“Kailan pa ba siya magigising?” Dinig kong tanong ng mga kagrupo ko.
Unti unti kong binuksan ang aking mga mata. Napansin kong nasa camp na ako inilibot ko ang paningin sa mga taong nakapaligid sa akin. Nandito si Aster, Nelleine, John, Ivy at Eunice.
“W-what happened?” Nahihirapan kong sambit.
Napatingin naman sila sa akin, nag aalalang tumakbo si Aster sa kinaroroonan ko.
“Allana, okay ka lang ba, may masakit ba sayo?” Nag aalalang tanong niya.
Umiling naman ako bilang sagot sa kaniya.“You don't have to be worried about me, I'm okay, dala lang to ng takot ko kanina.”
“Ano ba kasi ang nangyari bakit ka nahimatay?” Pang uusisa naman ni John.
Naalala ko ang mga pangyayari kanina, yung ahas at yung taong dahilan ng lahat. Nadagdagan ang galit ko sa kanya.
“W-wala may nakita lang akong ahas kanina.” Sagot ko.
“Akala ko ba safe ang lugar na to, pero bakit may ahas?” Makahulugang saad ni Eunice.
“Di ko alam, baka di talaga nila na check before maopen ang camp.” Naiinis namang sagot ni Ivy.
Napabuga ako ng hangin. Kung alam lang talaga nila ang dahilan pero ayaw kong sabihin at baka masira pa ang pagkakaibigan nila.
“Nagugutom kaba?” Napatingin ako kay John nung nagsalita siya. “Anong gusto mo?”
“Gusto ko ng rice tapos sinigang sana meron nun dito.” Sagot ko.
Tumango na lamang ito bago lumabas ng room namin. Naiwan kaming limang babae rito. Nagtaka ako na ang lahat ay nakatingin sa akin.
“Oh bakit ganyan kayo makatingin?” Kunot noong tanong ko.
“Yung totoo Allana, si Travis na naman may gawa niyan no?” Pang uusisa ni Nell.
Magsasalita na sana ako ng pero naunahan ako ni Eunice. “Don't try to defend him, alam naming lahat na siya ang dahilan kung bakit ka nahimatay habang paakyat tayo sa bundok.”
“Siya rin ang nagdala sayo rito, sorry pa nga siya ng sorry sayo.” Dagdag pa ni Ivy.
“That guy! Ang sarap niyang ilibing ng buhay walang hiya siya, paano pag may nangyaring masama sa kapatid ko?” Galit namang sambit ni Aster.
“Wag kana mag alala, napagsabihan na sila ni Art, hindi lang naman ang gunggong na si Travis na yun ang may pakana, pati na din ang dalawang ugok, si Kyzen at Justin member din yan ng kagaguhan.” Paliwanag sa akin ni Eunice.
Nanlaki naman ang mga mata ko, bat kasali ang dalawa eh si Travis lang naman ang nakita ko kanina.
“Mag ingat ka nalang sa susunod Allana, isip bata talaga yung mga yun eh.” Paalala naman ni Nell.
Tumango na lamang ako bilang sagot sa mga sinabi nila. Maya maya ay dumating na si John na may dalang pagkain.
“Eto na ang pagkain mo Allana,” binigyan niya ako ng kanin at ang sinigang na hinihingi ko. “Eto naman sa inyo Ive, tatawagin ko lang ang iba para makakain na rin.”
Kinuha ko iyon at inilagay sa table. Ganun din ang ginawa ng mga kasama namin. Lumipas ang ilang saglit ay pumasok na rin ang iba.
I saw Kyzen and Justin looking at me and based sa tingin nila nag aalala ata? I'm not sure pero yun ang nakikita ko. Kukuha na sana kami ng pagkain ngunit nagsalita pa si Art.
“Before we start, Kyzen and Justin wants to say something to you Allana.” Sabi nito.
May plano atang mag sorry silang dalawa pero ewan ko lang sa lalakeng kamukha ni Balmond. Napatingin naman ako sa dalawa, nagtutulakan pa ang mga ito.
“May sasabihin ba talaga kayo?” Taas kilay kong tanong sa kanila.
“Uhmm Allana,” paninimula ni Kyzen napataas naman ang kilay ko dahil doon. “I'm so sorry sa nangyari sayo, we didn't mean it.”
Napairap naman ako, ang plastic ng lalakeng to kanina lang sinabihan akong mag ingat sa kaibigan niya pero member din pala siya ng mga tarantado.
