Mia Santos? Sino ba yun? Maganda ba yun?
Ang gwapo ni Culver pero yung gf niya..nevermind hahaha
Maghihiwalay din yan sila, walang forever.
Mas bagay pa si Culver at Haven, sana maging sila na lang.
Ilan lang naman yan sa mga nababasa kong mga bad comments. Pero hindi ako magpapaapekto sa kanila, hinding-hindi nila ako mada-down.
Ni-log out ko na lang ang facebook ko at nilagay sa bag ang cellphone ko.
Pagkatapos ay naglakad na ako papasok ng school, nasa may gate pa lang ako napansin ko na ang tinginan at bulungan ng mga estudyante. Hindi ko na lang sila pinansin at naglakad na papasok ng room namin. Pagdating ko ng room, andun na si Ava at kausap na naman yung dalawa. Friends na nga yata sila, mabuti naman. Dati kasi war yan sila e, paano kaya sila nagkabati?
" Sari, andyan kana pala. Kumusta?? " nakangiting bungad sakin ni Ava.
" Hi, Sari " nakangiti ring bati ni Sarah at Josh.
" Hello!! " nakangiti ko ring bati. Saka ako umupo sa tabi ni Ava habang yung dalawa nakaupo sa likod namin.
" Ay, beshy. Alam mo na bang nasa Ospital yung lolo ni Culver? " tanong ni Ava na siyang ikinagulat ko.
" Hah? Bakit nong nangyari? " tanong ko.
" Beshy, may sakit pala ang lolo niya matagal na. Yun pala ang isang dahilan kung bakit gusto ni Culver na makapasok sa PBB. Kailangan daw maOperahan yung lolo niya at wala silang ganun kalaking pera para ipampaopera. " malungkot na sabi ni Ava.
Pero bakit wala siyang sinabi sa akin?
" Paano mo nalaman? " tanong ko kay Ava.
" Sinabi sakin ni mama, galing kasi siya doon " sagot ni Ava. Yung parents kasi ni Khaizer at Ava ay magkaibigan, kaya friends din si Culver at Ava.
" Okay lang ba, samahan mo akong bumisita dun? " alanganing tanong ko kay Ava. Tumango naman ito, saktong dating naman ni maam. Kaya heto na naman ang nakakaantok na discussion.
After lunch, nagpunta na kami ng Ospital ni Ava at hindi na nga pumasok. Pagdating namin dun si tita lang ang nagbabantay sa lolo ni Culver. Mukhang nagulat pa nga sila ni lolo ng buksan ko ang pinto. Buti naman at gising si lolo, mukhang kakatapos nitong maglunch.
" Pasok kayo " nakangiting sabi ni tita. Pumasok naman kami ni Ava at binigyan kami ng upuan ni tita.
Tita po pala tawag ko sa mama ni Culver.
" Sari, kumusta ka? " mahinang tanong ni lolo na mahahalata mong may sakit talaga siya. Lumapit ako sa kanya at sa tabi ng kama umupo.
" Okay lang naman po, kayo po, kumusta ang pakiramdam niyo? " pinilit kong ngumiti sa kanya.
" Mabuti-buti naman na, baka bukas makakalabas narin ako. " nakangiting sagot ni lolo.
" Ay naku, buti naman po. Magpagaling po kayo, alam niyo naman pong ayaw na ayaw ni Culver na nagkakasakit kayo " nakangiti kong sabi. Natawa naman ng kaunti si lolo.
" Nakakamiss na ang batang yun " malungkot na sabi ni lolo.
" Siguradong miss na miss kana rin niya lo, kunting tiis na lang po at makakabalik na siya sa atin " nakangiti kong sabi. Tumingin si lolo kay tita Susan at Ava.
" Susan, bilhin muna ang mga gamot na kailangan at mag-uusap lang kami ni Sari. Isama mo na si Ava " utos ni lolo kay tita.
" Sige pa " sabi ni tita at lumabas na nga sila ni Ava. Tumingin sa akin si lolo na may lungkot sa mga mata.
" Sari, apo. Alam kong nahihirapan kana sa mga nangyayari. "
" Po? " nagtatakang tanong ko.
" Kahit hindi mo sabihin alam ko ang mga nangyayari. Alam kong marami ang may gustong maghiwalay kayo ng apo ko at maraming humuhusga sayo " hindi ko alam kung anong sasabihin ko. Bumuntong hininga si lolo at hinawakan ang mga kamay ko.
" Apo, alam mong gusto kita para kay Culver kaya sana wag mo siyang susukuan. Mahal ka niya at nakikita ko yun sa kanya kaya pakiusap, tatagan mo ang loob mo. " ngumiti ako ng pilit at tumango kay lolo.
" Alam kong hindi na ako magtatagal kaya ipangako mo sa akin na aalagaan mo siyang mabuti at mamahalin " naiiyak na ako sa mga sinasabi ni lolo.
" Lo, wag po kayong magsalita ng ganyan. Hindi po kayo mawawala, gagaling po kayo. Diba nga po, pangarap niyo pang makita si Culver na maabot niya ang mga pangarap niya. " Naiiyak kong sabi. Ngumiti lang si lolo sa akin.
" Mukhang hindi ko na mahihintay ang panahong yun, kaya sana sa pag-abot ni Culver ng mga pangarap niya ay samahan mo siya. Alam mo naman yun napakatigas ng ulo, sayo lang siya nakikinig. " natatawang sabi ni lolo at naiyak na nga ako.
" Malaki ang ipinagbago ni Culver dahil sayo. Kaya wag mo siyang iiwan " pagpapatuloy ni lolo. Pinunas ko ng mga luha ko.
" Opo lo, pangako hindi ko siya iiwan " ngumiti si lolo.
" Aasahan ko yan " sabi nito at binitawan na ang mga kamay ko. Sakto namang dumating na sila tita at Ava.
" Lo, magpapaalam narin po kami, may pasok pa po kasi kami e. " paalam ko kay lolo.
" Sige apo, mag-iingat kayo " sabi nito, tumingin ako kay tita at magpapaalam na sana ng magsalita siya.
" Pa, ihahatid ko lang sila sa labas " sabi ni tita. Tumango naman si lolo at lumabas na kami ng kwarto.
" Ava, mauna kana sa labas. Mag-uusap lang kami ni Sari. "
kinabahan ako bigla sa sinabi ni tita. Hindi ko alam kung bakit pero parang may hindi magandang mangyayari.
" Sige po " sabi ni Ava at naglakad na palabas. Umupo naman kami ni tita sa may lobby ng Ospital.
Ava POV
" Okay ka lang? " tanong ko kay Sari, paglabas niya ng Ospital. Para kasing wala siya sa sarili at napakatahimik, bumuntong hininga siya at tumingin sakin.
" Hindi ko na alam ang gagawin ko " sabi nito na tila pinipigilan ang mga luhang gustong tumulo. Tinap ko ang shoulder niya.
" Matatapos din ang lahat ng ito " sabi ko sa kanya, sa ngayon kasi wala akong maitutulong sa kanya kundi ang damayan siya. Mahirap ang pinagdadaanan niya sa ngayon, buti na lang at strong tong babaeng to. Kung ako siguro ang nasa kalagayan niya, baka na-depress na ako.
" Sana nga matapos na ang lahat ng ito, kasi nahihirapan narin ako. " naiiyak na sabi nito.
" Kaya mo yan, para kay Culver " sabi ko,pilit naman siyang ngumiti at tumango.
" Tara na, kailangan pa nating pumasok sa next subject natin " sabi nito at naglakad na kami para maghanap ng masasakyan.