Jin's Pov
"Ngayon magkakaroon na ako ng dahilan para itumba ka na din kagaya ng mga kalaban natin dati, pasensya na Nics." huling sabi ko at isang suntok ang pinakawalan ko at gaya ng inaasahan ko ay naiwasan niya yun.
"K-kuya, hindi naman natin ito dapat ginagawa! Magkapatid tayo." sabi niya kasabay ng pagtulo ng luha niya. W-wala akong pake, tama na!
Patuloy lang ako sa pag atake sa kaniya habang todo ilag parin ang ginagawa niya upang hindi niya din ako masaktan, hanggang sa naabot ko siya sa leeg at sinakal ko siya ng mahigpit.
"K-kuya, m-mahal kita." sabi niya habang patuloy na umiiyak at maski tila ako ay tinablan na din. A..anong nangyayari?
"Tapusin mo na siya, Jin! Dapat lang na tapusin ang traydor na yan." sabi ni Marvin na biglang sumulpot mula sa likuran ko at nilingon ko siya, nakangisi lang ito na parang demonyo at tila na natutuwa sa napapanood niya.
"K-kuya." mahinang sabi ni Nics dahilan para bumalik ang tingin ko dito kasabay ng tuluyan na itong nawalan ng kaniyang malay at binitawan ko ito dahilan para bumagsak siya sa sahig, pagkatapos ay tumingin naman ako kay Marvin at umiling ito sa akin.
"Mahusay! Ngayon, hayaan mo na ako nalang mismo ang tumapos sa kaniya. Mukang sa kabila ng pagiging malakas mo ay may malambot kang puso para sa mga katulad niya na patapon!" sabi niya kasabay ng paghalakhak ng malakas habang ako naman ay nakayuko lang at nagtitimpi sa panglalait nito sa kapatid ko. Ang kapatid ko.
Narinig ko ang dahan dahan nitong pagbunot ng maliit na kulay gintong baril nito sa loob ng bulsa niya, itinutok sa katawang nakahiga sa sahig at handa nang kalabitin ng biglang may nagpaputok ng baril sa likuran nito at tinamaan siya sa kanang balikat kung saan nito hawak hawak ang baril niya.
"Hindi ko hahayaan na magawa ninyo ang inyong masamang balak sa kaniya, kailangan ninyo muna akong patayin bago niyo siya mahawakan ulit." sabi ng isang lalaking kasamahan ni Nics na tumakas, may hawak na baril at nakatutok sa amin.
--
Blake's Pov
Kasalukuyan ako ngayong nasa harap ng dalawang kalaban namin, bagamat nanginginig ang tuhod ko sa kaba ay buo ang loob ko na iputok ang baril na hawak ko kung sa sakaling may mangyari na di inaasahan.
Nakita ko na ngumiti lang ang lalaking nasa harap at tila hindi ininda yung tama ng bala sa balikat nito.
"Edi kung ganoon ay tapusin na natin to para naman mapatay ko na din siya." sabi niya at hinawakan ng kaliwang kamat niya ang baril at mabilis na itinutok sa akin. Uunahan ko na siya.
Agad naman akong nagpaputok at pare pareho kaming nagulat ng bigla itong pinrotektahan ng kapatid ni Nics na siyang tinamaan ng bala.
"Hahaha, talagang maasahan ka Jin." sabi ng lalaki at ipinagpatuloy ang pagtutok sa akin na baril habang nasa estado parin ako ng pagkabigla.
"Tama na, Marvin!" sigaw ng kuya ni Nics at itinulak ito upang hindi matuloy ang balak nito.
"Umalis na kayo binata, lumayo na kayo dito ni Nics dahil balak pasabugin ni Marvin ang kampo ninyo matapos namin tapusin ang mga kasamahan mo!" dagdag pa nito habang pinipigilan si Marvin. Agad naman akong sumunod at tumakbong papalapit kay Nics na walang malay, binuhat ko ito at nagmadali ng lumabas ng kwarto.
--
Jin's Pov
Ingatan at alagaan mo siya, Blake.
"Naiintindihan ko, mahal mo siya at mahal ko din siya. Di bale madami pa naman diyang iba, mas maganda at mas maasahan. Hahaha." nakangising sabi ni Marvin.
"Tama na, tumigil ka na Marvin. Hayaan na natin ang mga tao dito, at magsimula nalang ng bagong buhay." sabi ko na tila ikinabigla niya.
