Joseph's Pov
Nung ayaw sabihin sakin ni Jordan kung bakit sila nagkahiwalay nung Fred na yun ay agad kong tinawagan si kuya Tony ang kaibigan ni kuya na abogado slash private investigator. Gusto kong alamin ang lahat lahat nv nangyayari kay Jordan. Napansin ko na pagkauwi namin galing sa pag gogrocery ay nagpakaabala siya. Paminsan minsan ay nakikita ko siyang tulala. Ganun ba kagrabe ang nangyari sa kanya.
Nung mawala siya sa paningin ko ng araw na iyon ay hinanap ko siya. Tumawag kasi tong si Vic ang secretary ko. May dalawa na naman kasing nagpupumilit na pumasok sa opisina ko. Alam na sana ni Vic ang gagawin kaso may kasama pang mga magulang at pulis ang mga babaeng yun. Kaya naman pinatawagan ko ulit ang abogado ko na tauhan ni kuya Tony.
Hinanap ko si Jordan ng araw na iyon at nakita ko sa likod bahay si Faith na may tinititigan. Sina Jordan at Oliver pala ang tinitignan nya at nakita nyang magkayakap ang dalawa. Nagulat na lang din ako ng mabitawan ni Faith ang hawak nya. Nagtatakbo bigla si Faith.
"Faith!" sigaw ni Oliver nang biglang tumakbo si Faith.
"Hala kuya, nagkamali ata ng iniisip si Faith." sabi ni Jordan.
"Babe...." sabi ko naman.
"Kuya Oliver ako nang bahalang mag explain kay Faith. Sundan ko lang siya. At ikaw Joseph mamaya na lang tayo mag usap pagtapos namin ni Faith." sabi ni Jordan. Pagkatapos ay nagmamadali siyang umalis para sundan si Faith.
Hinintay ko si Jordan ng gabing yun. Hinintay ko siyang matapos sa mga gawain at kausapin ako pero hindi ito nangyari. Namuti lang ang mga mata ko kakahintay.
Bumalik ako ng Manila pagkatapos ng libing ng grandparents nila ate Ella. Pinuntahan ko si Jordan sa coffeeshop ni ate Ella pero lagi na lang itong wala. Kapag naman natityempuhan ko siya ay laging sinasabi na busy siya. Kahapon lang ay inabangan ko ang oras ng kanyang pag uwi para lang makausap siya ng maayos at wala na siyang lusot. Kaso tinakbuhan nya lang ako.
Nandito ako ngaun sa opisina ko dahil natambakan ako ng trabaho. Ilang araw na din akong nagmumukmok sa opisina ko dahil kay Jordan. Napayuko ako dahil sa sakit ng ulo ko. Narinig ko na bumukas ang pinto ng opisina ko.
"Vic hindi ba sabi ko huwag mo muna akong iistorbohin?" sabi ko sa kanya. Hindi ko pa din inangat ang ulo ko.
"Pati ba naman kami kuya hindi pwedeng umistorbo sayo?" napaangat ang ulo ko sa tanong ni Migs. Naupo sila sa sofa ng opisina ko. Pumunta si Seb sa pantry ng opisina ko. Lumabas siya na may dalang wine at mga baso.
"Kuya pinapunta kami ni mama dito dahil dalawang araw ka nang hindi nauwi. Alam mo naman yun si mama ayaw ng naglalagi o natutulog tayo sa opisina." sabi ni Seb.
"Oo nga. Kinulit nga kami ni mama kagabi na puntahan ka dito. May problema ka ba kuya Seph?" tanong sakin ni Migs.
"Wala naman, bakit?" sabi ko sa kanila. Binigyan ako ni Seb ng baso na may wine.
"Kuya Seph, kung ibang tao kami ay baka naniwala pa sa sinasabi mo pero kilala ka namin, alam namin na may problema ka. Pwede naman ishare." sabi ni Seb.
