Zhawn's POV
"Ano? Maglilinis ka sa canteen?" natatawang tanong ni James kay Zyro.
"Malamang, alam niyo namang wala akong magagawa pag si ate na ang nagsasalita. Lintik kasi yang bansot mong kapatid!" inis nitong sagot.
Bansot? Si Czyme, ang layo naman ata ng pangalan nya.
"Bakit ba bansot ka nang bansot diyan, at saka kasalanan mo rin naman, sabi nga ni dean na ikaw ang puno't dulo kaya kayo maglilinis ngayon," pagsisita ko sakanya.
Nandito kami ngayon sa parking lot hinihintay lang namin si Yshmael. Ngayon lang ata nagpahuli ang lokong yon ah.
“Malakas ba ang tama sayo, pre?” natatawang tanong ni James sakanya.
“Abay, siyempre! Gag* ka ba?” iritang sagot ni Zyro kaya natawa ako.
“Saan ba natuto ang kapatid mong sumuntok? Mukhang sobrang lakas ata talaga ng tama nitong kaibigan natin ah,” pagsulsol ko din.
“I don’t know, baka nga nag-aral yon pang self-defense,” sagot niya.
“May mali ka din kasi pare. Bakit ka kasi pumapatol sa babae, eh ang laki-laki ng katawan mo,” dagdag pa ni James.
Tama naman si James, bakit pa kasi siya nakisawsaw sa pagitan ng mga babae, pero mas malaki din ang kasalanan ni Monique dahil siya ang unang nanakit sa kaklase namin.
“Matagal pa ba si Yshmael? Tawagan mo nga,” utos ni Zymor kaya ginawa ko naman.
“Hindi sinasagot eh, baka papunta na yon,” giit ko.
Yshmael's POV
Pagkabangon ko dumiretso agad ako sa CR para maligo. Ngayon na pala maglilinis sina Zyro bwahahaha. Ngayon ka rin namin makikitang maglilinis, ang isang leader ng lahat. Leader ng frat, kalokohan, habulin ng babae at leader ng dance troupe hahaha ay ngayon ang araw na makikita ka naming maglilinis sa publiko.
Pagkatapos kong maligo ay isinuot ko na ang uniform ko at bumaba na para kumain.
"Good morning!" masayang bati ko sa kanila.
"Good morning Yshmael, " sabi ni mommy.
“Mukhang masaya ka ngayon?” tanong ni dad.
“Ah opo, hehehe”
“Anong meron? May kalokohan na naman bang nangyari sa inyo?” dagdag ni dad kaya nawala ang ngiti ko.
Binilisan ko nalang na kumain dahil kanina pa ako wala sa oras at alam kong naghihintay na ang tatlong yon sakin.
"I'll go ahead" excited kong paaalam sa kanila.
Binuhat ko ang bag ko at patakbong pumunta sa kotse ko.
Mauzyro's POV
Nang dumating si Yshmael ay tatawa-tawa itong sinalubong kami.
Anong itinatawa-tawa ng siraulong to?
"Good morning mga dre" natatawang bati nito samin at sabay tingin sa akin.
"What's good in the morning?" inis kong tanong sakanya.
Humalakhak naman siya. Siraulo talaga ‘to. Anong problema nito?
"The popular slash campus heartthrob will become a janitor hahaha," humagalpak na naman siya ng tawa.
Sinamaan ko nalang siya ng tingin at tumuloy na sa classroom.
"Dre joke lang yon," ngiting-asong sambit niya habang kinakalabit ako.
Nagpatuloy lang ako sa paglalakad. Dumiretso ako sa locker para kunin ang mga gamit ko at ganon din sila.
Uupo palang sana ako nang marinig ang ko pangalan ko.
"Mr. Mauzyro and Miss Czyme, ipinapatawag na po kayo," sambit ng isang bakla.
Sinulyapan ko ang mga kaibigan ko, at tumatawa na ang dalawa, at si Zymor naman ay nakakunot ang noo habang nakatingin
sa kapatid niya.
Halos sabay din kaming tumayo ni bansot at saka kami sumunod sa bakla. Nauunang naglalakad si bansot at ako naman ang nasa likuran niya.
"Miss Czyme and Mr. Mauzyro, isuot niyo po muna to," sabi ng bakla at iniabot samin ang plastic na may lamang mask, gloves, sponge at towel.
Isinuot namin ito isa-isa at saka nagsimulang maglinis sa loob ng canteen. Nagsimula kami sa mga salamin lalong-lalo na
sa transparent door ng canteen.
