no. Dapat tinutulungan din niya ako hindi pinapahiya.
Narinig ko pa ang mahinang tawa nito bago bumukas ang elevator.
Lumabas na si Karrick at akmang lalabas na din 'to pero hinila ko siya.
"Sino yung kablind date niya" tanong ko agad bago pa hanapin ng Boss n'ya.
"Yung Doctor na anak ni Mrs. Alvarez ng Alvarez Groups of Companies" Wow rich.
Binitiwan ko na ito at naunang lumabas.
Yung Mom ni Karrick lagi ang kontrabida sa amin.
Hindi ko pa naman talaga siya kilala ng personal nakikita ko lang s'ya dito kapag dinadalaw nito ang anak n'ya. Minsan nga may kasama pang iba't ibang babae. Hobby nito ang pag setup lagi ng date kay Karrick na lagi naman nitong tinatanggihan.
Hindi 'ata siya titigil 'pag 'di niya nakikitang may girlfriend na yung anak niya. Pwede naman ako kaya lang may qualification si Mother in law n'yo.
Gusto niya yung may propesyon at nagmula sa magandang pamilya. Eh wala pa naman akong pamilya. Yung tita ko lang ang meron pero may sarili nang pamilya 'to. Pero mga wala ding kwenta.
Hindi rin naman ako mayaman. Sapat lang ang kinikita ko noon sa pagiging Doctor. Pero ngayon isa nalang simpleng empleyada sa mismong kompanya nila.
Ewan ko lang kung kasali ang pagiging rich sa qualification nito napansin ko lang kasing puro highclass lahat ng nirereto niya sa anak.
Mag - aapply sana ako kaya lang baka buhusan niya ako nang malamig na tubig tulad no'ng napapanood ko sa TV na hindi n'ya gusto ang babae para sa nag - iisang anak na lalaki.
Naku! Nakakatakot 'yon.
Nakaupo na ako sa cubicle ay tulala pa rin ako.
"Hoy bakla. Tulala ka na naman. Si Sir Karrick na naman 'yan noh" sabay hampas sa likod ko.
Namumuro na siya. Napapansin kong mapanakit na s'ya. Tinignan ko siya ng masama. Routine na ba niya ang dalawin ako sa cubicle at asarin ako.
"Ayy Hala! Meszia anong nangyari d'yan" malakas na sabi nito. Ako naman ngayon ang humampas dito.
"Huwag ka ngang maingay" bulong ko.
"Ano ba kasing nangyari d'yan. Bakit maitim?" tanong uli nito.
Ikinwento ko naman ang nangyari kagabi at kung paano ako nakauwi.
Ang lakas ng tawa nito. Walang pakialam sa ibang kaopisina kung napapalingon na . Bagay talaga sila ni Aldous.
" 'Yan kasi inuna pa ang paglalandi. Tignan mo tuloy ang nangyari sayo'ng baklita ka" sermon nito pero may kasama paring tawa.
Sinabi ko nalang dito na lagyan niya ng ointment 'saka bandaid ang noo ko. Hindi ko kasi nagawa kanina dahil sa sobrang pagmamadali. Nagising pa nga ako sa sofa ko kanina.
Natapos naman nitong lagyan ng bandaid 'yon ay nagpaalam na 'tong babalik na sa sariling cubicle. Nasa harap lang ako ng mesa at nakatunganga doon. Wala naman na kasi akong gagawin dahil natapos ko na 'yon kahapon.
Mamaya'ng lunch ay lalabas ako para mag inquire ng sasakyan. Kahit BMW lang na mura ayos na sa'kin para may magamit na uli akong sasakyan. Pinabenta ko na ang lumang sasakyan ko dahil baka itirik na ako no'n sa susunod na sakay ko.
Lumabas si Karrick sa opisina nito habang nakasunod dito si Aldous. Pupunta na siguro sila sa board meeting.
Sinundan ko nalang si Karrick baby ng tingin dahil hindi naman ako makalapit sa kanya ngayon. Nakakainis kasi 'tong pasa ko.
Itinuon ko nalang ang oras sa computer at nagkunwaring nagtatrabaho do'n.
