Thrizel’s POV
Bumuntong hininga akong umupo sa sofa. “Hindi ko alam doon. Napapraning na siya. Nakakahiya ang ginawa niyang pagkapit sa akin. Ano nalang iisipin ng mga tao?” Kinuha ko ang tubig na binigay sa akin ni Brooks.
Nagpamulsa siyang humarap sa akin. “So kanina pa kayo nakita ni Thrale? Bakit hindi mo sinabi sa akin?”
Dahil doon, napatitig ako rito. “Bakit ko pa sasabihin sa ‘yo?” Umirap ako sa hangin. “Alam kong concern ka sa aki—”
“Alam mo naman pala, bakit ka pa nagtatanong?” Kinuha niya ang paper bag. Hinigas sa loob ng kaniyang kwarto. “Concerned nga ako, nag-aalala. Paano nalang kung may gawing masama ‘yang kuya mo sa ‘yo? Base sa kwento mo dati. Wala na akong tiwala kay Thrale. So any complaint, Miss Thrizel?” Ang mga mata niya ay titig na titig. Hindi ako nakatagal, agad akong napaiwas. Bakit parang naiilang ako? Para din akong pinagpapawisan, hindi maintindihan ang sarili.
“A-Ah, thanks.” Binaling ko sa iba ang aking atensyon. Si Blue na nananahimik at si Brooks na seryosong sa akin, bilang nangunot ang mga noo. Marahil nagtataka sila dahil ngayon lang ako nautal. Ngayon lang ‘to nangyari sa akin. May katulad, iyong kay Thrale.
“Kumain ka na nga.” Utos ni Brooks. “Para kang timang.” At diretsong pumasok sa loob ng kaniyang kwarto.
Nang mawala siya sa aking paningin, napatingin ako kay Blue. Ang mga tingin niya ay seryoso, halata sa kaniyang mga mata ang nagtataka. May iba ba sa akin? Pakiramdam ko mayroon. Masyado akong halata sa aking mga kilos kaya inaalam din ng lalaking ‘to. Kaya siguro ako ganito dahil nagkita kami ni Thrale kanina.
“You’re weird.” Blankong emosyon ni Blue. Nagulat ako roon dahil ngayon lang siya nagganiyan. “Tinatawag kitang asawa ni Brooks dahil iyon ang unang pagkakakilala ko sa ‘yo. Be sensitive sa kinikilos mo, may iba.” Saka niya ako iniwan sa sala. Anong problema n’on? Nababaliw na siya.
NAG-AAYOS ako ng aking sarili, isang oras nalang pa-umpisa na ang debut ni Aevie. Ako lang ang nag-ayos sa aking sarili dahil marunong naman ako kahit hindi ako nagmamake up. Kung nandidito si Ate Anissa, sigurado akong siya ang mag-aayos sa akin. Sinusuot ko ang aking hikaw nang may kumatok.
“Pasok.” Malakas kong sigaw. Tuloy pa rin ako sa pagsuot.
Mula sa salamin, nakita kong pumasok si Brooks, napatingin siya sa akin at nagsalita. “Huwag ka na kayang pumunta.” Tinitigan ko ang kaniyang kabuoan, nakatuxedo na siya.
Humarap ako rito. “It’s Aevie’s debut, bakit hindi ako aattend? Sigurado akong magagalit siya sa akin.” Agad akong napatingin sa kaniyang mga paa dahil nagtutuktok ang isa nito sa tiles. “What’s wrong?” Kapag ganiyan ang kaniyang kinikilos, hindi siya mapakali.
“Iba ang pakiramdam ko, pakiramdam ko may mangyayaring masama sa ‘yo.” Tumigil siya. Halatang nag-iisip, maya-maya lang, biglang napahilamos ng mukha. “Hays, kakasama ko ito kila Gio kaya pati ako napapraning na rinnnnn!”
Tapos ko na sinuot ang mga hikaw. Pumunta na ako sa aking bag. “Praning ka na nga.” Kinuha ko ang aking mga make up at nilagay doon. “Alam ko namang nag-aalala ka dahil nandodoon si Thrale. Kinumpirma ko rin kay Aevie na walang swimming pool doon, so anong problema?”
“Nothing.” Napabuntong hininga siya. “Sabay tayong pupunta nila Blue roon. Kapag nakarating, agad kang humiwalay sa akin. Hindi p’wedeng malaman ni Thrale na ako ang tumulong sa ‘yo o ako si Brooks, sigurado akong magagalit siya.” Matapos niyang magsalita, lumabas na siya ng aking kwarto. Naiwan ang aking tingin sa kaniyang p’westo, iniisip ang kaniyang sinabi.
