"The more you leave out, the more you highlight what you leave in."
SAMI ITALIA.
***
SABAY-SABAY kaming pumasok na lima sa loob ng classroom. Ngayon ko lang nalaman na nasa iisang section lang pala kaming lahat. Isama mo na ang maattitude na si Theia. Sabihin na nating 'Don't judge the book by it's cover.' pero base sa ipinakita niyang attitude kanina ay paniguradong siya iyong tipo ng babae na may pagka-bitch. Well hindi naman iyon mawawala sa isang grupo.
Pagkapasok namin sa loob ng classroom A01 ay tumahimik ang buong paligid.
Napaangat ako ng tingin at ngayon ko lang napansin na nasa amin ang atensyon ng lahat nang estudyante sa loob ng silid.
Deja vu?
Bakit ba sa tuwing nakikita nilang kasama ko sina Trevor ay napapatingin silang lahat sa amin? What's with them?
"Oh Alfas, nandito na pala kayo." napatingin ako sa boses babaeng nagsalita.
Nasa harapan ito at may hawak na chalk. Nakasuot siya ng salamin pero hindi pa rin maitatago ang tinataglay niyang kagandahan. Base sa pananalita at tindig niya ay isa siyang guro. Ngunit ganoon na lamang ang pagtataka ko.
Isa siyang guro? Pero bakit mukhang kasing edaran lang namin ito?
Tumingin sa akin ang babae at muntik pa akong magulat dahil sa kulay almond na mga mata nito.
I didn't see anything like that before. Ang almond na mata ay tanging mga foreigner lamang. Ibig sabihin ba no'n ay may halong banyaga ang guro naming ito?
Ngumiti ito sa akin at nagsalita ulit.
"You must be the new member of The Alfa?"
Hindi ko alam pero nanindig ang mga balahibo ko dahil sa lamig ng boses niya kahit pa nakangiti ito sa 'kin.
Narinig ko ang bulong-bulungan ng mga estudyante dahil sa sinabi ng gurong ito.
"Member siya ng Alfa? Paano nangyari 'yon?"
"Hindi ba, hindi na sila nagrerecruit?"
"Nakakainggit! I wanna be part of Alfa too!"
"Ano kayang misyon ang ginawa niya para mapabilang sa Alfa?"
"Ang ganda niya mga tol!"
"Tsk."
Napatingin ako kay Theia na nakapoker face na ngayon at dire-diretso ng umupo sa isang bakanteng hilera ng mga upuan.
Napakunot ang noo ko. Magkaiba ang upuan sa hilerang 'yon. Kung kulay itim ang mga upuan sa mga estudyanteng kaklase namin ay ibahin mo sa mga upuang hilerang 'yon. Dahil kulay pula ang mga upuang na sa hilerang 'yon at may mga tatak na A at kulay ginto sa gitnang bahagi ng sandalan ng mga ito.
"Why don't you introduce yourself to your classmates, Miss Groswell?"
Napatingin ako ulit sa guro at ganon na lamang ang pagtataka ko. How did she know my surname?
Ngumiti ito sa akin at inuwihistro ang kamay niya sa unahan na tila ba pinapapunta niya ako dito.
Bubuntong-hininga sana ako kaso biglang pumasok sa isipan ko ang boses ni Shenly kanina kaya naman wala sa sariling napakagat labi na lang ako at pumunta na sa itinuro ng guro.
I combed my hair using my right hand.
Nag-angat ako ng tingin at tumahimik ang buong silid at sa akin lang nakatuon ang atensyon ng mga ito.
Geez, ito ang pinaka-ayaw ko sa lahat. Ang introduce yourself.
Bakit pa kasi kailangan ng ganito kung makilala rin naman nila ako since magiging kaklase ko sila? Tsk.
"Hello everyone, my name is Addane Groswell. The new member of Alfa."
Again. Pagkatapos kong banggitin iyon ay nagbulong-bulungan na naman ang mga estudyante.
"Anong position niya?"
"Nakakainggit talaga huhu!"
"Infairness ang ganda niya."
"Sinabi mo pa! Pero sana hindi siya maging karibal natin kay Prince."
