GER's Pov:
Matapos ang engkwentro nina X at ni Ian, biglang nagdami ang taong galit kay X. Si Ian ang pinakamayamang tao sa university na ito at siya rin ang President ng SSG kaya marami ang inlove sa kaniya.
Pero lagot 'yang Ian na 'yan sa iba pang SSG na wala rito. Well, nasa ibang bansa iyon para sa isang misyon. Misyon na tanging sila lamang ang nakakaalam.
Lalo na sa kuya niya na kilala si X.
Malalagot siya rito at hula ko hindi lang 'yan ang mangyayari sa kaniya. Knowing that person, walang kapatid-kapatid pag dating sa rules nila.
"Nasan si X?" Tanong ni Creg sa amin ngunit napakibit-balikat kami.
"Nasa Shooting Balloon siya. Siya na ang nag-insist na magbantay para raw kami ay makakain." Sabi ni Hail kaya napatango na kami sa sagot nito.
"Puntahan natin siya." Yaya agad ni Sam kaya nagsitayuan na kami sa aming pagkakaupo sa bench at saka naglakad papunta sa direksyon ni X.
Ngayon ko lamang ulit nakita ang ganyang side ni X. She's always wearing cold stares and not talking for to long.
Even na may problema hindi siya nagiging gan'yan. She's still X and X.
Nothing more. Ano kayang napakain ng mga Sun Section para magbago kahit kaunti ang babaeng kilalang-kilala ko?
***
Nakarating  na kami sa Shooting Balloon at nakita namin si X na kasama ng isang lalaking grade 7. Naglalaro sila sa isang palaro namin at 'yung nagbabantay na ay si Gab. Nakatayo ito sa harapan nilang dalawa.
Lumapit pa kami ng kunti sa kanila para marinig ang pinag-uusapan nila. Nakakakuryos 'e, ano kayang pinag-uusapan nila?
"Ate X, kapag naka-shoot ba ako ng dalawang balloon papayag ka ng sumali sa singing contest?" Maamong sabi ng lalaki kaya napalingon ang kasamahan ko sa isa't isa.
Mga matang nagtatanong 'Sigurado ba siya r'yan?'.
"Don't yah worry di 'yan mapapahiya." Bulong ko sa kanila na ikinagulat naman ng mga ito sa akin.
'May mali ba akong sinabi?'
"What do you mean?" Sabi ni Creg kaya ngumisi lang ako.
"Tingnan na lang ninyo."
"Tsk." Walang emosyon na tinapunan ako ni Creg ng tingin bago muling ibaling kay X.
"Hmm... sige basta ba maka-shoot ka. At may free ka pang makukuha sa akin," nakangiti nitong sambit sa lalaki kaya uminit ang dugo ko roon.
Grabe 'man si X sa bata marunong siyang ngumiti pero bakit sa amin kahit isa wala man lang pinapakitang emosyon. Walang hiya! Pili-pili lang ba ang ngi-ni-ngitian niya?
"Ano po iyon ate?"
"You have free time with me, you can play any games you see. Deal?" Nagningning naman ang mga mata ng lalaki.
Hindi pa ba 'yan t*li? Hmmp!
"Sige, ate!" Maligalig na sagot nito kay X.
Magtitira na sana sa balloon ang lalaki na iyon nang may humila sa kaniya palayo kay X.
Sino pa nga ba kundi si Creg lang naman napapaghahalataang may something eh. Pero tinatago lang at hindi inaamin. Kahit na halatado na sa aming magkakaibigan.
"No. She can't be with you. May date pa kami ni Nerd." Malamig na turan ni Creg sa bata kaya nalungkot ito pero ngumiti rin.
"Sige po, Kuya Creg. Pero p'wedeng pa-picture tayo ni ate doon sa booth please! "Lakas din ng amats nitong batang ito.
Di ba siya natatakot d'yan kay Creg. Humiling pa talaga sa taong 'to, akala mo naman papayagan siya. Tsk.
Baka manhid kaya hindi nakakaramdam ng kung ano.
"Tsk, 'geh!" Tanging sagot na lang nito na ikinalingon naming magkakaibigan sa isa't isa. Ang mga mata namin ay may sinasabi ng hindi namin nilalabas sa bunganga. Parehas kami ng naiisip kapag sa ganitong mga bagay ang pinag-uusapan.
"Yey! Tara na po sa Picture Booth!" At hinila niya ng walang pasabi ang dalawa sa katabing booth namin.
