"SIGURADO ka na ba sa desisyon mo?"
"Opo, Tita Euna."
"Hindi naman sa inaawat kita ah, kasi ikaw naman ang pinag- desisyon ko at kaligayahan mo rin ang mas iniisip ko." Gustong matawa ni Red sa sinabing 'yon ni Euna.
Paano ba naman, hindi raw nito inaawat ang pamangkin na si Nica pero halos hindi naman mabitawan ang kamay ng pamangkin nito at tila ayaw paalisin.
"Tungkol nga pala sa kasal niyo, sana maintindihan mo 'ko na hindi ko mapapayagan sa ngayon ang kasalan at mga bata pa kayo. P'wede pang magbago ang feelings niyo. Alam mo naman, 'di ba? Ako nga, akala ko mamamatay na 'ko nang iwan ako ng ex ko dahil sobrang minahal ko 'yon pero hanggang ngayon, buhay pa naman ako. Ni hindi ko na nga maalala kung anong nagustuhan at minahal ko ro'n."
Napaismid si Red sa narinig mula kay Euna. Pati ba naman ang ex nito ay nabanggit pa. Si Euna talaga...
Natatawa naman na niyakap ni Nica sa huling pagkakataon si Euna. Nakalabas na kasi sila ng bahay. Sasakay na sina Jaz at sa owner na dala ni Red, siya ang maghahatid sa dalawa sa apartment kung saan titira na si Nica kasama nila sa bahay ni Jax, at magsasama na nga ang mga 'to sa iisang bubong gawa nang bunti na si Nica.
Wala na rin namang nagawa si Jax at nariyan na. Sabi pa nga nito ay gano'n din daw 'to kapusok noon. Sana nga raw ay hindi magbago ang mga nararamdaman ng mga bata na tulad nito at ng nanay ni Jaz. Kaya single father ang kaibigan niya ngayon dahil bata rin nang mag-asawa't magkaanak, maaga na nagbago ang nararamdaman ng mga 'to hanggang sa nagpasya nang maghiwalay nga.
Yes, talking about history repeat itself. Gano'n kasarap na hamunin ng suntukan ang tadhana minsan talaga.
"Ang mga bilin ko, Jaz ah, hindi kumakain ng sinigang si Nica at paksiw. Lalo na siguro ngayon na buntis siya."
"Noted, Tita Euna."
Lihim na napailing na lang si Red dahil larawan ng isang ulirang ina si Euna sa pamangkin hanggang sa huli na pumayag na 'tong ipaubaya sa ibang kamay ang pangangalaga sa pamangkin.
"PAANO mo pa nagagawa na maaalala 'yon, e, mas gwapong 'di hamak ang manliligaw mo ngayon kaysa ro'n sa ex mo naman ah."
Nalingunan ni Euna si Red na parang batang nakanguso. "Huh?" Maang-maangan na tanong niya kahit narinig naman niya ang sinabi nito.
"Hay, nako, Euna! 'Pag ikaw, kinabagan d'yan sa pag-nga-nga mo! Hinay-hinay naman sa pagnga-nga 'pag nakikita mo 'ko."
Aba't! "Ulul! Ingat ka sa pag- drive at kasama mo ang pamangkin ko ha, naku ka, Red! Sinasabi ko sa'yo. Ingatan niyo si Nica. Medyo maarte ang pamangkin kong 'yon pero mabait naman 'yon. Maarte lang din talaga sa ulam 'yon minsan. Medyo ayaw rin ng isda..."
At hayun na naman ang litanya ng certified tita.
Natigilan si Euna nang hindi kumibo si Red at nakangiti lang na pinagmamasdan siya habang naglilitanya siya. "B-Bakit ganyan ka makatingin?"
Bumuntonghininga si Red at namewang. "Euna Del Fierro, ipapaalala ko lang po sa'yo, na hindi na minor ang pamangkin mo, 19 na 'yon."
