04 | Ex-couples' quarrel
...
[Trevor's POV]
Katatapos lang ng klase at papunta ako ngayon sa parking area.
Sasabay raw sa akin si Izzy pero pina-una niya na ako sa parking kaya nauna na ako.
Sumagi naman sa isipan ko ang babaeng iniwan ko sa condo. Yung babaeng sinasabi nilang nasagasaan ko pero sigurado naman akong wala akong nasagasaan.
Tulog pa kaya siya? Kung gising na siya ay baka umalis na rin siya.
Ibinilin ko naman sa staff ng condo kung sakaling magising siya at magtaka kung bakit siya naroon kaya siguro naman ay walang magiging problema.
Pagdating ko sa parking area ay agad naman akong pumasok sa loob ng kotse habang hinihintay si Izzy.
Kung inyong tatanungin, si Izzy ay hindi ko girlfriend. Ex-girlfriend ko siya at hindi ko rin siya nililigawan para maging kami ulit. Basta Ex-girlfriend ko siya at magkaibigan na lang kami.
Huwag na nating pag-usapan ang dahilan ng paghihiwalay namin. Tsk.
Makalipas ang ilang minuto ay nakita ko na rin si Izzy na naglalakad palapit sa kotse ko.
Nakasimangot ang mukha niya at isa lang ang ibig sabihin kapag ganyan ang itsura niya, may nangulit na naman siguro sa kanya para ligawan siya. Maganda kasi siya kaya marami talagang susubok na ligawan siya. Ah, wala naman sa akin kung may manligaw sa kanya. Wala nga.
"Sorry natagalan ako, yung mga lalake kasi eh." Saad niya nang makasakay siya sa kotse.
Napangisi naman ako sa narinig ko, sabi na at yun ang dahilan kung bakit nakasimangot ito ngayon.
"I know what you're thinking, hindi manliligaw ang tinutukoy ko."
"Sino pala?" Tanong ko at saka nag-umpisang magmaneho.
"Meron kasing mga lalakeng biglang lumapit sa akin kanina, natakot pa nga ako nang una kasi mukha silang mga tauhan ng sindikato sa suot nila." Paliwanag niya.
Nakinig lang naman ako habang nagmamaneho pa rin.
"But then I found out that they were looking for my cousin," dagdag niya.
"Bakit daw?" Tanong ko.
"Naglayas daw kasi yung pinsan ko, for whatever reason naglayas siya, I asked them kung bakit pero ayaw nilang sabihin sa akin yung dahilan, so I told them hindi ko rin alam kung nasaan siya."
"Baka naman nakipagtanan," umiling naman si Izzy sa nasabi ko.
"Knowing her, hindi niya magagawa yun. She's the most undecided girl i've ever known. Pero di rin ako sigurado since high-school pa nang huli ko siyang nakasama."
Tumango-tango na lang ako habang patuloy pa ring nagmamaneho.
Madalas kong tanungin si Izzy kung gusto niyang sumabay sa akin pauwi o ihatid siya sa bahay nila. Malapit-lapit lang rin kasi ang village nila sa condo kaya wala naman sigurong masama kung magsasabay kami.
Noong kami pa kasi ay talagang hatid-sundo ko sya, consistent ako kaya nasanay siya. Kaya naman nang maghiwalay kami ay parang nanibago siya, tamad na tamad siyang magdrive at minsan nga ay nagta-taxi na lang siya pauwi sa kanila.
Kaya nang humupa na yung tensyon sa aming dalawa dahil sa paghihiwalay namin ay umakto na lang ako na parang walang nangyari at ipinagpatuloy na lang ang pagiging magkaibigan namin.
Siguro kasi ay yun na talaga ang nakatadhana para sa aming dalawa, ang maging magkaibigan na lang.
Inaantok rin ako sa byahe sa tuwing uuwi ako galing klase. Masyado kasing maaga ang pasok ko at hapon na madalas ang uwi kaya mabuti nang may kasabay akong hindi nauubusan ng kwento, daig pa ang DJ ng radyo kung magkwento.
"...kaya na-late ako kanina, buti na lang wala yung professor natin na galit sa lates," saad niya.
