SHEILA
*5:30PM*
(1 Hour and thirty minutes before the Cleansing)
Malapit nang mag alas seis at nandito na kami sa loob ng Van na pagmamay-ari ni Lykamae. Katabi ko sa loob ng Van sina Draenne,Chris at Ayumi. Habang nakaupo naman sa tabi ng driver si Lykamae. Nasa likoran naman ng Van ang mga alalay ni Lykamae kasama si Jasmin.Nasa pinakagilid ako at malapit sa bintana.
Mas gusto ko ang pwesto na ito dahil makikita ko ang labas. Inaaliw ko ang aking sarili sa pamamagitan ng pagtingin sa ulap.
"Umalis ka na bago magsimula ang paglilinis"bulong ni Jasmin. Hindi ko s'ya pinansin at nagkunwari lang ako na walang narinig. Ano ba kasi ang problema n'ya.
"You'll regret this Sheila. Binalaan na kita. Huwag kang dumalo sa party"bulong n'ya. Ramdam kong may kung anong malamig na metal na dumampi sa aking kamay. Walang nakakapansin sa amin dahil busy silang tatlo sa pakikinig kay Lykamae.
"Anong ibig mong sabihin?"bulong ko sa kanya. Hindi ko maiwasang manginig. Gusto kong sumigaw pero hindi ako makasigaw.Baka kung anong gawin n'ya sa akin. Ayaw ko pang mamatay ng maaga!
Gusto kong tawagin ang pangalan ni Draenne pero hindi ko magawa. Parang may kung anong pumipigil sa akin. Takot! Oo takot ang pumipigil sa akin
"Pagsisihan mo na dumalo ka sa party. Binalaan na kita Sheila" pagkatapos n'yang magsalita ay nawala ang malamig at matulis bagay. Nakahinga ako ng maluwag pero pinagpapawisan pa rin ako.
"Bakit pawis na pawis ka Sheila? Mahina ba ang aircon?" tanong ni Lykamae. Gusto kong sabihin ang totoo pero maaring magkasabwat sila. Alam kong may binabalak sila laban sa akin. Kailangan kong umisip ng dahilan!
"Gusto ko lang magCR" sa lahat ng pwede gawing rason, bakit ito pa Sheila? Alam kong gusto silang tumawa sa sinabi ko. Hinawakan ko nalang ang aking t'yan at nagpanggap na kunware taeng-tae na ako.
."Don't worry. Malapit na tayo. Nandito na tayo sa entrance ng village. Goshhh! I'm so Excited!"
Entrance? Sumilip ako sa bintana at nakita ko ang isang sign.
'WELCOME TO GOODPEOPLE'S VILLAGE'
Sana nga mababait ang mga tao dito. Wow! Ang laki ng mga bahay! Ang yayaman siguro ng mga tao dito. Magkamukha lang ang mga bahay pero magkaiba lang ng design. May mga metal na pinto at bintana sila. Pinaghandaan talaga nila ang araw na ito.
Bawat nadadaanan namin na tao ay ngumingiti sa mga Van. Kumakaway pa sila at tila ba masaya sa presensya namin. Siguro ay dadalo rin sila sa party kaya masaya sila na may iba pang bisita. O baka naman kami ang target nila pagsapit ng gabi.Charr grabi naman imagination ko. Pero masama talaga ang kutob ko sa party na ito.
There's something behind their smile but I can't figure it out. Ano ba 'yan! Kung ano-ano pinag-iisip ko. Dapat kumalma lang ako at mag-enjoy sa party.
"Bakit ganyan ang mukha mo?"
Jusko! Ano bang klasing tanong 'yan Draenne?
"Ano bang meron sa mukha ko? Cute diba?" wika ko sabay kindat. Bigla n'yang tinapik ang noo ko kaya napapikit ako.