"At? Ano naman?"
At ano naman daw, hay, ang cute lang talaga ng babaeng 'to.
"Don't get me wrong, Euna, pero matanong nga kita, noong ikaw ba ang nasa ganoong edad no'n, hindi mo pa ba kaya ang sarili mo?"
"S'yempre hindi! Disisais pa lang, nagtatrabaho na ko. Naglalako, rumaraket ng laba at plantsa para mabuhay ang mga pamangkin ko. Hindi nga ako nakakapasok sa school no'n dahil sa pagtatrabaho- e, teka, ano naman sa'yo ngayon, ha?" Tinumbasan ni Euna ang pagpamewang ng damuhong si Red sa kaniya.
Damuhong cute pa naman sana... Lalo na at tinatangay ng hangin ang may kahabaan na buhok nito ngayon...
G'wapo si Red, oo na. Kaya maano ba na titigan niya 'to kahit sandali lang. Naroon pa rin ang kaba at kakaibang pakiramdam niya sa tuwing masasalubong niya ang titig ni Red, pero ewan ba niya, parang iba ngayon e. Hindi niya nga lang maipaliwanag pero parang ang warm at calm ng feeling niya ngayon na kaharap si Red at pinagsasawa niya ang mga mata niya sa g'wapong mukha nito.
"Ang sa akin lang-" Hindi pa tapos magsalita si Red ay tinalikuran na siya ng kausap! Dinidismiss na siya!
Hindi niya tuloy napigilan ang sarili na hapitin si Euna sa braso nito upang maiharap niya 'tong muli sa kaniya. "Wait lang." At para hindi makapiglas si Euna, nilapat niya ang chin niya sa balikat nito. Nang hindi umangal si Euna sa ginawa niya ay lihim siyang napangiti.
"Ano ba ang gusto mong sabihin, Red?"
"Hmn, listen, Euna, alam mo ba na ang suwerte nila sa'yo, nila Nica, ng mga pamangkin mo, ang suwerte nila na ikaw ang naging tita nila. Proud kaya si Nica sa'yo. Kinuwento ka niya sa amin ni Jax kanina. Hindi ka nagkamali ng pagpapalaki sa kanila."
"At ano naman ang pinupunto mo sa sinasabi mong 'yan, aber?" Tanong ni Euna, sabay hinarap nito si Red.
Kinuha ni Red ang palad niya't tinitigan siya sa mga mata. "Miss Euna Del Fierro, my point is, will you please learned to stop worrying for the things na hindi mo na kontrolado? Na huwag mo naman sanang kalimutan ang sarili mo. Na mahalin ang sarili mo."
Natigilan na si Euna pagkasabi ni Red niyon. Ilang minuto lang silang nagkatitigan habang hawak nila ang mga palad ng isa't-isa.
Patlang. Kung ilang segundo ay mga pintig ng mga puso lang nila siguro ang makakabilang.
Parehong masasalamin sa kanila na walang may gustong magreklamo kahit hanggang mamaya ay nasa gano'ng posisyon sila.
Masarap kasi 'yon sa pakiramdam.
Masarap titigan si Euna, kahit hindi pa rin nito inaayos ang buhok nitong gulo-gulo ang pagkakapusod at nililipad na 'yon ng mabining hangin sa hapong 'yon.
Gayundin si Red, kay sarap nitong titigan habang nakangiti at maaliwalas ang bukas ng mukha.
"E, paano kung ayaw ko, Red?"
Red let out a breathe. Hay, bukod sa unique ang ugali ni Euna, unique rin sa katigasan ang ulo nito! Pero hindi siya susuko na ipaunawa rito ang point niya. Never. "Euna, ganito kasi yan..."
"Paano kung ayaw kong piliin na mahalin ang sarili ko kasi mas gusto ko naman na piliin ngayon ay ang mahalin ka? Bawal ba 'yon?"
