“Bakit ka nangiti riyan? May good news ba?” ani Ashley as she saw her husband had smiles on his face.
“Tutal, this is our vacation not our honeymoon. I sent our address to my friends para daw mag-celebrate about our success. At gusto nilang makita ka,”
“Dito mismo sa kwarto?”
“No. Nabalitaan nilang may bagong bukas na restaurant malapit dito kaya, tayo ang pupunta doon,”
“Oh,” she nodded.
“Yes at bukas iyon naka settle,”
“Okay, let’s eat… ano?” doon lang niya naintindihan ang sinabi ni Luke. Pinaghahampas nito ang balikat ng asawa hanggang sa mawalan ito ng balanse at pareho ang kanilang katawan ay natumba sa sofa. Halos tatlong pulgada ang layo ng mga mukha nila sa isa’t isa. Nagkakatitigan ang mga ito at pareho nilang nararamdaman ang pagbilis na pagtibok ng kani-kanilang mga puso.
“Ashley, can I?” biglang napatayo si Ashley nang maramdaman niyang konting lapit pa ng mukha ni Luke ay mahahalikan na niya ito.
“I’m sorry Ash,”
“Don’t mention it,”
“Sorry,”
“Ikaw na muna ang maunang kumain, nawalan ako ng gana,” anito at dali-dali lumayo sa asawa.
“Sandali,” he took her right arm at tiningnan mata sa mata. Hindi mapigilang mailang ni Ashley sa maamong mukha ng asawa. Gaano man itong ka-cold at pagiging unreceptive nito, nakakaakit ang pagkakaroon nito ng babyface at maging ang dimple nito. Hindi man ngumiti ay makikita na ang magandang pagkakurba ng dimple nito sa kanang pisngi.
“Magkakaroon ba ng mali kung susubukan nating seryosohin ang lahat, ang kasal na ito?” nanlalaki ang mga mata ni Ashley sa sinabi ni Luke. Her heart gradually beat so fast. Hindi niya magawang magsalita o mag-react man lang sa sinabi ng asawa.
“Ash? Kalimutan mo na lang ang sinabi ko. Excuse me,”
..........
Nakaupo sa passenger seat si Ashley habang si Luke ang siyang nagmamaneho ng sasakyan. Nakapikit ang mga mata nito habang nakikinig ng musika. Sa mga oras na iyon ay papunta na sila sa restaurant kung saan magkikita kita ang mga kaibigan ni Luke. Hindi maiwasang tingnan ni Luke ang asawa mula sa salamin ng sasakyan.
“Ganoon ba ako kaganda para tumingin ka ng tumingin?”
“Gising ka pala?” anito sa kinakabahan na boses.
“Hindi, tulog ako kaya ko nalaman na nakatingin ka,” parehas na lang silang napatawa sa sinabi ni Ashley.
“Malapit na ba tayo?” anito at umayos ng upo.
“Yes, narito na tayo,” bumaba ito at pinagbuksan ng pinto ang asawa.
“Don’t tell me, kinakabahan ka? Don’t worry, hindi nila alam na nasa kontrata lang tayo. So, let’s go?” inilahad nito ang kanang kamay at hinawakan ng mahigpit ang kamay ni Ashley nang ibigay niya ito.
Kung hindi siya nagkakamali, unang araw ng restaurant na ito kaya marami ang taong kumakain. Mula sa kanilang kinatatayuan tanaw niya ang isang grupo ng lalaki na may isang babaeng kasama sa dulo ng hanay ng mga lamesa.
“Sila ang mga kaibigan ko,” pagtuturo nito sa dulong lamesa.
“I didn’t expect na ang ganda pala ng asawa mo, bro?”
“Yeah,”
“It’s our pleasure to meet the most beautiful girl in the whole world!”
“Bolero,” she whispered as she smiled at them.
“By the way, he’s Clark, Anthony, Allen and she’s Claudia, our only girl best friend,” pagpapakilala nito sa mga kaibigan.
“It’s my pleasure to meet all of you guys! Dahil kaibigan n’yo ang asawa ko, don’t hesitate to have a talk with me. Hindi naman ako gaanong kasungit?”
“Sure! Have a seat,”
“So, where’s he?”
“Ashley? Is that you?” napalingon na lang ito sa lalaki sa kanyang likuran.
“David? We haven't seen each other in six years. How are you?” naguguluhang mga reaksyon ang gumuhit sa mga mukha nang malamang magkakilala pala ang dalawa.