Kung nagtatarabaho parin ako sa hospital ngayon baka hindi lang pagtunganga ang ginagawa ko ngayon kundi nasa loob ako ng operation room at nag - oopera na naman.
"Nasan na si Elise? Yung kape ni Sir Karrick wala pa!" Narinig naming sigaw ni Manager Elize
"Ma'am. Nasa Marketing Department inutusan kanina ni Miss Prezzy" ang tinutukoy nito ay isang HR sa baba.
Tumango ang medyo galit na Manager.
Napansin naman niya ako na nakatingin dito. Tumaas pa ang kilay nito ng makita ang noo kong naka bandaid.
"Meszia. Wala ka na 'atang ginagawa. Bumili ka ng kape sa starbucks para kay Sir Karrick at dalhin mo agad sa board room" utos nito.
Ma'am naman! Baka makita ako ni Karrick na ganito ang itsura lalo s'yang matuturn off sa'kin. Ang pangit ko pa naman ngayon. Hindi nga din ako nagmake up eh.
"Yes, Manager" sabi ko nalang. Baka sa'kin pa s'ya magalit eh.
Nagmadali ako nag - ayos nang tumalikod na ito.
Nagsuklay at naglipstick lang ako. Bumaba ako ng gusali para bumili ng kape ni Karrick.
Hindi ba pwede'ng 3 in 1 nalang. Kailangan ba talagang Starbucks pa.
Naglakad ako dahil malapit lang naman 'yon. Pagkarating ay mahaba ang pila. Wala akong nagawa kundi maghintay ng ilang minuto.
Nang ako na ang susunod sinabi ko agad ang order at nagbayad.
Ilang minuto pa ulit akong naghintay ng tawagin ang pangalan ko.
Kinuha ko 'yon at tinignan ang nakasulat na pangalan sa cup. Kinikilig naman akong ngumiti. Iinumin ni Karrick ang kape na may pangalan ko.
Nagmadali na akong bumalik sa gusali. Nakarating naman ako sa floor kaya dumiretso na ako sa board room.
Kumatok muna ako bago pumasok.
Nasa'n na sila?
Lumabas uli ako. Sayang naman 'tong kapeng binili ko!
Nasa hall na ako ng makasalubong ko si Aldous na nakitingin sa tablet na hawak.
"Hoy Aldous!" tawag ko bigla dito.
Nakuha ko naman agad ang pansin niya. Umangat ang tingin nito sa'kin.
"Bakit Meszia?" he asks
"Tapos na yung board meeting?" tanong ko naman.
Nagtaka naman ito kung bakit ko tinanong 'yon.
"Oo. Kanina pa. Bakit?"
"Nasa'n na si Karrick Baby?" tanong ko pa uli
"Karrick Baby?" Ngumiwi pa ito
"Nasa opisina na n'ya. May kausap s'ya do'n" dagdag pa nito. Nacurious naman daw ako.
"Sino" Oh no!
"Yung kadate niya dapat mamaya. Bigla nalang dumating dito kanina" paliwanag niya
"WHAT! Bakit pinapasok mo!" sigaw ko dito. Muntik pa nitong mahulog ang hawak na tablet sa gulat.
"Nakakagulat ka naman, Meszia. Pano'ng hindi ko s'ya papapasukin. Sabi ni Sir papasukin ko nalang daw" nanlalaki pa ang mata na sabi nito.
Ano! pinapasok niya 'yung pangit na babaeng 'yon! Why! Karrick why!?
"Bakit hindi mo sinabi agad sa'kin!" sigaw ko parin dito.
Pano nalang 'pag sineduce na nito si Karrick ko! Pa'no nalang!
"Hay! 'wag ka ngang sumigaw. Mabibingi ako sa'yo eh. 'Saka dumaan ako sa cubicle mo kanina wala ka do'n. Sa'n ka ba pumunta?"
Oo mga naman kasi Meszia! San ka ba nagpupupunta!
Natural bumili ako ng kape ni Karrick baby!
Oo Tama! kape niya!
Tumawa ako na parang baliw.
Napapantastikuhan namang nakatingin si Aldous sa'kin.
Iniwan ko nalang s'ya don at nagmadaling naglakad papunta sa opisina ni Karrick.
Subukan lang ng babaeng 'yon. Malilintikan s'ya sakin.
***