Ang dagundong ng kabog ng dibdib ni Red sa mga oras na 'yon ay bumingi na yata sa kaniya... "W-What?"
"Wala! Red, sabi ko, lumayas ka na! Salamat sa milk tea na pasalubong mo kay Ian at Arabella, siya nga pala, nakalimutan kong magpasalamat para ro'n." Binawi ni Euna ang palad niya sa pagkakahawak ni Red do'n. Saka tumalikod ulit.
But of course, hindi naman hahayaan ni Red na basta na lang 'to umalis pagkatapos na payanigin nito ang tibok ng puso niya.
At hindi naman siya bingi! For pete's sake!
Hinaklit niya ulit si Euna sa braso, this time ay iniharap niya 'to sa kaniya at pinagpingki niya ang mga ilong nila habang pareho na silang nakangiti nang malapad. "Narinig ko po 'yon. So, tayo na?"
Inilayo ni Euna ang mukha niya kay Red at mahina niyang pintik 'to sa ilong. "Naku ka, Red, pasalamat ka talaga at g'wapo ka-" Naputol na ang iba pang sasabihin sana ni Euna, dahil hinalikan na siya ni Red.
Awtomatikong pumaikot at ang mga braso ni Euna sa leeg ni Red. At awtomatiko rin na nagkakatawanan sila sa tuwing naghihiwalay ang kanilang mga labi para sumagap ng hangin at muling magpipingki ng mga labi na animo ayaw na nilang bitiwan ang paghalik sa isa't-isa.
Nanlaki ang mga mata ni Euna nang maramdaman niyang umaangat ang mga paa niya- binuhat siya ni Red habang walang tigil ang mga bibig nila sa paghahalikan sa bawat isa...
Sa kulay kahel na pag-aagaw ng liwanag at dilim sa langit nang hapong 'yon, masaya sila na nagtawanan habang naghahalikan. Mas natawa pa sila nang may dumaan na tren sa riles at bumusina 'yon nang pagkalakas na parang nakikisali sa masayang puso nila.
Oo, siya naman. Siya naman muna. Tama si Red at Reyna. At ito pa lang ang simula. Pagbubukas 'to ng bagong kabanata sa buhay niya na kasama si Red. At kung saan man sila dalhin ng parehong nararamdaman nila ngayon, sana ay hanggang dulo 'yon. Sana this time, pang habambuhay na. Kahit alam naman ni Euna na ang lahat ng nagmamahal ay nasasaktan, ayos lang, basta bandang huli ay kasama niya pa rin si Red sa sakit na 'yon.
NATUWA si Reyna nang makita niyang finally ay sinagot na ni Euna si Red. Finally, nakinig na rin ang kaibigan niya sa kaniya. Masyado na 'tong natuon sa mga pamangkin nito at kinalimutan na ang sarili.
Hay, Euna Del Fierro, sa wakas ay hindi mo na pinairal ang tigas ng ulo mo ngayon. I'm happy for you.
Nang una niyang makita kung paano magtitigan sina Euna at Red, alam niyang sila na ang para sa isa't-isa. Hindi naman siya pinahiya ng instinct niya. Mas lalong hindi pa siya pinapalya ng kaalaman na tinalikuran na niya matagal na panahon na. Kung saan nakita niya na malaki man ang magiging balakid sa relasyon nina Red at Euna ay malalagpasan naman nila 'yon basta manatili lang silang nagmamahalan.
Hay, kung saan-saan na napunta ang isip niya.
Napailing na lang si Reyna at sa huling beses ay nakangiti na lang niyang tinanaw sina Red at Euna na masyang naghaharutan bago niya pinasya na tumalikod na.
Hahayaan na niya muna slang nga 'to sa moment nila na 'yon. Makakapaghintay naman sina Jaz at Nica. Sasabihin na lang niya na busy pa ang driver ng mga 'to sa panliligaw na mukhang may aanihin na.
May inani na.