LAKAD takbo ang aking ginawa upang maabutan ang bus. Nakipagsiksikan na rin ako upang hindi ako mapag-iwanan.
Tumunog ang aking cell phone sanhi na may tumatawag. Sinagot ko agad 'yon nang makita kong si mama ang tumatawag.
"Hello po Ma? Papasakay pa lang ng bus. Opo, mag-iingat po ako. I love you too." Mabilis kong ibinulsa ang aking cell phone at handa ng makipag gitgitan muli nang mapansin kong tanggal ang sintas ng sapatos ko.
Ibinaba ko ang aking mga hawak sa tabi 'tsaka lamang ako yumuko upang maisintas ang aking sapatos.
Naisintas ko ng mabilisan ang isang sapatos at handa ko nang isintas ang kabila nang may pumisil sa aking p'wetan. Nanlaki agad ang aking mga mata dahil sa pangyayaring 'yon. Mabilis akong bumaling sa aking likuran.
Pero nang lumingon ako ay may nakita akong dalawang babae sa tabi ko, isa sa harapan at may nag-iisang lalaking nakatayo sa may bandang likuran at siya ang aking pinang hihinalaang humawak sa aking pang-upo.
Mabilis akong lumapit sa kaniya at sinugod ko siya ng suntok sa mukha. Halatang nagulat siya dahil nanlaki ang kaniyang mga mata. Nakahawak na siya sa kaniyang pisnge kung saan ko siya sinuntok.
"What is your f*cking problem, miss?" Sigaw niya dahil sa gulat.
"Wala akong problema pero baka ikaw mayroon! Anong karapatan mo para pisilin ang p'wetan ko?!" Sigaw ko pabalik sa kaniya.
"What?! I don't know what you're talking about!" Pagtatanggi niya.
"'Wag mo akong ma-english english diyang hinayupak ka! Ipapakulong kitang manyakis ka! Ilan na ba ang nabiktima mo ngayong araw ha?! Sigurado akong marami ka ng nabiktima!" Lakas loob kong sigaw sa kaniya.
Kahit may hitsura pa siya ay hindi ko ito-tolerate ang isang tulad niya. Kahit pinagtitinginan na kami ng mga tao sa paligid ay wala na rin akong pakialam basta't matiris ko lang 'tong hinayupak na 'to. May napapatigil din sa paglalakad para lang tignan kami ng pervert na 'to at mayroon din namang nag vi-video sa aming dalawa at hindi na rin ako magtataka kung magvi-viral man kami sa social media pagkatapos nito.
"What a crazy woman," Bulong niya.
"Crazy? Ako pa itong sinabihan mong baliw?" Turo ko sa sarili ko, "Gago ka pala e!"
"That is your problem, not mine. Why don't you cover yourself well? Wearing a short was not suitable for you. Try to wear a pants to cover you up properly."
"Alam mo! Gag* ka! Wala kang pakialam kung ano ang dapat kong isuot, kahit mag panty at bra lang ako dito ay wala kang karapatang hawakan ako lalo na kung sa maselang parte!"
"Hmm... I don't f*cking care about what you--"
"Don't english me! Don't say f*ck because f*ck you, sagad!"
Kumunot ang kaniyang noo 'tsaka siya umiling, handa na siyang lumakad para siguro umalis at takasan ako pero agad kong hinarang ang kaniyang dinaraanan.
"Saan ka pupunta? Tatakas ka 'no?! Hindi ka pa umaamin na ikaw ang pumisil sa p'wetan ko!" Galaiting sigaw ko sa kaniya at dinuro ko na rin siya para effective 'yong galit ko.
"No, bakit ko naman gagawin 'yon, maliit lang naman 'yan." Tanggi niya ulit 'tsaka niya itinaas ang dalawang kamay na parang sumusuko.
"Anong hindi at saka anong maliit?! Hoy excuse me lang ha?! Ikaw lang naman 'yong malapit sa akin kanina, alangan naman siya?!" Turo ko sa babaeng nasa harapan. "O sila?!" Turo ko sa dalawang babae na ngayon ay nakatingin na sa amin pero umiling-iling naman ang dalawa na parang sinasabi na hindi sila ang gumawa.