Napalabas agad kaming lahat sa aming pinagtataguan bago basagin ang katahimikan sa aming magkakaibigan.
"Galing ni Creg a' chansing din!" Natatawang turan ni Sam.
"Tinamaan na yata ang g*g*!" Pananabat din ni Hye na mas lalong ikinatawa namin.
"G*g*! Selos ang putek!" Naiiling naman na komento ni Aj na agaran naman naming binatukan itong lalaking ito. Matalim niya pa kaming binalingan ng kaniyang atensyon pero parehas kaming napasipol sa ibang direksyon.
Sa huli napailing iling na lang ako sa mga ito at saka napagpasyahan naming maglibot na lang sa buong paligid ng university.
Wala na rin naman kaming magagawa sa ngayon dahil busy ang lahat sa mga booth. Kaya enjoy-in na rin namin ang araw na ito, tutal naman naka-experience kami na maging masaya. Sana sa susunod pa.
CREG's POV:
Matapos naming mag-picture sa nakakasurang booth na 'yon, ay umalis na 'yung bata kaya naiwan kami ni X sa labas ng booth.
Ano ba itong nasabi ko? Hindi ko na alam kung anong nangyayari sa akin.
AKO... makikipagdate sa babaeng ito? No way!
Hinding-hindi ko yayain ang babaeng ito sa date. Naawa lamang ako sa bata.
"Hey! Where are you going?" Sigaw ko nang nakita ko siyang paalis na naman sa tabi ko.
Anak ng put*! Sa'n ba ako nagkakaroon ng lakas ng loob na kausapin ang nerd na ito. Pasalamat siya at kailangan ko siyang kaibiganin para malaman ko ba kung sino talaga siya. Hindi ako titigil hanggat hindi ko nalalaman kung anong tunay niyang pangalan.
Kung sino ba siya at bakit parang may alam si Ger sa kaniya?
Ramdam ko na may kakaiba sa dalawang ito. Kahit naman na tanungin ko iyang si Ger, wala pa rin 'yang sasabihin sa akin. Tsk.
"Magsisimula na ang Singing Contest kailangan ko ng pumunta." Malamig niyang sabi at tumalikod ng muli kaso nga lang hinawakan ko siya sa kamay niya.
'Aissst...ngayon lang ito...ngayon lang ito...'
Kailangan kong samahan siya baka kasi mapahiya pa siya sa lahat ng tao. Alam mo iyon maraming mga mapanghusgang tao sa mundo.
"I'll come with you." Seryosong sabi ko kaya tiningnan niya lang muna ako saglit bago kami maglakad ng magkahawak ang kamay.
Paano ba ito?
Hindi ko na alam ang gagawin ko bakit ba hindi ko inaalis ang kamay niya? Haist! Bahala na nga!
Third Person's POV:
Nasa labas na ang dalawa sa Singing Stage dahil magpapalista muna si X bago pumasok doon.
Lahat ng tao sa labas ay masama ang tingin sa kaniya ngunit binabalewala lamang niya ang mga ito. Dahil wala naman siyang ikakagalit sa mga ito, sadya lang talagang makitid lang ang utak ng mga taong galit sa kaniya.
Habang si Creg naman ay nakatingin lamang kay X at tinitingnan niya nang masama ang mga taong nakatingin dito ng masama.
Nabuhayan na rin siya ng bumitaw na sa pagkakahawak si X at iniwan siya ng mag-isa. Kaya hinabol niya ito habang sermon nang sermon ng kung anu-ano kaya lang hindi sa kaniya nakikinig si X.
"Come in." Sabi ng gwardya sa singing stage kaya pumasok na sa loob ang dalawa. Ngunit nasa likod ni X si Creg samantalang nakasunod naman ang mga kaibigan nila.
Nakita nila kung paano magkahawakan ng kamay ang dalawa habang naglalakad at kung paano rin magalit ang isang cold guy sa seksyon nila.
Para sa kanila nagbabago na rin si Creg dahil kay X. Dahil lang ba kay X o dahil may namumuo ng feelings ang kaibigan sa bagong transferee?
"Oh... what a nice next singer. Ngayon ko lang nakitang sumali ang section na ito sa singing contest. Hmm.. let's hear her voice please welcome the last contestant from Sun Section, Ms.X!" Nagpalakpakan naman ang mga naligaw na Sun Section ngunit nasa likod nga lamang.
"Go, X!"
"Kaya mo 'yan, X!"
"Libre mo kami X pag natalo ka!" Sigaw ni Ger kaya napatingin sa kaniya sina Aj at binatukan siya sa ulo.