Napabuntong hininga rin ako. Inayos ko muna ang gown kong suot. Backless siya, kulay asul. Ayokong magkulay pula at pantayan ang gown ni Aevie baka ako pa ang pagkamalang may debut kaya simple lang ang aking suot. Narinig kong bumusina sa labas ni Brooks kaya bumaba na ako.
Pagkalabas ko, nakita ko na sila ni Blue na naghihintay sa akin. Black tuxedo ang sunod ni Brooks while naman si Blue ay blue formal suit. Paborito niya talaga ang kulay asul. Pakiramdam ko si Blue ang partner ko rito. Kinuha ni Brooks ang aking kamay at ginaya papunta sa passenger seat. Pinagbuksan niya ako ng pinto at inalalayang umupo. Nasa backseat si Blue, si Brooks ang driver.
Tahimik lang kaming tatlo, walang nagsasalita habang nasa biyahe. Tiningnan ko si Blue mula sa front mirror, seryoso lang ang mukha nitong nakatingin sa bintana. Ito namang si Brooks ay abala sa pagmamaneho. Hindi ko kinakaya ang ganitong pakiramdam, para kasing may mali sa dalawang ‘to.
“May problema ba?” Tanong ko sa kanila. Kahit nagsalita ako, hindi ko pa rin nakuha ang kanilang atensyon. “Hoy, may problema ba?!” Sumigaw na ako roon. Kunot noo akong tiningnan ni Brooks, si Blue naman ay nagtataka.
“Problema?” Sinandal ni Blue ang ulo niya sa car seat pillow. “Hinahanda ko lang ang aking sarili sa mga pagkain. Siguradong mapapalaban ako.” Sa kaniyang sagot, binato siya ni Brooks ng mineral bottle. Natawa ako dahil doon. Kung ganito sila lagi, edi hindi ako magtatanong, duh.
Nang makarating na kami sa venue, agad akong bumaba. Ang daming tao sa entrance, pansin ko ring may red carpet. Agad akong humiwalay kila Brooks baka kasi nandiyan lang sa paligid sila Thrale. Humarap ako sa kanila nang makatapak ako sa red carpet, sumenyas silang pumasok na ako sa loob. Maglalakad na sana nang magvibrate ang aking cellphone. Tiningnan ko iyon, may mensahe.
‘You look lovely tonight.’
— Mr. X
Bigla akong nakaramdam ng kaba. Agad kong nilibot ang aking mga tingin. Napayakap nalang ako sa aking sarili dahil pakiramdam ko may isang lalaking nakatitig sa akin. Muling nagvibrate ang aking phone, nanginginig akong tiningnan ito.
‘Even if you don’t look at my face, I can still see your beautiful face.’
— Mr. X
Napatingin ako kila Brooks, nagtataka ang kanilang mga tingin. Binalik ko ang atensyon ko sa cellphone, tinawagan ko ang cellphone number nito pero can’t dial. Sino ‘tong lalaking ‘to? Tumingin muli ako sa kanila, sumenyas muli silang pumasok na ako pero hindi ko maigalaw ang aking mga paa. Ngumiti si Brooks sa akin, sumenyas siyang kakausapin niya ako pagkatapos niyang puntahan si Thrale.
Gumaan ang aking loob, pumasok na ako. Pinakita ko ang aking invitation sa isang staff. Hanging gardens nga ang venue ni Aevie, sobrang ganda. Naglakad akong mag-isa dahil wala naman akong kasamang pumasok. Nilibot ko ang aking mga mata, may kaniya-kaniya silang grupo sa pakikipag-usap. Umupo ako sa isang lamesa na ako lang ang mag-isa. Kumuha ako ng drinks sa isang waiter at ininom iyon.
Napatingin ako sa mga naglalakad, nakita kong magkasama sila Brooks at Blue. Hindi sila dumiretso sa akin, dumiretso sila sa table nila Thrale. Sa table na iyon, nandodoon sila Gio, Elkhurt, Ryke, Brooks, Blue, Thrale, Arella at Anissa.  Sa kabilang gilid ko naman, nakita ko sila Faru, Nafe at Isla, inbitado pala sila. Napahinga ako nang malalim, may nararamdaman akong kalungkutan pero hindi ko iyon pinansin.
Tiningnan ko nalang ang spot light, kung saan-saan kasi iyon tumututok. Hindi pa kasi nag-uumpisa, sa pagsunod ko ng tingin. Napunta iyon kay Thrale, halos masamid ako dahil nakatingin pala siya sa akin. Umiwas ako ng tingin, kumuha ng tissue at pinunasan ang bibig. Kumalma ako nang makita kong kausap niya na si Arella.
Natahimik na naman akong mag-isa, nilibot na naman ang mga tingin. Siguro kung nandito lang si Link, hindi niya ako hahayaang mag-isa rito. Hindi niya ako hahayaang magmukhang kawawa rito. Nilagay ko ang aking mga braso sa lamesa, pinatong ko ang aking ulo roon, nakayuko ako ngayon. Hindi ako umiiyak, kalmado lang. Dati sa ganitong sitwasyon, agad akong bumibigay.
