"Oo!" sigaw niya.

"Sinisigawan mo ang master mo?" Tumahimik na lang si Axelle.

"Ikaw talaga, inaabuso mo ang pagiging mabait ni Axelle."

"Ikaw, ha? Tumahimik ka, nanggigil ako sayo."

Nakita sila ng isang teacher. "Hoy, ano nangyayari diyan, ha?" Lumapit ito sa kanila kaya nagbitawan sila ng sabunutan.

"Kayo ang, lalaki niyo na, ha, nag-aaway pa kayo na parang bata. Umayos nga kayo!" sigaw ng titser.

"Tara, punta tayo sa guidance office para maturuan kayo ng leksiyon."

Mabilis na nakaisip ng palusot si Mylene. "Sir, ano bang iniisip ninyo? Nag-aaway kami?"

"Oo. Lulusot ka pa, ha? Kitang kita ko."

"Sir, mali kayo ng iniisip. Gumagawa po kami ng project. Pagsasadula po.
Acting lang yun." Magsasalita sana ang tister ngunit sinapawan niya.

"Sir, alam niyo po bang strikto ang teacher namin sa drama at ilang minuto lang binigay sa amin? Dahil sa pag-interrupt ninyo, matatagalan kami sa pag-su-shoot nito."

"Oo mga po, Sir."

"Saka itong si Axelle, huminto'yan dahil nanonood siya sa pagsasadula
namin. Tanungin niyo po."

"Totoo ba yun, Axelle?" mahinahong tanong ng guro.

"Opo, Sir. Hindi po sila nag-aaway. Napatigil po ako dahil sobrang ganda ng pagsasadula nila. Kung napanood niyo lang po simula umpisa, papalakpak din kayo sa galing nila."

"Okay, fine, nagkamali ako. Sige na, ituloy niyo na ang pagsasadula ninyo at ako'y aalis na."

Nakita nilang malayo na ang titser kaya nagsalita na sila. "Aalis na rin kami.

Pero ikaw, babae ka, hindi pa rito magtatapos ang lahat," sabi ng leader.

"Ako po talaga tinatakot mo? Bring it on! Hindi ako natatakot sa inyo." Kinuha ni Mylene ang balde na may lamang tubig. "Aalis ba kayo o itong tubig na ito ang magpapaalis sa inyo?" Nagtakbuhan sila dahil akma nang itatapon sa kanila ni Mylene ang baldeng may lamang tubig.

Tumawa si Mylene. "Dapat kanina ko pa 'to ginawa para hindi na humaba pa ang mga pangyayari saka yung—" Naisip niya yung halik kaya napalitan ang kaniyang ngiti ng seryosong mukha.

Tumingin siya kay Axelle. Hanggang ngayon, tahimik lang ito.

"Nakakapanibago, ha. Kanina, ang daldal mo. Pero ngayon, parang kang namatayan ng puso."

"Ninakaw mo halik ko, eh."

"Shut up. Ikaw kasi, kung hindi ka nakaharang, sana hindi ka natulak ng babaeng yun papunta sa akin."

"Kahit saan natin tingnan, hindi ko kasalanan."

"Anong ibig mong sabihin? Na kasalanan ko?"

"Ikaw nagsabi niyan." Itinapon niya kay Axelle ang tubig. Mylene didn't realize na may laman pala ang balde. Hindi rin umilag si Axelle dahil akala niya hindi ito itutuloy na itapon ni Mylene sa kanya.

Napasigaw si Axelle sa lamig. Buong katawan niya ay nabasa ng tubig.

"Mylene!"

"Ay sorry! Nawala sa isip ko na may laman pala tong timba. Bakit ka kasi hindi ka umilag?"

"Kasalanan ko pa ngayon, ha?"

"Oo na. Sige na. Kasalanan ko na kung kasalanan ko na." Lumapit siya kay

Axelle. "Oh my God. Ang basa mo."

"What do you expect?" sagot sa kanya ni Axelle.

"Sorry na nga. Ito na, nag-so-sorry na. Magbihis ka na ro'n."

"Anong oras na ba?" tanong ni Axelle.

"8:39 am. Ay naku po. Siguradong nag-uumpisa na sila."