Bumaling ulit ako sa hinayupak na lalaki at kitang-kita ko kung paano tumaas 'yong sulok ng labi niya.
"Baka nga sila." Nakangisi niyang sabi.
"Anong sila?! Mas malayo sila kaysa sa'yo Gag* 'to, ipapakulong kita!"
"Paano? May ebidensiya ka ba?"
"W-wala pero alam kong ika--"
"Nakita mo ba?"
"Oo!"
"Oh? Bakit hindi ka umilag?"
"Tarantado ka pala e!"
"Na ah! 'Wag ka na kaseng mag sh-short ng maiksi kung ayaw mong mahipuan, kita mo 'yan oh. nag-iiskandalo ka dito kase na hipuan ka."
"Wala akong panahon para mag-iskandalo dito kung hindi mo talaga ako hinipuan!"
"So, ngayon may panahon ka na kase nahipuan ka?"
Napahilamos ako sa sarili kong mukha at inambahan siyang susuntukin pero na pigilan niya ako.
"Isang suntok mo pa sa akin, ikaw ang kakasuhan ko. May ebidensiya ako, ikaw wala." Tumingin pa siya sa paligid namin para ipamukha sa akin na may mga taong nakakakita sa ginagawa ko.
Ginalaw ko ang aking panga dahil sa namumuong inis para sa lalaking kaharap ko. Napakagat pa ako sa ibabang labi dahil sa pang gigigil sa kaniya. Dahan-dahan kong ibinaba ang aking kamao na gusto ko nang ilapat sa pagmu-mukha niya. Huminga ako ng malalim para pakalmahin ang sarili.
"Wala ka namang ebidensiya para akusahan ako, miss. Isa pa, kung ayaw mong nababastos 'wag kang magshort ng maikli."
"Eh kung bigwasan ko 'yang ulo mo tapos sabihin kong kasalanan mo dahil hindi mo tinakpan?!"
"Magkaiba 'yong si--"
"Magkaiba nga pero inihalimbawa ko 'yon para maintindihan mo! Pero mukhang 'di mo rin naman naiintindihan dahil isa kang pervert! Hindi ko problema kung bakit may mga taong manyakis na tulad mo at mas hindi ko problema 'yong mga taong nagto-tolerate sa mga tulad niyong pervert! Kayo ang problema hindi ako o kami! Naiintindihan mo?! Hindi ako ang nagtahi ng mga sinusuot ko kaya wala kang karapatang bastusin ako!"
Parang wala siyang narinig sa mga sinabi ko dahil bigla na lang niya akong iniwan at dumiretso ng sakay sa bus. Wala na rin akong choice kundi ang sumakay sa nag-iisang bus dahil kung hindi baka gabihin ako nang-uwi. Hindi ko na lang rin pinansin 'yong mga taong nasa paligid.
Humanda talaga siya sa akin dahil ipapakulong ko siya kahit wala akong ebidensiya! Punyeta! Bakit naman kase wala akong ebidensiya? Pero kahit na! Alam ko kahit wala akong ebidensiya maipapakulong ko pa rin siya at sisiguraduhin kong makukulong ang hinayupak na 'yon.
Ang pervert na 'yon! Anong akala niya sa akin, maiisahan niya ako? Pagbaba namin dito sa bus siguradong sa presinto ang bagsak niya! Lalaban ako para sa kababaihan, lalaban ako! Oo tama, lalaban ako! Lalaban ako! Lalaban ako! --- Okay tama na, sumobra na. Hindi ako magpapatalo sa lalaking 'yon kahit siya pa ang pinaka mayamang tao sa mundo hindi ako natatakot sa kaniya, hindi ko siya u-urungan!
