Claudia's POV
"Nasaan ang kasama mo? May kasama ka ba?"
Ay, nandito pa pala ang isang ito. Akala ko umalis na siya nang hindi ko na siya pinansin. Naghihintay ba siya na pasalamatan ko siya? Pwes, hindi! Hindi ko gagawin iyon!
"What's your name?"
"Huh?" Gulat na tanong ko sa kanya.
"My name is Sean Russel Chua, what's your?"
"Claudia Franchescka Ciar, but you can call me by my first name, Claudia."
"I see," sabay tango niya. "I preffer to call you as Chescka, is it okay to you?"
Nairap ako. Kakasabi ko lang na pwede niya akong tawaging Claudia tapos may iba naman pala siyang gustong itawag sa akin.
"Ikaw ang bahala," tipid ko nalang na sabi.
"So... okay na tayo?"
"Anong okay ka diyan? Eh sa pagkaka-tanda ko wala akong ginawa sa 'yo," pagtataray ko.
"Look Miss, 'yung nangyari sa school---"
"Hep! Stop! Hindi porket tinulungan mo ako, eh magiging malinis ka na sa paningin ko. Alalahanin mong na-suspend ako ng dahil sa 'yo. Pero sige, ayoko rin naman ng sama ng loob kaya move-on na," mabilis na paliwanag ko.
Hindi na naman siguro kami magkikita nito sa school, I mean hindi naman siguro kami magiging mag-kaibigan. Kung gusto niyang maging okay kami, then okay. Tapos na, bahala na siya. Kanya-kanya nalang. Gano'n. Ayoko namang awayin sa school nang dahil lang sa issue.
***
Chincky's POV
Pabalik na kami sa kung saan namin iniwan si Claudia pero nagulat ako dahil sa naabutan namin...
"Girsl, hindi ba si Insan ko 'yon?" Turo ko kay Sean.
"Huh? Si Sean? Ay! Oo siya nga," pagsang-ayon ni Jessa.
"Oh, ang taray ng bestfriend natin," sabay tawa ni Tyra.
"T-teka, sa pagkakaalam ko mag-kaaway sila. Anong nangyari at bakit parang okay na sila? Parang walang nangyari ah," nagtatakang sabi ko.
"Sabagay may point ka. Pero malay mo nag-kaayos na sila," Sabi ni Tyra.
"Tapos Friends na sila?" Segunda ni Jessa.
"Si Sean? Makikipag-kaibigan sa babae? Nasisiraan na ba kayo? Parang hindi niyo kilala 'yan, ah," pagsasalungat ko sa kanila.
"Sabagay. Kahit ikaw nga na pinsan niya hindi masyadong pinapansin, 'yung iba pa kaya," sabi ni Jessa.
"Oo nga ano? Baka naman..." Makahulugang sabi ni Tyra.
"Malabo 'yan friend. Kaka-break lang nila ni Chonna. Hello? Taon din ang tinagal nila kaya hindi agad gano'n kadali na mag move-on. Kahit naman lalaki ay nag mu-move on din," sagot ko kay Tyra.
"Sabagay, eh ano itong nakikita natin ngayon?" Muli niyang sabi.
"Pangbawi sa nangyari sa kanila? Tutal si Sean naman ang nagsimula. Sadyang mainit ang ulo ni Claudia kaya niya nasaktan ng pisikal," paliwanag ni Jessa.
"Pwede rin," pagsang-ayon ko.
"Kung lumalapit kaya tayo diba? At least nalalaman na natin. Kaysa 'yung nandito tayo at gumagawa ng sarili nating conclusion," natatawang sabi ni Tyra.
Oo nga ano? Bakit hindi ko naisip 'yon?
"Wow girl! Nagana utak natin ngayon ah? Anong kinain mo?" Pagbibiro ko kay Tyra.
"Jelly worm," mabilis niyang sagot.
Bigla namang tumawa si Jessa. "Utak bulate!" Sabay tawa ulit nito.
Kahit kailan talaga itong si Jessa.
"Hoy at least gumagana 'no!" Pagpupumilit ni Tyra.