"Alam mo Sheila, huwag mong pangarapin maging CUTE dahil mahirap 'yan. Hindi mo alam kung ilang taon akong nagdusa dahil sa pagiging cute" seryoso n'yang wika sa akin. Sarap sapakin ng Draenne na ito.
"Nandito na tayo. Yeeey!" Wika ni Lykamae na halatang excited na excited. Nauna akong bumaba dahil natatakot ako kay Jasmin.
Napansin ko ang katabi nilang bahay. May isang lalaki na naghahasa ng palakol at itak. Sa labas pa talaga? Tinignan ko ang nakasulat sa gate n'ya.
'Richard Cutanda'
Richard pala pangalan n'ya. Tinitigan ko s'ya ng maigi. Malaki ang katawan n'ya at mahaba ang bigote. Nakapoker face at seryosong naghahasa ng kanyang gagamitin sa Paglilinis.
Normal naman s'ya, killer nga lang.Ang katapat naman nila na kabitbahay ay lumabas sa mala-mansion nilang bahay. Mas malaki pa rin ang bahay ni Lykamae kompara sa isang ito.
Isang matanda na babae at isang lalaki ang lumabas at nagbigay sa amin ng tig-iisang kahon na nakabalot sa Christmas wrapper. Palangiti silang dalawa at mukhang mababait na tao naman.
"Ano po ito?"tanong ng isa naming kaklasi. Ngumiti ang babae bago nagsalita.
"Ahmmm. Regalo namin yan para sa inyo. Isipin n'yo na lang na Welcome gift namin yan. Galing ang lahat ng 'yan sa mga tao ng Village. Mamaya n'yo na buksan kapag nagsimula na ang party dahil may surprise sa loob n'yan."
Hindi kami makapaniwala na may regalo na agad kaming natanggap. Kabi-kabila na ang pag-uusap namin.
"Ang liit naman nito! Ano kayang laman ng regalo ko? Baka BAHAY!"
"Hoy Draenne! Tumahimik ka nga! Tumanaw ka naman ng utang ng loob. Huwag kang magparinig d'yan" sambit ko sa kanya. Ang lakas magreklamo ng gag*ng ito. Oo maliit ang regalo naming lahat. Square ito at hula ko nasa dalawang pulgada ang sukat ng bawat gilid pero dapat magpasalamat pa rin kami sa kanila. Mabuti nalang at hindi nila narinig ang pinagsasabi ni Draenne.
Lumingon sa akin si Draenne at seryosong tinignan ang kahon.
Ano na naman iniisip mo Draenne? Unpredictable ka talaga Draenne eh. Kusa nalang susumpong ang saltik mo.
"Itapon mo 'yan Sheila!"
"Bakit? Anong pinagsasabi mo?!" Gulat na tanong ko
"Baka sumabog!" sigaw n'ya habang pinipilit kunin ang aking regalo.
"Ano sasabog!"
"Pagmamahal ko" pacute n'ya sabay finger heart sa akin. Enebe Draenne! Nagtagpo ang aming mga mata at hindi ko maalis ang aking mga titig na tila ba nakakandado ito sa kanya.
"Draenne" malambing kong bulong sa kanya. Malapit nang maglapit ang aming mga mukha
"S-Sheila" malambing n'yang bulong sabay lip bite
"Padaan!" Wika ni Jasmin na dumaan pa sa gitna namin ni Draenne. Napa-atras kaming dalawa ni Draenne dahil sa pagtulak n'ya.
"Bitter! Grr!" Bulong ko. Sarap sabunotan ng Jasmin na 'yan. Gusto ko s'yang sabunotan hanggang sa mawalan ng tirahan ang mga kuto n'ya.
Natigilan lang kami nang biglang bumukas ang napakalaking gate. Kulay ginto ang gate at natatangi ito sa ibang mga bahay. Mala-fairytale ang desinyo nito at bumubukas mag-isa.
Lumabas ang isang babae na nakasuot ng disenteng damit kasama ang anim na lalaking nakasuot ng black tux at black pants. Nakashades sila at walang pinapakita na emosyon.
