Kaya kinabukasan ay tulog ako sa room. Ang aga naming dumating dito dahil hindi nga halos ako nakatulog dahil sa iyak ng kapatid ko. Nakapatong ang ulo ko sa lamesa ng upuan ko at walang pakialam sa mga pumapasok sa room.
Napamulat ako nang maalog ako ng kung sino. Wala akong katabi kaya sino na namang tukmol itong umupo rito?! Alam naman nilang pag natutulog ako ay huwag nang piliing dito pa umupo sa tabi ko!
"Ano ba yan!" reklamo ko at sinubukang bumalik sa pagkakatulog.
Ngunit agad akong kinalabit ni Gio dahil ang bigat ng kamay niya.
"Gising na, Shia. Nag bell na."
Umirap ako at agad na umayos ng upo kaya nagkauntugan kami.
"Ano ba yan! Ang sakit, ah!" Hinaplos ko ang ulo ko na tumama sa baba niya. "Ang tulis ng baba mo!"
"Ang kapal mo!"
"Stop that."
Nanlaki ang mata ko at tinignan ang nasa harap at nasa harap na ang adviser namin. Pinandilatan ko si Gio at bumulong na bakit ngayon niya lang ako ginising! Nagkibit balikat lang siya at bumalik na sa pwesto.
"Sorry po, ma'am."
Ngumiti si ma'am. "Ayos lang, Shia. Alam ko naman."
Alam na ni ma'am na talagang napupuyat ako tuwing monday at friday kaya minsan ay pinapabayaan lang ako dahil kahit papaano naman ay nakakasagot naman ako.
Nahagip ng mata ko ang naghihintay na tingin ni Min. Ngumunguso siya kaya nangunot ang noo ko.
"Ha?" I mouthed.
Nainis siya at ngumuso pa. Ginaya ko ang nguso niya na parang may tinuturo kaya sinundan ko ang nginunguso niya nang nakanguso rin. Nasa kanan na ang mukha ko at ang paningin ay na kay Min pa rin. Tumatawa ang katabi niyang si Gio kaya mas lalo akong nagtaka.
Tinuro niya ang katabi ko kaya napatingin ako rito at nagulat ako at nahulog pa sa lapag at biglang sumakit ang pwet ko! Nagkapasa nga pala ang pwet ko, dahil don sa lalaking bumangga sa akin. Napasama ang bagsak ko. At ang bumangga sa akin ay itong nasa katabing upuan ko.
"Ms. Vargas, he will be your seatmate." Ngisi ni ma'am. "And class, please welcome Mr. Vasquez as your new classmate."
"What?!" Sigaw ko at nagsitinginan ang mga kaklase ko sa akin na nakasalampak pa sa lapag.
"Yes, ms. Vargas? Do you have a problem?"
Pumikit ako nang mariin at tumayo bago umupo at medyo nilayo ang upuan sa unggoy na katabi ko. Bawal kong kontrahin si ma'am dahil nakatulog na nga ako sa klase niya tapos magrereklamo pa ako.
"Wala po."
"Paano naman kami ma'am? Di mo kami papakilala?" Pagbibiro ni Reese na ikinatawa ng lahat.
"Lagi naman kayong pumapasok at kilala naman na kayo nitong mga to!" Giit ni ma'am.
Napalingon siya sa akin kaya alam ko na ang susunod.
"Ma'am pakilala mo naman po ako sa Treasurer nyo!" Agad na nag ingay ang tropa niya at ang ibang nakakaalam.
Humarap sa akin si Ma'am at napahilamos na lang ako ng kamay ko.
"Tigilan mo nga 'yan!" saway ko kay Reese nang lumapit pa siya sa akin para kamayan. Akala mo naman talaga hindi magkakilala.
Pinatahimik na kami ni ma'am dahil mag ta-time na.
"So… Nagka-emergency ang adviser nila at hinati ang mga student. Lima ang napunta sa atin, kasama si Mr. Vasquez…" mariin na sinabi ni ma'am ang huli at nakatingin pa sa akin. "Si Mr. Vasquez ay naka homeschooled nung grade 11 pa kaya ngayon nyo lang nakita."
Tumango ang mga kaklase ko at nagsilingunan sa pwesto namin. Umirap ako dahil sa mga babaeng kung makatingin ay parang hinuhubaran na itong katabi ko!
Nakita ko ang mga bagong mukha na galing sa kabilang section. May kumaway na isa sa akin kaya nginitian ko.