At bago pa tumagal ang asaran nila ay mabilis ko na silang inaya para lumapit. Baka kung saan pa makarating 'yang asaran nila.
"Sean, anong ginagawa mo rito?" Bungad kong tanong sa kanya pagkalapit namin.
"Uy Chincky, uy! Nandito pala kayo." Nakangiting sabi niya.
Napakunot-noo ako sa naging reaksyon niya. Ang alam ko hindi namamansin 'to. Anong pinakain ni Claudia at parang naging friendly si Sean?
"Ba't ka nandito?" Tanong ko ulit.
"May bibilhin lang ako pero naligaw ako at napunta rito sa girls section. Sakto namang nakita ko siya at napansin kong pinagtitinginan siya rito kaya tinulungan ko nalang para makauwi na siya. Kasama niya pala kayo."
"Pero bakit?" Muling tanong ko.
"Anong bakit?" Kunot-noo niyang tanong.
"A-ah. Wala naman," kahit ako kasi hindi ko alam kung bakit tanong ako nang tanong sa kanya.
"Magkakilala kayo?" Singit ni Claudia na palipat-lipat ang tingin sa akin at kay Sean.
"Oo, Chescka, magkakakilala kaming apat." Si Sean ang sumagot.
"Chescka!?" Sabay-sabay naming tanong ng nakataas ang kilay.
Nagtatakang binalingan ko si Claudia na parang hindi apektado sa naging reaksyon namin.
"Claudia Franchescka Ciar ang pangalan niya at hindi Chescka." Pagtatama ni Tyra.
Mukhang makakatikim ng katarayan ni Tyra si Sean, ah.
"Oo nga, Claudia Franchescka, Chescka for short," paliwanag ni Sean.
Teka, ang oa na ata. Palayaw lang, call name. Okay sige pagbigyan.
"Hmm, may code name na pala si Claudia. Ano kaya sa susunod." Bungisngis naman ni Jessa.
Pinandilatan ko nga siya. Mas lalo lang tumawa ang bruha. Binalingan ko na si Claudia na halatang nagtataka pa rin. "Pinsan ko Sean, magkaklase kaming apat Claudia kaya magkakakilala kami," paliwanag ko sa kanya.
"Ah, okay." Sagot lang nito.
"Nandito na naman na kayo. Mauuna na ako sa inyo dahil may kailangan pa akong bilhin." Paalam naman ni Sean.
Saktong makalayo na si Sean ay mabilis na nilapitan ni Tyra si Claudia, "Huy ikaw ha!" bungad agad nito.
"Anong ako?" Takhang tanong ni Claudia.
"Nakakainggit ka!" Kunwaring nagtatampong sabi ko.
"Hindi mo ba alam na minsan lang kung mamansin 'yang si Sean. Ako ngang pinsan hindi ko masiyadong nakakausap. Selos ako," sabay tawa ko.
"Ano naman ngayon?"
Aba't! Itong si Claudia kung minsan sarap kurutin sa mag-kabilang pisngi eh. Gigil ako!
"Girl shunga lang? Ang ibig sabihin ni Chincky ay bakit ikaw na kakakilala lang eh komportable na kay Sean. Samantalang 'yung iba, wala. Umamin ka nga, ginayuma mo ba si Sean? Gano'n kalaki ang galit mo sa kanya para gayumahin siya!?" Hesterikal ni Tyra.
Tinitigan siya ni Claudia sabay sabing; "Ang oa mo. Hindi ka bagay mag-artista."
Nagkatawanan tuloy kami.
"Hindi na uso ang gayuma ngayon. Saka anong benefits ng gayuma? Maganda ako hindi ko kailangan 'yon," sabay ngiti nito.
Kanya-kanya kaming reak. Lanya! May-pag ganito si baby Claudia namin!
"Parang may something," biglang sabi ni Jessa na siyang nagpatigil sa amin.
"Anong ibig mong sabihin?" Tanong ko kahit na ba may ideya na ako sa something na tinutukoy niya.
"Anong something Jessa?" Tanong ni Tyra.
"Ano naman ba ito ngayon?" Naasar na tanong ni Claudia. Bilis uminit ng ulo!