“Fuck.” Mahina kong mura nang may maramdaman akong malamig na kamay na humawak sa akin. Tiningnan ko kung sino ito, napatanga ako nang makita si Dominic.
“Dominicccc!” Tuwang-tuwa kong sabi at yinakap siya. Magdadalawang buwan ko na siyang hindi nakikita kaya ganito nalang ang naging reaksyon ko. “Bakit ka nandito? Invited ka? Kilala mo si Aevie?” Humiwalay ako sa pagkakayakap. Pinaupo niya ako sa upuan, muli na naman akong napatingin kay Thrale. Ang kalmado niyang titig kaniya, ngayon ay hindi ko maintindihan. Hinayaan ko siya.
Umupo sa harapang upuan ko si Dominic. Nakaformal suit ito, seryoso ang mukha, walang pagbabago. Bagsak ang mga buhok, itim na itim. “I don’t know who has a debut here. Nanghingi lang ako ng invitation. Asahan mong lagi akong nasa party, buryong-buryo ako sa buhay. Hindi p’wedeng wala ako sa mga ganitong events.”
“E, paano ka nakakuha ng invitation?”
“In my own way.” Kumuha siya ng drinks sa isang waiter at ininom iyon. “Thrale is here.” Tumingin siya sa table nila Thrale. “Bakit hindi ka makijoin sa kanila?”
“Hmm? Ayos naman ako rito.”
“That’s good.”
May tinitingnan siya kaya tiningnan ko rin. Nakita kong papalapit sa akin sila Blue at Brooks. Tumingin ako kay Dominic, tumayo siya at sumenyas na iiwan muna ako. Tumango naman ako. Nang makarating ang dalawa sa akin, tumayo ako. Hinarap ko sila.
“Thrizel, you’re here. I miss you. Ngayon nalang kita muling nakita, how are you?” Nagtaka ako sa pagtatanong ni Brooks kaya tumingin ako sa kanilang lugar. Nakasunod pala sa kanila sila Elkhurt at Gio.
“Ang ganda mo ngayon.” Matabang na ngiti ni Blue na halatang nagpapanggap din.
“Ah, I’m okay, Kein.” Tumango si Brooks sa akin. “Thank you.” Ngiti ko kay Blue.
“Hi, Baby Thrizel?” Kinuha ni Elkhurt ang aking kamay at hinalikan. “Mas lalo kang gumaganda, ang ganda mo. Namiss ko ang ganda mo.” Binitawan niya ang aking kamay. “I miss you.”
Nagulat naman ako nang kunin ni Blue ang aking kaliwang kamay. “Ang ganda mo, Asawa ni—” Napatigil siya roon, muling nagsalita. “Ang ganda mo, Thrizel. Ang ganda mo.” Saka siya nagmano sa akin. Napasimangot ako roon, ito namang mga lalaki ay nagtawanan. Walang nakakatawa sa ginawa niya, nainis ako. Salamat ka, Blue, nasa party tayo.
“Come with me, Thrizel. You can join us.” Pagyayaya ni Brooks sa akin.
Napatingin ako kay Gio na nasa tabi ni Elkhurt, ngumiti siya sa akin. Kahit hindi siya magsalita, alam kong may inaalam niya sa akin ngayon. Alam kong may gusto siyang malaman, kilala ko na ang kilos ng lalaking ‘to.
Kinuha ni Elkhurt ang aking kamay, hindi ako p’wedeng kumapit kay Brooks dahil alam nilang hindi ko masyado itong close. Dinala nila ako sa table nila Thrale. Binalikan ko ng tingin si Brooks kung ayos lang ba sa kaniya ang ganito, tumango naman siya.
Nakatitig sa akin si Thrale, mula sa pagpapaupo sa akin ni Elkhurt sa upuan, hindi niya tinanggal ang tingin niya sa akin. Hindi ako nailang, hindi ko nalang iyon pinansin. Napatingin ako kay Arella’ng masayang nakatingin sa akin.
“Hi, Thrizel, uuwi ka na ba sa bahay?” Masiglang tanong ni Arella.
Ngumiti ako sa kaniya. “Hindi ako uuwi.” Diretso kong sabi na alam kong napasinghal si Thrale. Hindi ko siya tiningnan.
“Hi, Thrizel, how are you? Bakit hindi ka na umuwi sa bahay? Boring kapag wala ka e. Parang kulang sa bahay.” Mahinahong pagsasalita ni Ate Anissa.
Muli akong ngumiti. “Hindi talaga ako uuwi e.”
