Umaga na at sumisikat na ang araw ng may isang boses ang sumisigaw." Daniella! Tanghali na bumangon ka na diyan late ka na sa klase mo!," sigaw ng nanay ni Daniella.
 Mukhang hindi ito naririnig ni Daniella dahil nakanganga pa ito at tulog na tulog." Talaga naman taon-taon na lang ganito ang scenario naming mag-ina." Umakyat na ito sa lumang hagdan patungo sa kwarto ni Daniella at nakita niyang tulog na tulog pa ito." Daniella! Bumangon ka na diyan tanghali na. Unang araw ng pasok mo ngayon na 4th year high school ka na tulog ka pa rin."
 Dahan-dahan na idinilat ni Daniella ang mata niya at ang unang nakita niya ay ang nanay niya na ngayon ay nakakunot na ang noo sa kanya." Good morning po senorita, handa na po ang agahan niyo," sambit ng nanay niya.
" Ganon ba sige at susunod na lang ako," sagot niya pero mukhang hindi nagustuhan ng nanay niya ang sagot niya kaya gamit ang kamay nito ay piningot ang tenga niya." Aray, aray! Nay naman kagigising ko lang."
" Tumayo ka na diyan at kumain bago ka pumasok ang tagal-tagal mong gisingin na bata ka daig mo pa ang mayaman na mayroon mga katulong na kailangan pang gisingin sa umaga!" Habang nagsesermon ang nanay niya, siya naman ay bumangon na habang hindi ito nakatingin sa kanya at lumabas ng kwarto dahil ang sakit sa tenga ng sermon nito na paulit-ulit na lang.
" Si nanay talaga dinaig pa ang alarm clock sa sobrang ingay, pero in fairness effective." Nakangiti pang pumunta siya ng kusina.
 Habang kumakain si Daniella ay bumaba na ang nanay niya at pumunta ng kusina kung nasaan siya." Ikaw na bata ka kinakausap pa kita nilayasan mo na naman ako!"
" Kasi naman nanay ang aga ang ingay mo."
 Kumunot ang noo nito." Dapat lang ng magising ka, nakita mo na ba ang orasan late ka na sa klase mo."
 Tumingin si Daniella sa orasan na nakasabit sa pader, pero ng na realize niyang 30 minutes na lang ay magsasara na ang gate ng eskwelahan ay sinubo na niya ng sabay-sabay ang hotdog at kanin, at hindi malaman kung nilulunok na lang. Tumakbo ito at naligo ng mabilisan at nag-ayos ng sarili bago lumabas ng kwarto at nagpaalam sa nanay niya.

Ang eskwelahan ay malapit lang talaga sa bahay ni Daniella, pero kung hindi ka maagang mag-uumpisang maglakad ay late ang aabutin niya kaya si Daniella ngayon ay lakad takbo ang ginawa maka-abot lang sa tamang oras.
 Saktong pagdating niya sa harap ng gate ng eskwelahan ay isasarado na ito ng guard." Wait Kuya!" sigaw niya habang nakataas pa ang kamay.
Nakita ito ng guard na si Mang Tony." Walang pinagbago Daniella late ka pa rin hanggang ngayon, pasok na mag-uumpisa na ang klase mo."
 " Salamat Mang Tony." Kumaway pa siya bago tumakbo papunta sa classroom niya at saktong wala pa ang una nilang teacher.
 Umupo siya katabi si Bree ang bestfriend niya." Buti nagising ka pa."
Inirapan niya ito." Malamang buhay pa ko ngayon, nakikita mo nga ako 'di ba!"
Bumuntong-hininga si Bree." Hanggang ngayon pilosopo ka pa rin, ang ibig kong sabihin buti nagising ka pa dahil kung hindi unang klase absent ka agad."
" Salamat na lang sa maingay kong nanay kung hindi absent talaga ako ngayon."
 Natigil na ang dalawa dahil pumasok na sa room ang teacher nila." Good morning class gusto ko lang sabihin na sa section na ito ay kayo rin ang magkaklase noong third year high school pa lang kayo, pero not this time dahil meron madadagdag sa inyo." Nagtaka ang section nila Daniella. Ang section C, dahil halos sa apat na taon kasama na ang year na 'to ay kilala na niya ang mga classmate niya dahil walang pinagbago ito." Daniella ano sa tingin mo. Transferee kaya ang bago nating classmate?" tanong ni Bree.