"Ikaw kasi, e."

"Pwede ba, 'wag na tayong magsisihan?"

"Fine."

"Sige, pumunta ka na sa locker. Magbihis ka na."

"Samahan mo ako."

"Ano? Baliw ka ba?"

"Bakit? Akala mo, may gagawin ako sayo ro'n? Sige na. Basa na ako."

Pumayag na lang si Maylene dahil kung magmamatigas pa siya ay lalo lang silang ma-le-late.

Tumalikod siya habang hinuhubad ni Axelle ang uniform.

"Oh, ito. Isampay mo 'tong uniform ko. Bilis, kunin mo na!"

Nang humarap siya kay Axelle ay napatigil siya. "Oh my God." Nakita niya ang magandang katawan ni Axelle na may abs pa. Napalunok siya ng laway.

"Bakit ba ganito ang mga nangyayari sa akin? Hindi naman ako salbahe."

"Kunin mo nga. Nakatingin ka pa sa abs ko, e," nakangiting pag-aasar niya kay Mylene.

"Ha.ha.ha. Saan banda? Wala akong makita, eh."

"Palusot ka pa. Isampay mo na 'yan."

Palabas na si Mylene ng locker nang inasar ulit siya ni Axelle. "Maganda ba katawan ko?" Nag-fuck you hand sign si Mylene.

Sa labas na siya naghintay. "Nandiyan ka na pala. Tara na." Nauna na si Axelle sa paglalakad.

"Wait lang. May sasabihin ako. Yung nangyaring kiss, sa atin na lang yun.
Hindi ko ipagsasabi sa iba. Ikaw rin, hindi mo ipagsasabi kahit sa dalawa
mong kaibigan. Maliwanag ba?"

"Pa'no yun? Wala kaming taguan ng sekreto. Lahat ng mga ganitong
pangyayari sa buhay namin ay sinasabi namin sa isa't-isa."

"Seryoso ako. Magseryoso ka nga!"

"Seryoso rin naman ako, ah."

"Isa pa. Nakalimutan mo na 'ata ang kontrata natin."

Humarap sa kanya si Axelle. "Biro lang. Oo na, hindi ko na sasabihin kahit kanino, kahit sa mga kaibigan ko pa. Happy?"

"Very happy. Tara na nga. Sana naman, wala pang titser na pumasok."

"Lagpas na 8 kaya siguradong nagtuturo na yun. Gusto mo bang 'wag muna tayo pumasok?"

Humarap sa kanya si Mylene. "Buong buhay ko, hindi ako nag-cutting. Kung ikaw, sanay ka ng hindi pumapasok, ibahin mo ako." Sabay lakad paalis.

Ngumiti na lang si Axelle sa mga sinabi ni Mylene.

Iniisip pa rin ng utak ni Mylene ang mga nangyari kanina lalo na yung
nangyaring hindi inaasahang pag-ki-kiss nila ni Axelle.

Lumingon siya at tumingon kay Axelle. Tumatawa ito habang kakwentuhan ang mga barkada niya. "Walang'ya siya. Nakakainis siya. Ay!! Nakakainis pa rin talaga yun."

Tapos dumaan na naman sa isipan niya ang nakitang katawan ni Axelle sa locker room. "Isa pa yung nangyari sa locker room. Bakit ba nangyayari ang nga bagay na ito? Bakit ba? Mabuti naman po akong tao. Bakit?" Tinapik siya ni Miko dahil parang hindi siya hindi makapag concentrate.

"Ayos ka lang ba? Kanina ka pa balisa r'yan, ah."

"Ayoko yung mga nangyayari sa akin ngayong araw na ito. Nakakainis
talaga."

"Ano bang nangyari?" nagtatakang pagtatanong ni Miko.

"'Wag mo nang itanong. Ako ang nahihiya." Tumingin siya kay Axelle.

"Nakakainis talaga ang lalaking yun. Look at him right now, ang saya niya na parang ako lang ang apektado rito. Ako lang nahihirapan sa kaiisip sa mga nangyari. Bakit kasi iniisip ko yung mga naiisip ko? Please, brain, makipag- cooperate ka naman sa akin. Please!"