Nagsimula na ang klase at ni-hindi man lang siya nagsasalita, maliban na lang kung tawagin ng professor para sumagot. Sa sobrang tahimik niya ako na ang nanggulo.
May salamin na siya ulit at bilugan pa ito at medyo malaki. Yung parang salamin ni Harry Potter ganun.
Kinalabit ko siya habang nagdidiscuss ang professor namin. Hindi siya lumingon o kumibot man lang. Umirap ako at medyo umayos ng upo bago ko ulit siya pasimpleng kinurot. Kinurot ko na siya kasi ayaw naman niya ng kalabit.
Agad siyang napalingon sa akin at nagdikit ang kilay, halatang iritado. Ang aga aga ang init ng ulo.
"Nakabili ka na agad ng salamin?" Parang tangang tanong ko. At tama nga ako na ngayon pa lamang naging kulay bayolet na green yung bandang baba at gilid ng kanan niyang mata.
Hindi siya sumagot at binalik ang atensyon kay prof.
Pumangalumbaba ako at kinalabit ulit siya.
"May kaparehas salamin mo. Ano ka si Harry Potter? O, Harry Pota?" Humagikgik ako at hinampas siya.
He looked at me piercingly before he muttered something.
"Ha?-Haaa, ma'am!" Napaupo ako nang maayos nang tawagin ni ma'am ang apelyido ko. Lumingon ang iba kong kaklase lalo na ang tatlo kong kaibigan.
Tumatawa si Gio kaya kinurot ni Min habang si Prince ay halatang nakikinig dahil nahinto siya sa pagsusulat para lamang tignan ako.
"Yes, Ms. Vargas? Ano ang tingin mo sa Divorce? Pabor ka ba sa pagpapatupad nito, o hindi?"
Suminghap ako at tinignan nang masama si Harry Pota bago tumayo. Mabilis naman ako makaisip ng sagot dahil pamilyar din naman siya.
"Ahm. Para po sa akin ay sasangayunan ko ito sapagkat para magkaroon ang dalawang tao ng kalayaan sa isa't isa." Sagot ko.
Nawala sa akin ang atensyon ni ma'am nang bumaling ito sa katabi ko. Nakataas ang kamay ng katabi ko at mukhang sasagot. Nanatili akong nakatayo nang tawagin siya ni ma'am para sumagot.
"Para po sa akin po…" Hindi pa siya natatapos ay nagtawanan na ang mga ibang lalaki na pinangunahan ng grupo ni Jerome. Dito rin pala sila nalipat.
"Tahimik…" Pagbabanta ni ma'am.
"Sorry, I'm not that good at speaking in tagalog. Specifically when the word is too deep," paghihingi ng tawad ng katabi ko.
Huminto naman sila Jerome pero rinig pa rin ang hagikgik nila.
"Ipagpatuloy mo, Vasquez."
Tumango siya. "Hindi po dapat itatag ang Divorce. Kasi po hindi ka naman po siguro magpapakasal if you knew that you two would fall apart someday. Kaya nga po ang kasal ay hindi minamadali."
What?
Nagtaas ulit ako ng kamay bilang kontra. Nahagip naman ng tingin ko ang pagharap ni Gio sa upuan niya sa amin. Halatang nagugustuhan ang nangyayari.
"Ma'am, hindi naman pwedeng matali lang kayo sa isa't isa forever kung hindi na kayo masaya!"
"Marriage is not all about happiness. And we have an annulment. That's enough."
"What if gusto pa nilang mag asawa ulit? Kaya dapat magkaroon ng divorce!"
Inirapan niya ako at tumingin kay ma'am. "In some circumstances, let's just say, divorce is a great choice. But not always the solution to every problem in the family. Divorce should be an option not a solution."
I pursed my lips. "Oh, ba't nag i-english ka? Tagalog ito! Hindi English subject!"
Nag `Ohh` si Gio na ikinatawa ng lahat, maliban sa akin. Pinandilatan ko si Gio kaya mas lalo siyang natuwa. Haha, wow ang saya.
"Tama na 'yan. Since nag de-debate naman na kayo. Gagawa tayo ng activity bukas." Ma'am clapped to get our attention. "Kung sino ang pabor kay Shia ay pumunta sa side niya at ang pabor naman kay Xav ay sa side niya.
Agad kong pinandilatan ang mga kaibigan ko kaya wala silangg nagawa kundi sa akin pumanig. Ang iba naman kay Xav na puros babae. Well, his name sounds like a girl.
Xav. It's a kinda beautiful name.
