Sino naman to? Stalker yata to ah, bat niya ako sinusundan?
" Can we talk? " tanong nito na siyang nagpakunot ng noo ko.
Sino kaya tong lalaking to? well, gwapo naman siya at mukhang hindi naman masamang tao.
" About what? " nagtatakang tanong ko, nagpalinga linga muna siya sa paligid saka ako hinila sa may gilid at pinagmasdan ako. Kinabahan ako sa ginawa niya, baka mamaya kung ano gawin nito sa akin. Wahhh!
" Uso manghila? " naiinis kong tanong. Kahit kinakabahan ako, nagagawa ko parin siyang barahin.
" So, you're Maya Caesari Santos? " kumunot na naman ang noo ko sa tinanong niya, para ngang hindi tanong ang pagkakasabi e. Paano niya nalaman ang pangalan ko?
At ang isa pa sa pinaka-ayaw ko sa lahat yung babanggitin na nga yung buong pangalan ko mali na nga pagkakaspell mali pa ang pronunciation. Kailan pa ako nagkaroon ng pangalang Maya?
" Eh ano naman sayo kung ako nga yang tinutukoy mo? " naiinis kong tanong with matching pacross arms at pataas ng kilay.
" Hindi kaba natatakot na baka magkagusto yung boyfriend mo kay Haven? " diretsong tanong niya na ikinagulat ko, pero nasagot ko din naman agad. Abnormal ba to?
" Why would I? Mahal ako ng boyfriend ko at pinanghahawakan ko yun. Besides, hindi naman niya siguro ipagpapalit ang two years naming pinagsamahan sa kakikilala lang niya " sagot ko habang nakacross arms parin at nakatingin lang siya sakin. Ang lakas ata ng loob ko sa part na yun.
" You mean, may tiwala ka sa kanya? " Tanong pa nito sa akin na parang hindi satisfied sa sagot ko.
Ang bobo naman nito, tinanong pa obvious naman diba? Paano ko masasabi ang mga bagay na iyon kung wala akong tiwala sa boyfriend ko. Hayssst!!! Sayang pogi pa naman, kaya nga lang wala namang laman ang utak.
Tumango na lang ako bilang sagot at tinatamad narin naman akong magsalita. Hindi ako interesado sa kanya. Napa-tsk lang siya at akmang tatalikod na sana ng pigilan ko siya.
" Sandali nga, sino kaba? Bakit bigla bigla kang sumusulpot? " kunot-noong tanong ko. Bumuntong hininga siya at tumingin sa mukha ko.
" I'm Alex, Haven's boyfriend " nanlaki ng mga mata ko sa sinagot niya.
Paano ako nito nakilala? Ay ang bobo ko na rin, sikat na nga pala ako sa mga social media dahil sa pangbabash nila sakin. Pero bakit naman ako pupuntahan nito dito?
Kumunot na naman ang noo ko ng tignan niya ako mula ulo hanggang paa saka ngumiti.
Wtf, manyak ba to? O baka may naisip itong gawin sakin kaya nagpunta dito.Wait baka nilalait naman na niya ako sa isip niya.
" Ngayong nakita na kita, nagkaroon ako ng katiting na pag-asa na hindi papatulan ng boyfriend mo si Haven " mas lalong kumunot ang noo ko sa sinabi niya. Huh pinagsasabi nitong lalaking to?
" Wala akong tiwala sa girlfriend ko pero sa itsura mong yan hindi ka naman siguro ipagpapalit ng basta nalang ng boyfriend mo. " naguluhan ako sa sinabi niya. Girlfriend niya pero hindi niya pinagkakatiwalaan? Siraulo ba to?
" Paanong wala kang tiwala? Girlfriend mo siya dapat pagkatiwalaan mo siya " sarcastic siyang tumawa pero saglit lang saka nagsalita na ikinagulat ko.
" Paano? Nagawa nga niya akong itanggi. Para ano? Para maging loveteam sila ni Culver at magustuhan sila ng mga tao at sumikat sila? That was unfair, hindi sila nagpapakatotoo " may galit sa tono na sabi nito.
Tinanggi siya ni Haven? Para maging loveteam sila ni Culver? Pero impossible naman kung papayag si Culver. Unless, itinanggi na din niya ako.
May kung anong kirot akong naramdaman sa dibdib ko at tila tutulo na naman ang mga traydor kong luha.
" Don't worry, kasi wala namang ginagawang kalokohan ang boyfriend mo. Si Haven lang ang lapit ng lapit sa kanya " sabi nito, may itatanong pa sana ako pero naglakad na siya paalis. Weird, nagpunta siya dito para lang sa bagay na yun?
Akala ko pati si Culver tinanggi rin ako, akala ko nakalimutan niya na yung pangako niya sa akin. Miss na miss ko na siya, sana nman tumigil na sa kalokohan yung Haven at ang mga fans niya.
Napabuntong hininga na lang ako at sumakay na para makauwi. Tetext ko na lang si Ava na I'm not feeling well kaya umuwi na.
Ibinagsak ko ang mga gamit ko sa kama. Napaupo na lamang ako at napahilamos sa aking mukha. Napakaraming mga bagay ang gumugulo sa isip ko isa na dun si Culver. Baka hindi magtatagal ay itatanggi din niya ako para sa image niya.
Pero may tiwala ako sa kanya, at alam kong ganun din siya sa akin. Hindi naman siguro siya magpapauto sa Haven na yun. Hindi naman siguro niya ipagpapalit yung mga pinagsamahan namin.
" Culver sana ako pa rin "
Nasambit ko sabay tulo ng mga luha. Umaasa ako na ako pa rin ang pipiliin ni Culver, kahit wala akong maipagmalaki sa ibang tao. Umaasa akong mahal pa rin niya ako at isasaalang alang niya ang mga pinagsamahan namin.
Hindi ko alam kung ano ang totoo sa hindi lalo na at napakarami nang kumakalat na isyu about kina Culver at Haven.
Idagdag mo pa ang mga bashers ko na walang sawang naninira sa akin at hinihila ako pababa. Wala naman akong kasalanan sa kanila ngunit bakit ako ang pinag iinitan.
Wala akong mapagsabihan ng problema dahil pate pamilya ko ay tila wala din interes sa akin. Lagi silang wala, nagkecrave ako ng pagmamahal ng isang magulang. Ngayong panahon ko sila kailangan pero wala sila sa tabi ko para mag advice at alagaan ako.
Hindi ko namamalayan na nakatulog na pala ako sa dami ng iniisip ko. Gawa na din siguro ng sobrang pagod.