"T-teka naguguluhan ako, nasaan na yung dating Jin na kilala ko? Yung malakas at mabagsik, yung walang pakeilam sa nararamdaman niya. Nandyan ka pa ba, hoy Jin lumabas ka nga!" sagot niya at akmang tatapikin ako sa braso ngunit tinabig ko ito.
"Ayoko na, wala ka na talagang ipagbabago. Wala na yung dating Marvin na nakilala ko matapos kang lamunin ng kapangyarihan mo." sabi ko at tumalikod na ako upang maglakad papalayo ng bigla itong magsalita.
"Okay Jin, panalo ka na. Basta wag mo nalang akong iiwan." sabi nito na nagpahinto sa paglalakad ko. Lumingon ako at nakita ko siyang dahan dahang lumapit sa akin.
"Tara na pare ko, yakapin mo ako." dagdag pa nito at inanyaya akong yakapin ko siya, agad ko itong niyakap kasabay ng pagtulo ng luha mula sa mga mata ko. Namiss kita pare ko.
"Mukang wala ka na ding pakinabang sa akin Jin, paalam." bulong nito sa akin kasabay ng dalawang putok ng baril ang umalingawngaw sa loob ng kwarto. Napaatras ako habang pinipigilan ang duguan ko dibdib sa pagagos ng dugo mula sa balang bumaon dito, tiningnan ko si Marvin at ang walangyang iyon ay nakangiti lang sa akin at dahan dahang lumapit sa akin. H..hindi ito magtatapos dito, papatayin kita!
Pinilit ko siyang abutin ng mga kamay ko at hindi na inisip ang napinsalang parte ng katawan ko at dire diretsong sumugod habang ito ay matulin na nakakaiwas at parang halimaw na natutuwang pinaglalaruan ang katawan ko sa bawat putok ng baril na pinakakawalan nito.
"Your pain is just melody to my ears. Katapusan mo na Jin, isusunod ko na ang kapatid mo kaya huwag kang mainip." huli nitong sabi bago ipinutok ang baril nitong hawak habang nakatutok ng direkta sa aking sentido.
--
Blake's Pov
*Bang!
Isang malakas na alingawngaw ng putok ng baril ang huli kong narinig bago tuluyan kaming makalayo sa kwarto iyon, marahil may nangyari at alam kong hindi maganda ang kinalabasan nun. Agad na hinanap ng paningin ko sina Marian at ang iba pa at nakita ko silang nakikipaglaban, lumingon din sila sa gawi ko at tumakbo sila papalapit sa akin at agad na tinulungan ako para sa pagaalalay kay Nics.
"Masyado silang marami, hindi tayo mananalo dito. Kailangan na nating sumuko at iwan itong kampo dahil papasabugin din ito nila Marvin pagkatapos tayong ubusin." sabi ko at tumango sila bilang pagsang ayon.
"Ronnie, Marian, Migz at yung iba pa samahan niyo sina Blake sa garahe. Ihanda niyo na ang bus, susunod ako sa inyo. Hindi ko hahayaan na mamamatay nalang ang iba nating mga kasamahan, pero kung hindi na ako makapunta.. Ronnie ikaw na ang bahala sa kanila." malungkot na sabi ni Micka habang nakatingin sa amin. Tinapik nito ang balikat ko at agad na tumakbo pabalik sa pwesto at nakipaglaban sa mga tao ni Marvin.
--
"Blake, kumilos ka na! Wala na tayong magagawa, desidido na si Micka sa desisyon niya." sabi ni Ronnie habang nasa garahe kami, agad na akong sumakay at pinaandar na nila ang sasakyan matapos ang magiisang oras na wala parin si Micka at ang mga kasama nito.
"Saan na tayo pupunta ngayon?" tanong ni Marian habang nakatingin sa mapa ng buong Sta. Cruzan, agad ko naman naalala ang tren na sinakyan namin papunta dito. Ahh alam ko na.
"Naisip ko lang, bakit hindi natin gamitin yung tren sa harap ng eskwelahan kung saan ninyo ako nakita noon, atleast gamit yun ay makakalayo tayo dito at maaari tayong lumipat sa bayan namin." suhestiyon ko na ikinapagisip nila.
"Mukang magandang ideya na yan para sa mga oras na ito, sige gawin natin yang binabalak mo." pagsang ayon ni Ronnie bago tuluyang iniliko ni Migz ang sasakyan papunta sa eskwelahan.