"Yay! Bakit ninyo ako binatukan?" Atungal agad niya sa mga ito habang nakangiwi pa rin ang labi.
"Grabe ka kasing makasuporta! Hiya kami eh!" Medyo iritableng sabi ni Sam kaya napa-peace sign lang si Ger.
"Eh gutom ako, pake niyo ba at saka 'di na kailangan pang mag-cheer."
"Manahimik ka na lang!" Sabay-sabay na sigaw nila sa kaniya kaya napanguso siya.
"Hmmpp... ewan ko sa inyo!" Nag-aalburutong saad niya sa mga ito at saka lumingon sa stage matapos makita si X na paakyat na sa itaas ng stage.
"Duhh! Isang nerd kakanta eww!"
"Baka bumagyo kapag kumanta 'yan!"
"Boohhh!!"
"Boohh!"
Sigawan ng mga Higher Section kaya napalingon sila sa mga taong nasa unahan at saka napayukom ng kamao.
"Galingan mo, X!"
"Talunin mo sila, X!"
"Go, X!!!Go, X!"
Sigawan ng mga Sun Section kaya napalingon sila sa likod nila at nakita ang mga kaeskwela nilang nanonood din sa kaniya.
Narinig ng mga kaeskwela nila ang pangalan ni X sa singing contest kaya wala silang inaksayang panahon. Dali-dali silang nagbayad ng entrance sa gwardya at saka nagmadaling pumasok sa loob.
"I'll sing Inner Demons of Julia Brennan. This song dedicated for someone." Malamig niyang sabi sa mic kaya lahat ay napatahimik dahil sa lamig ng kaniyang boses.
Para silang nakakita ng isang nakakatakot na nilalang.
Ngunit napabalik din sa dati nang magsimula ng mag-play ang song na kakantahin ni X.
Naghihintay sila sa susunod na mangyayari. Ang iba ay nakangisi dahil alam nilang mapapahiya siya. Alam nilang nagbibida-bida lang siya.
Tinapat na ni X ang mic sa kaniyang bibig at saka pumikit. Kahit hindi ito nakikita ng mga audience dahil may salamin siyang malaki at tinted.
Simula ng kumanta siya marami ang mga nagulat sa tono ng kaniyang boses. Sobrang ganda kahit na may pagkamalamig ang boses, hindi pa rin doon mawawala ang ganda ng kanta habang kaniyang binibigkas. Tuluyan na rin niyang idinilat ang kaniyang mga mata. Habang kumakanta siya, tinitingnan naman niya ang mga nanonood. Mga namamangha ang mga mukha nito dahil sa kaniya.
Samantalang si Creg naman ay napanganga rin at saka napaatras pa noong una dahil sa gulat. Hindi niya inaasahang ganito ang mangyayari, sobrang ganda.
Hindi niya aakalaing kanina pa siya titig na titig kay X. Wala siya sa normal na pag-iisip ang tangi niya lang naalala ay gusto niya pang pakinggan ang boses ng babaeng nasa gitna ng stage.
"Ang ganda, pre!"
"Sh*t! Nakakainlove boses niya!"
"Ngayon ko lang narinig ang malaanghel na boses ng isang nerd."
"Omy god ang ganda ng boses niya!"
"Para siyang singer kung kumanta!"
"Omg! Siya na ang idol ko!"
"Wahhh, X! Ang ganda ng boses mo!"
Kaniya-kaniyang sigawan na ang maririnig kaya sumigaw na rin ang mga kaeskwela niya. Samantalang siya naman ay naka-focus lang sa kanta kahit na naririnig niya ang mga sigawan nila.
Gusto niyang ngumiti ngunit ayaw niyang bumalik sa tunay na siya.
Sa bawat liriko na kaniyang binibigkas may mga studyante ang napaiyak at napapaluha sa kanta. Ramdam nila ang emosyon ng kanta at alam nila kung ano ba ang tinutukoy ng bawat liriko mula sa kanta.
Ang mga Sun Section din ay napaluha na lang nang palihim dahil para sa kanila...
... Naranasan na nila ang bagay na pinupunto ng kanta. Ang makipag-away sa sarili nila at sa demonyong nasa utak nila na pilit silang nilalamon.
Pagkatapos niyang bigkasin ang huling linya ng kanta ay ibinaba niya na ang kamay niya na kasama ang mic. Lumingon siya sa lahat ng mga taong nasa paligid niya at lahat ng ito ay tahimik habang nakatingin sa kaniya.
