Rea's Pov
Narinig namin nina Lea at Liam na may tumawag sa mga pangalan namin at agad naman namin itong nilingon. Pagkalingon namin ay tumambad sa amin si Rick na pawisan at nilapitan naman ito ni Liam.
"Ohh bro bakit ka ba tumakbo? Ayan tuloy pawisan ka na. Heto panyo ohh magpunas ka" saad ni Liam at may inabot siyang panyo.
"Ehh kasi naman bro iniwan mo ko sa kuwarto sabi ko sayo kanina na hintayin mo ko ehh" saad naman ni Rick.
"Papunta ba kayong tatlo sa resto? Puwede akong sumabay kasi gutom na gutom na ako" saad ulit nito at si Lea na ang sumagot.
"Oo papunta kaming resto ma--- este Rick. Ohh sige tara na, baka maubusan pa tayong apat nang mauupuan" sagot naman ni Lea sa tanong niya. Tumango naman si Rick at naglakad na kami papuntang resto. Pansin kong may gusto si Lea kay Rick dahil muntik itong madulas sa sasabihin niya. Pero alam naman niya na may gf na si Rick.
Nakarating na kaming tatlo sa resto at naghanap na kami ng mauupuan nakakita agad kami at naglakad na kami papalapit doon. Umupo na kaming apat at tumawag kami ng waiter. Habang papalapit 'yong waiter hindi ko maiwasang mapaisip kung anong magiging buhay namin dito sa resort.
"Ano pong order niyo ma'am, sir?" saad nong waiter.
"Ahhm sa akin po adobo, kanin tsaka juice"
"Sa akin naman spaggetti tapos burger at tsaka juice po"
"Sa akin po 'yung kagaya kay Lea na adobo kanin tsaka juice"
"Sa akin po ay ano spag, burger ay tsaka juice po" isa-isang saad namin sa waiter at inilista naman niya ito.
"Maghintay lang po kayo mga ma'am, sir" nakangiting saad ng waiter at tumango naman kami.
Pagkaalis ng waiter ay biglang tumunog ang cp ni Rick at sinagot niya ito.
"Hello babe ba't napatawag ka? May problema ba?" saad ni Rick sa kabilang linya. Gf pala si Rick ang kausap niya.
"Ahhm excuse me lang ha kakausapin ko muna gf ko" saad nito at tumango naman kaming dalawa ni Liam maliban kay Lea. Naglakad na palabas si Rick at niisa sa amin ay walang nagsasalita.
"Lea, alam kong may gusto ka kay Rick nakikiusap ako sayo Lea pigilan mo 'yang nararamdaman mo. May girlfriend na si Rick at hindi kayo puwede. Alam ko na mahirap pigilan ang nararamdaman kapag tuluyan ka nang nahulog sa isang tao pero dapat na gawin mo 'yung makakaya mo, kasi pag nagpatuloy pa 'yan masasaktan at masasaktan ka Lea. Payong kaibigan lang huwag mong mamasamain" pagbasag ni Liam sa katahimikan. Tiningnan ko si Lea at tumango naman ito.
"Alam mo Liam tama ka hindi kami puwede. Gagawin ko yang pinapagawa mo, pipigilan ko tong nararamdaman ko kahit na mahirap" saad ni Lea at tumango naman si Liam.
"Ma'am, Sir ito na pong order ninyo. Pasensya na po kung natagalan" saad nong waiter at tumingin kami sa kanya tsaka nagpasalamat.
"Mauna na tayong kumain nagugutom na ako ehh" suhestiyon ko sa kanila.
"Mauna nalang kayong dalawa ni Lea, hihintayin ko muna si Rick baka magtampo na naman 'yong pinsan ko hahaha" natatawang saad ni Liam. Nakitawa naman kami ni Lea at maya-maya ay nagsimula na kaming kumain. Hindi naman nagtagal ay dumating si Rick.
"Ohh bro ba't ang tagal mo?" tanong ni Liam sa kanya.
"Pasensya na kayo ha tumawag kasi si mama pagkatapos tumawag ni Jennifer ehh, kaya natagalan ako" paliwanag ni Rick at sa kanya at tumango naman ito.
"Ba't di ka pa kumain bro?" nagtatakang tanong ni Rick kay Liam.
"Kasi hinintay kita mahirap na baka topakin ka na naman. Bigla-bigla ka nalang na di kumikibo ehh" saad ni Liam sa kanya at tumawa naman kami ni Lea. Napakamot nalang ng ulo si Rick at nagsimula na silang kumain.
Pagkatapos naming kumain ay nagkuwentuhan na muna kaming apat.
"Sa tingin ko kailangan nating paghandaan 'yung mga kakaharapin natin dito sa resort. May kutob akong hindi magiging madali ang magiging buhay natin dito" saad ni Liam at napatingin naman kaming tatlo sa kanya.
"Huwag mo nga kaming tinatakot Liam" kinakabahang saad ko sa kanya.
"Hindi ko kayo tinatakot Rea, maraming mangyayari sa atin dito" saad ulit nito.
"Tama si Liam hindi magiging madali ang magiging buhay natin dito. Biroin ninyo 2 weeks tayo sa resort na dapat na 1 week lang. Isipin niyo nga, so meaning ii-extend nila 'yung graduation natin" saad ni Rick at napaisip naman kami ni Lea.
"Alam mo Rick tama ka, ngayon ko lang din napansin. Kinakabahan na ako pero sana walang mangyaring masama sa atin dito" pagsang-ayon naman ni Lea.
Hindi na lang ako nagsalita dahil kailangan ko munang i proseso sa utak ko yung mga sinasabi nila.
"Hey Students, please proceed to the lobby. We have an important announcement" saad ulit nong taong nasa speaker.
Gaya nga ng sinabi niya ay lumabas na kami sa resto at naglakad na kami papunta sa lobby ng hotel. Pagkarating namin doon ay labis naming ikinabigla ang aming nasaksihan. May mga challenges kaming kailangang matapos at magsisimula na kami bukas. Karamihan sa amin ay naexcite at may iba namang nababahala dahil hindi pa namin alam kung anong mga challenges ang aming gagawin bukas. Tama si Liam at si Rick kailangan naming maghanda.