“Thrizel.” Pansin sa akin ni Ryke. Napansin ko si Blue sa kaniyang gilid, blanko ang emosyon nitong nakatingin kay Ryke. Hindi ko mawari ang kaniyang emosyon.
Ngumiti ako sa kaniya. Humarap ako kay Thrale. “Ikaw ba, Thrale? Wala ka bang itatanong?”
Inayos ni Thrale ang kaniyang tie at baritonong boses ang nilaan sa akin. “Wala.” Napabuntong hininga siya. Napatango-tango ako.
Lahat kami ay tumayo nang magsalita ang emcee. Nagsipuntahan kami sa gitna, nakatingin sa stage ang lahat. Welcoming remarks. “Welcome to the hot and legal party of our charming debutant who is now turning into a fine lady. This is quite a very important event in her life and her family is very much honored for your presence. Ladies and Gentleman, our 18th birthday girl, her, Aevie Hart.” Nagpalakpakan ang lahat. Tumutok kay Aevie ang spotlight. Nakared gown ito na bagay na bagay sa kaniya. Nakapusod ang buhok. Malawak ang ngiti na nakangiti sa amin.
“Hello everyone! I‘d just like to say a massive thank you to you all for coming today. It’s great to see everybody and I hope you’re all having a good time.” Mahaba pa ang sinabi ni Aevie hanggang sa matapos.
Sumunod doon ay ang dinner, tahimik lang kaming kumakain. Sa mahabang mesa na ito, walang gustong magsalita sa amin. Hindi ko alam ang kanilang dahilan. Ayoko ring magsimula ng pag-uusapan, kung dati ay gawain ko iyon. Ngayon ay hindi. Nang matapos kami, sumunod ang giveaways, 18 candles, 18 roses at nasunod na ang gusto ni Aevie na isaway ang kaniyang tatay. Nagblow na rin siya ng kaniyang cake sa gitna, nagpalakpakan muli ang lahat nang matapos iyon, sunod ang toast hanggang dumating ang dance.
Mas lalong umingay sa party dahil doon. Gusto ko sanang puntahan si Aevie pero abala siya sa makikisalamuha sa mga bisita. Marami ring sumasayaw sa dance floor. Tanging pag-upo lang ang aking nagawa. Hinihintay ko lang din yayain ni Thrale si Ate Anissa na sumayaw.
“Excuse me.” Napatingin ako kay Brooks dahil tumayo ito. Lumapit ito sa babaeng nakakulay itim na gown, nang makita ko ang mukha nito, nakimpurma kong si Isla. Hininga ni Brooks ang kaniyang kamay na agad namang kinuha ni Isla, dinala siya sa dance floor. Nakangiti ang labi ni Brooks pati ang mga mata. Napatingin ako sa kamay ni Brooks na nakahawak sa baywang ni Isla.
Inilihis ko ang aking mga tingin para hindi sila makita pero nakukuha talaga nila ang aking atensyon, ilang beses akong tumitig sa kanila. May nararamdaman ako, para akong nag-iinit dala ng inis. Muli kong nilihis ang aking mga tingin, napunta iyon kay Blue na nakatitig sa akin ng seryoso. Naiilang akong tumingin sa aking pagkain.
“Who’s that girl, Kein?” Tanong ni Gio kay Brooks. Hindi nila kilala si Isla. Nakakapagtaka naman kasi dahil may ibang sinaya—no, dahil may sinayaw si Brooks na babae. Ang alam ko rin, may gusto si Blue kay Isla. Alam ba iyon ni Brooks?
“Secret.” Nakangiting iling ni Brooks dito.
Muli kaming natahimik, wala na namang gustong magsalita. Nakatingin lang ako kay Blue, halata sa mga mata ang selos. Bakit hindi ka tumayo para yayain si Isla sumayaw? Natigil lang ang pagtitig ko nang mapansin kong nakatingin sa akin sila Ryke, Gio, Elkhurt, Brooks at Thrale.
Isa-isa ko sila tiningnan, hindi nila inaalis ang tingin nila sa akin kaya tumayo ako. “Excuse m—”
Muli akong nagulat nang tumayo silang lima, sabay-sabay naglahad ng kamay sa akin at sabay-sabay ding nagtanong ng...
“Can I dance you?”
Nabigla ako roon, nanigas ako sa aking kinatatayuan. Napatingin ako sa kanilang lima. Nahinto ako dahil nakalahad din ang kamay ni Thrale. Pati sila ay nagulat sa kanilang ginawa, nagtinginan silang lima sa isa’t isa. Walang gustong ibaba ang kamay.
Napatingin ako kay Anissa, gulat itong nakatingin kay Thrale. Ang mga mata niya, kitang-kita ko ang pagtataka. Palipat-lipat ang tingin niya sa akin at sa kamay ng kaniyang boyfriend.
Kaninong kamay ang hahawakan ko?
Itutuloy...