Lumingon din siya kay Creg na titig na titig sa kaniya ngunit nang mapansin ni Creg na nakatingin na rin si X sa kaniya ay bigla itong napaiwas ng tingin.
Pero maya-maya ay medyo nagulat si X nang magsirigawan ang lahat ng tao sa loob ng stage. Naghihingi pa ng isang kantang kaniyang kakantahin.
Hindi niya alam kung anong gagawin niya. Hindi niya expect na mangyayari ang bagay na ito.
Sa buong buhay niya ngayon lang ulit siya kumanta ngunit sa maraming tao nga lang. Noon hilig niyang kumanta sa dalawang tao... sa dalawang tao na wala na.
Dahil doon nawalan na siya ng ganang kumanta at itapon na lamang ang lahat sa nakaraan. Pero dahil sa batang lalaki na nakasama niya ay hindi siya umayaw.
Kusang nagtulak ang isipan niya at puso na sundin ang gusto ng taong nasa harapan niya.
"X, isa pa!"
"Isa pa, idol!"
"Idol, isa pang kanta!"
"Ehemm... anong sa tingin mo, Ms.X payag ka ba sa request nila?" Tanong ng nagpupunas ng luha na MC.
"No... sorry."
Malamig niyang paumanhin bago bumaba ng stage. Kaya marami ang nanghinayang ngunit wala siyang pakialam.
Lumapit siya kay Creg na nakatingin sa kaniya habang papalit dito.
"Let's get out of here." Seryosong utos niya rito saka hinila na palabas si Creg. At katulad ng nangyari kanina ay magkahawak na naman ng kamay ang dalawa.
Nang makalabas na sila sa stage ay inalis na ni X ang kaniyang pagkakahawak kay Creg bago maglakad mag-isa.
"Ano ito hihilain mo ako palabas tapos iiwanan mo ako rito ng nakatanga! Grabe ka talagang nerd ka huh!" Medyo may inis na sigaw ni Creg kay X ngunit tinaas lamang ni X ang kaniyang kaliwang kamay at kumaway-kaway rito.
"Aissst kakaibang babae? Hoy! Intayin mo ako!" Sigaw niya at tumakbo papunta sa direksyon ni X.
Nang makarating na siya ay sinermonan na naman niya si X kahit alam niyang wala siyang mapapala dahil hindi naman siya nito pinapakinggan.
X' POV:
Hapon na ngunit nandito ako sa garden. Pinauna ko ng pauwiin sila Ger at Creg dahil sinabi kong may gagawin pa ako.
Naniwala naman sila bago umalis kaya nagpunta naman ako rito.
"Ang galing mo doon ah!"
"Tsk... not at all Yaune." Malamig kong sagot kay Yaune na kadadating lang.
Umupo siya sa aking tabi bago ilagay sa aking tenga ang headset niya. Narinig kong naka-play ang favorite song ko na 'See you again'.
"Why did you— tsk! Baguhin mo iyan." Utos ko kay Yaune kaya napa-pout na lang siya bago baguhin ang kanta at napalitan ito ng kantang 'Thousand Years'.
"Ang ganda kaya bakit parang ayaw mo ata no'n?"
"Nothing ayaw ko lang na marinig iyon."
"Ah I see...nga pala pansin ko na may iba kay Creg ah?"
"Tsk hayaan mo iyong lalaking iyon."
"Paano pala kung isang araw malaman mo na mahal ka pala niya or... gusto?" Napataas naman ang aking kaliwang kilay sa kaniyang sinabi.
Anong pinagsasabi nito? Si Creg magkakagusto sa mukhang ito?
Maniniwala na lang ako sa palaka kesa sa tao.
"Ewan ko sa iyo, Yaune. Kung mangyari man iyon wala siyang mapapala sa akin."
"Luh? Pasalamat ka may lalaki pang nagmamahal sa iyo."  Sinamaan ko siya ng tingin kaya napa-peace sign siya.
"Don't me, Yaune. Wala akong time sa mga lalaki."
"Oo nga naman. Ahaha! Sige na tara na alis na tayo."
"Buti pa nga."
Sabi ko at parehas kaming tumayo sa aming pagkakaupo sa damuhan.
Naglakad kami habang maraming mga pinagkwekwentuhan sa mga bagay-bagay.
Naudlot lamang iyon dahil sa nasa sasakyan na kami.
Nagpaalam na kami sa isa't isa at pinaandar ko na palayo ang aking motor.