"Ano ka ba Bea? Paulit ulit mo na lang binabasa yan! Hindi ka ba nagsasawa?" tanong sa'kin ni Hanna.
Oo tama siya paulit-ulit kong binabasa ang paborito kong libro. Eh ano naman?
"Hindi ako magsasawa kahit paulit-ulit ko tong basahin." ngiti kong sabi at nilipat na ang pahina.
"Hays ikaw bahala, ay Bea kamusta ka na pala sa bahay niyo? Ginagawa ka nanaman bang Cinderella ng Asawa ng Papa mo?" tanong niya.
Madalas kasi nakatulog ako sa klase dahil sa puyat at madalas ay may pasa ako sa braso ko dahil siguro sa higpit ng pagkakahila sa akin araw-araw ng asawa ng Papa ko. Pang-apat na yang asawa niya pagkatapos mamatay ng mama ko. Hindi ko matatawag na asawa pero parang ganon na nga rin.
Kaya sinabi ko kay Hanna ang totoo at muntikan pang sumugod sa bahay pero sabi ko sa'kanya mas lalo lang lalala ang sitwasyon.
Namatay na ang mommy ko nung 10 years old palang ako kaya ako na lang mag-isang lumalaban sa buhay. Sa murang edad naranasan ko ang iba't ibang klase ng buhay sa mundong ito.
Sinasaktan ako ng asawa ni Papa pero hindi ako nagsusumbong dahil alam kong maniniwala sa aking step-mother ang Papa ko. Kaya nanatili akong tahimik at nagpanggap na parang walang nangyari.
"Ayos na yun ang kailangan ko na lang gawin ay sundin lahat ng ipinag-uutos niya para di na ako masaktan." ngiti kong sabi at isinara na ang libro.
"Tss ibang klase ka rin noh? Mala-Cinderella ang peg pero malay mo makahanap ka din ng Prince charming." kinikilig na sabi nito.
Sana nga noh! ayaw kong matulad kay Lady Blesithea na mali ang napiling lalaki. Kung nandoon ako napigilan ko sana tss.
"I hope so, gusto ko yung ipagtatanggol ako sa lahat ng masamang nangyayari sa'kin at mamahalin ako hanggang sa dulo ng walang hanggan." ngiting sabi ko habang niyayakap pa ang libro.
"Ay nako sis sige na uuwi na ako." sabi niya at hinalikan ako sa pisngi.
Ako si Bea Torrizmo, 19 at Ikinagagalak ko kayong makilala.
Si Hanna Grace na lang ang nagmamahal sa'kin kaya tini-treasure ko talaga ang friendship namin. Kasama na din si Hans na twinny brother niya. Kaso minsan na lang kaming magkasama simula nung naghiwalay kami ng school. Kaya si Hanna lang ang palagi kong kasama simula noon hanggang ngayon.
Pag uwi ko sa bahay ay puro balat ng tsitserya ang nasa lapag at puro bote ng mga softdrinks naman ang nasa lamesa.
Kagagawan nanaman to ng step-ister ko at akala naman nila sarili nilang bahay kung magpapasok ng bisita.
"Oh magaling, you're here na, now you make clean na before dumating si Papa." sabi ni Tracy, ang conyo mo girl.
"Bakit kasi kayo nagpapasok ng bisita dito akala niyo naman bahay niyo." sabi ko sa'kanya.
Bigla siyang lumapit sa'kin at sinabunutan ako hinatak naman niya ang buhok ko pababa at itinangala ako sa'kanya.
"Anong sabi mo?! Mas gusto na ako ngayon ni Papa hindi lang ikaw ang anak niya ngayon 3 na tayo at mas tinuturing ka pa niyang katulong kaysa sa anak." sabi niya at bigla akong tinulak ng malakas kaya napasandal ako sa pader.
"Now clean the mess bilisan mo at kapag hindi mo yan nilinis sasabihin kong nagdala ka ng friends dito at nagparty-party!" sigaw niya.
Kaya wala akong nagawa kundi tumayo at kumilos kahit na sobrang sakit ng katawan ko.
Ibinaba ko ang bag ko sa sofa. Kinuha ko na ang panglinis at inumpisahan ko ng maglinis.
Ayan malinis na kaya nagpahinga na ako sa sofa nadumihan na din ang uniform ko dahil hindi pa ako nakakapagbihis simula nang dumating ako.
Maya-maya ay narinig ko ang kalabog ng bola at alam kong si kuya yun.
"Ma naman okay nga lang ako pasa lang yan." rinig kong sabi ni kuya habang hawak ang kamay ni Tita Tere
Hawak naman ni Tita Tere ang pisngi ng panganay.
"Oh nandyan ka na pala ipaghanda mo kami nang makakain, yak ang dugyot ng suot mo! Magpalit ka nga bago ka maghanda ng pagkain baka madumihan yung kakainin namin!" sigaw ni Tita sa'kkin kaya dali-dali akong umakyat at nagbihis. Tss lasunin ko kaya sila dyan. Pasalamat sila at mahal ko ang papa ko kaya nagta-tiyaga ako sa'kanila.
Paglabas ko ay nakita ko si Kuya Trev. Na nakapokerface lang.
"Kung nahihirapan ka na lumayas ka na lang dito." sabi ni Kuya Trev ng walang emosyon. Kaya ngumiti ako sa'kanya.
