"MALAPIT na nga po ako sa pag- retiro, alam niyo naman po dito sa Pilipinas, humihinto ang tao na matanggap sa trabaho 'pag nagkakaedad na."
"Ang sabi niyo ho ay marunong kayong mag- drive?"
"Natuto na, Sir Red, kaya lang ay wala naman akong lisensya."
"Wala pong problema sa license. Keep your number active lang po. Ako nang bahala sa inyo."
"Sige po, maraming salamat po talaga, Sir Red."
Napakunot-noo si Euna sa naulinigan niya na pinag-uusapan nina Red at ng guard nila sa convenience store na si Mang Rob.
Lately na madalas niyang nakakasama si Red, marami 'tong ugali na mas nakikilala niya at alam niya. na gano'n din naman 'to sa kaniya. Malaking parte naman kasi sa relasyon ang pagkilala sa isa't-isa. At sa halos araw-araw na nakakasama niya si Red, hindi niya maiwasan na mapuna ang tila palalang- palala na something niyang nararamdaman dito. Something na hindi na siya talaga nano-normalan. O baka inaatake na naman siya ng kapraningan? Pero hindi e, hayun na nga at kataka-taka na ang pag-uusap na narinig niya rito at kay Mang Rob.
Kagaya na lang kaninang palabas pa lang siya sa store at matanaw niya pa lamang na nag-uusap sina Red at Manong Rob, sa malayo ay parang ibang tao si Red kumpara sa Red na nakilala niya na ewan ba niya. Basta may kakaiba siyang naramdaman nang mamasdan niya ang nobyo sa malayo kanina.
"O, 'yan na pala si Ms. Euna, Sir Red." Nakangiti na tinaguan si Euna ni Manong Rob, ginantihan din lang niya ng ngiti ang guard.
Nang makita naman siya ni Red ay kaagad siya nitong inakay at sinuotan ng helmet na nakasabit sa motorsiklo niya. Gano'n kalambing na boyfriend si Red talaga. Awtomatiko siyang sinusuotan ng helmet at habang ginagawa nito 'yon ay tinititigan siya. Mula rin nang magkaroon sila ng official na relasyon ay palagi siya nitong hinahatid at sinusundo.
"Ano ang pinag-uusapan niyo ni Manong Rob?" Naalala niyang itanong nang makasakay na siya nang maayos sa motor nito.
"Ah, about sa work status niya. Pa- retired na pala siya sa edad niya, pero malakas pa si Manong Rob naman kayang-kaya pang mag- trabaho."
"At? May alam kang trabaho na maaari pa ang edad niya?"
Hinilig ni Red ang sariling ulo niya pasandal kay Euna at nilapat niya ang mga braso niya payakap sa girlfriend at sinimsim niya ang leeg nito nang mag- color red ang ilaw ng stoplight at pasumandaling nahinto sila.
  Ang lambing ni Red. Hindi ba? Oo, gano'n 'to kalambing.
"Masakit ang ulo ko ngayon, Babe, para akong sisipunin na ewan."
At ang galing din nitong umiwas sa tanong 'pag ginusto.
"Inom kang gamot mamaya. Baka kulang lang 'yan sa pahinga. Saka huwag ka kasing sumusugod 'pag umuulan," wika na lang ni Euna.
Kahit curious siya naman sa napag-usapan nito at ni Manong Rob kanina ay may tiwala naman siya sa boyfriend niya. Kaya okay lang kung hindi nito sagutin ang tanong niya. Kung hindi rin naman importante e, bakit nga ba nila pag-uusapan pa?
Sana lang ay patahimikin si Euna ng mga narinig niya at nararamdaman niyang something.
"MANONG Rob?" malinaw na nababasa ni Euna sa screen ng phone ni Red ang pangalan ni Manong Rob.
Tumatawag 'to sa jowa niya na naliligo naman ng mga oras na 'yon. Napalingon tuloy si Euna sa pintuan ng banyo kung sa'n nando'n si Red.
Oo, naliligo 'to ro'n sa bahay niya. Minsanan ay natutulog si Red sa kaniya. Adult naman na sila. At ang mga bagay na gano'n ay napag-uusapan at pinagkakaunawaan ng mga adult na nasa isang open relationship na tulad nila ni Red.
At isa pang oo, nasa gano'ng level na ang relasyon nila ni Red. Na nag-s-sleep over na 'to sa kanila nga paminsan-minsan lalo kung inabutan na 'to ng bagyo sa pagde-deliver. Alam naman ni Euna hindi niya naman pagsisisihan ang desisyon na 'yon dahil iba si Red sa mga naging nobyo niya sa nakalipas. Sabi niya nga ay open naman ang kanilang relasyon at mga adult na sila.
Anyway, kahit nagtataka siya sa biglaan na pagtawag ni Manong Rob kay Red, binalewala niya na lang 'yon. Hangga't maaari kasi ay ayaw niya sanang i-entertain ang mga kapraningan niya. Mas lumalala lang kasi, na siyang hindi dapat kung gusto niyang maayos ang relasyon na mayroon sila ni Red. Isa pa ay wala namang problema sa kaniya kung nais tulungan ni Red si Manong Rob. Kung kakayanin natin tumulong sa paraan na alam natin, ba't hindi? Ang mundo ay puno na ng problema at pighati. Sa munting tulong na kaya natin ibigay, malaking bagay na 'yon para sa iba.