Tinitigan ko sila. Wala na akong maililihim sa kanilang dalawa. Halos lahat kasi ng kapatid ko kaclose ko kaya kilala namin ang isa't isa.
"Nalilito na kasi ako. Gusto ko kasi si Jordan kaso hindi ako sigurado kung kaya kong mahandle ang ugali nya. Minsan maayos kami, minsan hindi. Nung nasa Baler kami ay akala ko na kakausapin nya ako kaso hindi eh, nagmukha akong tanga kakahintay. Ayaw nyang mag open sakin." paliwanag ko sa kanila.
"Hindi ka kasi sanay na humahabol sa babae. Palibhasa ikaw ang hinahabol ng babae." sabi ni Migs.
"Alam mo kuya Seph, baka naman nag aalangan si ate Jordan dahil sa reputasyon mo." sabi ni Seb.
"Reputasyon?" tanong ko.
"Oo reputasyon. Yung pagiging playboy mo. Kahit naman sinong tao o babae mag aalangan sa iyo. Pwera na lang yung mga malalandi talaga." sabi ni Seb.
"Ganun ba yun? Hindi nya ba nakikita o nababalitaan na wala na akong kasakasamang mga babae." sabi ko.
"Kuya ang tiwala ng isang babae mahirap makuha. Teka nga kuya, kinilala mo na ba maige si ate Jordan? Kung bakit ganun ang pakikitungo sayo." sabi pa ni Seb.
"Pinaimbestigahan ko na kay kuya Tony lalo na yung Fred na yun." sabi ko.
"Sinong Fred? At bakit mo pinaimbestigahan? Pwede namang tanungin na lang siya." tanong ni Migs.
"Yung ex ni Jordan. Ewan ko, sobrang galit ni Jordan sa kanya. Ayaw naman nyang magkwento sakin kaya yun pinaimbestigahan ko kay kuya Tony." sagot ko.
"Kuya Seph, siguro mas dapat na kay ate Jordan mo na lang tanungin. Mas maige na siya magkwento kasi kapag ganun, duon mo malalaman na pinagkatiwalaan ka na nya. Kasi panatag na siyang magkwento sayo." sabi ni Seb.
"Oo nga naman kuya. Ligawan mo maige. Suyuin mo nang mapaamo mo. Tingin ko seryoso ka na sa kanya kasi hindi ka ganyan sa ibang babae. Huwag mo nang ulitin pa ang nangyari sayo dati. Huwag mong pakawalan ang taong gusto mo." sabi ni Migs.
"Paano ko naman susuyuin yun? Tingin ko nga eh naiwas sakin yun. Kada na lang pupunta ako sa kanya ay lagi siyang wala." sabi ko.
"Gusto mo pa ba na turuan ka namin?" tanong sakin ni Migs.
"Kayo? Nanligaw na ba kayo? Baka naman pumalpak ako nyan." nag aalangang sabi ko.
"Kami pa ba? Di mo ba napapansin kanina ka pa pinapayuhan ng casanova nating kapatid." sabi ni Migs.
"Ako casanova? Baka ikaw hahaha! Magaling kang magseduce ng babae eh. Eh ako magaling lang akong manligaw hahaha!" biro ni Seb.
"Oo na! Okay lets toast to that! Operation Panliligaw!" sigaw ni Migs.
Nagpatuloy kami sa pag iinuman. Napag usapan din namin ang mga gagawin kong hakbang sa panliligaw kay Jordan. Dapat ba akong maniwala sa mga kapatid kong ito? Bahala na nga, kaysa walang plano eh di sundin ko na lang. Pagkatapos namin na mag inuman ay sabay sabay kaming umuwing magkakapatid sa bahay.. Ayoko namang mag alala na naman si mama.
Kinabukasan maaga akong pumunta ng coffeeshop para puntahan si Jordan. Bumili muna ako ng bulaklak at white chocolates para sa kanya. Nang dumating ako dun ay sakto na dumating si Alex at Jordan. Lumapit ako sa kanila.