" Hindi ko alam tingnan na lang natin."
 Lumingon ang teacher sa labas ng pintuan." Iho puwede ka ng pumasok."
 Ilang minuto bago ito pumasok pero parang huminto ang mundo ni Daniella ng nakita niya kung sino ito.
" Introduce yourself," sambit ng teacher nila.
" Good morning, I'm William." Maikling sinabi lang nito.
 Napansin naman ni Bree na hindi na gumalaw si Daniella kaya naman hinawakan niya ang mga braso nito at inalog." Mukha kang tanga diyan!"
" Hindi Bree sabihin mo panaginip lang ito at hindi totoong magiging classmate na natin si William."
" Panaginip lang talaga 'to dahil tulog ka pa at hindi ka pa gising."
Sinamaan siya ng tingin ni Daniella." Sabi mo sabihin kong panaginip lang, sumunod lang naman ako, pero Dan sa tingin mo bakit siya nalipat dito. Ang talino niya 'di ba first hanggang third year ay na sa section A siya, pero bakit ngayon na sa last section siya, nakakapagtaka 'di ba?"
 Tumango-tango naman si Daniella at muling tumingin sa harap pero sakto naman na lumingon siya sa harap ay nakita niyang sa gawi nila ni Bree ito nakatingin kaya naman si Daniella ay parang na stroke na sa upuan niya.
 Nang magsalita ulit ang teacher saka lang binaling ang tingin nito paharap sa ibang estudyante." Nagtataka siguro kayo kung bakit narito si William Franco, dahil alam niyo naman siguro na isa siya sa pinakamatalino na estudyante sa batch niyo. Ang totoo niyan ay mayroon program na isa sa inyo ang puwedeng maging tutor si William kaya siya narito bubunot siya sa index card na puwede niyo ng gawin ngayon. Maglabas kayo ng isang index card at isulat ang mga pangalan niyo then past the papers, sa last row pa punta sa harap then ibigay niyo na sa akin, maliwanag ba?"
" Yes ma'am," sagot ng ibang estudyante.
 Sumulat silang lahat sa index card at ibinigay sa teacher nila." Okay William, pick one index card, and the name that indicate in that paper ay sabihin mo ng malakas kung sino ang nabunot mo." 
 Dahan-dahan na pinapadaan ni William ang mga daliri niya sa mga index card pero habang ginagawa ito ni William ay si Daniella naman ay hindi maipaliwanag ang nararamdaman ngayon. 
 Bumunot na ito at pinaka- titigan ang papel, halos lahat ng estudyante na babae ay hinihiling na sila ang mabunot dahil bukod sa matalino ito ay napaka gwapo rin kahit hindi ngumingiti." Daniella Sanchez," biglang sambit ni William at mukhang hindi ito narinig agad ni Daniella.
" Hoy! Ikaw ang napili." Sabay alog ni Bree sa balikat ni Daniella na naguguluhan pa rin.
" Saan?"
 Nagsalubong ang kilay ni Bree sa sobrang lutang ng kaibigan niya." Baliw ikaw ang napili para maging tutor si William. Ikaw kung saan-saan napapadpad ang utak mo makinig ka nga!"
Lumingon si Daniella sa harapan at saktong naglapat ang kanilang paningin. Si Daniella ay parang bato na dahil hindi na ito gumalaw pati ang pagpikit ng talukap ng mata ay hindi na nito nagawa.
" Dan okay ka lang baka mahipan ka ng hangin at maging ganyan ka na lang?"
Natauhan naman si Daniella at muling tumingin kay William pero hindi na ito nakatingin sa kanya." Okay class back to your sit at mag-uumpisa na tayo mag klase, and Mr. William umupo ka na sa right side ni Miss Sanchez katapat niya."
 Tila huminto ang mundo para kay Daniella sa sinabi ng kanilang teacher dahil ang pagitan lang nila ni William ay limang dangkal lang ang layo. Umupo na si William at tumingin sa harapan habang si Daniella naman ay hindi maalis ang tingin kay William dahil ang tingin niya ay ito na ang best year niya sa high school bago pa siya mag graduate.