Sila na siguro ang mga bodyguard ng Vice mayor. Paano naging ganito kayaman ang Vice Mayor? Vice lang naman s'ya kaya paano s'ya naging mas mayaman kesa kay daddy.
"Maligayang pagdating sa aming munting tahanan"wika nito habang nakabuka ang dalawang kamay. May halong awtoridad ang kanyang boses. Napakaganda n'yang pagmasdan. Lahat kami ngayon ay nakatigala sa kanya.
Kahit na hindi n'ya sabihin, malalaman mo na talaga na s'ya ang vice mayor dahil sa kanyang dating.
"Tulong! Tulong!"sigaw ni Chris habang hawak si  Aeyron ang isa sa alalay ni Neil. Dugoan ang tagiliran nito at galing sila sa likod ng Van. Hingal na hingal na ito at parang kinakapos na sa hangin. Sino ba naman ang mabubuhay sa gan'yan kalala na sugat.
Mula sa likod ng Van ay may biglang lumabas na nakamotor at mabilis itong tumakas palayo. Nag-iisa lang s'ya pero parang nakita ko na ang maskara n'ya. Saan nga ba?
S-Sila yung nakamaskara na nakita ko kaninang umaga!
Mabilis na nawala ang nakamotor habang si Aeyron ay naliligo na sa dugo at binawian na ng buhay
"Ayaw ko na rito! Nakakatakot na!"
"Umalis nalang tayo!"
"Oo nga!"
"Hindi safe dito! Akala ko ba immune ang vice mayor"
"SILENCE!"natigilan sila nang sumigaw ang Vice mayor.
"Huwag kayong mag-alala. Ligtas kayo sa pamamahay ko kaya pumasok na tayo sa loob. May mga damit na akong inihanda para sa inyo"wika nito sabay ngiti. May point s'ya, mas ligtas nga kami sa loob. Pero hindi pa rin maalis ang aking kaba dahil sa nangyari kay Aeyron. Napakabilis ng pangyayari.
Hawak-hawak s'ya ni Chris at dinala n'ya ito sa mansion.
"Don't worry Vice Mayor, gagawan namin ng paraan para mahuli ang killer na yun. Wala pang alas syete pero pumatay na s'ya"wika ng kapitbahay nila. Sana nga mahuli na yun para maging ligtas na kami.
" Sasabihan ko na rin ang ibang police at ipapahabol ko sa kanila ang killer na 'yon"
Bumukas ulit ang napakalaking gate at bumungad sa amin ang malawak na bakuran. Napakalawak nito at napakalinis. Nagtaka lang ako dahil wala man lang isang puno o halaman sa bakuran. Tumingin ako sa kanila.
Bakas sa mga mukha nila ang pananabik sa party na para bang nakalimutan nila ang nangyari kay Aeyron. Hayst. Sabagay, wala namang kaibigan si Aeyron  sa buong klasi maliban kay Neil. Kawawang Aeyron.
Binalik ko ang tingin sa Mansion. Napakalaki pala talaga ng manasion ni Lykamae. May kakaiba akong napansin sa mansion. May pulang watawat sa bawat gilid. Siguro ay mga Christmas Decorations lang 'yan.
Malapit na kami sa bahay ni Lykamae at dinig na dinig ko na ang tugtogan. Sa loob pala gaganapin ang party? Mas ok na ito dahil mas safe kami sa loob.
"Gusto ko ng kumain."wika ni Draenne. Malapit ng mag-alas 7 kaya nagugutom na kami. Hayss kinakabahan pa rin talaga ako sa mangyayari. Napansin ko na wala si Jasmin. Kanina ko pa s'ya hindi nakikita. Baka siya na ang nag-adjust kaya hindi nalang s'ya dumalo.