Napakunot-noo si Euna nang pukawin siya ng walang tigil na pagtawag ni Manong Rod. Kung gano'n na patuloy itong tumatawag, urgent siguro ang sadya?
Anong oras ba pumasok ng banyo si Red?
Hindi na niya halos namalayan. Usually, Red taking a bath at least 35 to 40 minutes. Ano kaya kung sagutin na niya ang phone?
"Babe? Who's that?"  Akmang sasagutin na ni Euna ang phone nang siyang labas ni Red mula sa banyo.
Nalingunan niya si Red na kakatapos lang maligo at nagpupunas ng basa pa nitong buhok.
"Ah, oo, si Manong Rob, Babe. Kanina pa tumawatag nga. Iniisip kong baka emergency kaya sasagutin ko na sana." Pinasya niya na iabot na lang kay Red ang phone.
"Thanks, babe," ani Red sa kaniya. Ngumiti ito pagkuwan at minuwestra sa kaniya na paraanin niya 'to at lalabas 'to ng bahay.
Isa sa napupuna ni Euna kay Red ay ang pagpapasalamat nito kahit sa simpleng bagay lang na tila 'yon ay normal na rito. Oo, ngayon lang siya nakakilala ng taong gano'n dahil sa iskwater na siya tumanda.
Napailing na si Euna, sinundan na lang niya ng tingin si Red, na lumabas nga ng bahay upang do'n kausapin si Manong Rob.
"ANO nga ang madalas mong sabihin sa sarili mo, Euna Del Fierro? Na praning ka madalas!" saad ni Reyna matapos nitong ilapag sa mesa ang dalawang tasa ng kape na tinimpla nito para sa kanilang dalawa.
Naikuwento niya na kasi kay Reyna ang mga bagay na napupuna niyang kakaiba kay Red, kamakailan. Mga bagay na maituturing niyang hindi naman talaga normal na.
Tulad na lang nang nakaraan na abutan niya si Red na beast mode habang may kausap sa phone niya. Hindi naman sa bawal magalit sa kausap o ano, alam niyang paminsanan ay hindi maiiwasan na may nakakaalitan tayo kahit sa telepono. Pero kasi, ang hindi normal para sa kaniya ay ang paggamit ni Red sa wikang English habang galit 'to na parang normal niya nang nagagamit ang mga wikang 'yon. As in, fluent!
"Ewan ko Reyna. Hindi naman sa naba- bother ako pero malabo kasi na makalimutan at balewalain ko ang mga narinig ko. Kahit sinasabi ko sa saril ko na hindi 'yon big deal, parang may nagtutulak sa'kin na i- big deal naman," pag-amin niya ng saloobin kay Reyna.
"Hindi ko rin naman sinasabi na mali ka sa pag-iisip mo nang ganyan Euna, kung ako rin naman ay mapapaisip kung gano'n na rin ang narinig ko kay Red. Aba, akalain mo, nakakapag- Ingles ng fluent. Paturo kaya tayo?" Nang hindi natawa man lang si Euna sa biro ni Reyna ay bumuntonghininga 'to at nagpatuloy, "Euna, ang sa akin lang, halos limang buwan na rin naman na mula no'ng maging kayo ni Red. Kung ano man ang sa tingin mo ay dapat niyang aminin sa'yo o sabihin, baka naman naghihintay pa ng tamang panahon o pagkakataon 'yong tao."
Si Euna naman ang napabuntonghininga sa sinabi ng kaibigan niya.
"Hay, naku, tama na 'yan ha, 'yaan mo, 'pag nakausap ko si Red ay magpapahaging ako na magsabi sa'yo at sasabihin ko na napapraning ka at mahirap nang mangyari 'yon," pagbibiro pa ni Reyna.
Tipid na ngumiti na lang si Euna. Alam naman niya kasing pinapagaan lang ng kaibigan niya ang nararamdaman niya kaya 'to nagbibiro.
Sana nga tama si Reyna. sana rin, kung ano man ang dapat na aminin ni Red sa kaniya ay hindi 'yon makakasira sa tiwalang binigay niya rito. Sa relasyon na mayroon sila. Napakabuting boyfriend ni Red pero alam niyang gaya ng tao ay walang relasyon na perpekto.
Pinapanalangin na lang niya na sana ay maliit na bagay lang ang kung anong pakiramdam na 'to na sumisira sa isip niya at pakiramdam. Dahil ayaw man niyang ilagay sa kukote niya, pumapasok sa isip niya ang mga posibilidad na baka...
"Saka, Euna, ang layo naman kasi niyang nilalaro ng utak mo 'no, alam mong rider ng Shopii 'yong isa, natural kahit paano naman ay Ingles ang ginamit na salita niya sa application form niyon panigurado."
E, bakit fluent nga magsalita ng English si Red? Marunong mag- English dahil sa natuto o pinag-aralan 'yon at fluent sa salitang 'yon ay magkaibang bagay kahit baliktarin niya pa ang utak niya sa kakaisip.
Nasa ganoong pag-iisip si Euna nang may pilit na sumisiksik sa kaniyang alaala... Kaagad naman siyang umiling upang mapalis kaagad 'yon sa isipan niya. Hindi niya na dapat na inaalala 'yon at mas lalong hindi niya dapat na ikonekta ro'n ang mga pagdududa niya kay Red.
Ah, mas lalong hindi niya dapat na pagdudahan ang nobyo. Hindi 'yon maganda para sa nais ng lahat na healthy relationship. Siya lang talaga 'tong praning.