Palagi niyang sinasabi yan. Gustong gusto niya talaga akong paalisin dito.
Ang daming nagsasabi na di ko daw kamukha si Papa baka siguro ay namana ko lahat kay Mama.
Mainit na ang dugo sa'kin ni Papa since bata pa ako ewan ko kung bakit.
"Okay lang ako Kuya tss ako pa." sabi ko at ngumiti sakanya.
Nilagpasan ko lang siya at pumunta na sa kusina para magluto. Pagkatapos kong magluto ay naghain na ako.
"I'm home!" rinig kong sabi ni Papa kaya ngumiti akong pumunta sa sala.
Lalapit na sana ako sakanya pero naunahan ako ni Tracy, niyakap niya si Papa at hinalikan sa pisngi.
Sumunod naman si Tita Tere at yumakap din kay papa.
Ramdam ko naman na nakatingin sa'kin si Kuya kaya tumingin ako sakanya.
Bigla akong ngumiti sa'kanya at bumalik na sa kusina.
Naluluha at nasasaktan ako. Pero pinigilan ko ang luha ko at ngumiti ako.
"Kakain na po!" sigaw ko.
Maya-maya ay umupo na si Tracy at sila Tita, sumunod na din si Kuya habang nakatingin pa din sa'kin.
Maya-maya ay sumunod na si Papa na nakabihis na.
Nandito ako sa dulo ng lamesa malayo sakanila at may sariling pag kain. Pero hinayaan ko na lang.
Ang masayang pamilya ang isa sa mga pangarap ko.
Pero ipinagkait sa'kin yun ng tadhana...
Pagkatapos kong kumain ay ako pa din ang naghugas.
Pagkaakyat ko sa kwarto ko ay nag-umpisa na akong magreview at gumawa ng homeworks ko.
Scholar ako sa school namin dahil mukhang walang balak silang bayaran ang tuition ko. Kaya nag-aral akong mabuti para makakuha ng scholarship at ayun nakuha ko naman.
Kinuha ko naman ang favorite kong libro sa bag ko.
Ito yung librong ibinigay sa'kin ni Mama noong bata pa ako ewan ko kung bakit natatandaan ko pa yun baka dahil malakas lang talaga ang memorya ko?
Lagi ko tong binabasa at hindi ako nagsasawang basahin to Paulit-ulit akong naiinis sa mga nakapaligid kay Blesi syempre pati na din kay Blesi dahil sinira ng pag-ibig ang buhay niya pero naiintindihan ko siya dahil di naman mapipigilan kung sino ang mamahalin niya, right?
Hinalikan ko ang cover ng book ko at nilapag sa table ko alagang alaga ako sa libro na to as in hindi ko ipinapahawak kahit kanino kahit na kay Hanna, alergic din kasi sa libro yun ayaw niyang magbasa HAHAHA.
Humiga na ako sa kama ko at ipinikit na ang mga mata ko.
~6:00 am~
Ang sakit ng ulo ko. Nag-unat muna ako at tumitig muna sa kawalan.
Pagtingin ko sa gilid ko ay wala na ang libro ko! Yung libro!
"Tracy! Tita! Kuya! Yung libro ko?!" sigaw ko paglabas ko ng kwarto ko.
Kumatok ako ng kumatok sa kwarto ni Tracy.
Hindi ko na mapigilan ang luha na bumubuhos sa'kin.
Pagbukas niya ay pumasok na agad ako sa kwarto niya. Pero hinila niya ang buhok ko.
"Ang kapal naman ng mukha mong pumasok sa kwarto ko!" sigaw niya sa'kin kaya lalo pa akong umiyak at nagpumiglas sa pagkakasabunot niya.
"Tracy nasaan ang libro ko! Kapag may nangyaring di maganda doon sa libro ko papatayin kita!" sigaw ko sa'kanya kaya lalo pa niyang hinila ang buhok ko kaya sinipa ko ang paa niya kaya nabitawan niya ako.
Sinamaan niya ako ng tingin at maya-maya ay ngumisi siya.
"Wala na sinunog ko na!" sigaw niya at ngumisi.
Pero hindi ako naniwala kaya hinanap ko yung libro ko sa buong kwarto niya.
"Ano ba isusumbong kita kay papa!" sigaw niya.
Hinatak niya ako at sinampal. Kaya napaluhod ako sa'kanya.
"Tracy please! Ibigay mo na sa'kin ang libro ko hindi ko kayang mawala yung libro ko eh." umiiyak na sabi ko sa'kanya habang nakaluhod pa din sa harap niya.
"Gusto mo bang makita ang libro mo ha?!" sigaw niya kaya tumingala ako sa'kanya at tumango.
"Please." sabi ko sa'kanya habang pinagdikit ko ang palad ko.
Maya-maya ay hinila niya nanaman ang buhok ko at hinila pababa sa hagdan.
Ang sakit sakit ng nararamdaman ko pero mas lamang yung nararamdaman kong makita ang libro ko. Yun na lang ala-ala ko mula kay Mama eh.
Maya maya ay tinulak niya ako kaya napaupo ako sa sahig lumingon-lingon pa ako.
"Tracy nasaan na? kailangan ko yun eh mahalaga yun sa'kin Tracy!" sabi ko.
"Ito ba ang hinahanap mo?!" sigaw ni Tita Tere kaya lumingon ako sa'kanya.