Nakita ni Miko na nakatingin siya kay Axelle.

“Sana, ako na lang tinititigan mo.
Sana ako na lang lahat. Bakit gano'n? Hindi tayo mahal ng taong mahal natin. Bakit gano'n? Ikaw yung nauna sa buhay niya, pero iba naman ang pinapasok niya. Ikaw ang nagpapasaya sa kaniya, pero sa iba siya masaya. Bakit gano'n?" bulong ni Miko sa sarili niya.

"Mylene? Sabay tayo mamaya, ha, papunta sa music room? Panoorin mo ako sa practice namin."

"Anong oras ba yun?"

"Pagkatapos ng last subject natin."

"Ah, oh, sige."

"May free schedule ka ba?"

"Ah... Parang wala, eh. After ng school, pahinga ako nang saglit din, tapos

diretso na ako sa raket ko."

"Kailangan mo ba talagang gawin 'yang mga raket na 'yan? Hindi ka na
nakakatulog nang maayos, ah? Wala ba talagang pakialam mga magulang
mo sayo?"

Nalungkot ang mukha ni Mylene. "Huwag na lang natin pag-usapan ang tungkol sa mga magulang ko."

Nakita ni Miko ang lungkot ni Mylene kaya humingi siya ng tawad. "Hindi ko sinasadya."

"Ayos lang."

"Promise. Simula ngayon, hindi ko na sila babanggitin pa." Ngumiti sa kanya si Mylene.

Nakita ni Axelle ang dalawa sa labas na magkasama. Lumapit siya.

"Saan kayo? At ikaw." Tumingin siya kay Mylene.

"Ano? Bakit ba? Nakalimutan mo na yung presentation natin bukas?"

"Ay, oo nga pala." Dahil late sila kanina, binigyan sila ng sasagutan ng subject teacher nila.

"Nahalikan lang, nakalimutan na," saad niya sa mahinang boses pero narinig pa rin ng dalawa kaya sinuntok siya sa tiyan ni Mylene nang wala sa oras.

"Arayy! Masakit, ha!"

"Ah, masakit ba? Nakakaramdam ka pala ng sakit? May pakiramdam ka pala?

Ha?" Masamang tingin ang ipinukol sa kaniya ni Mylene kaya tumahimik siya.

"Wala yun. Alam mo naman, kung ano-ano lumalabas sa bibig nitong lalaking 'to. 'Wag mo nang pansinin yun. Tara, alis na tayo. Baka ma-late ka pa sa practice mo," palusot ni Mylene kay Miko.

"Anong oras tayo gagawa ng project?" sabat niya sa dalawa.

"Don't worry, hindi ito tatagal ng kalating oras. If you want, join us na lang. Dami mong sinasabi. Kalalaki mong tao, makati ang bibig mo," bulyaw sa kaniya ni Mylene.

"Shut up. Bakit, babae lang ba pwede maging madaldal? Saka kaunti lang sinabi ko, ang dami mong sinasabi. Saan-saan napupunta ang mga pinagsasabi mo."

"Tumahimik ka nga r'yan, ang inga-ingay mo. Gumaya ka nga kay Miko, tahimik lang. Kaya nga gusto ko siyang kasama, hindi gaya sayo, tumataas ang dugo ko sayo."

"Wow, ha! Kinumpara mo pa talaga ako sa iba. Ang isang K-brother leader, ikukumpara mo sa iba?!"

"Wala akong pakialam sa title mo!"

"Tama na 'yan, guys, nandito na tayo."

Sinalubong ni Jam si Miko. Oo, si Jam, kaibigan nila Rena. Kinuha siyang admin ng head admin ng music club dahil sa kakaibang talento niya sa pagkanta.

"Nice to see you again."

"Ako rin. Late na ba ako, 'tol?"

"Swerte mo dahil kararating lang din ng mga member."

Ipinakilala ni Miko ang mga kasama niya. "Mga classmate ko nga pala, 'tol. Ito si Mylene at Axelle."

Ngumiti si Mylene. Natuwa siya dahil na-meet niya personally yung kumanta sa closing program.

"Hi po!"

"Hi rin po."