"Wait! Hintay!"sigaw mula sa likoran ko. Agad naman akong napalingon dahil sa sigaw n'ya. Si Alkane pala at tumatakbo s'ya papunta sa amin. Pawis na pawis s'ya.
"Saan ka galing?" tanong ni Chris. Hingal na hingal ito kaya hindi nakasagot agad.
"Nakatulog ako sa loob ng Van kanina at paggising ko, wala na kayong lahat" sagot nito. Hingal na hingal at pinag papawisan s'ya na para bang tinakbo n'ya ang buong bayan.
"Pwede ba akong sumama sa inyo?" Tanong n'ya habang nakatitig sa akin. Anong problema ng lalaking ito? Kanina pa to titig ng titig eh!
"Hindi!" Sagot ni Draenne na masama ang titig kay Arkane.
Tumango naman ito at nagpahuli sa paglalakad. Hindi ko nalang s'ya pinansin dahil ayaw ko ng mag-isip ng nakaka-stress na bagay.
Sa terrace pa lang ng bahay ay bumungad na sa amin ang isang human-sized figurine ni Santa Claus . Ang kisame naman ay napuno ng mga Christmas balls na nakasabit.Bumukas ang napakalaking pinto na papunta sa Sala
"woww. Ang ganda naman ng bahay n'yo Lykamae"
Gintong hagdanan, gintong chandelier at mga misa na may palamuti na ginto. Malawak ang sala nila at maraming mga misa ang nakalatag. May mga babae na nakatayo sa gilid. Mga katulong siguro nila ang mga ito.
May mga makukulay na ilaw sa harapan at sa tabi nito ay mga naglalakihang speakers. Sa likod naman nito ay ang napakalaking Flatscreen TV. Naghanda nga sila sa party na ito.
"Diba, gusto mong magCR Sheila?"tanong ni Lykamae. Oo nga pala! Kailangan kong ituloy ang aking acting
"Saan ba ang CR n'yo?"Kunwari tatae talaga.
" Bakit ulo mo ang 'yong hinahawakan? Natate ka diba? Dapat sa pwet!"wika ni Draenne na may halong pang-aasar. Sinamaan ko s'ya ng tingin at inapakan ang paa. Napalundag naman s'ya dahil sa sakit.
"Straight ka lang d'yan, pagkatapos ay lumiko ka sa kanan" turo sa akin ni Lykame habang tumatawa.
Tumango ako bago umalis. Ang gara ng bahay na ito ah. Paano kaya sila naging ganito kayaman? Nagsimula na akong maglakad sa isang nakakatakot na pasilyo. Lumiko ako sa kanan at naglakad papunta sa CR. Bakit pula ang mga ilaw?
Ang gara ng CR. Automatic na bubukas ang pinto. Kulay pink ang pintura sa loob ng CR. Total nandito lang din naman ako, lubos-lubosin ko na. Naghilamos ako gamit ang mamahalin nilang sabon.
"Manahalin din kaya ang tubig nila? Matikman nga"
Pagkatapos kong maghilamos ay nagpasya akong bumalik sa kanila. Medyo Creepy kasi ang lugar na ito. Bumukas ang pinto ng mag-isa.May biglang bumagsak na mga plato.Tinignan ko ko kung saan ito nanggaling.
Sa likoran ko siguro. Tumingin ako sa aking likoran at nakita ko na naman s'ya. Bigla akong pinagpawisan ng malamig. .
Nakatayo s'ya malapit sa pinto habang hawak-hawak si Jasmin! Patay na rin ang isang kasambahay na naghuhugas. Sila yung mga lalaki na nakamaskara ng mukha ni Daddy! Umiiyak na si Jasmin habang sinasakal s'ya ng lalaki. Hawak ng lalaki ang isang itak na puno ng dugo.
"J-Jasmin?"
"Tumakbo ka na! Binalaan na kita Sheila ngunit ayaw mong makinig! Takbo! Tumakbo ka na palayo sa lugar na ito bago magsimula ang Paglilinis! TAKBO!"