"Ang bait kasi bigla sa 'yo ni Sean. Nakakapagtaka lang," puna ni Jessa.
Sabagay, may punto siya do'n.
"Saka kung tutulungan niya si Claudia dapat inabot lang niya 'yung sandals tapos umalis na siya. Pero malay natin, may pagka-gentle man naman pala itong si Sean pero hindi lang pinapakita sa school. Hayaan na nga," sabi naman ni Tyra.
"Saka concern lang din siguro siya kasi base sa sinabi niyang pinagtitinginan si Claudia kanina ay mas mabuti ng nandiyan si Sean para may po-protekta sa kanya," sabi ko.
"Knight in shining armor ang peg!?" ani Tyra.
"Kaya nga may something eh!" Segunda ni Jessa.
"Ano bang something kasi 'yon?" Tanong ko.
"Hindi ako sigurado kaya alamin nalang natin," nakangiting sagot ni Jessa.
"Ayon! Exciting 'yon!" Sabi ni Tyra.
"Tama na nga 'yan. Kanina pa kayo usap nang usap. Nagugutom na ako." Naka-simangot na sabi ni Claudia.
Gutom na ang baby namin! Nagkatawanan tuloy kaming tatlo.
**
Sa Pizza shop namin napiling kumain.
"Tyra ilang pizza box ang o-order-in natin?" Tanong ni Jessa.
"Meryenda lang naman. Okay na ang dalawang box," sagot ni Tyra.
"Wala pong shrimp flavor." Nakangiting sabi ni Claudia.
"Copy!" sagot ni Jessa saka mabilis na pumunta sa counter.
Bawal si Claudia sa shrimp dahil allergy siya rito. Noong minsang magkamali kasi kami ay nakahigop ng sabaw si Claudia na ang sahog ay hipon. Bigla nalang siyang namula at pati 'yung puting parte sa kanyang mata ay namula rin na para bang umiyak siya. Grabeng pangyayari 'yon na sobra-sobrang takot ang naramdaman namin. Nataranta kami kaya agad namin siyang sinugod sa ospital. Sabi ng doctor, mabuti raw na naagapan kaya naman na-kontra kaagad ng gamot ang allergy niya.
Ang sabi ng doctor, ang allergy raw kasi ni Claudia ay parang lason. Pwede iyong kumalat sa katawan niya hanggang sa lumala. At maari rin niyang ikamatay.
"Okay na, hintayin nalang natin," Sabi Jessa saka pumwesto na ng upo.
Nag-kwentuhan na lamang kami habang naghihintay ng order.
"Nalala niyo 'yung inatake ng allergy si Claudia?" Biglang tanong ni Tyra.
Kanya-kanya naman kaming tanguan, "Ang cute niya kapag namumula," Sabay tawa nito. Natawa nalang din tuloy kami dahil sa tawa niya.
"Buang! Parang sinabi mong ang cute ko kapag malapit na akong mamatay." Nakasingkit ang matang sabi ni Claudia. Tawanan na naman kami.
"Hala siya, 'wag high blood!" Natatawang sabi ko.
"Eh kailan ka naman ba magpapaligaw Claudia? Ayaw mo naman sigurong tumandang dalaga," biglang pagbabago ng topic ni Jessa.
"Oo nga, sayang ang alindog at kagandahang taglay," Segunda naman ni Tyra.
Napapikit ng mariin si Claudia. "Tumigil na nga kayo, pinagtutulungan niyo ako!" Sabay simangot nito.
"Sige, ipagpatuloy niyo lang ang pang-aasar kay Claudia. Mamaya niyan mag-walk-out girl 'yan," asar ko sa kanya. Binalingan lang niya ako ng masamang tingin na siyang ikinatawa ko.
"Tigil na ngaaa! Uubusan ko kayo ng pagkain mamaya!" saway nito.
"Sus!" sabi ko sabay tawanan ulit naming tatlo.
Sakto dumating ang order kaya naman tumigil na rin kami sa asaran at binalingan ang pagkain dahil mabilis na nilantakan ni Claudia ang pizza pagkabukas palang!
©J. O. Arandia