"Masaya po ako na ma-meet ka personally. Maganda po yung kinanta niyo sa closing program. Ang ganda po ng boses niyo. Pwede po bang magpa-picture at humingi na rin ng autograph?"

"Sure."

"Picture. Sa'kin hindi man lang siya nagganyan. Eh, mas sikat pa ako sa lalaking 'yan, eh. Iba talaga trip ng babaeng 'to," bulong ni Axelle sa sarili na medyo nainis.

"Thank you. I will keep this."

"Thank you rin. Halina kayo. Pumasok na kayo. Ilang segundo na lang at magsisimula na ang practice."

Inihatid ni Miko ang dalawa kung saan sila uupo. "Diyan ka muna, Mylene. Pupunta lang ako ro'n sa ka-grupo ko."

"Oo." Ngumiti si Axelle dahil sa wakas, solo na naman niya si Mylene.

Nakita niyang nakangiti si Mylene. "Ngitingiti ka r'yan, para kang tanga."

"Pakialam mo," sungit na bulyaw sa kaniya ni Mylene.

"Dahil ba sa picture at autograph ng lalaking yun?"

"Hoy, ikaw." Humarap siya kay Axelle. "May pangalan ang lalaking yun. Jam! Narinig mo? Jam ang pangalan niya."

"Eh, bakit ikaw! Hindi pangalan ko ang tinatawag mo sa akin?"

Tumawa si Mylene. "Magkaiba kayo."

"Magkaiba. Eh, mas sikat naman ako sa lalaking yun. Bakit hindi ka nagpa-
picture sa akin at humingi ng autograph?"

"Inggit ka? Saka iba yung kasikatan ninyo."

"Talaga! Magkaiba talaga. Mas sikat pa ako sa kanya."

"Patapusin mo nga muna ako. Maganda yung pagkakasikat niya dahil may puso siya."

"So sinasabi mo, wala akong puso? Ha?" inis niyang tanong kay Mylene.

"Ikaw nagsabi niyan. Hindi ako." Sabay talikod.

"Nakakainis ka talagang babae ka. Gusto mo siguro, mahalikan kita para
bumait ka sa akin. Kanina, nahalikan kita, ang bait bait mo sa akin. Mas lalo kang bumait nang makita ang katawan ko."

"Nang-iinis ka ba, ha!? 'Di ba, pinag-usapan na natin ang tungkol sa halik?

Pangalawa, 'wag kang feelingero dahil hindi ko pinagpapantasyahan 'yang katawan mong wala namang ibubuga."

"Talaga? Kaya pala nakatitig ka."

"Baliw! Tama na nga 'yang mga walang kwentang pinagsasabi mo. Subukan mo pang sabihin 'yan, last chance na talaga 'to. Goodbye kontrata talaga."

"Oo na."

"Oo na ka nang oo na. Kanina pa 'yan, ha? Huwag mo ubusin ang pasensya ko."

"Oo na nga. Bumalik ka na sa pagpapantasya mo r'yan sa lalaking yun. Pero narinig ko, may girlfriend na yun, kawawa ka naman."

"Sino ba nagsabi sayo na gusto ko siya? Ha?" Ngumti si Axelle sa sinabi ni Mylene, wala siyang gusto kay Jam.

"I'm just admiring him because of his beautiful voice. Saka alam ko na may
girlfriend siya, 'no? Dahil sinabi niya yun sa program. Teka lang." Tumingin siya kay Axelle.

"Nagseselos ka ba? Ha?"

"Asa ka! Ang taas ng standard ko para magselos. Yun ba iniisip mo, nagseselos ako? Bakit naman ako magseselos? Tayo ba?"

"Defensive?"

Parehong tumahimik na ang dalawa dahil nag-umpisa na ang pag-eensayo ng mga baguhang recruit ng music club.

Na-excite si Mylene lalo na't unang kumanta si Miko. Tumili at pumalakpak siya nang malakas

"Ang kantang aking aawitin ay para sa taong mahalaga sa akin."

Tumingin siya kay Mylene. Pareho silang nakangiti sa isa't-isa.

Nakangiting nakikinig ng mabuti si Mylene habang kumakanta ang kaniyang kaibigan na si Miko.