Napaka sinungaling niya para itanggi na hindi siya ang pumisil sa p'wetan ko! Ang kapal ng mukha niya, matapos niya akong hipuan iiwan niya ako na parang walang nangyari?! Sige lang pervert, Namnamin mo muna sa palad mo 'yong pagpisil mo sa p'wetan ko. Namnam now presinto later.
At dahil puno na ang bus at wala ng bakanteng upuan sa loob nito ay wala na rin akong pagpipilian pa kundi ang tumayo dahil kung mag-iinarte pa ako siguradong ga-gabihin ako sa daan bihira pa naman ang bus ngayon.
At kamalasmalasan nga naman ay nagkatabi pa kami ng tayo ni pervert.
Pinanlakihan ko siya ng mata at itinapat ko ang dalawang daliri sa aking mata at itinutok ko ito sa kaniya tandan nito na babantayan ko ang bawat kilos niya pero imbis na matakot ay ngumisi lang siya sa akin at pangiti-ngiti pa siyang nag-iwas ng tingin.
'Humanda kang maniyak ka, Pagbaba natin dito, sa presinto ang bagsak mo!'
Habang bumabyahe ang bus patungo sa paroroonan nito ay hindi maiwasang magkadikit ang aming mga balat lalo na sa tuwing lumiliko 'yong bus kaya mas lalo pa kaming nagkakadikit sa isa't-isa pero sa tuwing nagkakadikit kami ay mabilis akong dumidistansiya sa kaniya.
At habang nasa lubak na kalsada ang bus hindi rin maiwasan ang pag aldag ng aking hinaharap. Napansin kong patingin-tingin ang lalaki sa aking hinaharap kaya nang magtama ang tingin namin pinanlakihan ko siya ng mata at siya na ang kusang nag-iwas ng tingin sa akin pero pangisi-ngisi naman. Sarap patikimin, Patikimin ng suntok ulit!
Napa-irap na lang ako sa hangin dahil sa kapervert-an niya.
Ilang minuto pa ang lumipas biglang prumeno ng malakas 'yong bus, nag sigawan ang mga tao sa loob pero mas ikinagulat ko ang biglang pagsubsob ng lalaki sa dibdib ko at ang pagpisil niya ulit sa p'wetan ko.
Kaya hindi ko rin masisisi 'yong sarili ko sa pagsigaw.
"Yawa! Manyakis ka talaga! tulong may maniyak dito! Bastos kang lalaki ka! Kanina ka pa, punong-puno na talaga ako sa'yong gago ka!" Sigaw ko at mabilis kong sinampal sa magkabilaang pisnge at hindi pa ako na kontento dahil sinuntok ko pa siya sa kanang mata at alam kong magma-marka 'yon ng black eye.
Sa pangalawang pagkakataon pinisil na naman 'yong p'wetan ko at sa i-isang tao lang din ang nagparanas sa akin nito take note, dinamay na rin niya 'yong dibdib ko para sulit.
"Araaayyy!" Ingit niya at hinawakan ang magkabilang pisnge habang nakapikit.
"How dare you to slap me?! Baliw ka bang babae ka? Hindi ako maniyak tulad ng sinasabi mo, malakas ang preno ng bus kaya nasubsob ako sa dibdib mo! Kaya wala akong kasalanan! Aksidente 'yon kaya inosente ako. Shit! My eyes!" Sigaw niya.
"Kaya sinamantala mo ang pagpisil sa pang-upo ko?!" Sigaw ko rin pabalik.
Gumalaw ang panga ko nang sumagot pa ang lalaki.
"Oo--este hindi 'no! Hindi ko naman pinisil 'yang matambok mong p'wet! Nahawakan ko lang dahil nga ang lakas ng preno. Magkaiba ang sinadya sa hindi sinadya!" pagdadahilan pa niya.
Kaya naman sinugod ko siya ng suntok at pinagpapalo sa dibdib dahil sa kasinungalingang taglay nito.
"Napakasinungaling mong maniyak ka! Anong gusto mong palabasin ha?! Na aksidente ang lahat?! Siraulo kang PERVERT ka!" Sigaw ko sa kaniya habang pinagpapalo at pinagsususuntok ito.