“Ikaw ang nagsabing pag pasensyahan ko nalang ang kaibigan niyo dahil mabait din yan pero ikaw rin pala ay kasali sa kagaguhang gagawin niya.” Seryoso kong sambit.
Napayuko naman ito dahil sa mga sinabi ko. “Muntik na akong mamatay nang dahil sa takot ko sa lintek na laruang ahas na na yun tapos siya tawang tawa sa ginawa niya.” Gusto kong umiyak pero ayaw kong maging mahina sa harap nila.
“I'm really sorry for what we did Allana, hindi na namin uulitin yun.” Pagmamakaawa niya.
“Patawarin mo na kami Allana, gagawin namin lahat para sayo.” Dagdag pa ni Justin.
Napatingin naman ako kina Aster. She rolled her eyes on him. Napaisip naman ako gagawin nila lahat mapatawad ko sila diba so tingnan ko lang kung makakaya ng mga to ang ipapagawa ko sa kanila.
“Everything that I want?” Paninigurado ko.
Tumango naman ang mga ito, napangiti naman ako bago umupo. “Okay!”
Bigla namang kinabahan ang dalawa but I don't care, sinabi na nila yun at wala nang bawian. Tahimik naman si Travis sa gilid, ni hindi man lang kayang tumingin sa akin. Seryoso lang ito ngayon sa mga bagay na ginagawa niya. Well buti nga rin pag ganun wala nang manggugulo sa akin.
Nagsilamon na kami, gaya ng dati hindi ko na naman naubos ang pagkain, bilang parusa sa dalawa ay pinaubos ko ito sa kanila.
“Hindi ako kumakain ng sinigang.” Reklamo ni Justin.
“Edi kumain ka ngayon, diba sabi niyo gagawin niyo lahat ng gusto ko?” Nakangiti kong sambit.
“Pero kasi Allana, hindi ko gusto ang lasa nito eh.” Dagdag pa niya.
Tinignan ko naman ito ang buong mukha niya, tumabi sa akin si Nell at may ibinulong. “Allergic siya sa baboy, baka di niya kayanin.”
Napabuga ako ng hangin, parang inosenteng tumingin sa akin si Justin.
“Okay si Kyzen nalang ang uubos niyan.” Pagsuko ko.
Delikado na pag pinilit ko pa siyang pakainin ng sinigang na to baka mamatay ng wala sa oras, ako pa may kasalanan at mumultuhin niya.
“Lahh why me?” Dinig kong reklamo naman niya.
“Ano allergic ka rin ba?” Taas kilay kong tanong sa kanya.
Umiling naman ito, “So ano pa hinihintay mo?” Napataas ang kilay ko. “Kainin mo na dapat walang matira.”
Inis naman nitong kinuha ang extrang kutsara at nagmamadaling ubusin ang pagkain. Halos mabalunan pa ito sa ginagawa niya.
“Bakit mukha kang matakaw?” Natatawang asar sa kanya ni Aster.
Hindi ito sumagot at sinamaan lang siya nito ng tingin. Sa wakas ay tapos na rin ito sa pagkain kaya uminom siya ng tubig. Tinaas pa nito ang dalawang kamay niya na parang nanalo sa isang contest.
Sa gitna nang pagcecelebrate niya ay nakaramdam ata ito na masakit ang tyan niya. Agad siyang tumakbo patungong cr.
“Oh shit call of nature!” Saad niya.
Tawang tawa naman kami dahil doon, tinignan ko si Justin at tawang tawa rin.
“Justin!” Tawag ko sa kanya.
“Bakit?” Tanong nito.
Itinuro ko ang mga hugasin sa lamesa, napakunot naman ang noo nito. “Hugasan mo lahat ng iyan tapos dalhin mo sa canteen.”
Magrereklamo pa nga sana ito pero agad ko na siyang sinamaan ng tingin. Napangisi naman ako sa pinaggagawa nila.
“Swerte namin ngayon ah, sila na gumawa ng mga dapat naming gagawin.” Natatawang saad ni John.
“Deserve naman nila, magbago na sana kayo lalo kana Travis, tigilan mo na ang pantitrip kay Allana baka ma fall ka sa kanya.” Napatingin ako kay Travis nung sabihin iyon ni Ivy.
Hindi naman ito sumagot at patuloy lang siya sa paglalaro ng games sa cellphone niya. Napailing na lamang ako, wala na nga atang pag asa na mag bago ang lalakeng to, kuhang kuha na nga talaga niya si Balmond pati sa ugali.
Para naman sa sinabi ni Ivy, hinding hindi ako mafafall sa lalakeng yan. Kadiri naman eh.