"Agree! Dahil kung hindi, ako mismo sisipsip ng dugo niya hanggang sa mangitim na ang buong ugat niya!"
"HAHAHAHA!"
Napataas ang kanang kilay ko sa mga narinig ko.
Position? Ano 'yon? Kailangan ba no'n?
Saka sinong Prince ang pinagsasabi nila na magiging karibal daw nila ako doon? Seriously? At anong sisipsipin ang dugo ko pagnagkataon? Baka gusto nila sila mismo ang tapusin ko. Aba hindi ako pumapatol sa mga katulad nila dahil maraming ganyan sa mga estudyante sa L.A pero kung ganyan na? Easyhan lang nila baka hindi ko sila matansya.
"You may sit now, Alfa's."
Tumango kami doon sa guro at nauna ng maglakad ang kambal na tumabi kay Theia. Habang ako ay tumabi kay Salli.
Napakunot naman ang noo ko ng hindi tumabi sa akin si Trevor, bagkus ay sa isang upuan siya umupo, which is may bakante sa gitna namin dalawa.
Anong arte nito?
Tumingin sa 'kin si Trevs na nginitian lang ako at nagbaling na ulit sa harapan.
"Nautusan lang 'yan."
Napatingin ako sa katabi kong si Salli ng magsalita siya. Nginitian niya ako at nginuso si Trevor.
"Bakit?"
"Nagtataka ka siguro kung bakit hindi siya tumabi sa'yo 'no?"
Napatango naman ako sa sinabi ni Salli. Bakit nga ba hindi? Ever since magkakatabi na talaga kaming tatlo nila Lili kaya malay ko ba dito sa isang 'to kung bakit hindi tumabi sa 'kin ngayon. I mean hindi naman big deal pero nakakapanibago lang.
Nasanay na akong katabi ko siya--sila.
"Nautusan lang 'yan kaya h'wag ka ng magtaka."
Napataas ang kilay ko sa sinabing iyon ni Salli. Napag-utusan nino? Saka si Trevor susunod agad sa utos ng kung sino? Kung kami nga minsan ni Lili e hirap utusan 'yan. The person who ordered him must be not just an ordinary one. O hindi kung sino-sino lang.
Nagkibit-balikat na lang ako at tumawa naman si Salli sa 'kin.
Tumingin na lang ako sa harapan ng magsalita ang guro.
" Buonasera everyone! I know all of you already know me but since we have a new student, I will introduce myself." sabay tingin pa nito sa 'kin at tinuloy na ang sasabihin, "I am Miss Sami Italia or also known as, The Head of Golden V University on Italy. I am your History teacher for this year."
The Head of Golden V University on Italy? Ibig sabihin hindi lang sa Pilipinas mayroong GVU? kung hindi maging sa ibang bansa? Ibig sabihin ba no'n hindi lang basta-basta ang unibersidad na ito?
I mean, first Dad sent me here. Second, sinong matino ang mag-aaral sa ganitong eskwelahan? I mean, this school is surrounded by forest out there. Third, bakit may grupong kinabibilangan dito katulad na lang ng alfa na sinasabi nila Lili? Fourth, I have this feeling that this school is not just an ordinary school that I imagined.
Imagine all of the students here are so pale. Wala ba silang dugo sa katawan? Hindi ba sila naaarawan? Tapos 'yung klima pa nila dito ay malamig hindi katulad sa City na sobrang init. Dito, naka blazers pa ang mga estudyante dahil nga malamig.
Ano bang klase ang eskwelahan na ito?
Why dad enrolled me here?
Isa lang naman ang gusto ko e. Ang makapagtapos sa kursong doctor. Pero tingin ko ay hindi lang iyon ang makukuha sa paaralang ito.
This school is so weird. Even the students. And oh! Even my friends too!
*BLAG!*
"Buonasera, Mr. Damon and Ms. Mascotte."
Napaangat ako ng tingin dahil sa sinabing iyon ni Ms. Italia.
Pagkaangat ko ay saktong tumama ang tingin ko sa lalaking ngayon ay kakapasok lang sa loob ng classroom wearing his famous poker face.