Nang masabunan namin ang naabot naming parte ay isinunuod namin ang itaas kaya kinailangan naming maghagdan. Inilapit ni bansot ang hagdan sa salamin habang ako ay nakatayo lang sa tabi niya, at saka naman siya umakyat para abutin pa ang part na hindi pa namin nasasabon. Hinawakan ko nalang ang hagdan para may maitulong sakanya at para wala din siyang masabi na hindi ako tumutulong.
"Huy mukong maglinis ka nalang!" sigaw n’ya sakin.
Dahil sa masyado siyang bossy ay binitiwan ko naman ang hagdan at saka tumalikod sakanya.
Czyme's POV
Sumunod naman ang loko. Tignan natin ang galing ng isang sikat na lalaki pagdating sa paglilinis.
"Ayyyy!!" napasigaw ako nang biglang gumalaw ang hagdan.
Bigla akong nawalan ng balanse at para akong nakalutang sa ere habang nakanganga ang bibig. Parang pabagal nang pabagal ang mga galaw sa paligid ko at ang pagbagsak ko kaya napapikit nalang ako.
Nanlalaki ang mga mata akong napatingin sakanya at parang hindi ako makagalaw dahil parang mabagal pa rin ang paggalaw ng paligid ko.
Hindi ako makapag-isip ng tama. Nasa ibabaw ako ngayon ni Mauzyro at magkadikit ang labi namin.
Nang mabalik ako sa sarili ay mabilis kong pinulot at salamin ko at naglakad papalayo sakanya.
"Wala na! Wala na yong first kiss ko. Bakit sakanya pa?" sambit ko habang naglalakad.
Nakakabwisit bakit don pa sa mukong napunta ang first kiss ko!! Pumunta ako sa isang cubicle at doon nagpalit. Tiningnan ko ang salamin ko at may kaunting basag na ito pero isinuot ko pa rin ito.
“Haaaa!” nagpakawala ako ng mahabang buntong-hininga.
Mula nong nakasama ko ang mukong na ‘yon, nagkanda letse-letse na ang buhay ko!
Nang makapalit ako ay pumunta ulit ako sa canteen. Ang kaninang masabong pintuan ay malinis na ngayon at wala na rin ang mga gamit.
Pumila na muna ako dahil gutom na ako, hindi pa kasi ako nag almusal kanina dahil late akong nagising.Dahil mahaba ang pila ay wala na rin akong nagawa kung hindi ang pumila pa rin. Napahawak ako sa ulo ko dahil sa pagsakit nito at bigla rin akong nakaramdam ng panghihina ng katawan at pagkahilo.
Hindi ko na napansin ang paligid ko at bigla nalang bumagsak ang katawan ko.
Zymor's POV
"Tulong! Tulong!" umangalingawngaw ang isang tinig ng babae pagkapasok na pagkapasok palang namin sa canteen.
Pinalibutan ito ng mga kapwa naming estudyante kaya lumapit kami dito. Nanlalaki ang mga mata akong lumapit sa kapatid kong walang malay sa sahig habang inaalog-alog siya ng babae. Agad ko siyang binuhat at mabilis na itinakbo sa
infirmary.
“Czyme, gumising ka," mangiyak-iyak kong sambit habang buhat pa rin siiya.
Mabilis pero maingat ko siyang inilapag sa kama na agad namang lumapit ang nurse sakanya.
“Anong nangyari sakanya?” kalmadong tanong ng nurse.
“Hindi ko alam, nurse, wala siyang malay nang madatnan namin sa canteen” sagot ko dahil hindi ko talaga alam kung anong nangyari sakanya.
“Okay, kumalma ka lang muna,” sabi sakin ng nurse.
Habang naghihintay ang resulta ay nakatitig pa rin ako sa kapatid kong walang malay.
"Zyro, may alam ka bang ginawa ng kapatid ko na naging dahilan ng pagiging ganto nya ngayon?" nag-aalala kong tanong sakanya pero umiling lang ito.
"Kumalma ka lang dre, magiging maayos rin si Czyme," pagpapakalma sakin ni Zhawn habang tinatapik ang balikat ko.
"Mr. Requez nalipasan siya ng gutom at nawalan ng oxygen kaya siya nawalan ng malay," bungad agad sakin ng nurse habang nakatingin sa kapatid kong walang malay.
"Mabuti naman na siya, hintayin nalang nating magising siya" nakangiting tuloy nito.
Nakahinga ako nag maluwag matapos sabihin ‘yon ng nurse.
I’m so sorry Czyme, kung hindi kita masyadong naaalagaan at napoprotektahan. I’m so sorry for being a useless brother.
Itutuloy…