"Hoy! Andaya nyo bakit kayo nariyan? Traydor kayo ah!" Bulyaw ko kila Franchesca na kay Xav pumanig.
Marami naman ang sakin at puro lalaki pero mas marami ang kay Xav!
"Ma'am hindi ba dapat pantay lang yung number para hindi unfair?!" sabi ko kay ma'am.
Umiling si ma'am. "Mas ok ang mga gustong pumanig talaga sa side para fair talaga."
Nagmaktol ako pero wala rin naman magagawa ang pagmamaktol ko kaya matalim ko na lamang tinignan si Xav na inaayos ang glasses sa harap ko.
Lunch break na at agad kong hinila ang mga kaibigan ko para makabili agad sa canteen at maka upo sa pwesto namin. Paniguradong doon na naman iyon uupo. Pagkarating namin ay bumibili pa lang si Xav kaya agad kaming pumila. Isang tao lang ang pagitan namin kaya pipilitin kong maunang maglakad.
Kinalabit ako ni Gio. "Psst! Bili mo ako! Naiihi na ako!"
Inis ko siyang hinarap at nilahad si Min na nasa harap lang naman niya.
"Mukha na ba talagang pader si Min? Alam kong maliit ang dede-" agad na nahinto ang pagsasalita ko nang takpan ito ni Min.
"Sige! Isigaw mo pa!" Inis na sabi niya.
Nilibot ko ang paningin at may iilang nakarinig. Tumawa ako at kinuha na lang kay Gio ang pera at binigay kay Min.
"Ano ba sayo?"
Nagkamot ng batok si Gio. "Nuggets lang tas tubig."
Nag thumbs up ako kay Gio at kay Min bago humarap ulit kung saan binigyan na ng sukli si Xav. Kating kati na akong itulak itong nasa harap ko dahil ang tagal mamili.
"Ate, ako muna. May gagawin pa po kasi kami!" Singit ko bigla na pinagbigyan din naman ni manang at yung babae.
The girl was eyeing me before she moved a bit.
Naku, te! H'wag mo akong ginaganyan, napakatagal mong mag isip ng pagkain eh kokonti lang naman ang tinitinda!
Pagkakuha ko ng piatos ko ay agad akong tumakbo papunta sa pwesto namin. Bumagal ang takbo ko at bago pa makaupo sa pwesto namin si Xav ay tinulak ko na siya gamit bewang at halos dumausdos siya sa kabilang lamesa.
Nanlaki ang mata ko. "Oops! Sorry!" Nag peace sign ako at umupo na parang prinsesa sa upuan na nakaharap sa kaniya.
Wala siyang reaksyon at inayos lang ang salamin bago siya umupo sa pinagdausdusan niya.
Dapat natumba siya! Ang sakit pa rin ng pwet ko at nagkapasa pa dahil sa kaniya!
Nilapag ni Min ang kaniyang binili para sa kaniya at para kay Gio. Sumunod din si Prince at umupo habang tinitignan ako ng masama.
Dinadama ko lang ang sarap ng piatos ko nang kurutin ako sa pisngi ni Prince. Sinamaan ko siya ng tingin at sinipa siya sa ilalim.
"Nakita ko 'yung ginawa mo!" Pagpapaalam niya sa ginawa ko.
Pairap kong sinulyapan si Xav na tahimik na kumakain sa kabilang table bago binalik kay Prince.
"Oh, bakit? Hindi niya pa rin ba gets na sa atin ang pwesto na ito?" Pagmamatigas ko.
Bumuntong hininga siya. "Alam kong siya ang dahilan ng pasa mo sa pwet pero huwag naman sa ganiyan. Magaling ka sa academic pero baka bumaba ang conduct mo niyan!"
Ngumuya siya sabay tingin kay Min na busy sa cellphone niya.
Tuwing lunch lang binibigay ang cellphone ulit namin at pagtapos ng lunch ay ibabalik na ulit sa POD. Walang hindi makakapagbigay dahil kailangan ng signature mo sa pangalan na nasa listahan ni ma'am
"Tsk! Wala naman mangyayari kung walang magsusumbong! At tsaka hindi naman ata magsusumbong yan!" bulong ko habang sinusulyapan si Xav.
Nagkibit balikat siya. "Bahala ka jan."
Hindi pa nga okay yan eh! Biruin mo mag lilinis pa akp next week dahil kasalanan ko pa ang pag sapak sa kaniya. Hindi naman ako feelingera ah! Sadyang ganon ang tingin ko sa pagkakatitig niya sa akin!
O baka… feelingera talaga ako?
Haysh