Napatingin naman ako kay Lili na nagkakamot-kamot sa batok niya habang nakatingin kay Ms. Italia.
Saan sila nanggaling at bakit ngayon lang sila?
Besides kung nandoon pa rin sila nanggaling sa dormitoryo--- It's impossible na makapunta agad sila dito dahil medyo malayo-layo ang dorm hanggang dito. Imposible din namang tumakbo sila dahil base sa itsura nila wala namang bahid ng pagod o pawis man lang.
Sa bagay, sino ba namang pagpapawisan sa ganitong kalamig na lugar? Hays Addane na saan ba ang utak mo?
"Uy Dane, ayos ka lang?"
"H-ha?"
Nagbaling ako sa kanang katabi ko-- which is si Salli.
Nakatingin siya sa 'kin at tila pinipigilan lang na matawa.
"Are you fighting with yourself or what?"
Namula naman ako sa sinabi nito.
Nakakahiya!
Ano ba 'yan Addane, ka first day - first day pa lang ang dami mo ng kahihiyan.
Tumingin ako sa kaniya at alanganin na ngumiti.
"Nope, bakit?"
Napailing na lang siya at natatawa-tawang nagbaling na lang ulit sa unahan.
Tumingin na lang ulit ako sa unahan kung saan nakatayo pa rin sina--
"Are you okay?"
Halos mapahawak ako sa dibdib ko sa sobrang gulat.
Sino ba namang hindi?
E' kanina lang ay nasa harapan pa silang dalawa. Tapos ngayon nandito na agad sila sa harapan ko. Fudge! Ano sila si the flash?
"Uy Dane,"
Napatingin ako ulit kay Salli ng sikuhin niya ako. Pinanlakihan niya ako ng mata at nginuso si Tred na nasa harapan ko.
Napapalunok na tumingin ulit ako sa harapan ko at nakita ko si Tred na seryosong nakatingin sa 'kin.
"A-ayos lang ako."
Tumango ito at walang sabi-sabing umupo na sa katabi kong bakanteng upuan.
Napatingin naman ako kay Lili at napailing-iling ito habang may ngiti sa kaniyang labi.
Bakit? Anong meron?
***
MAHIGIT isang oras't kalahati na ang nakalipas pero nandito pa rin kami sa classroom at hanggang ngayon ay hindi pa rin tapos ang history.
Seriously, ilang oras ba ang kada subject dito? At saka sa pagkakatanda ko ay walang subject na History sa kinuha kong kurso. Besides, kung tutuusin ay hindi na nga nasunod ang schedule na nakalagay sa envelope na 'yon. Dahil anong oras na! Maghahating gabi na nga ata dahil ang dilim na sa labas ng bintana.
Fudge! Sinong matinong mag-aaral ang papasok ng ganito ang schedule? Seriously gabi?
Dad ano ba itong pinag-enrollan mo sa 'kin?
Hindi ko alam kung anong mararamdaman ko. Feeling ko pinaasa niya lang ako sa kursong inenrolled niya sa 'kin.
"Stop overthinking."
Napakunot ang noo ko ng may marinig akong boses mula sa isipan ko. Ang boses na 'yon. It's a manly and cold voice, no other than Tred.
Tumingin ako sa tabi ko at nakita ko si Tred na ganoon pa rin ang expression habang nakatingin sa harapan at nakikinig na tila ba walang ginawa.
Ang tanong meron nga ba?
Pero sigurado akong sa kaniya nanggaling ang boses na 'yon. Pero---seriously boses sa isipan ko lang? Siguro nga masyado lang akong paranoid dahil sa mga nasasaksihan ko ngayong araw.
First day ko pa lang sa paaralang ito pero tila napakarami ng nangyari.
Napailing na lang ako at napasuklay sa buhok gamit ang kanang kamay ko.
Tumingin na lang ako sa harapan at nilibot ang paningin sa buong classroom.