“It’s my pleasure to meet you again, Ms. Campus Queen! Heto, ilang buwan na lang, license doctor na. Eh, ikaw? Dancer na ba?”
“Do you know each other?” ani Clark sa gulong gulong boses.
“Absolutely! In fact, I’m his first lover,” anito na ikinagulat ng lahat at maging si Luke ay nabigla sa nalaman.
“You are her ex-boyfriend, David?” ani Claudia.
“Almost her boyfriend when we are in high school,” tumingin ito kay Ashley at nag-iwan ng makahulugang tingin.
“What do you mean by that?” sunod na tanong ni Claudia.
“Mag-uusap na lang ba tayo at hindi kakain? Sayang naman ang reservation natin at makakuha ng ten percent discount sa opening ng restaurant na ito?” pagpuputol sa usapan ni Ashley at umupo ito sa tabi ng asawa. Nakagitna si Ashley sa dawala- sa asawa niya at kay David.
Masaya nilang napag-uusapan ang backstory ng mga ito habang nag-aaral sa America. Makikita sa mga mata ni Ashley ang saya sa ka-kwelahang dala ni Allen. He was the youngest best friend of Luke. He has half-blood of being Filipino kaya mas madali niyang naging kaibigan si Luke noong lumipat ito sa America.
“Masyado ko namang napapasaya ang bagong kasal? Bakit hindi natin pag-usapan ang backstory n’yong dalawa, David, Ashley?” makikita ni David na kinuha ni Luke ang kamay ni Ashley at hinawakan ito.
“Pero bago kayo magsalita, okay lang ba sa’yo Luke? No offense?”
“Yes, sure. Go ahead, naghihintay kami sa kwento n’yo,”
“Nakilala ko siya noong unang beses kong nag perform as a poet. Live ang performance na iyon. Sponsor ang Mommy niya sa event na ‘yon, kaya madali ko siyang nakita kahit sobrang daming tao ang naroroon dahil siya ang isa sa mag-aabot ng prizes at trophy sa mananalo. Let’s say, love at first sight ang naramdaman ko sa kaniya. Iba ang mga ngiti niya noong gabing ‘yon. Nang malaman kong kilala siya at kaklase siya ng pinsan ko sa school nila, agad akong humingi ng pabor na hingin ang name niya sa facebook. Noong una, natakot ako na baka hindi ako i-accept nito dahil two thousands ang followers niya, and I didn’t expect, I saw the notification from her so I grab the opportunity to have a talk with her. Almost three months noon, naging close kami sa social media, nagkikita rin kami minsan, naging supporter ko at fan sa pagiging manunulat. Okay ang lahat sa friendship namin until I realized, I was deeply in love with her. I did everything to show my feelings at nang nararamdaman kong same kami ng feelings para sa isa’t isa, doon naman nagbago ang lahat,” humigpit pa ang paghawak ni Luke sa kamay ni Ashley.
“Ano ang nangyari?”
“Remember Ash, ‘yung pinangako ko sa’yo? Magiging tanyag akong manunula pero dahil sa bagay na ‘yon... umalis ako at iniwan kita. Tinulungan ako ng Mommy mo na tuparin ang pangarap ko pero hindi ko inaasahan na, ikaw ang magiging kapalit ng lahat ng tulong niya,” nanlalaki ang mga mata ng kaibigan ang sumalubong sa tingin ni David.
“Iniwasan kita dahil wala akong choice not just because sa pagiging notable poet ko kung ‘di, sila ang nagbayad ng gastos ng kapatid ko no’n. Alam ni Mama ang lahat, kaya wala na rin akong nagawa kung ‘di sundin siya at ang Mommy mo. Noong una, iniisip ko kung hindi ka makaka move-on pero ngayon, kasal ka na. For what I did to you, I'm sorry. Pero napanatag ang loob ko dahil kaibigan ko ang asawa mo. I wish all the best for you!” ngumiti ito ng natural at muling binaling ang tingin sa pagkain. Napa buntong-hininga si Ashley bago pa man din nakapagsalita.
“Nakalimutan ko na ang kahapon sana ikaw rin, magawa mong kalimutan ang nangyari. Pero ikinagagalak kong makilala kayong lahat at muli kang makita, David. We have to go, so see you around,” pagpapaalam nito at tumayo na hawak-hawak ang kamay ng asawa.