"Si Mika talaga laging pahamak sa akin eh." Bigla naman siyang napatingin sa akin.
Tiningnan ko siya saglit nang mapansin kong nakatitig siya sa akin. Saka naman ako muling tumingin sa daan dahil syempre, nagmamaneho ako.
"Bakit? Nafa-fall ka na naman ba sa akin?" Biro ko.
"Sira! May naalala lang ako." Saad niya.
"Ano naman yun?" Tanong ko.
"Naalala ko lang yung araw na nagpaliwanag ako sayo about the reason why you broke up with me" mahinahon niyang saad.
"Babalikan pa ba natin yun?"
"I just hate you that day kasi hindi ka naniwala sa akin." Napakamot na lang ako sa ulo.
"And I think hanggang ngayon hindi ka pa rin naniniwala sa akin." Nakasimangot niyang saad.
Yung Ex-girlfriend mo na laging binabalikan yung rason kung bakit naghiwalay kayong dalawa. Tsk, oo kasalanan ko.
"Wala akong evidence na si Mika lahat may kagagawan ng chismis tungkol sa akin pero sana man lang mas naniwala ka sa akin kesa sa mga narinig mo sa iba." Dagdag niya.
Hindi ko alam kung anong pwede kong sabihin sa kanya...
"A--" hindi ko na tuloy ang sasabihin ko dahil agad rin siyang nagsalita.
"I know! Hindi ko na dapat binabalikan yun pero to be honest, hindi ko matanggap na hindi ka naniwala sa akin."
Hininto ko ang kotse at saka tumingin sa kanya. Nakayuko siya at pinaglalaruan ang keychain sa bag niya.
"Izzy..." Tumingin sya sa akin.
"Mahal mo pa ba ako?" Diretsong tanong ko.
"Huh?" Napakurap sya ng dalawang beses at saka tumingin ulit sa keychain na hawak niya.
Bigla naman siyang tumawa.
"No, kung mahal pa kita sana pinipilit pa rin kitang paniwalaan ako ngayon."
"Hindi ba yun yung sinasabi mo kanina?"
"Huh? What I'm only saying is sana that time ako ang pinaniwalaan mo instead of those people na hindi mo naman kilala."
"Eh--"
"Ako yung girlfriend mo so dapat mas nakinig ka muna sa akin bago mo pinairal yung ego mo na niloko ka ng babae, and that's not even true!"
"Kas--"
"I never cheat you! I never lie to you! I never once think about being with someone else while being with you!" Sunod-sunod na saad niya na medyo pasigaw.
"..." walang imik akong nakatingin sa kanya.
Paano ba pakalmahin ang ex-girlfriend na tinotoyo?
"...nag-aaway ba tayo?" Mahinahong tanong ko.
Bumuntong hininga siya at bigla akong nginitian.
"Sorry, nadala lang ako sa naalala ko. Dont worry, we're not fighting I'm just... just trying to tell you what I should've told you that day." Saka ulit siya tumawa.
Maganda si Izzy pero may toyo din minsan.
"Bakit ka huminto?" Tanong niya.
Tumuro naman ako sa gilid niya at tumingin naman siya.
"Oh" saad niya nang mapagtanto niyang nasa labas na kami ng bahay nila.
"But seriously Trevor, huwag mong isiping mahal pa kita kasi hindi na talaga, I'm better with us being friends." Paliwanag niya.
"I understand, tinotoyo ka lang," pang-aasar ko, sumimangot naman siya.
"Whatever, huwag mo lang liligawan si Mika, kukulo dugo ko sayo pag siya ang pinalit mo sa akin." Saka niya binuksan ang pinto ng kotse at saka bumaba.
"Ingat ka," saad niya.
Matapos iyon ay agad din akong nagmaneho pauwi sa condo.
Naalala ko na may babae nga palang naghihintay sa condo ko, hindi naman naghihintay, tulog pala sa condo.
Medyo nag-aalala na rin ako dahil sinabihan ko naman yung staff sa condo na tawagan nila ako kung sakaling magising na siya, pero mula kanina ay wala akong natanggap na tawag sa kahit na sino.
Buti na lang din at hindi gaanong traffic ngayon.
Gising na kaya siya?
...