"Hi Alex! Hello sayo Babe!" bati ko sa kanila.
"Babe?" takang tanong ni Alex.
"Huwag mong pansinin ang sinabi ni Joseph, alam mo naman na palabiro yan." sabi ni Jordan.
"Hindi ako nagbibiro. Seryoso ako sayo babe. Eto nga oh flowers and white chocolates for you." sabi ko sa kanya.
"OMG! Ang sweet mo naman pala papa Joseph." sabi ni Alex.
"Hay naku Joseph ang aga aga mangungulit ka na naman ba?" tanong ni Jordan.
"Ikaw naman babe, hindi ako mangungulit. Hindi ba sinabi ko na tototohanin ko na maging tayo. Tapos sinabi ko na liligawan kita. Kaya heto ako ngayon nanliligaw sayo. Kaya asahan mo ako araw araw na susuyuin ka." sabi ko.
"Ay ang sweet talaga!" kinikilig na sabi ni Alex. Hinila ako ni Jordan papunta sa opisina nila.
"Ano bang problema mo? Hindi mo ba talaga magets na iniiwasan kita. Bakit ba ang kulit mo?" tanong ni Jordan.
"Kasi gusto kita! Mahirap bang intindihin yun?" tanong ko.
"Mahirap talaga! Tanong ko sayo bakit? Bakit mo ako gusto?" tanong nya.
"Babe naman kailangan ko ba talagang sagutin yan? Gusto kita kasi yun ang nararamdaman ko." sagot ko sa kanya.
"So ganun na lang yun. Playboy ka diba? So paglalaruan mo lang ako. Pwede ba Joseph. Huwag ako!" sigaw nya. Napansin ko na naluluha na siya.
"Hindi kita pipiliting paniwalaan ako ngayon pero tandaan mo babe na seryoso ako sayo. Liligawan kita hanggang sa paniwalaan mo ako. Papatunayan ko sayo na hindi na ako playboy gaya ng iniisip mo. Aalis muna ako pero babalik ako. Ayokong nakikita kang umiiyak dahil sakin." sabi ko sa kanya.
"Umalis ka na Joseph." sabi nya.
"Aalis ako Jordan. Pero hindi ibig sabihin ay susuko ako sayo." sabi ko.
Umalis ako ng coffeeshop at nagpunta na ng opisina ko. Pagdating ko ay nag aantay daw si kuya Tony sa opisina ko.
"Nandito na ang resulta ng mga pinaimbestigahan mo. Ako mismo ang nagreasearch nyan kaya dapat libre mo ako ng inom hahaha." sabi ni kuya Tony.
"Wala ka pa din kupas kuya Tony. Ang laki na ng binayad ko sayo tapos hihingi ka pa ng libreng inom. Ang kuripot mo talaga. Para kang may binubuhay na pamilya hahaha!" natatawang sabi ko.
"Ewan! Ito naman gusto ko lang naman ng kainuman. Kasi naman ang kuya mo ayaw na ako samahan eh." sabi nya.
"Paawa effect ka pa. Sige na nga. Kelan mo ba gusto. Sama na din natin sina Migs at Seb." sabi ko sa kanya.
"Maiba ako. Huwag kang mabibigla sa makikita mo. Kawawa naman pala ang babaeng pinaimbestigahan mo. Sige mauna na ako." napakunot ako sa sinabi nya.
Hinintay ko muna lumabas si kuya Tony bago ko buksan ang envelope. Binasa ko ang mga nakalagay dito. Hindi ko mapigilan ang damdamin ko. Napapayukom ako ng kamao at tila ba gusto kong manuntok sa sobrang galit ko sa nababasa ko. Lalo akong napahanga dahil sobrang tatag nya at nakayanan nya lahat ng nangyari sa kanya. Lagot ka saking Fred ka, may kalalagyan ka sakin.