Kalahati lang ang nakikinig. Dahil ang iba ay may kaniya-kaniya ng mundo. Mayroong mga nagdadaldalan, naghaharutan, kumakain, nakatingin sa bintana habang may nakasukbit pang earphone sa tainga at mayroong mga nagbabasa lang ng pocketbook o hindi kaya'y nagse-cellphone lang.
Kung titignan mo sila ay tila mga natural na estudyante lang sa isang unibersidad pero kapag pinagmasdan mo ang tindig at kulay nila ay mapapa-isip ka kung ano ba talaga sila.
Alam ko sa sarili kong hindi sila normal. Bilang isang med student, kapag maputla ang isang tao it's either may sakit at malubhang karamdaman o kakaibang nilalang. Pero alam kong karamihan sa mga doctor ay hindi naniniwala sa mga ganoong 'Bagay' kung sa hula-hula o barang-barang nga ay kokonti at bilang lang ang naniniwala doon sa mga kakaibang nilalang pa kaya?
Base sa mga nakita ko, sigurado na akong hindi sila normal at magpapatunay na lamang ng tama ang nasa isip ko kung sasabihin at sasagot ng tama sa akin si Lili at Trevor sa oras na tinanong ko silang dalawa.
"Ang GVU ay nahahati sa iba't-ibang bansa."
Napatingin ako sa harapan at ganoon din ang iba pang may kaniya-kaniyang mundo kanina.
Napatigil sila at tila ba naging interesado sa sasabihin ni Ms. Italia.
"Ang pinaka main ng G.V.U ay nasa Italy pero dahil mas lumawak ang nasasakupan at dumami ang mga mag-aaral ng G.V.U rito sa Pilipinas ay ito na ang tila nagsisilbing main." napatigil si Ms. Italia at saglit na nagbaling sa amin at umupo sa mahabang table niya habang nakatingin sa aming lahat. "Pero kilalanin mang main ang nasa Pilipinas, para pa rin sa mga nakakatanda, ang Italy ang pinaka main dahil doon nagaganap ang pagpupulong at nandoon ang mga deity natin. Lahat ng makakapunta sa Italy ay pawang mga nakaitataas lamang. O hindi kaya'y isa sa miyembro ng Lynx Kingdom."
Tumigil si Ms. Italia at nag-umpisa na ang bulong-bulungan sa paligid.
Naging active ang mga estudyante dahil sa sinabi nito. Habang ako naman ay napakunot ang noo.
Lynx Kingdom? Deity?
Sandali nga---
Ang ibig niya bang sabihin ay Deity? As in Deity?! Yung mga may kapangyarihan at ano raw? Kingdom? Don't tell me isa iyong kaharian?
Is she out of her mind?
Sa tingin niya may maniniwala sa pinagsasabi niya?
I mean, c'mon! That plots are only exist on Fantasy World!
Siguro kung nasa edad pito o anim na taong gulang pa lang ako ay mangha-mangha na ako sa narinig sa kaniya.
Napapailing ako at napatingin sa mga kaklase kong tila paniwalang-paniwala sa sinabi ni Ms. Italia.
"Gusto ko na ulit makapunta sa Lynx Kingdom!"
"Kailan kaya ang sunod na pagsusulit?"
"Sana naman makasama na ako sa Alfa para makasama na ako sa misyon ng Lynx Kingdom! Balita ko'y napakaganda raw ng kaharian na 'yon."
"Sinabi mo pa!"
Napataas ang kilay ko at kumunot ang noo sa mga narinig.
Sandali--ibig bang sabihin ay totoo ang sinasabi ni Ms. Italia?
Pero paanong?
Tumingin ako sa harapan ko at nakita kong nakatingin sa akin si Ms. Italia at nakangiti.
Tila tumaas ang balahibo ko sa katawan at sunod-sunod na napalunok sa sarili kong laway.
Nag-iwas agad ito ng tingin sa 'kin at nagbaling sa mga kaklase ko.
"H'wag kayong mag-alala makakapunta na ulit kayo sa Lynx Kingdom."
Napasinghap ang mga estudyante at maraming natuwa at nagalak dahil sa narinig. Samantalang ako ay gulong-gulo na.
Anong mayroon sa Lynx Kingdom?
***